ខគម្ពីរពេញនិយមពី Matthew 5

ចែក​រំលែក

Iah oni ȣahi okȣirokon tiieiehaserotha nahehaseroten; iehaserotakȣake ȣahi enhienioten; nok akȣekon tenhiakosȣatheten ne kanonskon ieteron. Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

Ise ahosȣathesera tsi ionȣentsiate: iahȣahi taonton aiotaseton nʼonontoharake kanatahere.

Iakotaskat nʼiakaȣeriasiio: aseken onhonȣaken ne Niio.

Iakotaskat ne tkariȣaieri iontonkariakta oni iakoniatathata: aseken enhiontatatahten.

Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.

Iakotaskat nʼiakonikonrenton: aseken akoȣenk ne karonhiake.

Iakotaskat nʼiakoianerenseriio: aseken Niio sakoienhokonha enhiontatenatonkȣake.

Iakotaskat ne teionsenthos: aseken entsiontatenikonraieȣenthote.

Iakotaskat ne kariȣiioston iontatkenronseronniatha: aseken akoȣenk ne karonhiake.

Iakotaskat niakotaʼnitenraskon, aseken entsiontatitenre.

Enseȣataskat ne katke kiok, niatekon enhietsiienhase, enhietsirenhiakente oni, nok oni nii akeriȣake niatekon enhietsiiennoȣenta-nionhase. Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Iakotaskat nʼok tiiakaȣeron iaȣeronhatie; aseken akoȣenk enȣaton nonȣentsia.

Ise ahoiotsis tsi ionȣentsiate; nok tanontokat enȣatasoko ne teioiotsis, ohnahoten tentsie-iotsistarhote? neok ȣahi skasta nʼaste iaiakoti nok taionskȣaseronkȣate.

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Neok tanon kenhak ne saȣenna: enh, enh, iah, iah; aseken nisinonh kariȣaksen.

Seȣariȣaronkon oni tsi kaiaton, ȣaton: Okara iatenskene nʼokara, nok nʼonaȣira, onaȣira. Katon kati nii; Tosa seȣahtsent; ok eken tanon nonȣa, tokat tsi seȣeientetakon aiesaranonsaiake senatonhas oni ne skati.

Tokat tsi seȣeientetakon naskarati sariȣaiontatenni, stako, ihnon oni iasati: aseken senha ioianere ne skati taonsaskaratake kaȣenniioki tosa tsiatakȣekon Oneson aontetsirat. Tokat tsi seȣeientetakon nasenentsati sariȣaientatenni, itsiak ihnon oni iasati: aseken senha ioianere ne skati tasenentsontake tsiniiot ne tsiatakȣekon asatetsirate.