Dalaana 40
40
Heeƴƴi dakki ana ya
1Hompe níi dak ana di dakki buur, bee kúɗ hanna a bee kúɗ paŋa ra tooñute buur 2níi ɗi neeɓaꞌte wa, 3antee wa ɓekroh kasaa téƴúu Suseef ra. 4Daga kúɗ wohoh ya ra tíkké wë yaꞌ Suseef, ɗi na tooppitoh wa.
Wa homute kasaa níi 5elga ín, daga kúɗ hanna a bee kúɗ paŋa ra heeƴute. Heeƴƴa, bina-bina ɓéeɓ a yee won ɗi ra. 6Yíilëꞌ Koo níi Suseef ɗeefiɗte wa ra, ɗi otte biti keeññi wa man neɓay nen, 7ɗi won wa tih : « Ɗon lahuu yi ɓal ? Ɗon sídúu yih ? » 8Wa wonu ri tih : « Fun heeƴu heeƴo, fun anutee lahuy ɓëyí nay fun teeɓe yee won heeƴƴa ra. » Suseef won wa tih : « Koo mín teeɓaꞌ yii won heeƴ ɓéeɓ. Ɓíllí sëꞌ wë noo mi keloh. »
9-10Tígí daaha, daga kúɗ hanni buur ra ɓílíɗté rí heeji won tih : « Mi ot tal béeñí lahaꞌ yaꞌ éeyë filiɓ heeji soꞌ. Ɗi jibisse, capusse, goññi reseñña yíppée non. 11Mi hampe gulii#40.11 gulii : Di ébrë, bíníyú ɗeh : kaas. buur yaꞌ soꞌ, mi heɓpe reseñña, mi pooƴce wa filiɓ gulaa, mantee ri yeɗ yíkíi sëꞌ. » 12Suseef won ɗi tih : « Heeja fahaꞌ woni yii beh : yaꞌ yi éeyë yí béeñë daa waal éeyë. 13Waal éeyë fíi, buur ay ɓéyíɗ afu, wëegísíɗ ɗë légéyú. Fay rii ɓek gulii yaꞌi ti merees nen. 14Fu wëegís faam buur níi fu took raa, lah hele nuf soo na biti neɓaꞌ ro, fu pagiɗ soꞌ yii wuni beh : lah gonle a buur yii leŋke soo na níi mi ɗúh kasii beh. 15Ndée, mi këllúu gin fun a doole, mi kúrúté deh. Te dee ɓal, mi pagay yii cal kasu. »
16Olaꞌ daga kúɗ paŋa ra biti Suseef won yii neɓpe keloh heeja ra, ɗi won ɗi tih : « Soꞌ ɓal mi heeƴce, mi enohte waꞌ kuun éeyë. 17Waꞌa paaꞌ sun ra túm kuunna fahaꞌ buur ra kep. Ƴakka ayute na ƴoku filiɓ waꞌa. » 18Suseef tahte won tih : « Heeja won yii beh : waꞌ yi éeyë yë daa waal éeyë. 19Waal éeyë fíi, buur ay ɓéyíɗ afu níi sun, keɗ ro sun kilik, te suulla ay ac ñam ro. »
20Waali éeyë fë, teeꞌaꞌ wëegísí bisa took buur nguur ka ra#40.20 bisa took buur nguur ka ra : Lahte ɓëewí habuu ri ɗeh : bisa límú buur ra., buur cëgíɗté gimaak, dëekké dakki ɓéeɓ. Ɗi ɗúhíɗté daga kúɗ hanna a bee kúɗ paŋa ra kasaa, cëgíɗté wë#40.20 cëgíɗté wë : Di ébrë, bíníyú ɗeh : ɓéyíɗté affi wa. leelii ɓëewë. 21Ɗi wëegísíɗté bee kúɗ hanna ra légéyí, daga ɓekaatte ri gulaa yaꞌ ti merees nen. 22Ndaa daga kúɗ paŋa ra hawute, kerute sun kilik. Iña heeƴƴa ɓéeɓ hente ti ɗee wonaꞌ wa Suseef ra nen. 23Ndaa nuf daga kúɗ hanna ra paylay Suseef na, ɗi halte ri.
ទើបបានជ្រើសរើសហើយ៖
Dalaana 40: NDV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Dalaana 40
40
Heeƴƴi dakki ana ya
1Hompe níi dak ana di dakki buur, bee kúɗ hanna a bee kúɗ paŋa ra tooñute buur 2níi ɗi neeɓaꞌte wa, 3antee wa ɓekroh kasaa téƴúu Suseef ra. 4Daga kúɗ wohoh ya ra tíkké wë yaꞌ Suseef, ɗi na tooppitoh wa.
Wa homute kasaa níi 5elga ín, daga kúɗ hanna a bee kúɗ paŋa ra heeƴute. Heeƴƴa, bina-bina ɓéeɓ a yee won ɗi ra. 6Yíilëꞌ Koo níi Suseef ɗeefiɗte wa ra, ɗi otte biti keeññi wa man neɓay nen, 7ɗi won wa tih : « Ɗon lahuu yi ɓal ? Ɗon sídúu yih ? » 8Wa wonu ri tih : « Fun heeƴu heeƴo, fun anutee lahuy ɓëyí nay fun teeɓe yee won heeƴƴa ra. » Suseef won wa tih : « Koo mín teeɓaꞌ yii won heeƴ ɓéeɓ. Ɓíllí sëꞌ wë noo mi keloh. »
9-10Tígí daaha, daga kúɗ hanni buur ra ɓílíɗté rí heeji won tih : « Mi ot tal béeñí lahaꞌ yaꞌ éeyë filiɓ heeji soꞌ. Ɗi jibisse, capusse, goññi reseñña yíppée non. 11Mi hampe gulii#40.11 gulii : Di ébrë, bíníyú ɗeh : kaas. buur yaꞌ soꞌ, mi heɓpe reseñña, mi pooƴce wa filiɓ gulaa, mantee ri yeɗ yíkíi sëꞌ. » 12Suseef won ɗi tih : « Heeja fahaꞌ woni yii beh : yaꞌ yi éeyë yí béeñë daa waal éeyë. 13Waal éeyë fíi, buur ay ɓéyíɗ afu, wëegísíɗ ɗë légéyú. Fay rii ɓek gulii yaꞌi ti merees nen. 14Fu wëegís faam buur níi fu took raa, lah hele nuf soo na biti neɓaꞌ ro, fu pagiɗ soꞌ yii wuni beh : lah gonle a buur yii leŋke soo na níi mi ɗúh kasii beh. 15Ndée, mi këllúu gin fun a doole, mi kúrúté deh. Te dee ɓal, mi pagay yii cal kasu. »
16Olaꞌ daga kúɗ paŋa ra biti Suseef won yii neɓpe keloh heeja ra, ɗi won ɗi tih : « Soꞌ ɓal mi heeƴce, mi enohte waꞌ kuun éeyë. 17Waꞌa paaꞌ sun ra túm kuunna fahaꞌ buur ra kep. Ƴakka ayute na ƴoku filiɓ waꞌa. » 18Suseef tahte won tih : « Heeja won yii beh : waꞌ yi éeyë yë daa waal éeyë. 19Waal éeyë fíi, buur ay ɓéyíɗ afu níi sun, keɗ ro sun kilik, te suulla ay ac ñam ro. »
20Waali éeyë fë, teeꞌaꞌ wëegísí bisa took buur nguur ka ra#40.20 bisa took buur nguur ka ra : Lahte ɓëewí habuu ri ɗeh : bisa límú buur ra., buur cëgíɗté gimaak, dëekké dakki ɓéeɓ. Ɗi ɗúhíɗté daga kúɗ hanna a bee kúɗ paŋa ra kasaa, cëgíɗté wë#40.20 cëgíɗté wë : Di ébrë, bíníyú ɗeh : ɓéyíɗté affi wa. leelii ɓëewë. 21Ɗi wëegísíɗté bee kúɗ hanna ra légéyí, daga ɓekaatte ri gulaa yaꞌ ti merees nen. 22Ndaa daga kúɗ paŋa ra hawute, kerute sun kilik. Iña heeƴƴa ɓéeɓ hente ti ɗee wonaꞌ wa Suseef ra nen. 23Ndaa nuf daga kúɗ hanna ra paylay Suseef na, ɗi halte ri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.