Dalaana 41
41
Heeƴƴi buuri Ésíp
1Tíkëh kíil ana, buur heeƴce. Filiɓ heeja, ɗi caŋ ɓúk laahi Níl, 2ɗi otte fana paana yi wunute te líifúté ɗúhúté laaha, na njemetu jeñ fa. 3Filoon fi wa, ŋak fana paana kay ƴi ɓosute níi ɓos ɗúhúté laaha, ɗeefrute ƴee ɗéɓ ɗë ɓúk laaha. 4Tígí daaha, ŋakki fañnja ɓosute níi rë yípútée ñam fañnji paana yi wunnee ɗéɓ ɗë ɓéeɓ. Buur yúunëhté. 5Ɗi neeꞌaatte, heeƴilte : ɗi otte yaaŋnga paana yi líifúté te wunute ɗúhúté baaŋa yínë. 6Yaaŋnga paana kay ƴi sayŋaanute, mbëeyë më tampe wa ɗúhúté filoon fi ƴee ɗéɓ ɗë. 7Yaaŋnga ya sayŋaan ra yípútée hon paana yi wunnee ɗéɓ ɗë doɗok. Tígí daaha buur yúunëhté antee yúh biti heeƴ heeƴo.
8Yíilëꞌ Koo ra, af buur kúnëhté, ɗi dëekrëhté ɗíkísëh yë a ɓëewë lahu un Ésíp rë ɓéeɓ, ɓílíɗté wë heeƴƴi. Ndaa ow ëe ow waa na mínéh ríi teeɓ yee won heeƴƴa ra. 9Tígí daaha, daga kúɗ hanna ra tahte won buur tih : « Woteh, mi nérsëhté tooñee ke soꞌ merees. 10Fu húmú neeɓaꞌte funi daga kúɗ paŋa ra níi fu ɓekrohte fun kasii daga kúɗ wohoh ya ra. 11Elga ín, fun heeƴute ; heeƴƴa, bina-bina ɓéeɓ a yee won ɗi ra. 12Filiɓ kasaa bín fë, ɗeef lahte fiil Ébrë húmú fun na. Ɗi ñaami daga kúɗ wohoh ya ra. Ɓíllúu fun ɗi heeƴƴa ra, ɗi teeɓaꞌte bina-bina ɓéeɓ yee won ɗi ra. 13Te iña ɓéeɓ hente ti ɗee wonaꞌ ri fun wa ra nen. Mi wëegísírúté légéyí sëꞌ, ɓëyí yínëe hawute, kerute. »
Yee won heeƴƴi buur ra
14Buur nahaꞌte kalii Suseef, ɗi yíppée ɗúhrú kasaa, nenute, lofute búuɓ, acce caŋke fíi buur. 15Buur won ɗi tih : « Mi heeƴ heeƴo, te lahay ɓëyí mín sëe teeɓ yee won heeƴƴa ra. Te mi kelohte biti heeji ɓíllú fú ɓéeɓ, fu mín teeɓaꞌ yee won ɗi ra. » 16Suseef tahte won tih : « Soꞌ neh ! Koope daa mín rëe teeɓ kéy fú. »
17Buur tahte won Suseef tih : « Filiɓ heeji soꞌ mi húmú caŋ ɓúk laahi Níl. 18Mi otte fana paana yi wunute te líifúté ɗúhúté laaha, na njemetu filiɓ jeñ fa. 19Filoon fi wa ŋak fana paana kay ƴi súhúté níi súh, súfúñúté níi, ɗúhúté laaha. Wa ɓosu ɓoso níi mí ëllëy mani wa filiɓ Ésíp ɓéeɓ. 20Ŋakki fañnji ɓossa yípútée ñam fañnji paana yi wunnee ɗéɓ ɗë. 21Fañnji ɓossa honute wunna doɗok, ndaa ow mínéh yúh biti wa haalute loo yi wa, ndah biti wa lísúu ɓos ti merees nen. Tígí daaha, mi yúunëhté. 22Mi heeƴilte, mi otte yaaŋnga paana yi líifúté te wunute ɗúhúté baaŋa yínë. 23Yaaŋnga paana kay ƴi sayŋaanute, mbëeyë më tampe wa ɗúhúté filoon fi wa. 24Yaaŋnga ya sayŋaan ra yípútée hon paana yi wunna. Ƴaa ɓéeɓ, mi ɓílíɗté wë ɗíkísëh yë, ndaa ow ëe ow mínéh sëe teeɓ yee won wa ra. »
25Suseef won buur tih : « Heeƴƴi ana ya won yaa yínë. Koo teeɓ ɗo yee nay rii page ra. 26Fañnji wunni paana ya daa kíil paana, a yaaŋnga yi wunni paana ya, kíil paana ɓal ; kon heeja yínë. 27Ŋakki fañnji paana yi kayya ɓosute níi ɓos ra, a yaaŋnga yi paana ya sayŋaan níi mbëeyë më tampe wa ra, kíil paana ɓal, ndaa i kíil yaaɓ. 28Buur ! Daa ri yee na wonaꞌ mi ro koon bitih, Koope hom teeɓu yee nay rii page ra. 29Kíillí paana yee fíi ƴee ac kíillí laaɓpe níi laaɓ filiɓ Ésíp. 30Kíil paana yi ac yaabi misikke nay naa tíkée, tah níi ɓëewë hal kíillí laaɓɓa gét ɗë. Yaaba ay múkíl gina. 31Yaaba ay misik níi tígí teem misik, te ɓëewë ii yúhíl biti sah laaɓ lëhíɗté. 32Fu ot heeja ayaꞌ waal ana, yúhé biti Koope caŋke paŋi, te ii maañ fíi.
33« Buur, kon fu tallaꞌ biti fu yíppí saam ɓëyí ñaañce te ɓonte, fu tík gina yaꞌi. 34Lah fale ɓal filiɓ gina ɓëewí nay yeeke túm. Misahi caŋ filiɓ Ésíp ɓéeɓ, hena ŋaal iip raa, yínëe nísú, hen túmë níi bín ɗúmëe kíillí laaɓɓi paana ya ra. 35Kíillí laaɓɓa na ac ƴee ra, ɓëewí ƴaa ay négírée ŋaalla, gaɗ wa filiɓ gin-taah ya, fu yeele na, hen pesaa. 36Hen ɗaaha raa, gina ay lah cëtëelëe daa níi bín ɗúmëe kíillí paana yi yaaba ra. Tígí daaha, ɓëy gina ii húl a yaaɓ. »
Tígí Suseef af gini Ésíp
37Woni Suseef neɓaꞌte buur a dakki. 38Buur won dakki tih : « Koo soɗte ɓëyí bee nufi níi ɗí líiffé. Mbaa yen ay olil mani ? » 39Buur yeeltee won Suseef tih : « Koope teeɓ ro iñƴaaha ɓéeɓ rëe, ɗeef lahay ɓëyí teemmaꞌ roo ñaañ a ɓon. 40Kon daa fu nay këllée gina#41.40 gina : Di ébrë, bíníyú ɗeh : faam soꞌ., te ɓëewí sëꞌ ɓéeɓ ay ñeye unu. Ñaani buur ka kut nay ɓíssée biti daa mi paaꞌ ro sun. » 41Ɗi wonilte ri tih : « Wote fee Koo beh, mi tíkké rë af gini Ésíp ɓéeɓ. » 42Buur antee nís supii, ɓekke ri kun Suseef#41.42 supii, ɓekke ri kun Suseef : Supii buur daa na teeɓaꞌ biti unna wonu ra ɗúhëꞌ buur na. Supaa lahaꞌ tampoŋi buur ; daa ri na siñiyuu kéettí nguur ka. ; ɗi ɓekke ri búuɓ naaꞌ peyeɓ bi píisë kofeelte#41.42 búuɓ naaꞌ peyeɓ bi píisë kofeelte : Di tuwaaɓ : « de fin lin » ; ɓëewí gaanna Ésíp daa na ɓekuu ri a suumi úrís ɓal., líkké rí suumi úrís lúum. 43Ɗi yëegíɗté Suseef wëtíirí ana fi, i ow këllúuté na wonu : « Ëní rí waal#41.43 Ëní rí waal : Bíníi ébrë ë ɗéɓëenë tasaꞌte lan. Lahte ɓëewí habuu ri ɗeh : « Bëyít ! » mbée : « Ƴékí feey ! » ! » Buur tíkëꞌté rí ɗah af gini Ésíp ɓéeɓ. 44Buur tíkílté won Suseef tih : « Daa mi buur ! Ndaa, ow kaañay paŋ yin dee te ñeyeh roo na. »
45-46Suseef húmú lahaꞌ kíil sabay éeyë (30) na komu ri buur ra#41.45-46 na komu ri buur ra : Lahte ɓëewí habuu ri ɗeh : na dal ri légéy faam buur ra.. Kolaꞌ baaha, buur dëekëꞌ rí Safnat Paneyah, onte ri Asnat koy Potiferaa ɓeleɓ. Potiferaa seeƴoh di gini On.
Suseef helaꞌ buur daaha, kolohte na wër kénsëhí Ésíp ɓéeɓ.
47Filiɓ kíillí laaɓɓi paana ya, léffë gaante. 48Suseef négírëꞌté ŋaalla kíillí paana ya ɓéeɓ Ésíp, gaɗte wa filiɓ ginna ; gin fi gin ɓéeɓ, ŋaalla kolaꞌ meeyya leɓoh ri ra garuu na. 49Ɗaaha, Suseef gaɗte pesaa caak ti pep feey nen. Ɗee teem ŋaalla caak ra, tahte níi nuf taslay kíní wë. Caagi wa ƴúukké af.
Koyyi Suseef
50Na lah yaaba ra, ɓeleɓ Suseef, Asnat fi Potiferaa, lahte koy ƴaal ana. 51Suseef dëekëꞌ saawi Manase#41.51 Manase : Di ébrë, tii Manase madaꞌ a : tahte níi mi halte., ɗi won daaha tih : « Koope onte soꞌ níi mi halte mogi soꞌ ɓéeɓ a wulohi soꞌ faam baasoꞌ. » 52Ɗi dëekëꞌ ñéedë Efarayim#41.52 Efarayim : Di ébrë, tii Efarayim madaꞌ a : keñilte soꞌ., ɗi won daaha tih : « Koope onte soꞌ i koy gina loocaꞌ mi ra. »
Yaaba
53Ɗúmëꞌ kíillí laaɓɓi paana ya Ésíp rë, 54kíillí paana yi yaaba yíppée dal, ti di húmú wonaꞌ ri Suseef ra nen. Yaaba laɓpe ginna ɓéeɓ, ndaa ɗee teem gini Ésíp rë ɓéeɓ yeffe pesaa. 55Laɓaꞌ yaaba ɓëy Ésíp rë, gina ɓéeɓ na foŋ af buur, ɗi won wa tih : « Gétí Suseef na, yii won ɗi ron, lah pëgí rí. » 56Bi ɓaatti misik yaaba gina, Suseef kúnsírëhté gaɗɗi pesaa ya, na yaay ɓëy Ésíp pep. 57Ɓëy ginni kayya ɓéeɓ ayuu lom pep Suseef na ɓal, bi ɗah yaaba ɓëewë në ɓéeɓ.
ទើបបានជ្រើសរើសហើយ៖
Dalaana 41: NDV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Dalaana 41
41
Heeƴƴi buuri Ésíp
1Tíkëh kíil ana, buur heeƴce. Filiɓ heeja, ɗi caŋ ɓúk laahi Níl, 2ɗi otte fana paana yi wunute te líifúté ɗúhúté laaha, na njemetu jeñ fa. 3Filoon fi wa, ŋak fana paana kay ƴi ɓosute níi ɓos ɗúhúté laaha, ɗeefrute ƴee ɗéɓ ɗë ɓúk laaha. 4Tígí daaha, ŋakki fañnja ɓosute níi rë yípútée ñam fañnji paana yi wunnee ɗéɓ ɗë ɓéeɓ. Buur yúunëhté. 5Ɗi neeꞌaatte, heeƴilte : ɗi otte yaaŋnga paana yi líifúté te wunute ɗúhúté baaŋa yínë. 6Yaaŋnga paana kay ƴi sayŋaanute, mbëeyë më tampe wa ɗúhúté filoon fi ƴee ɗéɓ ɗë. 7Yaaŋnga ya sayŋaan ra yípútée hon paana yi wunnee ɗéɓ ɗë doɗok. Tígí daaha buur yúunëhté antee yúh biti heeƴ heeƴo.
8Yíilëꞌ Koo ra, af buur kúnëhté, ɗi dëekrëhté ɗíkísëh yë a ɓëewë lahu un Ésíp rë ɓéeɓ, ɓílíɗté wë heeƴƴi. Ndaa ow ëe ow waa na mínéh ríi teeɓ yee won heeƴƴa ra. 9Tígí daaha, daga kúɗ hanna ra tahte won buur tih : « Woteh, mi nérsëhté tooñee ke soꞌ merees. 10Fu húmú neeɓaꞌte funi daga kúɗ paŋa ra níi fu ɓekrohte fun kasii daga kúɗ wohoh ya ra. 11Elga ín, fun heeƴute ; heeƴƴa, bina-bina ɓéeɓ a yee won ɗi ra. 12Filiɓ kasaa bín fë, ɗeef lahte fiil Ébrë húmú fun na. Ɗi ñaami daga kúɗ wohoh ya ra. Ɓíllúu fun ɗi heeƴƴa ra, ɗi teeɓaꞌte bina-bina ɓéeɓ yee won ɗi ra. 13Te iña ɓéeɓ hente ti ɗee wonaꞌ ri fun wa ra nen. Mi wëegísírúté légéyí sëꞌ, ɓëyí yínëe hawute, kerute. »
Yee won heeƴƴi buur ra
14Buur nahaꞌte kalii Suseef, ɗi yíppée ɗúhrú kasaa, nenute, lofute búuɓ, acce caŋke fíi buur. 15Buur won ɗi tih : « Mi heeƴ heeƴo, te lahay ɓëyí mín sëe teeɓ yee won heeƴƴa ra. Te mi kelohte biti heeji ɓíllú fú ɓéeɓ, fu mín teeɓaꞌ yee won ɗi ra. » 16Suseef tahte won tih : « Soꞌ neh ! Koope daa mín rëe teeɓ kéy fú. »
17Buur tahte won Suseef tih : « Filiɓ heeji soꞌ mi húmú caŋ ɓúk laahi Níl. 18Mi otte fana paana yi wunute te líifúté ɗúhúté laaha, na njemetu filiɓ jeñ fa. 19Filoon fi wa ŋak fana paana kay ƴi súhúté níi súh, súfúñúté níi, ɗúhúté laaha. Wa ɓosu ɓoso níi mí ëllëy mani wa filiɓ Ésíp ɓéeɓ. 20Ŋakki fañnji ɓossa yípútée ñam fañnji paana yi wunnee ɗéɓ ɗë. 21Fañnji ɓossa honute wunna doɗok, ndaa ow mínéh yúh biti wa haalute loo yi wa, ndah biti wa lísúu ɓos ti merees nen. Tígí daaha, mi yúunëhté. 22Mi heeƴilte, mi otte yaaŋnga paana yi líifúté te wunute ɗúhúté baaŋa yínë. 23Yaaŋnga paana kay ƴi sayŋaanute, mbëeyë më tampe wa ɗúhúté filoon fi wa. 24Yaaŋnga ya sayŋaan ra yípútée hon paana yi wunna. Ƴaa ɓéeɓ, mi ɓílíɗté wë ɗíkísëh yë, ndaa ow ëe ow mínéh sëe teeɓ yee won wa ra. »
25Suseef won buur tih : « Heeƴƴi ana ya won yaa yínë. Koo teeɓ ɗo yee nay rii page ra. 26Fañnji wunni paana ya daa kíil paana, a yaaŋnga yi wunni paana ya, kíil paana ɓal ; kon heeja yínë. 27Ŋakki fañnji paana yi kayya ɓosute níi ɓos ra, a yaaŋnga yi paana ya sayŋaan níi mbëeyë më tampe wa ra, kíil paana ɓal, ndaa i kíil yaaɓ. 28Buur ! Daa ri yee na wonaꞌ mi ro koon bitih, Koope hom teeɓu yee nay rii page ra. 29Kíillí paana yee fíi ƴee ac kíillí laaɓpe níi laaɓ filiɓ Ésíp. 30Kíil paana yi ac yaabi misikke nay naa tíkée, tah níi ɓëewë hal kíillí laaɓɓa gét ɗë. Yaaba ay múkíl gina. 31Yaaba ay misik níi tígí teem misik, te ɓëewë ii yúhíl biti sah laaɓ lëhíɗté. 32Fu ot heeja ayaꞌ waal ana, yúhé biti Koope caŋke paŋi, te ii maañ fíi.
33« Buur, kon fu tallaꞌ biti fu yíppí saam ɓëyí ñaañce te ɓonte, fu tík gina yaꞌi. 34Lah fale ɓal filiɓ gina ɓëewí nay yeeke túm. Misahi caŋ filiɓ Ésíp ɓéeɓ, hena ŋaal iip raa, yínëe nísú, hen túmë níi bín ɗúmëe kíillí laaɓɓi paana ya ra. 35Kíillí laaɓɓa na ac ƴee ra, ɓëewí ƴaa ay négírée ŋaalla, gaɗ wa filiɓ gin-taah ya, fu yeele na, hen pesaa. 36Hen ɗaaha raa, gina ay lah cëtëelëe daa níi bín ɗúmëe kíillí paana yi yaaba ra. Tígí daaha, ɓëy gina ii húl a yaaɓ. »
Tígí Suseef af gini Ésíp
37Woni Suseef neɓaꞌte buur a dakki. 38Buur won dakki tih : « Koo soɗte ɓëyí bee nufi níi ɗí líiffé. Mbaa yen ay olil mani ? » 39Buur yeeltee won Suseef tih : « Koope teeɓ ro iñƴaaha ɓéeɓ rëe, ɗeef lahay ɓëyí teemmaꞌ roo ñaañ a ɓon. 40Kon daa fu nay këllée gina#41.40 gina : Di ébrë, bíníyú ɗeh : faam soꞌ., te ɓëewí sëꞌ ɓéeɓ ay ñeye unu. Ñaani buur ka kut nay ɓíssée biti daa mi paaꞌ ro sun. » 41Ɗi wonilte ri tih : « Wote fee Koo beh, mi tíkké rë af gini Ésíp ɓéeɓ. » 42Buur antee nís supii, ɓekke ri kun Suseef#41.42 supii, ɓekke ri kun Suseef : Supii buur daa na teeɓaꞌ biti unna wonu ra ɗúhëꞌ buur na. Supaa lahaꞌ tampoŋi buur ; daa ri na siñiyuu kéettí nguur ka. ; ɗi ɓekke ri búuɓ naaꞌ peyeɓ bi píisë kofeelte#41.42 búuɓ naaꞌ peyeɓ bi píisë kofeelte : Di tuwaaɓ : « de fin lin » ; ɓëewí gaanna Ésíp daa na ɓekuu ri a suumi úrís ɓal., líkké rí suumi úrís lúum. 43Ɗi yëegíɗté Suseef wëtíirí ana fi, i ow këllúuté na wonu : « Ëní rí waal#41.43 Ëní rí waal : Bíníi ébrë ë ɗéɓëenë tasaꞌte lan. Lahte ɓëewí habuu ri ɗeh : « Bëyít ! » mbée : « Ƴékí feey ! » ! » Buur tíkëꞌté rí ɗah af gini Ésíp ɓéeɓ. 44Buur tíkílté won Suseef tih : « Daa mi buur ! Ndaa, ow kaañay paŋ yin dee te ñeyeh roo na. »
45-46Suseef húmú lahaꞌ kíil sabay éeyë (30) na komu ri buur ra#41.45-46 na komu ri buur ra : Lahte ɓëewí habuu ri ɗeh : na dal ri légéy faam buur ra.. Kolaꞌ baaha, buur dëekëꞌ rí Safnat Paneyah, onte ri Asnat koy Potiferaa ɓeleɓ. Potiferaa seeƴoh di gini On.
Suseef helaꞌ buur daaha, kolohte na wër kénsëhí Ésíp ɓéeɓ.
47Filiɓ kíillí laaɓɓi paana ya, léffë gaante. 48Suseef négírëꞌté ŋaalla kíillí paana ya ɓéeɓ Ésíp, gaɗte wa filiɓ ginna ; gin fi gin ɓéeɓ, ŋaalla kolaꞌ meeyya leɓoh ri ra garuu na. 49Ɗaaha, Suseef gaɗte pesaa caak ti pep feey nen. Ɗee teem ŋaalla caak ra, tahte níi nuf taslay kíní wë. Caagi wa ƴúukké af.
Koyyi Suseef
50Na lah yaaba ra, ɓeleɓ Suseef, Asnat fi Potiferaa, lahte koy ƴaal ana. 51Suseef dëekëꞌ saawi Manase#41.51 Manase : Di ébrë, tii Manase madaꞌ a : tahte níi mi halte., ɗi won daaha tih : « Koope onte soꞌ níi mi halte mogi soꞌ ɓéeɓ a wulohi soꞌ faam baasoꞌ. » 52Ɗi dëekëꞌ ñéedë Efarayim#41.52 Efarayim : Di ébrë, tii Efarayim madaꞌ a : keñilte soꞌ., ɗi won daaha tih : « Koope onte soꞌ i koy gina loocaꞌ mi ra. »
Yaaba
53Ɗúmëꞌ kíillí laaɓɓi paana ya Ésíp rë, 54kíillí paana yi yaaba yíppée dal, ti di húmú wonaꞌ ri Suseef ra nen. Yaaba laɓpe ginna ɓéeɓ, ndaa ɗee teem gini Ésíp rë ɓéeɓ yeffe pesaa. 55Laɓaꞌ yaaba ɓëy Ésíp rë, gina ɓéeɓ na foŋ af buur, ɗi won wa tih : « Gétí Suseef na, yii won ɗi ron, lah pëgí rí. » 56Bi ɓaatti misik yaaba gina, Suseef kúnsírëhté gaɗɗi pesaa ya, na yaay ɓëy Ésíp pep. 57Ɓëy ginni kayya ɓéeɓ ayuu lom pep Suseef na ɓal, bi ɗah yaaba ɓëewë në ɓéeɓ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.