Apostles-Gasgai 19
19
Chapter 19.
1WAIGIEN waudlā, Apollos Corinth gu ijan t'alth, Paul shā-gūsi tliga isis ai kāgan gien, Ephesus un il kātlagan, waigien church haade t'īch il kang-an;
2Dalung yetdaiandlu gu, Hants Las dalung isdaia? waigien hin tla il shudaian. Gā-anū; gum hawun Hants Las tla ga isdīgai talung gudungung-gun, waigien hin la tl shudaian.
3Gūsh-ā-ū dalung tl baptize-daiang? waigien hin il shouon. John gia baptism-gai ā-ā, waigien hin tl shouon.
4Gudung-ung stīlthda baptism-gai alth John tl baptize-dagang-an gien, la dlā nung kātlaungkasas tl haada il yetda-algang-an, waigien Jesus-ū il shudaian, waigien hin Paul shouon.
5Waigien tlistleuon adshi tl gudang-andlu, Shalana Jesus kiē ā tla tl baptize-daian.
6Waigien tlistleuon Paul tla ing-gu tldulth-daiandlu, Hants Las tla ing-gu isēlan; ligmw waigien tliga k'ulat haade kilthga tl gushouon gien, tla geu gu tl gushouon.
7Waigien tlāalth waugu stung dlu tl edan.
8Waigien Jews haade gia churchnagai ai il kudsaian gien, khōng k'ē-lth'ōnulth gudung-ai tladsga alth il gushouon, Shanung-itlagadas gia kingdomgai ginagai edē il gūshūs gien, ishin un gu il shūgang-an.
9Waigien tlistleuon tl t'īch gudung-ai shing-idsgagandlu, gum ging-ān tl edang-an, waigien tl shkūlas hang-gu [Shalana gia] k'eu-e ā tl kīlthilth-gūdang-andlu, tla sta il kaidan gien, church haadgai tla sta āda il isīlthdaian, waigien shantlan wautliwon Tyrannus gia school-nagai ā il gushugang-an.
10Waigien tuda stung hin il edan; althji alth-ū tl wautliwon Asia gu ijan, Jews haade isgien, Greek haade ishin, Shalana kil gudang-an.
11Waigien Shanung-itlagadas Paul stlai alth gin un k'uldung-a-euon isdagang-an;
12Althji alth-ū il lthū sta kuntīga isgien, kungīgā ishin ga stisgai ā tl isdagang-an, waigien tl stis tla sta hīlūs gien, hants dāungas ishin tla sta kiā ga ijang-an.
13Waigien Jews haade t'īch istalguns gien s'agāgan, waigien hants dāung-as ga dāasgai t'elg Shalana Jesus kiē unsta tl shugang-an, Jesus, nung alth Paul tla geu gu gūshūs althū dung lth isulgung, waigien hin tl shugang-an.
14Waigien nung Jews haada, liplet un itlada, Sceva hin kiā, gitalung dsikwau-ū hin edan.
15Waigien hants dāung-as hin hanglthang il shudāwon, Jesus un di ūnshidung, Paul un ishin di ūnshidung; kītldou dalung tl' ijung? hin il shouon.
16Waigien anung ilthing-a ā hants dāungas ijan la gwī otlalthāwon gien, il stung-un il dukw-āa-dāwon gien, la t'elg il dugwīāwon, althji althū k'althōnan isgien, ishin il tligiāwos dung-alth, wodshi nai sta il ḵūstawāāwon.
17Waigien Jews haade isgien, Greek haade ishin, Ephesus gu nāang-an wautliwon adshi un ūnshidalani; waigien tl lthwaugulth-ōdsāwon gien, Shalana Jesus kiē ga tl gūtgudalan.
18Waigien ga yetdaian-gai kwon ishin istlagan gien, gin tl isdagang-an unsta tl shouon.
19Waigien ga s'āgasgai kwon kōgīnē gūdā ung-a isdaian gien, tl wautliwon hang-gu ung-a tl sisaian; waigien shou tl k'wai-indaian gien, dāla ḵutīla thousand-gai tlāale tlēlth isis un tl ūnshidan.
20Kwūnan Shalana kil īnastlaian gien, gwī kāalan.
21Waigien ashgai tlan-ēlandlu, Macedonia isgien, Achaia ishin, ai Paul kāgandlu, Jerusalem ā il kālthing-ang il gudang-an; Gu lth isgīsi sta, Rome ishin lth kāng-gai lāgung, hin il shouon.
22Waigien il gitsadalung stung, Timothy isgien, Erastus ishin, Macedonia ā il kil-istīidan gien, tla tl k'wai-umdsiwun Asia gu ijan.
23Waigien althsgai nūt Shalana gia k'eu-ē agunan tl gudung-ai lthkwīd-euon-an.
24Nung ilthing-a Demetrius hin kiāgan, dāla tloulthalē-gagan, Diana gia churchnagai da dāla alth il nījung-gang-an, ga tloulthasgai ga lthong-gwila kwon il isdagang-an altha;
25Althsgai isgien, ging-ān ga lthong-gwilgang-an ishin, gudung-alth gudā il isdaian gien, hin il shouon: Tl itladas, adshi lthong-gwiliē agunan itil ginlthing-as un dalung ūnshidung.
26Waigien gum Ephesus gu s'wonan edang-gung, gūshāku Asia tligai ashkwau-un gūt, unis Paul tla un ga shūs gien, tl haada kwon il kil-stēlan, gin k'etda stlang alth tlou-lthias gum shanung-itlagadas isang-ung il shūs dalung kens gien, ishin dalung gudung-gung;
27Waigien gum adshi ītilgia lthong-gwiliē s'wonan ging-gang-an elgai ga itil lthwaugā-ung-gung; sha-nung-itilgudsada euon, Diana hin kias, gia temple-gai ishin tlan ēlths gien, la un yāgu-dung-ai ishin la sta gūīlē ga ishin itil lthwaugang, Asia haade wantliwon isgien, hēt-tligai wautliwon gu tl is ishin, la ā singlthgang gūshūs altha, waigien hin il shouon.
28Waigien tlistleuon adshi tl gudang-andlu, tl kālthi-yilthd-euon-an gien, Ephesus haade un nung Diana-gas euon-gung, hin kwūnan tl shouon.
29Waigien ilnagai gudan lthkwīdiē alth stah-gan; waigien gudung-althan gin ā kā-ūgā nugai ai tl ḵūdsgadsaian gien, Gaius isgien Aristarchus ishin, Macedonia haadas Paul alth istalgang-an, tl gitsgīlthdaian.
30Waigien tlistleuon Paul haadgai kwulth kudsiē da gudang-andlu, church haade lang-a gūdāung-aian.
31Waigien Asia gu ga itladasgai t'īch ishin, il tou-alung ijan, la tu-kilkaidan, waigien gum gin ā kā-ūgā nugai ai la tl kudsā-althang-an.
32Althji alth tl t'īch āda shus gien, tl t'īch ishin āda shugang-an; tl wautliwon gudung-ai lthkwīdaian altha; waigien gin agunan gudā tl ijan tl kwon gum un ūnshidang-an.
33Waigien shkūliē shū sta Alexander tl isdaian gien, tla hang-gu Jews haade il isdaian. Waigien Alexander stlang jistlaian gien, haadgai ā gushuē da il gudang-an.
34Waigien tlistleuon il Jews haadagan un tl ūnshidalandlu, tl wautliwon gūt ging-ān gushgīt stung gūt, Ephesus haade un nung Diana-gas euon-gung, hin shouon.
35Waigien tlistleuon ilnagai un nung itladas ga shkūlasgai ā stugadandlu, hin il shouon; Dalung Ephesus haadas, Ephesus haade gia ilnagai Diana nung euons gia temple-gai isgien, Jupiter sta gin k'etda dlū-ī-t'alan ishin, duman kāng-lē isis, gīshdū gum un ūnshidang-gung?
36Gum nung swonshung-un ashgai un kīlūnung-ans alth-ū, kīlthwol dalung isgien, gudung-ung kōnast gum gin dalung isda-ung-ai ishin lāgung.
37Atl ilthansidas althgwī ga dalung isdagun altha, waigien temple sta kwōlthdalē-alung isgien, itil itilgudsada ā gushou dā-ung-a shudalē-alung ishin, gum il isang-wong.
38Althji althū Demetrius isgien, la alth ga lthong-gwilasgai ishin, nung haada un gudung-ai stisdlu, ging-kilisalang nugai wau sta odsūgung, waigien pro-consul adlun ijung; ak'won lth gūt hanltha tl gūshūda.
39Gin āda edē kā-ū-gie da dalung guduns-dlu tlou, tl councilgasdlu tl ēlthgidā-ashang.
40Aiat gudung-ai lthkwīda is edē itil alth tl kīānung-ai ga itil lthwaugas altha, waigien gum gin agunan tl shūs gūt kolthang-gung; waigien adshi gudā itsgai gum tliku ā talung kīlthāl-lthing-e kāug-gang-ashang, waigien hin il shouon.
41Waigien tlistleuon hin il shugīgandlu, gudungalth ga ijan-gai il kilistīidan.
ទើបបានជ្រើសរើសហើយ៖
Apostles-Gasgai 19: HAIDA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.
