Apostles-Gasgai 20
20
Chapter 20.
1WAIGIEN tukā-ū-gadie gū-ēlan silīd, Paul church haade un kil-ai-ang-an gien, tla ā il gushouon, waigien tla ā il kil-lāgan gien, Macedonia ā sta il kaidan.
2Waigien tlistleuon althsgai ai il kāgandlu, kwūnan tla geu gu il gūshūgīgandlu, Greece un il katlagan.
3Waigien tlistleuon khōng k'ē-lth'ōnulth gu il ijandlu, Syria ā il kādlīidlā-asdlu, Jews haade la un ga kil-lthaiandlu, Macedonia kalthgūt silthgang il kālthing-ang il gudangan.
4Sopater, Pyrrhus git, Beræa haadas isgien; Aristarchus isgien; Secundus ishin, Thessalonica haadas ishin; Gaius, Derbe haadas ishin; Timothy ishin; Tychicus isgien; Trophimus ishin Asia haadas ishin; Asia dlu la alth istalan.
5Waigien atltas itil kōnast istlīgan gien, Troas gu itil k'eu il edāwon.
6Shibli tluknlthdāwē-gū shantlanai ijun silīd, talung ishin Philippi sta istlīgun gien, shin tlēlthīlgundlu Troas gu la un talung istlī-tlā-ū-gun; waigien shin dsikwau gu talung ijun.
7Waigien sabbath shantlanai ai, tlistleuon shibli ai ginanung-ai un gudā talung ijundlu, Paul tla geu gu gushugun, waudālēkw sta il kātlīgū-dagun; waigien aliākōlēlē k'eu tla ā il gushugun.
8Waigien shagai lūmgai ā gudung-alth talung ijun ā kāsodou kwon-gun.
9Waigien hang-jang-wē k'wūn gu nung ilthing-a itan inā, Eutychus hin kiā, k'ougun gien, il k'ā-euons t'ist il dl-t'īt'ulgun; waigien hawun Paul tla geu gu gushu-agwī-gundān, agung il k'otldā-ulgundān, sha āgwī-gai sta il dlū-ī-t'ulgun, waigien la tl dl'īidun gien, il k'otulāgun.
10Waigien Paul kāālgun gien, la ing-gu il dlilthnāgun gien, la ga agung il shkwōdli-shgīdun, Gum gudung-ung lthkwīdadang-u; il hēnung-as altha, waigien hin il shugun.
11Waigien tlistleuon il katlālthagun gien, shibli ai il ginanung-gun gien, il tāgun waigien shantlanai k'eu tla ā il gūshū-hunsgutgī-gundlu, sta il kaidun.
12Waigien anung itan inas hēnung-as tl isdagun gien, tl gudung-ai waushāgadang-euon-gun.
13Talung tlou shipgai ā istal-tlagang-gun gien, Assos ā talung istlīigun, gu Paul kātlīdie da itil gudung-gun altha; hin etgai da il gudung-gun, tligwot kogai da il gudung-gun altha.
14Waigien tlistleuon Assos gu itil un il kātlagundlu, la talung kātlīdagun gien, Mitylene ā itil dung-alth kāgun.
15Waigien gai sta talung istlīgun gien, waudālēkw Chios hanltha talung istlītlagun, waudalekw ishin Samos gu talung gai-ung-ḵutlagun gien, waudālēkw ishin Miletus gu talung istlītlagun.
16Ephesus k'otīdan katlīgai da Paul gudung-gun altha, Asia gu gum il is-hunskutung-ai una; Pentecost shantlanai gut Jerusalem gu itsgai odō-yetdiē k'eu sta il lthkwīdagun altha.
17Waigien Miletus sta Ephesus ā church haade itladagai un il kil-ai-ang-āgun.
18Waigien tlistleuon la un tl istlagundlu, hin tla il shudagun: Asia gu lth katla-tla-gang-gun sta, tliku dalung alth lth etgīgini un-ū dalung ūnshidung;
19Waigien gudung-ai hēt et wautliwon alth isgien, kwūn-shkwūn alth ishin, Jews haade di un ga kil-lthasdlu gudung-ai lthkwīda di gu isīlgīni alth ishin, Shalana un lth lthong-gwilgīni;
20Waigien gin lā dalung ga shudie ga gum di lthwauga-ang-gīni, waigien tl kwon hang-gu isgien, dalung nāans ai ishin, gin dalung lth shkotadagīni,
21Shanung-itlagadas gudung-ung stīlthdie isgien, itil Shalana Jesus Christ yetdie ishin alth, Jews haade isgien, Greek haade geu gu ishin, lth gūshūgīni.
22Waigien, gwokeng, wet di gudung-ai k'ēchgu-wos gien, Jerusalem ā lth isang-kashang, waigien tliku gu di tl isdāases gum un di ūnshidung-gung;
23Waik'ianan Hants Las lana a wautliwon ai di ā gūshūs, k'ēchgū-wa isgien, gudung-ai lthkwīda ishin, di k'eu edung shugung.
24Waigien gum hēnung-gang di kwoyada-ang-gung, Shanung-itlagadas gia gudung-ai ligai gialthing-ē unsta shougai lthong-gwiliē Shalana Jesus di ga isdagun isgien, lth ishā-ūnuns ishin ēlthgīdiē da di guduns altha.
25Waigien gwokeng, kingdomgai edē dalung geu gu lth gūshū-gwong-gīni wautliwon tlan di hung-i keng-ases un wēt di ūnshidung.
26Althji alth-ū tl haada wautliwon ai sta di shkwūnas aiat dalung ga lth shudang.
27Shanung-itlagadas tliku gin ga stalthas wautliwon dalung ga shūdiē ga gum di lthwaugā-ung-gun altha.
28Duman lth agung keng-ū, waigien lumato un Hants Las dalung bishop-gēlthdaian wautliwon ishin lth duman keng-ū, Shanung-itlagadas gia church haade ai-ung alth il dahgan dalung lthdanūdiē una.
29Lth kātlīs silīa ōch sh'otsa dalung shuwī isdsā-ases un di ūnshidung, waigien gum lumatōgai kalthshint ū gudung-ung-ashang
30Waigien dalung shu sta ishin tl haada k'althougadung-ashang, waigien church haade dlālthgang kil-istalai un gin kilthgadung-a tl shūdā-ashang.
31Althji alth lth shanlth-ōdsūū, waigien lth tuda lth'ōnulth gut dalung wautliwon-ā-un algwau isgien, otgasdlu ishin, kwūn-shkwūn dung-alth, gum tlan lth gūshū-ung-gīni ā gudanung-u.
32Waigien wēt Shanung-itlagadas ā isgien, il kil k'ung-gudung-as ā ishin dalung lth isdang, althji-ū dalung tl-dugwīgai un isgien, tl lā shu dalung nā-ung-īlthdiē un ishin dugwīāgung.
33Nung haada gia dālē isgien, gūl ishin, gin giandalthing-ē ishin, gum ga di stalth-kwolth-dang-gīni.
34Stlang alth gin ga di stalthas un isgien, di alth ga isgai un ishin, gin lth ḵutliēdīni dalung ishin un ūnshidung.
35Gin wautliwon alth dalung lthong-gwilas gien, tliku ga āagasgai da dalung tlaadai las dalung lth kendagun, waigien Shalana Jesus gia gūshūē, utlīidai t'elg tla ga isdie ladsilthīgung, hin la gudan shouon ā dalung gudanung-ai ishin lāgung, hin Paul tl shūdagun.
36Waigien tlistleuon il gushugīgundlu, kwōlōng kudsung alth il k'ougun gien, tl wautliwon dungalth singlthgang il gushugun.
37Waigien tl wautliwon s'aig-euon-gun gien, Paul hel ga agung tl shkwōdlishguts gien, la tl shkwūnkagun,
38Gum housen il hung-i tl keng-ung-ashang il shugun gūshūē agunan waut'elg tl gudung-ai stigun. Waigien shipgai ā la tl k'ēstlagun.
ទើបបានជ្រើសរើសហើយ៖
Apostles-Gasgai 20: HAIDA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.
