Apudunet 23
23
Ateneanut ka akitiriyanit ngakiro
1“Warasi nyiipetasi ngakiro na eraakasi alioko, nabo nyiingarakis itwaan nikasechan a ngakiro ana eraakasi alioko. 2Nyiiwap ngakiro a ngitunga alukaalak na esecheta kori na iruorotor ngakiro na nyeraakasi ngaka ateneanut. 3Nyiiliworosi lu ipakarito lu iboosit esaa lo ititaare. 4Ani kianyut esi aite kori esikiria a emoit kus lo echakar, tobuakisi ngesi. 5#Apud 20:16; Lawi 19:11-12; Etal 5:20 Ani kepotikis esikiria keng ngasaaja, kingarakisi kitowaa nyiirotokis kimiekis kaneni. #Lawi 19:15 #Etal 22:1-4
6“Nyiisikis atiakakin itwaan ni iboosit ngakiro na eriyan na erikorere nitubet ngakiro. 7Nyiititata ngitunga a ngakiro ana eraakasi alioko. Nabo nyiar itwaan ni nyesechit, kainyo erirae ayong itwaan daang ni ikoni neni. 8#Lawi 19:15; Etal 16:19 Warasi nyiidiaut ibore ni kidiekitere kainyo itumudukani ibore ngini itwaan, sodi nyiiwap itwaan ngini ngakiro na iyookino, kinyasu eboyor a ngitunga alu emam ibore esechito. #Apud 22:21; Lawi 19:33-34; Etal 24:17-18; 27:19
9“Nyiiboliatar itwaan a akwap anache, ani iyeneta esi eboyor a itwaan ani nyerai akwap akeng, kainyo iraakasi kolong esi dang ngitunga a akwap anache na iyakatar Misiri.
Ekaru loa ngikan-kaarei ka akolongit na ngakan-kaarei
10“Kitata ngamanat kus a ngikaru a ngikan-kapei sodi tolema ngalemet na ekoniunete. 11#Lawi 25:1-7 Ani ekaru loa ngikan-kaarei kimiekis kiangasi, nakaneni nyiilema ibore ni erupuni anamanat kanguna. Kimiekisi ngitunga lu iboosit tanyama ibore ni erupunit kaneni, ani ibore ni idongi, tanyama ngitieng a moding. Tosubeta tani ngamanat a ngimusabib kongina ka na ngikito a akimiet. #Apud 20:9-11; 31:15; 34:21; 35:2; Lawi 23:3; Etal 5:13-14
12“Tosuba etich a ngirwa a ngikan-kapei, nakaneni warasi nyiisuba etich akolongit na ngakan-kaarei, sodi kiangareta ngikedalak ka ngitunga a akwap anache lu esubete etich kus, ta ngibaren kus dang.
13“Kiirasi ngakiro daang nakalimok ayong Ekapolon Akuj esi. Nyiilipa ngakujo ngache, nyiilimut tani ngirora kech.
Ngisukukui nguuni
(Apudunet 34:18-26)
14“Tosubakisi ngisukukui nguuni alokaru a epei toliworos lu kidodikinitotor esi ayong arimatoi. 15#Apud 12:14-20; Lawi 23:6-8; Ekim 28:17-25 Ani enangi elap lo enyaritae Abib, lo erai ngesi kolong ipudunioto esi alo Misiri, tanyama akimuj a esukukuu alo a ngamugati anapadok loger lokolong kadungokinitor ayong esi. Ngirwa lukan-kaarei a esukukuu kangolo, nyiinyam ngamugati na iwaakinitae ekitoe lo itubui. Warasi nyiipot akilip ayong peiyaunito akipeyos. #Lawi 23:15-21,39-43; Ekim 28:26-31
16“Tanyama akimuj a esukukuu a ngalemet napei isiakineta esi akilem.
“Ani enangi adaunet a ekaru, tanyama akimuj a esukukuu a ngikalea na igerioto esi ngikito lu eyakasi namanat kus. 17Ekaru daang na enangea ngirwa a ngisukukui aluuni kalu, ejoikinit ngikiliok daang epote akipeyonokin ayong Ekapolon Akuj na arai Akuj kus.
18“Nyiilemut ngamugati na eyei ekitoe lo itubui nakipeyonokinioto esi ayong a ibarasit. Nyiimiekis nikatoronon a ngibaren alu kepeyoore ayong ngirwa lu esukukuu lugu eperi kiwalak.
19 #
Apud 34:26; Etal 14:21; 26:2 “Ekaru daang, yaunutu ngalemet na ekingaren kai a Ekapolon Akuj ana erai Akuj kus.
“Nyiidorokis imesek kori ikale a ngakile a itiokeng.
Ngakichikichiket ka ngakitatamet
20“Ameari ayong emalaikat kingarenik esi, sodi kiyok esi alorot, kiyau ni asubak ayong. 21Topupo ngesi kiwapa ngakiro keng. Nyiingero ngesi, kainyo amea ayong ngesi, nakaneni nyakarimakini ayong esi erai kingero ngesi. 22Ani kiwapa esi ngakiro keng sodi tosuba daang nakadungok ayong esi, etiji ayong ngimoe kus daang. 23Kingarenikini emalaikat kang esi, kiyaa nakwap a Ngiamor, ka Ngiiti, ka Ngiperes, ka Ngikanaan, ka Ngiipi, ta Ngiebus, nakaneni amunyari ayong kesi. 24Warasi nyiiriedikokis ngakujo kech kori nyiilipa. Warasi nyiiwapa eger lo ilipitotor kesi. Kinyasutu ngakujo kech sodi tobwanga ngapirio kech na ngamoru anakitaleuno. 25Ani kipeyonokis esi ayong Ekapolon Akuj na arai Akuj kus, kapiari ayong esi kainak akimuj ka ngakipi, nabo alemari ayong ngidekesinei kus daang. 26Emam aberu na akwap kus na iyesi kori na ekolupani. Etalalae ayong ngirwa lu iyareta esi.
27“Kaemete ayong ngitunga lu kitopegete esi. Ayauni ayong ngibiler lotunga lu kitijiete esi, nakaneni aree ayong ngimoe kus daang kipungaros anikus. 28Etubuli ayong ngimoe kus noi.#23:28 Etubuli ... noi; kori ameuni ao lomoe kus. Etwarakini ayong Ngiipi, ka Ngikanaan, ta Ngiiti eringa esi iponito. 29Nyetwarakini ayong kesi a ekaru a epei kainyo ani kekok neni, iboikin akwap kongin, sodi talalaketa ngitieng a moding kichana esi. 30Nakaneni etwarakini ayong kesi a ngalooso a ngadikidio tanang ni ilalakearotor esi kiruma akwap. 31Etiliwori ayong ekukuor a akwap kus lo isiakini anapas a Akaba tanang nangolol a Eupurate, kisiak loche ananam a Mediterenian tanang nariet. Kainakini ayong esi agogongu na ireuneta ngitunga a akwap kangina sodi kitwarakis esi kesi alongaren kus. 32Nyiichamakinosi ka kesi kori ngakujo kech. 33Nyiimiekis ngitunga ngulu elomete nakwap kus, ani kimiekis esi kesi, kitosechete kesi esi etal kang. Ani kilipa esi ngakujo kech, eliworosi elokit loaronon anikus.”
ទើបបានជ្រើសរើសហើយ៖
Apudunet 23: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999