Sanghano 13
13
Didale ja Antiokia digala wasenga kwa walilingwa
1Hiko Antiokia muna didale da wanahina kukala na walaguzi na walangulizi, yuyo Barnaba na Simeoni yakemagwa Nigeri, na Lukio Mkirene, na Manaeni yakalile ndugu konghatombo wa Mtawala Herode, na Saulo. 2Wano vuwakalile womsanghanikila Mndewa na kusinda na nzala, Loho Yangʼalile kalonga, “Nitindimikileni Barnaba na Saulo kwa sanghana ija iniwakemele!”
3Baho vuwamalile kwikimila ukuja kuno wotambika, wawagelekela mikono muna gamatwi, wawagala mnzila.
Mwanza wa Kipro, Barnaba, Paulo na Marko
4Na hewo vuwagaligwe na Loho Yangʼalile, wahulumukila Seleukia; na kulawa hiko wachola mwibahali wavika Kipro. 5Vuwavikile Salami, wadisimulila Longa da Mulungu mzingʼanda za nhambiko za Wayuda; na Yohana kakala mtumikila wao.
6Vuwabitile hagatigati ya kisiwa chose, wavika Pafo; aho wamona munhu Muyuda mganga, mlaguzi wa utungulu, twaga jake Baryesu. 7Yuno kakala hamonga na liwali Sergio Paulo, munhu mwene fiyuko; na yuja liwali kawakema Barnaba na Saulo weze kumwake, kalonda kuhulika mbuli ya Mulungu. 8Komu yuja imganga Elima (kwa mzoko acho icho kihindukizo cha twaga jake) kebamilila nawo nghani, yolonda kumgela yuja iluwali moyo wa kuilema nhamanilo. 9Komu Saulo, iyo yuyo Paulo, kamemezwa Loho Yangʼalile, kambunhulila meso. 10Kalonga, “Gweye mwene kumema ubala na wiho wose, mwana wa mahoka, mndumu wa ihoko yose, huleka kuzivedula nzila za Mndewa zigoloke? 11Avo uteganye, mkono wa Mndewa wahachana hamwako, na gweye kogalamka mbugumbugu, sikuujone zuwa mazuwa gano.”
Mhunde lunhandabuyi lumgwila, lumgela ziza, kakala yozungulukazunguluka yozahila munhu wa kumgoga mkono na kumulongoza. 12Luwali yuja viyaviwene vitendeke, kakangawala kaditogola langukizo da Mndewa.
Mwanza wa Pisidia kuwapetela Wayuda
13Imala baho Paulo na wayage wengila mjahazi, walawa Pafo, wavika Perge, isi ya Pamfilia; hiko Yohana kawaleka, kabwela Yerusalemu. 14Na hewo wahalawa Perge, wabita hagati ya iisi, wavika Antiokia, wambo da Pisidia, wengila mwingʼanda ya nhambiko siku ya Sabato, wakala hasi. 15Vizimalile kusomigwa Nzuma na vivugulo vya Watulandagu, wakulu wa ngʼanda ya nhambiko wamtuma munhu kumwao kuwalongela, “Ndugu, kamba muhawa na mbuli ya kuwagangamaza wanhu wano, ilongeni!”
16Paulo kema wima na kuwahingila mkono, kalonga, “Mweye wambigalo Waisraeli, na mweye wadumba Mulungu tegelezeni! 17Mulungu wa lukolo luno lwa Israeli kawasagula tata zetu; na vuwakalile kuulilingwa isi ya Misri, kalumemeza lukolo nghani, kawalava kwa mkono winuligwe na kuwalongoza. 18Kawazaganya kuluwala kikomu cha miyaka milongo mine. 19Imala baho kabananga ngholo saba mwiisi ya Kanani, na isi yao kawengha tata zetu uhazi kikomu cha miyaka kamba miya ne na milongo mitano. 20Imala baho kaweka Walamuzi, kuvikila milongo ya Mtulandagu Samweli. 21Avija vuwapulile wagwelelwe mtawala, Mulungu kawagwelela Saulo mwanage Kishi, munhu wa lukolo lwa Benyamini, kikomo cha miyaka milongo mine. 22Na viyeshile kumsegeza hiyo, kamwinula Daudi yawe mndewa wao; viyemela kamsindila yolonga, Nimona Daudi mwanage Yese iyo munhu mwene kuunogeza moyo wangu, yonda yasanghane manogelwa gangu gose.
23Muna umulelo wa munhu yuno, Mulungu kawagalila Israeli Mgombozi, kamba viyaiduwile, iyo Yesu. 24Na heyo viyakalile hanalawilila, Yohana kawasimulila wanhu wose wa Israeli ikivugulo cha ubatizo wa kupepa. 25Kabili Yohana viyakalile yomambukiza sanghana yake, kalonga, Monyagiza niye nene yalihi? Niye si yuja yumbetaga; komu teganyeni, kokwiza imonga hachugu changu, na vilema niye sifanike kumdoholela vilatu vya mmagulu gake.
26Mowandugu zangu, mweye wana wa lukolo lwa Abrahamu, na mweye wadumba Mulungu, mbuli ino ya inghombola igaligwa kumwetu tweye. 27Kwa vija wenekaye wa Yerusalemu na iwakulu wao wose vuwalekile kumtanga Heyo, hebu malonga ga Walaguzi gasomagwa siku zose za Sabato, wamtagusa Yesu. 28Wagavikiza malonga gaja vuwampembele Pilato yamkome, viyemela hawachonile kilumbo cha kumdununza. 29Hata vuwamalile kugavikiza gose gayandikilwe, kahulumuswa mbiki na kutambalikwa mdikabuli. 30Komu Mulungu kamzusa kulawa kwa wafile. 31Koneka mazuwa bwando na waja wacholile nayo hamonga kulawa Galilea hata Yerusalemu; vilema awo wawo wasindi wake hakihanga cha wanhu wose.
32Avo tweye tomsimulilani kivugulo kinogile cha kilaga kija kiwagwelelwe tata zetu. 33Kwa mzoko viyamzusile Yesu, Mulungu kawavikizila wanetu kilagano hicho, kamba vigandikigwe muna Idenghelelo yekabili,
Gweye gwegwe Mwanangu,
niye lelo nikweleka.
34Kabili viyalongile, Nomwinghani mweye magweka Yangʼalile ga Daudi gadahika kutamanilwa, avo kalagila kuzuswa kwake mwiwafile, sikuyabwele mkola. 35Kwa mzoko hengine kalonga, Honda umulave ija iwako yongʼala, yawone ubananzi. 36Komu Daudi viyamalile kudihunganikila gweka ja Mulungu muna iwanhu wa mlelo wake, kawasa kekigwa hamonga na tata zake, kawona ubananzi. 37Komu yuno yazusigwe na Mulungu hawonile ubananzi.
38Avo na imanyike kumwenu, mwe ndugu zangu, kamba hiyo imsimulilwa yuyo segezelo ja matozo. 39Na ayo munhu yomtogola kopetigwa ihoko muna gamagweka gaja gose gampotile kupetigwa ihoko kwa Inzuma ya Mose. 40Teganyeni vino, kija kilongigwe na Mtulandagu,
41Loleni mweye wene dihweleza, mkanganye muyangayuke, kwa mzoko nosanghana mbuli siku zenu,
mbuli hiyo mweye wenyego honda mwitogole ngʼo,
na igambe munhu yawasimulileni nghani;
avo kivugulo hicho sikukimwizileni mweye!”
42Vuwakalile wosegela, wanhu wawapembela, weze kuwalongela malonga gano na sabato iyagwe. 43Na waja wakalile mngʼanda ya nhambiko vuwaimwagile, Wayuda na wadumba Mulungu bwando waigondanya na Paulo na Barnaba, na hewo walonga nawo, wawagela moyo wa kutindiwala muunozi wa Mulungu.
Walilingwa waubokela usenga unogile kubanza Wayuda
44Vivikile sabato iyagwe, wanhu bwando kamba wambo jose welundiza, wadihulike Longa da Mulungu. 45Komu Wayuda vuwawene didale, wona migongo na kugazela malonga galongigwe na Paulo, wabamila na kuliga. 46Baho Paulo na Barnaba walongile tobwatobwa, “Kikala kilaga, Longa da Mulungu dilongigwe kumwenu tanhu; komu mweye modisunghizila kutali; na ngelegeza za munda mmwenu hazigambile upile wa digunge. 47Avo teganyeni, towahindukila wanhu yungwa, kwa mzoko vivo tulongelwe na Mndewa,
Nikwika uwe mulangaza wa walilingwa,
ugalamke honelo jao wose, divike ikikomelezo cha isi.”
48Walilingwa vuwagahulike higo wadenghelela na kuditunila Longa ja Mndewa; iwo waja wasagulwe muugima wa digunge, wagalamka wanahina. 49Na longa ja Mndewa dibwililika muna iisi ija yose. 50Komu Wayuda wawafutula watwanzi wene nhogolwa mwa waja waigogile Inzuma, na wakulu wa diwambo, wawatindiliganya wanhu wawehile Paulo na Barnaba, wawalava mzizigililo za isi yao. 51Na hewo vuwawakunghunhilile mitimbwisi ya mmagulu gao, wachola Ikonio. 52Bali wanahina wenela kwimozamoza na Loho Yangʼalile.
ទើបបានជ្រើសរើសហើយ៖
Sanghano 13: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 13
13
Didale ja Antiokia digala wasenga kwa walilingwa
1Hiko Antiokia muna didale da wanahina kukala na walaguzi na walangulizi, yuyo Barnaba na Simeoni yakemagwa Nigeri, na Lukio Mkirene, na Manaeni yakalile ndugu konghatombo wa Mtawala Herode, na Saulo. 2Wano vuwakalile womsanghanikila Mndewa na kusinda na nzala, Loho Yangʼalile kalonga, “Nitindimikileni Barnaba na Saulo kwa sanghana ija iniwakemele!”
3Baho vuwamalile kwikimila ukuja kuno wotambika, wawagelekela mikono muna gamatwi, wawagala mnzila.
Mwanza wa Kipro, Barnaba, Paulo na Marko
4Na hewo vuwagaligwe na Loho Yangʼalile, wahulumukila Seleukia; na kulawa hiko wachola mwibahali wavika Kipro. 5Vuwavikile Salami, wadisimulila Longa da Mulungu mzingʼanda za nhambiko za Wayuda; na Yohana kakala mtumikila wao.
6Vuwabitile hagatigati ya kisiwa chose, wavika Pafo; aho wamona munhu Muyuda mganga, mlaguzi wa utungulu, twaga jake Baryesu. 7Yuno kakala hamonga na liwali Sergio Paulo, munhu mwene fiyuko; na yuja liwali kawakema Barnaba na Saulo weze kumwake, kalonda kuhulika mbuli ya Mulungu. 8Komu yuja imganga Elima (kwa mzoko acho icho kihindukizo cha twaga jake) kebamilila nawo nghani, yolonda kumgela yuja iluwali moyo wa kuilema nhamanilo. 9Komu Saulo, iyo yuyo Paulo, kamemezwa Loho Yangʼalile, kambunhulila meso. 10Kalonga, “Gweye mwene kumema ubala na wiho wose, mwana wa mahoka, mndumu wa ihoko yose, huleka kuzivedula nzila za Mndewa zigoloke? 11Avo uteganye, mkono wa Mndewa wahachana hamwako, na gweye kogalamka mbugumbugu, sikuujone zuwa mazuwa gano.”
Mhunde lunhandabuyi lumgwila, lumgela ziza, kakala yozungulukazunguluka yozahila munhu wa kumgoga mkono na kumulongoza. 12Luwali yuja viyaviwene vitendeke, kakangawala kaditogola langukizo da Mndewa.
Mwanza wa Pisidia kuwapetela Wayuda
13Imala baho Paulo na wayage wengila mjahazi, walawa Pafo, wavika Perge, isi ya Pamfilia; hiko Yohana kawaleka, kabwela Yerusalemu. 14Na hewo wahalawa Perge, wabita hagati ya iisi, wavika Antiokia, wambo da Pisidia, wengila mwingʼanda ya nhambiko siku ya Sabato, wakala hasi. 15Vizimalile kusomigwa Nzuma na vivugulo vya Watulandagu, wakulu wa ngʼanda ya nhambiko wamtuma munhu kumwao kuwalongela, “Ndugu, kamba muhawa na mbuli ya kuwagangamaza wanhu wano, ilongeni!”
16Paulo kema wima na kuwahingila mkono, kalonga, “Mweye wambigalo Waisraeli, na mweye wadumba Mulungu tegelezeni! 17Mulungu wa lukolo luno lwa Israeli kawasagula tata zetu; na vuwakalile kuulilingwa isi ya Misri, kalumemeza lukolo nghani, kawalava kwa mkono winuligwe na kuwalongoza. 18Kawazaganya kuluwala kikomu cha miyaka milongo mine. 19Imala baho kabananga ngholo saba mwiisi ya Kanani, na isi yao kawengha tata zetu uhazi kikomu cha miyaka kamba miya ne na milongo mitano. 20Imala baho kaweka Walamuzi, kuvikila milongo ya Mtulandagu Samweli. 21Avija vuwapulile wagwelelwe mtawala, Mulungu kawagwelela Saulo mwanage Kishi, munhu wa lukolo lwa Benyamini, kikomo cha miyaka milongo mine. 22Na viyeshile kumsegeza hiyo, kamwinula Daudi yawe mndewa wao; viyemela kamsindila yolonga, Nimona Daudi mwanage Yese iyo munhu mwene kuunogeza moyo wangu, yonda yasanghane manogelwa gangu gose.
23Muna umulelo wa munhu yuno, Mulungu kawagalila Israeli Mgombozi, kamba viyaiduwile, iyo Yesu. 24Na heyo viyakalile hanalawilila, Yohana kawasimulila wanhu wose wa Israeli ikivugulo cha ubatizo wa kupepa. 25Kabili Yohana viyakalile yomambukiza sanghana yake, kalonga, Monyagiza niye nene yalihi? Niye si yuja yumbetaga; komu teganyeni, kokwiza imonga hachugu changu, na vilema niye sifanike kumdoholela vilatu vya mmagulu gake.
26Mowandugu zangu, mweye wana wa lukolo lwa Abrahamu, na mweye wadumba Mulungu, mbuli ino ya inghombola igaligwa kumwetu tweye. 27Kwa vija wenekaye wa Yerusalemu na iwakulu wao wose vuwalekile kumtanga Heyo, hebu malonga ga Walaguzi gasomagwa siku zose za Sabato, wamtagusa Yesu. 28Wagavikiza malonga gaja vuwampembele Pilato yamkome, viyemela hawachonile kilumbo cha kumdununza. 29Hata vuwamalile kugavikiza gose gayandikilwe, kahulumuswa mbiki na kutambalikwa mdikabuli. 30Komu Mulungu kamzusa kulawa kwa wafile. 31Koneka mazuwa bwando na waja wacholile nayo hamonga kulawa Galilea hata Yerusalemu; vilema awo wawo wasindi wake hakihanga cha wanhu wose.
32Avo tweye tomsimulilani kivugulo kinogile cha kilaga kija kiwagwelelwe tata zetu. 33Kwa mzoko viyamzusile Yesu, Mulungu kawavikizila wanetu kilagano hicho, kamba vigandikigwe muna Idenghelelo yekabili,
Gweye gwegwe Mwanangu,
niye lelo nikweleka.
34Kabili viyalongile, Nomwinghani mweye magweka Yangʼalile ga Daudi gadahika kutamanilwa, avo kalagila kuzuswa kwake mwiwafile, sikuyabwele mkola. 35Kwa mzoko hengine kalonga, Honda umulave ija iwako yongʼala, yawone ubananzi. 36Komu Daudi viyamalile kudihunganikila gweka ja Mulungu muna iwanhu wa mlelo wake, kawasa kekigwa hamonga na tata zake, kawona ubananzi. 37Komu yuno yazusigwe na Mulungu hawonile ubananzi.
38Avo na imanyike kumwenu, mwe ndugu zangu, kamba hiyo imsimulilwa yuyo segezelo ja matozo. 39Na ayo munhu yomtogola kopetigwa ihoko muna gamagweka gaja gose gampotile kupetigwa ihoko kwa Inzuma ya Mose. 40Teganyeni vino, kija kilongigwe na Mtulandagu,
41Loleni mweye wene dihweleza, mkanganye muyangayuke, kwa mzoko nosanghana mbuli siku zenu,
mbuli hiyo mweye wenyego honda mwitogole ngʼo,
na igambe munhu yawasimulileni nghani;
avo kivugulo hicho sikukimwizileni mweye!”
42Vuwakalile wosegela, wanhu wawapembela, weze kuwalongela malonga gano na sabato iyagwe. 43Na waja wakalile mngʼanda ya nhambiko vuwaimwagile, Wayuda na wadumba Mulungu bwando waigondanya na Paulo na Barnaba, na hewo walonga nawo, wawagela moyo wa kutindiwala muunozi wa Mulungu.
Walilingwa waubokela usenga unogile kubanza Wayuda
44Vivikile sabato iyagwe, wanhu bwando kamba wambo jose welundiza, wadihulike Longa da Mulungu. 45Komu Wayuda vuwawene didale, wona migongo na kugazela malonga galongigwe na Paulo, wabamila na kuliga. 46Baho Paulo na Barnaba walongile tobwatobwa, “Kikala kilaga, Longa da Mulungu dilongigwe kumwenu tanhu; komu mweye modisunghizila kutali; na ngelegeza za munda mmwenu hazigambile upile wa digunge. 47Avo teganyeni, towahindukila wanhu yungwa, kwa mzoko vivo tulongelwe na Mndewa,
Nikwika uwe mulangaza wa walilingwa,
ugalamke honelo jao wose, divike ikikomelezo cha isi.”
48Walilingwa vuwagahulike higo wadenghelela na kuditunila Longa ja Mndewa; iwo waja wasagulwe muugima wa digunge, wagalamka wanahina. 49Na longa ja Mndewa dibwililika muna iisi ija yose. 50Komu Wayuda wawafutula watwanzi wene nhogolwa mwa waja waigogile Inzuma, na wakulu wa diwambo, wawatindiliganya wanhu wawehile Paulo na Barnaba, wawalava mzizigililo za isi yao. 51Na hewo vuwawakunghunhilile mitimbwisi ya mmagulu gao, wachola Ikonio. 52Bali wanahina wenela kwimozamoza na Loho Yangʼalile.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.