Apudunet 24
24
Achamakin Ekapolon Akuj ka Ngisirael
1Tolimok Ekapolon Akuj Musa tama, “Todokutu kidiama emoru ni ayei ayong, iyong ka Aron, ka Nadab, ka Abiu, ta ngikarikok a Ngisirael ngitomwon-kaarei. Ani eringa esi iloka, kijuuruoto kilipa. 2Nyeapuunete luche nikang, iyong bon iapuuni. Nyeedokut ngitunga kidiama emoru.”
3Tolot Musa tolimok ngitunga ngitalio daang ka ngakiro na adungunit Ekapolon Akuj. Sodi tatachut ngitunga daang aapei tamasi, “Kisubi sua ngakiro daang na alimu Ekapolon Akuj.”
4Kigir Musa ngakiro na adungunit Ekapolon Akuj daang. Ani nataparach elilim, todukok ngesi ekeno a ngakipeyos nakeju a emoru sodi kitowo ngamoru ngatomon ka ngaarei na aweikinito ngitela lutomon ka ngiarei a Ngisirael. 5Sodi tomea ngesi ngisorok lu epeyonokinete Ekapolon Akuj ngakipeyos na inomio, ka akipeyore ngaatuk ngache na eraakasi ngakipeyos a ekisil. 6Totiak Musa ngaakot a ngibaren alokiding sodi kiwaak ngache natubwae nachukul, ani nache towatak lokeno a ngakipeyos. 7Ani erumor tolem akitab na achamunet, na egiritae ngakiro na adungunit Akuj, sodi kikeu etoil isomae kiirareta ngitunga. Tolimut ngitunga tamasi, “Kiwapi sua ngakiro a Ekapolon Akuj, atosuba daang na adungu ngesi.”
8 #
Mat 26:28; Mar 14:24; Luk 22:20; 1 Kor 11:25; Ebura 9:19-20; 10:29 Tolem Musa ngaakot na ayakasi natubwae nachukul towatak ngitunga. Tolim tama, “Ngaakot nugu iyookinete achamunet na ichamunotor esi ka Ekapolon Akuj nakolong kidungokinea esi ngakiro nugu daang.”
9Apot Musa ka Aron, ka Nadab, ka Abiu, ta ngikarikok a Ngisirael daang lutomwon-kaarei todokasi moru, 10sodi taanyungasi Akuj a Isirael. Kwap ngakejen keng ayei ibore ni atokokino loger a amoru anapus-arengan, topuseana loger a adis. 11Nyewana Akuj ngikarikok a Ngisirael ngulu. Aanyungarete kesi Akuj, ani erumor kimuja, sodi tamata.
Musa alokidiama emoru a Sinai
12Tolimok Ekapolon Akuj Musa tama, “Todoku kidiama emoru ni ayei ayong nege. Ani na ibunio iyong nege, kainakini ayong iyong ngamoru ngaarei nadapal na igiritae ngitalio daang lu itatamio ngitunga.” 13Tonyout Musa ka Yochua lo engarakinit ngesi. Kisiak#24:13 kisiak; igiritae nakitab ache nangorot atamar kisiakis kesi. Musa adokar kidiama emoru a Akuj. 14Tolimok Musa ngikarikok a Ngisirael tama, “Kiboikinos nadakar nege kidarut sua kibonguni. Irukete esi ka Aron ta Ur kane. Itwaan cha daang ni eyei akiroit na engolopatar ka niche, tolot nikech totiaka.”
15Todoka Musa moru a Sinai, sodi toburuchia edou emoru. 16Min akwangis a Ekapolon Akuj kidiama emoru. Toburuchia edou emoru a ngirwa a ngikan-kapei. Ani akolongit na ngakan-kaarei, tanyara Ekapolon Akuj Musa alotooma edou. 17Ani a Ngisirael, ekoni akwangis ngina akim na enoki alokidiama emoru. 18#Etal 9:9 Sodi toloma Musa lodou na adokea emoru. Kiboi ngesi alokidiama emoru ngirwa ngitomwon-omwon, akwaar ka apaaran.
ទើបបានជ្រើសរើសហើយ៖
Apudunet 24: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999