sitoo 24
24
ehpʉngneni to couyutaya 'o poolo
1micu miemohi, 'o taisaisi 'anania ho i'o mo piyo ci coolo, a'upu 'o cihi ci leehcʉvho tetulo, cmʉ'ho ta kaisalia. mo mi'usnu to sootoku fuilisu ho ehpʉnga 'o poolo. 2ihe poa yuyafo 'o poolo; isi ehpʉngneni to tetulo 'o poolo ho yainca:
<koe'ia ci fuilisu! fiho no lako toutʉs'ʉ ci hia aʉt'ʉcʉ, mimza meelʉ nona'o suseomʉ, teoezuhi 'ola 'oha suce ta hpʉhpʉngʉ. 3'e ʉmnʉ ci lako hia aʉt'ʉcʉ, leamia conino siya ta 'tohʉngʉ na 'aveoveoyʉ. 4o'a te'o smeecʉ'ho aemoemou efeo'fu'u suu, te'oc'o m'eya maka talʉi 'emo nanʉhtʉ ci ehpʉngʉ: 5imzacu husansana, 'e cou eni isi sokoeva ci cou. yonta 'ayumona ta couyutaya ta mauhpʉhpʉngʉ mita mooyai 'afeo'fu'u, maezo toomoku to cono taucunu to nazalo kio, 6ac'ʉhʉ to seiten ho eoveoya, imzacu tʉtpʉta.#panto piyo ci tposʉ noana'o isi topuhngi ta isi pahtaveiya ta taicosi ta 6 secu ho ac'ʉhʉ to auyusi to 8 secu <ntemza 'ucia fihneni to hoolicumza ho yʉsvʉta taini, 7 o'a imza ta'pangnʉ'va ho tesi nomʉta to eahafo ci lisia, i'mi ta emucumza ho ti'einga, 8 a'vinano pashʉya 'emo anana'o ehpʉngʉ ho poa uso suu.> 8ho tako tuucocosi na taini. 'atakocu cohivi ho mio a'ʉmtʉ emio 'e imza ehpʉngneni ci hi'hioa.> 9'omo no'upu ci couyutaya mo maezo tmunsohʉ ehpʉngʉ, ho yainca mio a'ʉmtʉ maica.
ehcʉvheni to poolo 'e iachi
10ne mio, isi poa ya'ei to sootoku 'o poolo. isicu yainca to poolo: <os'o cohivi micu toaveiveiya ho osko tiʉt'ʉca 'e hoolicu ta hpʉhpʉngʉ tan'e, ko'ko 'aveoveoyʉ ho mi'usnu suu ho ehcʉvheni 'e iachi. 11tekoeno ngoveoa cohivi, ahoi ne mo'u uhne 'elusalemu ho m'ohkuyu ac'ʉhʉ maitan'e moc'on'a mimaski ueso no hie. 12uk'a ci mihin'i baito hoci'u yonto seiten ho yupa 'eehcʉvho no mocmo, yaeza o'aihin'i aiti hoci'u yonta kaitoo hocieno ta 'ayumona ta hosa ho epopoot'ou tamo botngonʉ. 13o'a tehin'i peelʉi mi'usneni suu ho tuyafa na koa ihin'i ehpʉngneni a'o. 14at'inghi, mo coni 'o te'o tiova: mi'o i'tohungu to ihin'i ta'unano mo epeu ci ceonʉ ho m'ohkuyu to hamo to nia maameoimza. os'o yaeza taa'uzva 'o hoolicu to moose ho i'o isi afu'a tposi to tposʉ to eyongensa. 15to hia'u mi'usnu to hamo mioc'o totiski hin'i na la'u ta'usni. 'aeno tata'ia 'e afu'u cou, 'upena namo ʉmnʉ ho kuzo. te acʉhʉ i'mi no mcoi ho smoevovei. 16ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.
17<ho mi'o mongoi ne 'elusalemu micu aʉlʉ toaveiveiya. ho mi'o yuovei maitan'e ma os'o hafa 'o yupasʉ no to'usnu to 'oahngʉ, a'vinano aosu'u sʉ'tʉ. 18ne ihin'i cu teolʉi to seiten a'o, mi'ocu aepʉngʉ meecofkoya ho seolʉa no sʉ'tʉ; o'a mi'o eteuyunu nomo botngonʉ, o'a mi'o h'unano 'afeo'fu'u. 19at'inghi panto mo i'mi ne 'aziasoo ho cmʉ'ho cimo piyo ci couyutaya mo yonto ic'o, 'emo piyo ci cou hoci pano tehin'i koa ehpʉnga ci hi'hioa. mantehin'i uhta tuhcusu ho ehpʉngʉ. 20hocieno o'te poa pas'osneni ta mihin'i yontan'e ci cou. ne mo'u yonto ngikai ho eus'ʉs'ʉ. hoci pano mo yaa kuisi ci peipeis'ausna. 21ne mo'u yac'ʉ to tuhcu hin'i mo'uc'o tmunoi ho mo'engho tomo conci e'e, 'aeno: <<ho mi'o noa yʉsvʉta muu maitan'e, ci'a mioc'oeno nomio no taa'uzva 'e cou hote i'mi no mcoi ho smoevovei.>> >
22'e fuilisu isi anana'va a'sʉftona co'cohivi 'e ceoceona tan'e, isicu tosveni talʉi 'e ehpʉngʉ, mi'usni ho yainca: <te toteana'a 'o eahafo ci lisia ho tac'u cmʉ'ho, ta'ucu yʉsvʉta.> 23isi pashʉi 'o ngungkang ho noʉt'ʉci 'o poolo, aʉlʉlʉa, teomneni na ma'o'oahngʉsi ho hocihe hafneni no tesi tititha.
yonto tuhcu to fuilisu ho tusila 'o poolo
24micu 'enemipiohi no hie, mo yuyuso cmʉ'ho 'o fuilisu ho i'o vcongʉ nosi couyutaya tusila. eoho'a 'o poolo, talʉi ho isi yue'engha na singkoo no mi'usnu to kilisto iesu. 25isi yaeza yue'engha to poolo na mou'ʉmnʉ, ma'tʉkcʉ, ho ina hia ma'cohio no yʉsvʉta ho noana'o. mo na'no ma'sasmoyo 'o fuilisu; mi'usni 'o poolo ho yainca: <teko yuovein'a, totea ho hocic'u meemeelʉ ta'u i'vaha eyoho'a suu.> 26mo maezo mooteo hocisi teonghi no yupasʉ to poolo, ko'ko lasi asngʉcva eyoho'a ho yupeahngʉneni.
27micu topuska, 'o pociu fuisutu mo noʉe to fuilisu ho sootoku, 'o fuisutu maica homo mici noa ʉm'ʉmnʉa to couyutaya. isic'on'a asngʉcva siya ta poo'usna 'o poolo.
ទើបបានជ្រើសរើសហើយ៖
sitoo 24: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
