LUKA 3
3
1Kunyamo wekui latãlo wokuviala kua Kaisare Tibério, eci Pondiu Pilato a kala onguluvulu yo ko Yudea, haico Herode a viala ko Galilea, kuenda manjaye Filipu wa viala kolofeka vio ki Iturea lo ho Trakoniti, kuenda Lusanio wa viala ha Avilene, 2koloneke viutunda wovitunda vinene, Anasi la Kayafa, oco ondaka ya Suku yeya ku Yoano, omõla a Sakariya, eci a kala vekalasoko. 3Oco wa pita vofeka yosi yi lisungue la Yordão oku kunda ondaka yepapatiso li lekisa oku likekembela akandu, kuenda oku ecelua. 4Ndeci ca sonehiwa velivulu liolondaka viuprofeto Isaya, citi,
Ondaka yukuakuvilikiya vekalasoko, yiti,
Peli elila lia Yehova.
Suñamisi olonjila viaye.
5Ovimbota vi vembikiwa.
Oviwulu viosi kuenda olomunda vi tapika,
levi via penga vi penguluka,
kuenda akungu a linga atapi,
6kuenje omanu vosi va mola epopelo lia Suku.
7Oco eye wa popia lowiñi womanu va tunda oku papatisiwa laye, hati, Ambuto yolonyoha, helie wo lunguli oku tila onyeño yiya? 8Imi apako a sungulukila oku likekembela akandu. Ko ka fetiki oku likunda hoti, Tu kuete kukululu Avirahama, momo mopia lene siti, Suku o tẽla oku pindula ovawe a ha a lingi omãla va Avirahama. 9Momo cilo muẽle ondiaviti yi kasi ale kolombombo vioviti, kuenje oviti ka vimi apako awa vi timbuiwa loku imbiwa vondalu.
10Kuenje omanu vo pula, vati, Oco hẽ, tu linga nye? 11Yu wa va kumbulula hati, U o kuete ovikutu vivali a liamuile lu ka kuete, lu o kasi lokulia haico a linga. 12Vakuakutambula elisimu veyavo oku papatisiwa, kuenje vo pula vati, Olongisi, etu hẽ, tu linga nye? 13Yu wa popia lavo hati, Ko ka yukinyi, tambuli puãi eci co tukuilui. 14Kuenda asualali vo pulavo vati, Etu hẽ, tu linga nye? Eye wa va kumbulula, hati, Ko ka pundi komanu, ko ka lundili, tẽli lofeto yene.
15Omo omanu va kala loku lavoka, lomo omanu vosi va sokoluila Yoano vovitima viavo, nda hẽ eye o Mesiya nda ndati, 16oco Yoano wa kumbulula vosi, hati, Ame ndu papatisi lovava, puãi kuiya u wa mbelapo okuti ame ndi sule, ame si sesamela oku itula olonjita violohaku viaye. Eye u papatisi le Espiritu Sandu kuenda ondalu. 17Ocipekulo caye ci kasi peka liaye oku yelisa pe ocisaselo caye loku unguila otiliku vosila, ovisaikiti viaco puãi o vi yoka londalu ka yimi.
18Oco wa kundila omanu ondaka yiwa lalungulo akuavo aiñi aiñi. 19Puãi ombiali Herode, u wa lemeliwa ale la Yoano mekonda lioku kuela Herodiya, ukãi wa manjaye, lovina viosi vĩvi a linga, 20cilo kovina viaco viosi, wa vokiyako vali oku yika Yoano vokayike.
21Eci omanu vosi va papatisiwa, leci Yesu a papatisiwavo yu wa kala loku likutilila, oco ilu lia yuluka. 22Kuenje Espiritu Sandu lio wila letimba ndopomba, kuenda ondaka ya tunda kilu, yiti, Ove Vumõlange wa soliwa, nda ku sanjukila.
23Kuenje Yesu eci a fetika oku longisa, wa tẽla akui atatu kanyamo. Eye omõla a Yosefe, ndeci va soka, omõla a Heli, 24omõla a Matata, omõla a Lewi, omõla a Meleki, omõla a Yanai, omõla a Yosefe, 25omõla a Matatiya, omõla a Amosi, omõla a Nahumi, omõla a Eselei, omõla a Nagai, 26omõla a Mata, omõla a Matatiya, omõla a Semeni, omõla a Yosefe, omõla a Yoda, 27omõla a Yoanano, omõla a Resa, omõla a Seruvavele, omõla a Salatiele, omõla a Neri, 28omõla a Meleke, omõla a Andi, omõla a Kosama, omõla a Elimadame, omõla a Ere, 29omõla a Yesu, omõla a Elesere, omõla a Yorimi, omõla a Matata, omõla a Lewi, 30omõla a Sumone, omõla a Yuda, omõla a Yosefe, omõla a Yonama, omõla a Eliakimi, 31omõla a Melea, omõla a Mena, omõla a Matata, omõla a Natana, omõla a Daviti, 32omõla a Yese, omõla a Ovete, omõla a Boase, omõla a Sala, omõla a Nasone, 33omõla a Aminadava, omõla a Adimini, omõla a Arneyi, omõla a Hesironi, omõla a Peresi, omõla a Yuda, 34omõla a Yakoba, omõla a Isake, omõla a Avirahama, omõla a Terahi, omõla a Nahore, 35omõla a Seruki, omõla a Reu, omõla a Peleke, omõla a Evere, omõla a Sela, 36omõla a Kainana, omõla a Aliufasiate, omõla a Seme, omõla a Noa, omõla a Lameke, 37omõla a Metusale, omõla a Enoke, omõla a Yarete, omõla a Mahalaleli, omõla a Kainana, 38omõla a Enosi, omõla a Seti, omõla a Adama, omõla a Suku.
ទើបបានជ្រើសរើសហើយ៖
LUKA 3: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
