Matthew 5
5
Ȣisk-haton nateioteriȣasonterakȣen.
1Ȣahattoke ne Iesos tsi kontiokoȣanen ronȣanonteratie, onontoharake niiahare: nok eh iahatien, oksaok ȣathonȣatiataton ne raotiokȣa.
2Nok kenh nahaiere tsi ȣasakorihonnien.
3Iakotaskat nʼiakonikonrenton: aseken akoȣenk ne karonhiake.
4Iakotaskat ne teionsenthos: aseken entsiontatenikonraieȣenthote.
5Iakotaskat nʼok tiiakaȣeron iaȣeronhatie; aseken akoȣenk enȣaton nonȣentsia.
6Iakotaskat ne tkariȣaieri iontonkariakta oni iakoniatathata: aseken enhiontatatahten.
7Iakotaskat niakotaʼnitenraskon, aseken entsiontatitenre.
8Iakotaskat nʼiakaȣeriasiio: aseken onhonȣaken ne Niio.
9Iakotaskat nʼiakoianerenseriio: aseken Niio sakoienhokonha enhiontatenatonkȣake.
10Iakotaskat ne kariȣiioston iontatkenronseronniatha: aseken akoȣenk ne karonhiake.
11Enseȣataskat ne katke kiok, niatekon enhietsiienhase, enhietsirenhiakente oni, nok oni nii akeriȣake niatekon enhietsiiennoȣenta-nionhase.
12Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.
13Ise ahoiotsis tsi ionȣentsiate; nok tanontokat enȣatasoko ne teioiotsis, ohnahoten tentsie-iotsistarhote? neok ȣahi skasta nʼaste iaiakoti nok taionskȣaseronkȣate.
14Ise ahosȣathesera tsi ionȣentsiate: iahȣahi taonton aiotaseton nʼonontoharake kanatahere.
15Iah oni ȣahi okȣirokon tiieiehaserotha nahehaseroten; iehaserotakȣake ȣahi enhienioten; nok akȣekon tenhiakosȣatheten ne kanonskon ieteron.
16Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.
17Tosa seȣerhek skianerenserarisionhe kenh; iah: neh tanon nakierite tsinihotiiaton ne Rotitokensehakȣe.
18Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.
19Onka kiok, enskat oni ahariȣaiesate tsinikon ȣakȣarori, ethoʼkʼ oni nahaiere tsi asakorihonnien nonkȣeokon, neh raonhaa nenthosennaska nʼonen ienraȣe ne karonhiake; nok tanon nenthoriȣaieriton tsi ensakorionnienni enhasennanoronne ne karonhiake.
20Aseken ȣakȣarori, iah karonhiake teseȣetane ne iah senha tentiseȣariȣaierike tsi niiot ne ratiiatons oni ne Pharisien.
21Seȣariȣaronkas tsi ronȣatiroriskȣe ne seȣahsotsera: Tosa sherio nonkȣe; nok enhonȣariȣente nonkakiok enhataȣentho.
22Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.
23Tokat oni onen iahaseȣe tsinonȣe nitseȣenniiostane ne Niio, eh aonsaseiarane tsi ronikonraksens ne tsiatatekenha ise sariȣake.
24Ok eh sati tsinahoten ahsaȣi, niare saseniriȣaseronni ne tsiatatekenha ethone tentese ienseriȣaierite oni.
25Tosa sanisko naonsaseriȣaseronni tsionnhe nasenikonraksaton, aseken iotteron ne kariton iahonȣarihon, nok tehaiatoretha ia honsahorihon, nok iaiesannhoton.
26Oriȣiio tsi konrori tsi ok enskarokten nonaken katakȣen ne kȣenis tentesiakenne neh nonȣe.
27Seȣaterientare tsini honȣatiriȣatati ne iestsisothokonkenha: Tosa satenakȣaiesat.
28Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.
29Tokat tsi seȣeientetakon naskarati sariȣaiontatenni, stako, ihnon oni iasati: aseken senha ioianere ne skati taonsaskaratake kaȣenniioki tosa tsiatakȣekon Oneson aontetsirat.
30Tokat tsi seȣeientetakon nasenentsati sariȣaientatenni, itsiak ihnon oni iasati: aseken senha ioianere ne skati tasenentsontake tsiniiot ne tsiatakȣekon asatetsirate.
31Sekon are oiah sonȣatirori: Tokat onkakiok enshateȣentete ne rone, raiatonseronkih ne tetsiontekhasiata.
32Katon kati nii: Onkakiok enshateȣentetane ne rone niah kentehsera tenhiostonthe, iatehaiati ki enhakaronni, nok onkakiok enshotiniake netho ionkȣe oriȣiio tsi enhonnhike.
33Seȣariȣaronken oni tsi ronȣennenni ne seȣatsotserakenha: Tosa tsesat Niio Raosenna; ensatateȣennaierite tanon tsini sarharastston.
34Katon kati nii: Tosat seriȣanirat tsiokoni naontahiotieraton: iah oni tsi karonhiate, aseken Niio rahonistskȣara.
35Iah oni nonȣentsia; aseken ne konrasitokeȣata ne rahosita; Tosa oni Jerusalem; aseken Onontiiokoȣa raotenata.
36Tosa oni seriȣanirastst ne Sanontsine aontastako: aseken iah taskȣeni, nenskat oni asennratonni ok neʼsʼenʼsʼ ne kanonkȣiseraontsi.
37Neok tanon kenhak ne saȣenna: enh, enh, iah, iah; aseken nisinonh kariȣaksen.
38Seȣariȣaronkon oni tsi kaiaton, ȣaton: Okara iatenskene nʼokara, nok nʼonaȣira, onaȣira.
39Katon kati nii; Tosa seȣahtsent; ok eken tanon nonȣa, tokat tsi seȣeientetakon aiesaranonsaiake senatonhas oni ne skati.
40Tokat oni onka kiok enhiaiatonseron ne sakhare tahakanerake, iahatson kenikȣekonhak natiataȣi.
41Onka kiok aiatennekaronkȣen ahetsiatenrosen tsiniiore ne seȣateniententsera, asennon nʼiasohestst.
42Hehtson nʼiariȣanontonni, nok tosa hetsiatarontiens ne ranihas.
43Seȣaterientare oni sekon tsi ronȣatirori: enshenonȣehake akȣekon nonkȣe, nok tanon enshesȣenseke tsiniiakon iesasȣens.
44Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.
45Aiaȣens iaontoriȣiheȣe ne tokenske etsiseȣaienha aonton ne Etsiseȣaniha Karonhiake tenteron: aseken iah tatehatihas, ok satesakosȣathetenni ne ionkȣetakson tsiniiot ne tionkȣetaieri.
46Nahoten ensatonnrakȣate neneok ashenoronkȣake ne iesanoronkȣa? iah oni kenh naha oh tehatiierha ne ionkȣetaksen okonha?
47Tokat nonȣa neok teseiarhoton ne tesatennontere, ohnahoten iesoheststa tsiniiot notiake? iah oni kenh neneh eh tehatiierha ne ionkȣetaksen.
48Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.
ទើបបានជ្រើសរើសហើយ៖
Matthew 5: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
