Matthew 27
27
Teȣasen nok tsiatak Teioteriȣasonterakȣen.
1NOK nonen siiorhonkene, ȣahontkennisa ne ratitsihenstakȣeniios oni ne rotikstenhokonha ȣahonȣatsienhaien ne Iesos oni nahonȣario.
2Ȣahonȣanerenke, Pilatne niiaonȣaiatenhaȣe ehoni iahonȣatsiakȣarisi.
3Ethone ne Sitas Sahonikonraientane tsi ronȣariȣentane, sahatateriȣasten, nok ionsahaaȣe nasen nikaȣistasen eh ionsahoti rahotihenton ratitsihentakȣeniios oni rotikstenhokonha
4Ratonne: onkennhike kanekȣensanoron ȣakatenninon. Tahonniron ii kati ken onkȣariȣa? Satateriȣaseronnien ki ȣahi nise.
5Ok eh tiionsahoti ononsatokentike, ehren sarete nok iahatatniaterenke.
6Kenh kaien ne Ratitsihenstakȣeniios sahatiiena noȣista nok ȣahonniron: iah teioianere ne iataonseteȣaieste ne kaȣistakȣeniioke aonseteȣata: Aseken Onekȣensa iateiohnenon
7Nok iathotiriȣaientase ranahtsionni ȣahonȣahetaninon, tiiete enhiontatiatatahastake.
8Nese ȣaonni sekon nonȣa, Onekȣensa aoheta, konȣanatonkȣa.
9Neh kati iakaierite tsinihaȣen Rotokensehakȣe Jeremi; raȣen: sahatiiena nʼasen nikaȣistasen neneh iatehonenon tsi ronȣatenninon ne tehonȣakonhentakȣen, ne oni ronateriȣaseronniaton nʼIsraerhaka.
10Neh sahonȣahetaninonte ne ranatsionni, tsiki nihakeriȣaȣi ne Roianer.
11Iesos iahonȣaiatheȣe rahoenton ne rakora, nok tahoriȣanontonse, ȣahenron; Iseken ne Sitaeronon Iesanontiio? Tontahenron ne Iesos akȣa tasierite.
12Eh nonȣe nahonȣariȣarho ne ratitsihenstakȣeniios oni ne rotikstenhokonha, iah othenon tatethoriȣaserakȣen ne Iesos.
13Ethone ne Pilat ȣahenron: iah kenh tesathonte tsini iesariȣarhos?
14Iah ki othenon tethotati, nese ȣahonni ȣahonerako ne rakora.
15Enskat tsinihorennhaonne ne rakora, neh nonȣe nikahaȣis tsinishatonnhethe enskat ens ne ranaskȣa enshonnhotonko, kaȣenniio, neh oni nenhonȣariȣanonton nonkȣe okon.
16Saiatat kati rannhotonkȣe nethone neneh iah teseȣasehton Barabas ronȣaiasts.
17Ne kati nonen akȣekon eh saontkennisa, ȣasakaȣenhase ne Pilat; kanikaien enseȣarako Barabas ahonsahiiatkaȣe ok neʼsʼenʼsʼ Iesos neneh Keristos ronȣanatonkȣa?
18Aseken roterientare tsi kannoshatsera ok ahoriȣa tsi ronȣaienahatie.
19Nok tsinikariȣes renstskȣahere tsi tehaiatoretakȣa, ioteriȣanietonhatie ne rone, ȣaton: Tosa othenon sasterist ne kenh Tronkȣetaieri rahoriȣake, Aseken oriȣiio onte tsi ȣateȣakateserentatieronnionse nonȣa ȣasontatekȣe raonha raiatatake.
20Nok tanon ne Ratitsihenstoȣanens oni ne rotikstenhokonha, ȣasakotinikonrata nonkȣeokon ne Barabas ahonȣariȣanonton, nok ahonȣatonte ne Iesos.
21Tontahenron kati ne Rakora: kah nikaien enshiiatkaȣe ne teniiase? Tontahonniron Barabas.
22Tontahenron ne Pilat; oh kati neneh nenhoiataȣen ne Iesos Keristos ronȣanatonkȣa?
23Akȣekon ok tontahotihenrete: Tehaientannharak, Tontahenron ne rakora: oh nekenh nahoten shoteriȣateȣaton? Ok ehken tahonkȣisron ronton tehaientannharak.
24Pilat Sahattoke tsi iah othenon ohriȣa tehatons, ok ehken tahonkȣisronne, Oneka ȣahariȣanonton. Akohenton nonkȣeokon eh ȣahatsiohare nok raton: iah othenon teȣakiatoron ne raonekȣensa; ise kati enseȣateriȣaketate.
25Akȣehon ok tahonniron ii iakȣateriȣaketat, oni ne iakhiienhokonha!
26Ethone ki tontahonȣaiatinekenȣe ne Barabas: nok ȣahatennhane ȣahonȣasokȣaȣesson ne Iesos, ethone onen ȣasakotsiakȣarisien ne tahonȣaientannharen.
27Nok ne Kora raosotar tsi teieriȣakennhatha niiahonȣaiatenhaȣe ne Iesos, eh oni nonȣe naonnitiokȣaroroke.
28Nonen sahonȣaseronniasi ne raotseronniat, kane tarhon sahonȣaseronniate!
29Nok ohikta ȣahonnonȣarotseronni neh ȣahonȣanonȣaroroke, tanon tsi raȣeientetakon nonkȣati taonȣanhnion, teho ȣatontsotanihakȣe, ronton: ȣatkȣanonȣeron Israerronon Iesanontiio!
30Ronȣanistskeroseras oni tehonȣanonȣarehekhons.
31Nok nonen sahonaterihonkoten tsi ronȣatentoriatha, sahonȣaseronniasi ne kanetarhon neneh rahotseronniat sahonȣaseronniate, nok ȣahonȣatiatatentiate ȣathonȣaientannharana.
32Onen sihotiiakenhonhatie eh ȣathonterane, Cireneanronon, Simon ronȣaiats neh ȣahonȣaton-nioktakȣen nahatiasaketate ne Iesos raoiasa.
33Nok siiahonneȣe Golgota konȣanatonkȣa nehsakat naiahiron tsi ionontokeronte.
34Ȣahonȣanekanonte iotsitsiatken nok ostsate tekaieston; neok ne ȣahatkense iah tehonekiren.
35Nok nonen sahonȣaiasakestsko, ȣahatiȣastiakon tsi ȣahontatiakonhase ne raotseronniat, niakaierite tsinihaȣen ne Rotokensehakȣe: ȣahontatiakhonhase nakatseronnia, nok ȣahatiȣastotsi nakekhare
36Nok sahontien, Tehotinenraien.
37Ehneken tsi rotenontsistate ȣahatisȣenkaranentakte eh kaiaton ȣatrori tsinahoten rostonton; ȣaton: neh kehiken ne Iesos Sitaeronon Ronȣanontiio.
38Teniiase Tenonkȣetaksenskȣa ȣahonȣariskonte, saiata tsi raȣeientetakoa nok saiata shanekȣati.
39Tsiniiakon neh iontoheststakȣe ronȣenratonnihakȣe akȣa teionnonkarenrons.
40Nok ionton: ise ne senonsarisions nononsatokenti nok asen nonta sesenonsakestskȣas! satatiatakennha tanon nonȣa onen, Toka Niio iaienha akenhake tontasastsnent nonȣa ne kaiasake.
41Ehoni neneh nihatiierhakȣe ne ratitsihenstakȣeniios, tehatiȣennaseraties ne ratiiatons oni ne rotikstenhokonha thihonȣaieron ronton.
42Sakoiatakennhaon nakoren, nok iah tehatatiatakennhas ne rahonha: ne nahonȣahnontiioke nʼIsraerronon, tethastsnent nonȣa ne kaiasake nok oksaok enteshakȣetakȣe.
43Niio rohniahesen; ne kati nahonoronkȣake ne Niio roiatakennha kitanon nonȣa: raȣenȣahi Niio rakienha.
44Ronȣenratonnihakȣe oni neneh noseronni rotiiatentonhakȣe, tenonkȣetaksenskȣa.
45Iaiak siioȣistahehatie onȣentsiakȣekon taiokaraȣe tsiniiore ne tioton niioȣistahe.
46Ne nahoten tioten siioȣistahe ȣathohenrete ne Iesos, raton: Eli! Eli! lamma sabachtani? Saton: Niio! Niio! ohniiotieren tsi takateȣenteton.
47Nok otiake netho ionkȣene iakothonte neh nikaȣennoten, ȣaontonnion: Elie iehononks.
48Saiata ratakhe tekanekakȣa iahatrakȣe, kanakarakenhiate ȣaroharen, nok neh ȣarate tsi ȣahonekanonte.
49Otiake rontonhakȣe: teȣaterharat kateshiken entre nʼElie nahoiatakennha.
50Ethone are onen Tonsahohenrete ne Iesos nok ȣahatonniseraton.
51Eh nikahaȣi Ononsatokentike ioniatarenton asennon ȣateȣatoren, ehneken tontasaȣen tsiniiore netake; nok ȣatiaonȣentsishonkȣe ȣateȣatenenhiorenseron oni.
52Nok ontennhotonkȣenhaton tsi ieiatatarion nakoiatatokentikenha sahiontonnhethon oni.
53Nok nonen sonsahatonnhete, tontaieiakenne tsi ieiatatakȣe, onatatokentike niiahonne eh saiontatkenseron.
54Kenh kaien ne Sotar-koȣa oni tsinihati ronȣanennhakȣe ne Iesos, ȣahontkatto ȣatiaonȣentsishonkȣe tsi oni nikon ontotasionko, ȣahonateronhienten nok ȣahonniron: Oriȣiio tsi Niio Roienha kenhne kehiken.
55Iohnentiokoȣanen tsionathonȣisen isiniha titkontinikonraratieskȣe, Galile niiore thonȣaseron ne Iesos neh oni Tehonȣasnietiene.
56Eh kontiiatarakȣe ne Ȣaritere nok ȣari sak tanon Sose sakotinistenha, oni Zepede sakotinistenha.
57Onen siiokarahane saiatat rokȣatse Ariȣatironon. Sose ronȣaiats, raiatarakȣe ne Iesos raotiokȣake.
58Pilatne ȣarete, ȣahoneken Iesos raoieronta, oksaok ȣahoteȣentetase.
59Eh kati nahaȣenne ȣahaiena ne Sose nʼoieronta, nok neh nakȣa kaniatariio ȣathaȣaȣenhekte.
60Nok eh ȣahata tsi nonȣe nakȣa raonha nihotsonhionnihne, oststenrake rorarakonne; nok kanenhioȣanen ȣahanontekte nok sahatenti.
61Nok ȣaritere oni ne skaiatat ȣari, akȣa teiotokenton tsi iokaronte nonȣe nikenistskȣarakȣe.
62Tsi ȣahorhenne iotenniserohestakȣenke tsi niekȣatakȣas ne ȣentanoronsere. Pilatne ȣahontkennisa ne ratitsihenstoȣanens oni ne Pharisian.
63Nok ȣahonniron: Saianer! tsiakȣeiaras tsinahoten ratonhakȣe ne sekon sironnhe kehiken tsiaonkȣetokenha: Raȣen asen nenȣata enteȣakenheion enskatonnhete.
64Asatennhahne katitakanenraientake tsi raiatat, tsiniiore nasen nenȣata; onȣa kehiken asonthenne enthonne ne raotiokȣa nok iaonsahatihaȣe ne raoieronta, tanon asakotirori nonkȣeokon ahonniron Shotonnheton. Onen senha neh Kanikonrhatoȣanen enȣaton tsiniiot ne tiotierenton.
65Tontahenron ne Pilat: tsionkȣetaien ne ratinonne, tsi kati nitiseȣanonȣes eh naseȣaier tsi seȣakȣatako.
66Eh kati ȣahonnete nok ȣahatikȣatako, ȣasakotiteron oni nenhontennikonraren.
ទើបបានជ្រើសរើសហើយ៖
Matthew 27: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
