looma euskoskopa
euskoskopa
ho isi tposi to poolo 'e tengami to kiokai ne looma mo ae'ayocʉ tena akoyu no uhne looma. 'o isi ta'koeva to poolo te auyun'a noomane yonto 'ayumona to sinto ho ake'i yaahioa, atavei noa to'usni ho emo'cʉ'cʉnʉ ne sivania. ho isi tposi 'e tengami eni isi esansana na hia co'cohivi na singkoo no mi'usnu to kilisto, ho ina te hia yono h'oyunsova ta sinto ho peiseafi. na eni zou tposʉ nosi atva'esa esansana to poolo na isi psoyaska.
'o poolo mo ahoi tuayokeo to sinto cimo yone looma, eʉsvʉta ho lasi asngʉcva 'inolineni, acnguhu, isi esansana na isi etuhca ta tengami tan'e: <maica 'e fukuin eni isi paavi 'o hamo te yainenu 'e cou ho poa yaa naseolʉa ci natʉ'ca: te i'hoi no tmaa'uzo, ec'ʉhʉ no tmaa'uzo.> (1:17)
isi asuhca eocoya to poolo 'e isi etuhca. isi yainca no koyusi, acʉcʉhʉ 'e yatatiskova, 'upena na couyutaya hocieno couyafana, te asansano acʉhʉ yupa naseolʉa na natʉ'ca to hamo. 'e yatatiskova ta ceoa isi acʉha skotʉkca no kuisi, mac'o tmaa'uzo to iesu kilisto 'e yatatiskova nianten'a meelʉ yupa suseolʉ na natʉ'ca to hamo. acnguhu, isi tatoyangzi to poolo 'e yatatiskova ho i'o hamo hocic'u yaa ʉmnʉ ci natʉ'ca te meelʉ yuecnguhu na faeva ci nsou to kilisto. namo tmaa'uzo ci cou te yaa suseolʉ ci natʉ'ca 'o hamo; na piepiya to hamo tesi i'mi no tonʉ no kuisi. mcoi ho psoevoyunga. to 5soo ac'ʉhʉ to 8soo, isi yaeza toʉsvʉsvʉtneni to poolo na atuhcusi to hoolicu to hamo, ac'ʉhʉ no ʉmnʉsi no tonʉ to piepiya to hamo homo yonta 'ayumona ta nsou ta sinto. ataveia toʉsvʉsvʉtneni 'e couyutaya ho i'o couyafana homo yono isi ta'koeva to hamo tee mainenu na tehe hioa. 'o isi etaveiya: 'o couyutaya ihe hopsʉpseni 'o iesu ho zou 'oahngʉ no isi ta'koeva to hamo - 'o hamo tesi ieni to iesu kilisto ho poa meelʉ elʉ no mengumi no to'usni 'e yatatiskova. isi taa'uzva to poolo o'ate aosu'u bʉʉpsʉpsʉ to iesu 'o couyutaya. sotaveisi isi toʉsvʉsvʉtneni 'e sinto ntee mainenu na h'oyunsova. efnasa na boemi no himngonghi ho noteuyunu 'e cou. isi yaeza eololʉa 'e sinto natela hia fifiho to hamo, natela sviei hola mi'usnu ta hpʉhpʉngʉ ho ita mocmo ci cou, ec'ʉha no mou'ʉmnʉ ci koyu. isi ieni to tuayokeo ho tohmomoengʉ to homo ho aepʉnga 'e tengami eni.
etaica
1. ehoza ho ekayo (1:1-17)
2. te noa to'usni 'e cou (1:18-3:20)
3. ceoceona no to'usnu 'o hamo (3:21-4:25)
4. no'ayumonʉ to kilisto ci faeva ci nsou (5:1-8:39)
5. yono isi ta'koeva to hamo ci 'isolaelu (9:1-11:36)
6. peipeis'ausna ta sinto (12:1-15:13)
7. eepʉngʉ ho tuayokeo (15:14-16:27)
ទើបបានជ្រើសរើសហើយ៖
looma euskoskopa: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014