Sanghano 11
11
Petro kawasimulila wavyele mbuli za Kornelio
1Imala watumigwa na wandugu wakalile Uyuda wahulika kamba wanhu wali kunze ya Israeli nawo wadibokela Longa da Mulungu. 2Aho Petro heyezile Yerusalemu, wanahina waja wa Kiyuda webamilila nayo. 3Walonga, “Gweye kwingila mngʼanda ya wanhu hawengile kumbi, na kuja nawo.”
4Petro kandusa kuwasimulila ugaluga yolonga, 5“Vinghalile mkiwambo cha Yafa, kipigiti cha kumpula Mulungu, moyo wangu usinduka, nichona kiloto; kiya kihulumuka kamba guwo kulu kulawa kuulanga, kigogigwa misa mine, kimvikila. 6Nikilola nghani nikiwalanga; niyona mingʼonyo ya isi yene migulu mine na ya muhulo, na waja watambalaga, na ndege wagulukaga. 7Mhulika na dizwi dinongela, Inuka Petro, usike uje! 8Niye nonga, Aka mbe, Mndewa, kinhu cha ubweto hebu kichapalisi hakinakwingila mmulomo wangu. 9Dizwi dinidika mwanza wekabili kulawa kuulanga, Visunhigwe na Mulungu, gweye sikuuvilonge vichapalisi. 10Gweka dino ditendeka miyanza midatu, imala vinhu vyose vikwegigwa kabili uchana kuulanga.
11Mhunde lola wanhu wadatu wema hamulango wa ingʼanda, watumigwe kumwangu kulawa Kaisaria. 12Loho inongela, Wilongoze nawo, sukuubagule! Avo ndugu wano sita na hewo wachola hamonga na niye, twingila mngʼanda ya munhu yuja. 13Katusimulila viyamonile malaika yamulawile mngʼanda mmwake na kumulongela, Watume wanhu wachole Yafa, wamkeme Simoni yokemigwa Petro! 14Heyo kokupetela mbuli zonda zikuhonye gweye na wali mngʼanda yako wose. 15Baho vinikalile nilonga, Loho Yangʼalile yawahulumukile kamba vituhulumukilwe tweye ichanduso. 16Nimana kudikumbuka longa dija ja Mndewa diyalongile, Yohana kabanza na mazi; bali mweye mobatizwa na Loho Yangʼalile. 17Avo ihawa Mulungu kawengha na hewo nghangaza iija iyatwinghile tweye, na tweye tumtogola Mndewa Yesu Kristo, niye nayalihi, ndahe kubamila na Mulungu?”
18Vuwahulike malonga higo wavudala na kumtogola Mulungu, walonga, “Che, walilingwa na wawo Mulungu kawamotela wagaluke wawone upile!”
Didale ja Antiokia dimkema Saulo, digala ugozi Yerusalemu
19Basi waja wapwililike kilumbo cha mgaduko ulawilile na kija kifo cha Stefano, wahemela wavika Ufeniki, Kipro na Antiokia, wadisimulila dilonga mwa Wayuda waiyeka. 20Komu kukala na wanhu wa Kipro na Kirene, vuwavikile Antiokia, wawagendela Wagriki nawo, wowapetela mbuli za Mndewa Yesu. 21Na mkono wa Mndewa ukala hamonga na hewo, wanhu bwando wamana kuvumila na kumkoleleza Mndewa.
22Mbuli hizo zitangika na wanahina wakalile Yerusalemu, wamtuma Barnaba yachole Antiokia. 23Na heyo viyavikile na kuwona unozi wa Mulungu, kadenghelela, kawaswagiza waja watogole giladi wegondanye na Mndewa kwa moyo wose. 24Kwa mzoko Barnaba mwenyecho kakala munhu yaholile, yamemile Loho Yangʼalile na mhiko ya ngogelo; wanhu bwando wamana kugaluka na kumvumila Mndewa.
25Imala Barnaba kachola Tarso kumzahila Saulo. 26Viyamuwene, kamgala Antiokia, wakala hamonga na wanahina mwaka mgima, wamana kulangukiza wanhu bwando; avo aho Antiokia wanahina wandusa kukemigwa Wakristo.
27Mazuwa higo Walaguzi wavika Antiokia kulawa Yerusalemu. 28Vitwilundize, kema imonga wao, tagwa jake Agabo; kalagusilwa na Loho kamba yokwiza nzala nghulu muisi yose; nzala hiyo iyo ilawilile siku za Kaisari Klaudio. 29Waja iwanahina waigondanya, kila munhu viyamotelwe yalave mali, zonda zigaligwe kwa nghomalizo za wandugu wokala Uyuda. 30Wasanghana hivo, wawagalila Wavyele wa Yerusalemu kwa mkono wa Barnaba na Saulo.
ទើបបានជ្រើសរើសហើយ៖
Sanghano 11: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 11
11
Petro kawasimulila wavyele mbuli za Kornelio
1Imala watumigwa na wandugu wakalile Uyuda wahulika kamba wanhu wali kunze ya Israeli nawo wadibokela Longa da Mulungu. 2Aho Petro heyezile Yerusalemu, wanahina waja wa Kiyuda webamilila nayo. 3Walonga, “Gweye kwingila mngʼanda ya wanhu hawengile kumbi, na kuja nawo.”
4Petro kandusa kuwasimulila ugaluga yolonga, 5“Vinghalile mkiwambo cha Yafa, kipigiti cha kumpula Mulungu, moyo wangu usinduka, nichona kiloto; kiya kihulumuka kamba guwo kulu kulawa kuulanga, kigogigwa misa mine, kimvikila. 6Nikilola nghani nikiwalanga; niyona mingʼonyo ya isi yene migulu mine na ya muhulo, na waja watambalaga, na ndege wagulukaga. 7Mhulika na dizwi dinongela, Inuka Petro, usike uje! 8Niye nonga, Aka mbe, Mndewa, kinhu cha ubweto hebu kichapalisi hakinakwingila mmulomo wangu. 9Dizwi dinidika mwanza wekabili kulawa kuulanga, Visunhigwe na Mulungu, gweye sikuuvilonge vichapalisi. 10Gweka dino ditendeka miyanza midatu, imala vinhu vyose vikwegigwa kabili uchana kuulanga.
11Mhunde lola wanhu wadatu wema hamulango wa ingʼanda, watumigwe kumwangu kulawa Kaisaria. 12Loho inongela, Wilongoze nawo, sukuubagule! Avo ndugu wano sita na hewo wachola hamonga na niye, twingila mngʼanda ya munhu yuja. 13Katusimulila viyamonile malaika yamulawile mngʼanda mmwake na kumulongela, Watume wanhu wachole Yafa, wamkeme Simoni yokemigwa Petro! 14Heyo kokupetela mbuli zonda zikuhonye gweye na wali mngʼanda yako wose. 15Baho vinikalile nilonga, Loho Yangʼalile yawahulumukile kamba vituhulumukilwe tweye ichanduso. 16Nimana kudikumbuka longa dija ja Mndewa diyalongile, Yohana kabanza na mazi; bali mweye mobatizwa na Loho Yangʼalile. 17Avo ihawa Mulungu kawengha na hewo nghangaza iija iyatwinghile tweye, na tweye tumtogola Mndewa Yesu Kristo, niye nayalihi, ndahe kubamila na Mulungu?”
18Vuwahulike malonga higo wavudala na kumtogola Mulungu, walonga, “Che, walilingwa na wawo Mulungu kawamotela wagaluke wawone upile!”
Didale ja Antiokia dimkema Saulo, digala ugozi Yerusalemu
19Basi waja wapwililike kilumbo cha mgaduko ulawilile na kija kifo cha Stefano, wahemela wavika Ufeniki, Kipro na Antiokia, wadisimulila dilonga mwa Wayuda waiyeka. 20Komu kukala na wanhu wa Kipro na Kirene, vuwavikile Antiokia, wawagendela Wagriki nawo, wowapetela mbuli za Mndewa Yesu. 21Na mkono wa Mndewa ukala hamonga na hewo, wanhu bwando wamana kuvumila na kumkoleleza Mndewa.
22Mbuli hizo zitangika na wanahina wakalile Yerusalemu, wamtuma Barnaba yachole Antiokia. 23Na heyo viyavikile na kuwona unozi wa Mulungu, kadenghelela, kawaswagiza waja watogole giladi wegondanye na Mndewa kwa moyo wose. 24Kwa mzoko Barnaba mwenyecho kakala munhu yaholile, yamemile Loho Yangʼalile na mhiko ya ngogelo; wanhu bwando wamana kugaluka na kumvumila Mndewa.
25Imala Barnaba kachola Tarso kumzahila Saulo. 26Viyamuwene, kamgala Antiokia, wakala hamonga na wanahina mwaka mgima, wamana kulangukiza wanhu bwando; avo aho Antiokia wanahina wandusa kukemigwa Wakristo.
27Mazuwa higo Walaguzi wavika Antiokia kulawa Yerusalemu. 28Vitwilundize, kema imonga wao, tagwa jake Agabo; kalagusilwa na Loho kamba yokwiza nzala nghulu muisi yose; nzala hiyo iyo ilawilile siku za Kaisari Klaudio. 29Waja iwanahina waigondanya, kila munhu viyamotelwe yalave mali, zonda zigaligwe kwa nghomalizo za wandugu wokala Uyuda. 30Wasanghana hivo, wawagalila Wavyele wa Yerusalemu kwa mkono wa Barnaba na Saulo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.