looma 1
1
1na a'o zou soskuskunu to iesu kilisto ci poolo; isi epeiya to hamo ho poa sitoo, afnasa popeoskuna a'o ho poa epeaski to fukuinsi.
2-4'e fukuin eni ohsicula noana'va ieni to eyongensa to hamo ho mito seiso ho teomneni, ina 'ayumonasi isi engha zou 'o okosi - 'o nooe'ocato ci iesu kilisto. hoci ieni to feangosi, zou mʉntʉ'ca to tavite; hoci ieni no socofkoya ci yu'ausnasi, maica isi poa i'mi to mcoi ho smoevovei to hamo, boemi to meoino tonʉ isi epa'teni zou oko to hamo. 5ieni to iesu, mi'o mayo to afnaso ci mengumi, nomio to ongkosi ho sitoo, ho eahafa 'e cou ta mauhpʉhpʉngʉ ho poa tmaa'uzoa to iesu. 6teeno ahtao'te ta'ayumona 'e mimu yonta looma ho noa epeiya ho tma'usnu to iesu kilisto ci cou.
7te'o tuayokeo ta mimu afu'u yonta looma ci isi ngohia, ho epeiya to hamo ho teyai 'o'oko ci cou.
faeni'sio muu to hamo ho ito nooe'oca iesu kilisto na mengumi ho soanonosi!
to'aveoveoyʉ ci 'inoli
8ahoisi, ieni to iesu kilisto, te'o nomio muu ho mi'usnu to homo ho to'aveoveoyʉ, maica ina singkoomu micu psoengabo ta mauhpʉhpʉngʉ. 9isi cohivi to hamo la asngʉcʉ yono 'inoli'u ho taaecingia muu. la'u pnanfi na 'tohʉngʉ'u koyu'u ho fifiho to hamo, psoyaska 'omo natʉ'ca 'o okosi ci fukuin; tesi peelʉi soomei ho mo a'ʉmtʉ emio 'e e'e'u. 10la'u 'inoli to hamo, fiho no ʉmnʉ ci 'tohʉngʉsi ho ptuceoneni a'o, atavei poa yaa 'oc'ocic'o ci hie ho baito muu. 11os'o na'na 'ucia aiti muu, toehungneni tma'upu nomo no'usnu no piepiyasi ci mengumi, ko'ko poa ma'mamahtʉicʉ muu. 12hocieno nte'o yainca, i'mi no singkooto, teto meelʉ yupania mayo no poucufnu.
13maanat'ohaesa, te'o poa cohivneni muu, mo'u siho ma'koyu no baito muu, at'inghi la conino yaa nomʉtʉ ci hi'hioa ho o'te emozou. na te'o mituhci nte'o uhta taicomu ho engochʉ ta cou ho poa tmaa'uzo to nooe'oca. totiski ho la'u yonto taico to mocmo ci couyafana. 14maica 'upena hoci'u mi'usnu no cou cuma, coungilisia, couyafana, motposʉ hocieno o'te motposʉ, os'o acʉha yuevahi. 15ko'koeno, la'u tongtongsoya no psoecʉ'ha ta mimu yonta looma ci cou 'e fukuin eni.
tonʉ ta fukuin
16o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana. 17maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou#<'omo i'mi no tmaa'uzo ho yupa toseolʉ na natʉ'ca to hamo te elʉ no nsou> hocieno yainca <'omo yupa toseolʉ 'o hamo ci cou, te i'mi no tmaa'uzo ho elʉ no nsou>..>
kuisi ta yatatiskova
18'e 'oha einu ho 'oha peislʉlʉ ta cou cu feʉ'sa 'o so'emio, 'o hamo micu i'mi ne pepe ho pa'teni na sʉ'nosi. 19ho isi patvovei to hamo 'e yatatiskova; mo maica i'ote peelʉi cohivi ta cou ci lasi hi'hioa, isicu poa husansaneni to tuhcu to mcoohe, maisi invonva mi'usni to hamo 'e yatatiskova ho aopa'ta. 20'ola o'te peelʉi aiti ci yu'ausna to hamo, 'ai'oeno 'auesiesi ci tonʉ ho i'o yu'ausnasi, a'ʉmtʉsi isicu ahoza ho ohon'a teyai 'e hpʉhpʉngʉ hocu teolʉi, te i'mi ta ohsila teyai ci acʉcʉhʉ ho honga. ko'koeno 'e cou uk'acite peelʉi 'o'emamzi. 21lahe e'vono cohivi ta cou 'o hamo, at'inghi o'a lahe faeni to hamo na psoevohngʉ, maezo o'ala to'aveoveoyʉ to hamo; la ma'loʉngʉ 'o koyuhe, voecʉvcʉ 'o 'tohʉngʉ. 22la ma'unano mo iachi mau'to'tohʉngʉ, a'ʉmtʉsi mo nongonongo. 23o'a lahe p'ohkui 'o 'auesiesi yaansou ci hamo, namala auyu m'ohkuyu to uacoua, 'ai'oisieno ho teoteai poa mi'u'usnu to te mcoi ci cou, zomʉ, yuansou, mayoyoi.
24ko'koeno, 'o hamo lasicu moeza poa maino 'tohʉngʉhe ho poa peismi tola peisnonoekʉnka ci hi'hioa, yupa acaca'i to iachihe feango. 25ihe ciha 'o so'emio to hamo, tiouhe tola ma'ankʉ; la m'ohkuyu to ohoc'o teyai ci macucuma, ho o'te p'ohkui 'o moso mooyai ci nooe'oca - nte 'auesiesia tohmomoengʉneni, 'aamen!
26i'mi homo maicac'o, 'o hamo lasi mooeza poa fiho no 'aʉnpʉnpʉ ci ma'cac'ouhe; 'o maamespingi la peispuyu to ʉmnʉ ci yu'ausna no yup'ouso ho peʉezi to 'aʉnpʉnpʉ ci yup'ouso. 27maezoc'o 'o haahocngʉ lahe teongasi 'o ʉmnʉ ci yu'ausna no yup'ouso 'o mamespingi, yupa poot'ou to poc'ou ci 'tohʉngʉ, 'o hahocngʉ ho hahocngʉ mioc'o totiski ho peis'usnu to isi h'oinveni ci hi'hioa, atavei m'elʉ note anana'va elʉa tamo peiskuzkuzo ci patvovei.
28homoeno ma'unano o'ate nama 'ahʉyʉ ebobohngʉ to hamo 'e cou, isi moeza ieni no 'tohʉngʉhe to hamo ho poa yaa kuzo ci 'tohʉngʉ, hioa 'o o'ante hioa ci hi'hioa. 29isi nongcʉngci to mav'ov'o ci 'oha moulʉlʉ, kokuzo, ma'konvosʉ, peismamahiz'o; yaeza nongcʉngci to smo'eubut'u, opcoi, youbobai, moezʉezʉhʉ, ho ito kuici koyu. la mooyai e'e, 30yupa eayaezoyʉ. la himsʉ'no to hamo#<la himsʉ'no to hamo> hocieno yainca <isi so'eʉsʉ'nova to hamo>.. yupa aokoe'i, bobitano, 'o'efnaso, mooyai ep'ʉcʉ, 'oha meot'ʉcʉ to maameoi, 31peihcʉcʉhi na kuzo, e'e ho o'te fihi, uk'a himngonghi, uk'a himcocoveoi. 32ihe cohivi, hoci ieni no mashʉyʉ to hamo, namo afu'u peis'usnu tamo maica ci hi'hioa nte mcoi; at'inghi, o'ala anou iachia maica 'o lahe hioa, leahen'a ʉm'ʉmnʉa na mocmo hoci peis'ofeihni.
ទើបបានជ្រើសរើសហើយ៖
looma 1: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
