Sanghano 10
10
Akida Kornelio kalawililwa na malaika; Petro kalangulizwa mwinzozi gaja goyolonda Yesu
1Kukala na munhu Kaisaria, twaga jake Kornelio, akida wa dale dikemagwa Kiitalia. 2Munhu muholo, mdumba Mulungu hamonga na ngʼanda yake yose, yakalile yowengha wanhu nhosa bwando na kumtambikila Mulungu mazuwa gose. 3Ija kamona malaika wa Mulungu muna zinzozi kibunubunu, mkipigiti cha saa kenda ya imisi, kamwizila na kumulongela, “Kornelio!” 4Kamulola nghani, kagwa kingudemo, kalonga, “Choni, Mndewa?” Kamulongela, “Nhambiko zako na nhosa zako zivika uchana hakihanga cha Mulungu, kagapeta. 5Avo wagale wanhu Yafa, wakamkeme Simoni yokemigwa Petro. 6Heyo yuyo muhenza wa munhu imonga tagwa jake Simoni msanghana mikwembe, ngʼanda yake yahabehi na ufuko, kokulongela gakwandame kusanghana.” 7Yuja malaika iyalongile nayo viyamalile kuchola, Kornelio kawakema wabili wa watumwa wake wa mngʼanda, na asikali imonga mdumba Mulungu, muna waja wamsanghanilaga mwenyecho. 8Avija viyamalile kuwasimulila magweka gose, kawatuma kuchola Yafa.
9Vivikile imitondo na hewo wochola mnzila, wosugila ikiwambo, Petro kakwela uchana kudigala kilingalinga cha saa sita, yampule Mulungu. 10Kalumwa na nzala nghani, kalonda yaje; vuwakalile womsanghanikila, kasinduka mloho. 11Kona ulanga ugubuka, na kiya kihulumuka kamba guwo kulu, dihulumuswa digogigwa misa mine, divikila hasi. 12Na muja mgati mmwake mkala mingʼonyo yose ina imigulu mine, na waja watambalaga na ndege wagulukaga. 13Imala dizwi dimwizila dilonga, “Inuka Petro, usike uje!”
14Petro kedika, “Aka bule, go Mndewa, sinakuja kinhu cha ubweto hebu kibanangwe.” 15Baho dizwi dimwizila mwanza wekabili, dimulongela, “Visunhigwe na Mulungu, gweye sikuuvilonge vichapalisi!” 16Gweka dino disanghanwa miyanza midatu; mhunde kiya kija kibokelwa kabili kuulanga.
17Petro viyakalile yogelegeza munda na kitupe mbuli ino mzoko wake uwo ulihi, lola waja wanhu watumigwe na Kornelio wema hamulango wauza ngʼanda ya Simoni. 18Walonga na kuuza, “Hambwe Simoni yokemigwa Petro kokala muno?” 19Petro viyakalile yogawalanga gaja gayonile, Loho imulongela, “Wabaho wanhu wadatu wokuzahila. 20Avo inuka uhulumuke, wilongoze nawo, sikuwone kinyolo, kilumbo niye nene niwatumile.”
21Petro kawahulumukila waja iwanhu kalonga, “Niye nene yumnizahila; mwizila choni?”
22Wedika, “Akida Kornelio, munhu mwene ihoko, mdumba Mulungu, na heyo Wayuda wose womwingha nhogo inogile, kalongelwa na malaika yangʼalile, kutuma wanhu kumwako, giladi wingile mngʼanda yake, yakategelegeze malonga gako.”
23Kawagomela wawe wahenza wake.
Petro viyagonekwe Mngʼanda ya Kornelio
Vivikile imitondo kahalawa kachola hamonga nawo, na wayagwe mwa iwandugu wokala Yafa welongoza nayo. 24Vuwavikile Kaisaria siku jekabili, Kornelio kakala yowabeta, kakala yawalundize ndugu zake na mbwiga zake. 25Na Petro viyakalile yokwingila, Kornelio kalawa yamuhingile na kumgwila magulu yokumbakumba. 26Bali Petro kamwinula kalonga, “Ima wima, niye na munhu kamba gwegwe.” 27Vuwakalile wolonga, kuno wokwingila mngʼanda, kawona wanhu bwando welundize. 28Kawalongela, “Mweye mvitanga kamba havilumbile munhu Myuda yegondanye na lukolo luyagwe hebu kuwezila; komu Mulungu kanizuma, sikunitende munhu wowose mbweto hebu mchapalisi. 29Kwa kilumbo hicho vuunghemile niza, silemile; avo nomuuzani, mbuli ilihi yumnghemele?”
30Kornelio kalonga, “Mazuwa madatu gabitile, muna isaa ino viili saa kenda, nghala nitambika mngʼanda yangu; mhunde lola munhu kema behi na niye, yavalile nguwo zimeluka. 31Kalonga, Kornelio, kupula kwako kuhulikwa, na nhosa zako zigelegezwa hakihanga cha Mulungu. 32Avo tuma wanhu wachole Yafa, wakamkeme Simoni yokemigwa Petro, kokala mngʼanda ya Simoni msanghana mikwembe, muufuko mhwani, na heyo yaheza kolonga nagwe. 33Mhunde nhuma wanhu kumwako, na gweye kutenda goya wizile; avo vino tweye chose twabahano behi ya Mulungu, tugategeleze malonga gose gaulagizwe na Mndewa.”
Petro kapeta mbuli za Yesu; mhome ya Kornelio
34Petro kananula mulomo wake kalonga, “Tawile novitambula kamba Mulungu halolaga kihanga cha munhu. 35Bali muna zingholo zose kila munhu yomdumba na kutenda ga ihoko, Mulungu kombokela.
36Mvitanga mbuli ija iyawagalile wana wa Israeli, kivugulo kinogile cha tindiwalo kisimulilwe na Yesu Kristo, na heyo yuyo Mndewa wa wose. 37Gweka dija mweye mdimanya, ditapakale muna Uyuda yose, jandusila Galilea aho, Yohana viyasingule wanhu. 38Kivugulo cha Yesu wa Nazareti, yuja Mulungu yamsagule yawe Mndewa, na kumwingha Loho Yangʼalile na mhiko; kabita hiko na hiko, yosanghana ganogile na kuwahonya wose wapagalwe na mizuka, kwa mzoko Mulungu kakala hamwe na heyo. 39Na tweye twa wasindi wa magweka gose gayasanghane muisi ya Wayuda na Yerusalemu, na vija vuwamkomile na kumtumbika mbiki. 40Heyo, Mulungu kamzusa siku yekadatu, kammotela kuwalawilila: 41si wanhu wose, komu wasindi waja wakalile wasaguligwe na Mulungu; iyo tweye tudile na kungʼwa hamonga na heyo, viyamalile kuzuswa kulawa kwa wafile. 42Katulagiza tuwasimulile wanhu na kusindila kamba yuno yuyo yekigwe na Mulungu yawe Mtagusi wawo wapile na wafile. 43Heyo, Walaguzi wose womsindila kamba munhu yomtamanila kosegezelwa matozo kwa tagwa jake.”
44Petro viyakalile yolonga malonga higo, Loho Yangʼalile kawahulumukila wose wadihulike dilonga. 45Baho waja wanahina wa Kiyuda wezile hamonga na Petro, wakangawala nghani kwa vija Mulungu viyawetile na walilingwa mhome ya Loho Yangʼalile. 46Kwa mzoko wawahulika vuwolonga na ulonzi uyagwe na kumtogola Mulungu. 47Baho Petro kedika, “Yalihi yodaha kugomesa mazi, wano sikuwabatizwe, ihawa wabokele Loho Yangʼalile wegambile kamba tweye?” 48Kalagiza wabatizwe kwa twaga ja Yesu Kristo. Na hewo wampembela yakale kumwao siku ndodo.
ទើបបានជ្រើសរើសហើយ៖
Sanghano 10: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 10
10
Akida Kornelio kalawililwa na malaika; Petro kalangulizwa mwinzozi gaja goyolonda Yesu
1Kukala na munhu Kaisaria, twaga jake Kornelio, akida wa dale dikemagwa Kiitalia. 2Munhu muholo, mdumba Mulungu hamonga na ngʼanda yake yose, yakalile yowengha wanhu nhosa bwando na kumtambikila Mulungu mazuwa gose. 3Ija kamona malaika wa Mulungu muna zinzozi kibunubunu, mkipigiti cha saa kenda ya imisi, kamwizila na kumulongela, “Kornelio!” 4Kamulola nghani, kagwa kingudemo, kalonga, “Choni, Mndewa?” Kamulongela, “Nhambiko zako na nhosa zako zivika uchana hakihanga cha Mulungu, kagapeta. 5Avo wagale wanhu Yafa, wakamkeme Simoni yokemigwa Petro. 6Heyo yuyo muhenza wa munhu imonga tagwa jake Simoni msanghana mikwembe, ngʼanda yake yahabehi na ufuko, kokulongela gakwandame kusanghana.” 7Yuja malaika iyalongile nayo viyamalile kuchola, Kornelio kawakema wabili wa watumwa wake wa mngʼanda, na asikali imonga mdumba Mulungu, muna waja wamsanghanilaga mwenyecho. 8Avija viyamalile kuwasimulila magweka gose, kawatuma kuchola Yafa.
9Vivikile imitondo na hewo wochola mnzila, wosugila ikiwambo, Petro kakwela uchana kudigala kilingalinga cha saa sita, yampule Mulungu. 10Kalumwa na nzala nghani, kalonda yaje; vuwakalile womsanghanikila, kasinduka mloho. 11Kona ulanga ugubuka, na kiya kihulumuka kamba guwo kulu, dihulumuswa digogigwa misa mine, divikila hasi. 12Na muja mgati mmwake mkala mingʼonyo yose ina imigulu mine, na waja watambalaga na ndege wagulukaga. 13Imala dizwi dimwizila dilonga, “Inuka Petro, usike uje!”
14Petro kedika, “Aka bule, go Mndewa, sinakuja kinhu cha ubweto hebu kibanangwe.” 15Baho dizwi dimwizila mwanza wekabili, dimulongela, “Visunhigwe na Mulungu, gweye sikuuvilonge vichapalisi!” 16Gweka dino disanghanwa miyanza midatu; mhunde kiya kija kibokelwa kabili kuulanga.
17Petro viyakalile yogelegeza munda na kitupe mbuli ino mzoko wake uwo ulihi, lola waja wanhu watumigwe na Kornelio wema hamulango wauza ngʼanda ya Simoni. 18Walonga na kuuza, “Hambwe Simoni yokemigwa Petro kokala muno?” 19Petro viyakalile yogawalanga gaja gayonile, Loho imulongela, “Wabaho wanhu wadatu wokuzahila. 20Avo inuka uhulumuke, wilongoze nawo, sikuwone kinyolo, kilumbo niye nene niwatumile.”
21Petro kawahulumukila waja iwanhu kalonga, “Niye nene yumnizahila; mwizila choni?”
22Wedika, “Akida Kornelio, munhu mwene ihoko, mdumba Mulungu, na heyo Wayuda wose womwingha nhogo inogile, kalongelwa na malaika yangʼalile, kutuma wanhu kumwako, giladi wingile mngʼanda yake, yakategelegeze malonga gako.”
23Kawagomela wawe wahenza wake.
Petro viyagonekwe Mngʼanda ya Kornelio
Vivikile imitondo kahalawa kachola hamonga nawo, na wayagwe mwa iwandugu wokala Yafa welongoza nayo. 24Vuwavikile Kaisaria siku jekabili, Kornelio kakala yowabeta, kakala yawalundize ndugu zake na mbwiga zake. 25Na Petro viyakalile yokwingila, Kornelio kalawa yamuhingile na kumgwila magulu yokumbakumba. 26Bali Petro kamwinula kalonga, “Ima wima, niye na munhu kamba gwegwe.” 27Vuwakalile wolonga, kuno wokwingila mngʼanda, kawona wanhu bwando welundize. 28Kawalongela, “Mweye mvitanga kamba havilumbile munhu Myuda yegondanye na lukolo luyagwe hebu kuwezila; komu Mulungu kanizuma, sikunitende munhu wowose mbweto hebu mchapalisi. 29Kwa kilumbo hicho vuunghemile niza, silemile; avo nomuuzani, mbuli ilihi yumnghemele?”
30Kornelio kalonga, “Mazuwa madatu gabitile, muna isaa ino viili saa kenda, nghala nitambika mngʼanda yangu; mhunde lola munhu kema behi na niye, yavalile nguwo zimeluka. 31Kalonga, Kornelio, kupula kwako kuhulikwa, na nhosa zako zigelegezwa hakihanga cha Mulungu. 32Avo tuma wanhu wachole Yafa, wakamkeme Simoni yokemigwa Petro, kokala mngʼanda ya Simoni msanghana mikwembe, muufuko mhwani, na heyo yaheza kolonga nagwe. 33Mhunde nhuma wanhu kumwako, na gweye kutenda goya wizile; avo vino tweye chose twabahano behi ya Mulungu, tugategeleze malonga gose gaulagizwe na Mndewa.”
Petro kapeta mbuli za Yesu; mhome ya Kornelio
34Petro kananula mulomo wake kalonga, “Tawile novitambula kamba Mulungu halolaga kihanga cha munhu. 35Bali muna zingholo zose kila munhu yomdumba na kutenda ga ihoko, Mulungu kombokela.
36Mvitanga mbuli ija iyawagalile wana wa Israeli, kivugulo kinogile cha tindiwalo kisimulilwe na Yesu Kristo, na heyo yuyo Mndewa wa wose. 37Gweka dija mweye mdimanya, ditapakale muna Uyuda yose, jandusila Galilea aho, Yohana viyasingule wanhu. 38Kivugulo cha Yesu wa Nazareti, yuja Mulungu yamsagule yawe Mndewa, na kumwingha Loho Yangʼalile na mhiko; kabita hiko na hiko, yosanghana ganogile na kuwahonya wose wapagalwe na mizuka, kwa mzoko Mulungu kakala hamwe na heyo. 39Na tweye twa wasindi wa magweka gose gayasanghane muisi ya Wayuda na Yerusalemu, na vija vuwamkomile na kumtumbika mbiki. 40Heyo, Mulungu kamzusa siku yekadatu, kammotela kuwalawilila: 41si wanhu wose, komu wasindi waja wakalile wasaguligwe na Mulungu; iyo tweye tudile na kungʼwa hamonga na heyo, viyamalile kuzuswa kulawa kwa wafile. 42Katulagiza tuwasimulile wanhu na kusindila kamba yuno yuyo yekigwe na Mulungu yawe Mtagusi wawo wapile na wafile. 43Heyo, Walaguzi wose womsindila kamba munhu yomtamanila kosegezelwa matozo kwa tagwa jake.”
44Petro viyakalile yolonga malonga higo, Loho Yangʼalile kawahulumukila wose wadihulike dilonga. 45Baho waja wanahina wa Kiyuda wezile hamonga na Petro, wakangawala nghani kwa vija Mulungu viyawetile na walilingwa mhome ya Loho Yangʼalile. 46Kwa mzoko wawahulika vuwolonga na ulonzi uyagwe na kumtogola Mulungu. 47Baho Petro kedika, “Yalihi yodaha kugomesa mazi, wano sikuwabatizwe, ihawa wabokele Loho Yangʼalile wegambile kamba tweye?” 48Kalagiza wabatizwe kwa twaga ja Yesu Kristo. Na hewo wampembela yakale kumwao siku ndodo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.