Matthew 26
26
Teȣasen nok iaiak Teioteriȣasonterakȣen.
1Ne nonen saharihokten ne Iesos, ȣasakaȣenhase ne raotiokȣa.
2Seȣaterientare ȣahi tsi teseȣenniserake ok onen enshatonhete; onen oni enhonȣatehȣentete nʼOnkȣe Roienha ne tahonȣaientannharen.
3Ethone oni onen ȣahontkennisa ne Ratitsihenstoȣanens ratiiatons oni ne rotikstenhokonha rahononskon ne ronȣakoȣanen Kaif ronȣaiastskȣe.
4Nok neh ȣahatitsienhaientakȣe kah nahontahatiierate tsi ahonȣaiena nok ahonȣario ne Iesos.
5Nok tanon rontonhakȣe: Tosa ki tanon tsiniȣentanoron akenhake, onȣa sotsi enkarihoȣannha tenhiakonikonrharen oni nʼonkȣeokon.
6Tsini kariȣes, sekon oni Betani sitres ne Iesos, raononskon ne Simon roststaȣis,
7Tsiothonȣisen eh onȣe Katsetenhaȣi titeȣenhienahere nʼakȣa ȣenhienanoron, nok tsinikariȣes tehostskaon, ranontsine tonȣeron ȣahahokaȣe.
8Nok ne raotiokȣa ohia nontahonatierase nok ȣahonniron: nahoten kasta enȣaton nikon ȣakaiesha?
9Esose naha iataiohnenon naontenninonke nok iakotent aiontatitenraton.
10Nok tanon ne Iesos rotorientaratsihon are, ȣasakaȣenhase: ohniiotieren tsi seȣariȣastani ne kenh tsiothonȣisen? Aseken oriȣiio tsi takariȣaierite nii akeriȣake tsi nakaiere.
11Aseken tiotkon enseȣaientake ne iakotent, iah tanon nii tiotkon tataskȣakanerake.
12Aseken tsi onkiatokaȣe ne ȣeniehnakon neh takakȣatakȣate tsi enhionkiatata.
13Oriȣiio, Oriȣiio tsi kȣarori: tsi onȣentsiakȣekon; kahkiok oni nonȣe nenhieȣennanoton ne kenh Oriȣatokenti Kariȣiio ethoʼkʼniioriȣake entsiontroriatake tsi nahaiere.
14Ethone onen saiatat ne tekeni iaȣenre nihati, Sitas Iskariot ronȣaiats ȣasakotkensera ne Ratitsihenstakȣeniios:
15Nok ȣasakoriȣanontonse; ȣahenron: toh naskȣakariakse nakȣatsiakȣarisien? Asen nikaȣistasen ȣahonȣasetase.
16Neok oni onen saresake naontiesenne ahotenninon.
17Neneh sontontenniseratierente tsini ienataraks ne iah teȣattenkȣaton, ȣaonȣariȣanontonse ne raotiokȣa; ȣahonniron: Kah nonȣe nisere aiakȣakhonniana ne Shotonnhestston?
18Nok tontahenron: kanatakon niiahasene, kenh nonȣe thononsote, nok enseȣenron: Raton ne Roianer; onen thoha aonkatenniseroktase; sanonskon kati tenhiakȣastskaon nakitiokȣa ne Shotonnhestston.
19Nok ne raotiokȣa eh nahatiiere tsinisakonnhaon ne Iesos.
20Nok nonen sontaiokaraȣe, atekkȣaratserakta ȣahanistskȣaren, nok oni ne tekeni iaȣenre nihati,
21Nok tsini kariȣes tehonastskaon ȣasakaȣenhase: Oriȣiio akȣa Oriȣiio tsi ȣakȣarori tsi saiatat tsinitsion enhakatenninon.
22Nok koȣanen tsi ȣahotinikonrakson, nok satiiatatson taontasaȣen ȣahonȣariȣanontonse, ronton: Saianer: ii onteh kenh?
23Tontahenron, ne nonȣa ne kenh teiakiatonts enhakatenninon.
24Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.
25Sitas ne neh rotenninonre tahatati ȣahenron! Saianer ii ontehken? tontahenron ne Iesos, akȣa neok ne taseriȣaierite.
26Nok tsinikariȣes tehonastskaon, Iesos ȣatrakȣe kanatarok nok ȣahaiatateriste oni ȣathaiake nok iasakaon ne raotiokȣa, nok ȣahenron: Seȣaiena iseȣak nehkehiken nakieronta.
27Katse oni tonsarakȣe nok ȣahaiatateriste, iashakaon, ȣahenron: seȣakȣekon seȣanekira.
28Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.
29Onen kati ȣakȣarori tsi iah sekon taonsaknekira nonenharakeri tsiniiore ienȣatenniseriheȣe entsiteȣanekira raonakeraserakon ne Rakeniha.
30Nok nonen sahatirennokten, Olivier Onontoharake niiahonne,
31Ethone ne Iesos ȣasakorori ȣahenron: Onȣa kenh ȣasontate enseȣatateriȣaientaten nii akeriȣake; Aseken ȣaton tsi kaiaton: enhiiente ne ranonhne, nok tenkonreni ne teiotinakarontonha.
32Nok tanon nonen enseȣakatonnheton, enkȣahentete Galilene niienhenke.
33Tier tahatati ȣahenron: ok oni niahonstsahate, iah kinii nonȣenton.
34Tontahenron ne Iesos: Oriȣiio tsi ȣakonrori, tsi onȣa kenh ȣasontate ohenton nahontontati ne kitkit asen nenskatonnhiiase.
35Tontahenron ne Tier; ok onte oni naionkhiiariskontane aionkhiriosere iah kinonȣenton tiiakonhiatonnhiiase, Akȣekon ok eh nahatiiere, ne raotiokȣa,
36Ethone onen Getsemane konȣanatonkȣa niiahare ne Iesos; nok ȣasakaȣenhase ne raotiokȣa: kentho seȣatien, tsiniiore ienkaterennaientako tsinonȣe ȣake.
37Neok iasakoiatenhaȣe ne Tier, tanon teniiase ne Zepedé sakoienhokonha, ethone oni onen tontasaȣen ȣahonikonranonȣake, oni ȣahaȣeriasanonȣake.
38Ethone oni onen ȣasakorori ȣahenron; Skanorons aonkeriiote tsini ȣakenikonranonȣaks; kentho seȣenterontak nok seȣatieȣaten.
39Nok isih niiore niionsare nok etho ȣahatiskȣentahren, ȣahaterennaien, raton, Rakeni! aontonsekeʼsʼ enʼsʼ ehren askhaȣitase ne kenh katse; tosa ki tanon ii aontonkenikonraierite, ise ki aontesanikonriione.
40Eh natontare tsi ratiteron ne raotiokȣa, nok rotitas; ȣahaȣenhase kati ne Tier: ionerakȣat ȣahi tsi iah tensakȣenion arahona enskat aioȣistahe enskatne aiontiatieȣatake?
41Seȣatieȣaten nok seȣaterennaien ne tosa aeseȣanikonrasenni: Aseken kaiatasnore nonikonra nok ioiatakenheion noȣaron.
42Sekon isih niionsare neneh tekenihaton, nok ȣahaterennaien raton: Rakeni niah taontonsere nehren nʼaontohestste ne katse nʼiah taknekirane, ehkiniiaȣenn tsini sanikonroten.
43Ehare natontare, sekon are sasakotkatho rotitas; aseken akȣaki ok tatehotironȣekskȣe.
44Nok iah othenon tesakosteriston sekon isih niionsare, nok onen neh nasenhaton nahaterennaien, ok neh tontahatasaȣen.
45Ethone onen are eh saraȣe, nok ȣasakaȣenhase ne raotiokȣa: Seȣentaf onen nok seȣatorissen; onen iakaeȣe, naontatenaskȣaienhase ne ionkȣetaksens nʼOnkȣe Roienha.
46Hennioh teseȣatann, onen kenh ihre ne rakatenninonre.
47Sekon ok nihottare, eh ȣahoketote ne Sitas, enskat ne tekeni iaȣenre nihati kentiokoȣanen rotiokȣine, ronsharenhaȣinontie, Kanhiashonha oni, nene ratitsihenstakȣeniios sakonatorihatie.
48Kenh kaien ne rotenninonre ne, sakotehnienten tseraȣi raȣen: nehne tenhinoronkȣanion neh hetsiseȣaiena.
49Oksire ȣahoteranentaktenne Iesos, nok Sahenron: Saianer! ȣatkonnonȣeraton, nok ȣathonoronkȣanion.
50Nok tontahenron ne Iesos: ohrie, oh nahoten ahoriȣake tsi kenh ises? Ethone okta ȣahonnete nok ȣaonȣaiena ne Iesos.
51Saiatat tsinihotiokȣa ne Iesos tahasharotsiate ne raosharekoȣa nok saiatat ne ratsihenstoȣanen raonnhatsera ȣahoiente, akȣa iahohontiakte.
52Ethone tahenron ne Iesos: Saseta ne sasharekoȣa tsinonȣe niionakte: Aseken tsiniiakon neh enkonȣaniahese ok neh entsiakorioste.
53Iah kenh tasere aontonse nahineken ne Rakeniha nonȣa, akȣa ok oni aiononteratie ahontahakatennietase oni ne isihnon tekeni iaȣenre nikentiokȣake Ratironhiakeronon?
54Oh kati tanon naiaȣenne naiotiȣennaierite tsini kaiatonnion kenton ehse nenhiaȣenne?
55Ethone ne Iesos ȣasakaȣenhase ne shotitiokȣa, ȣahenron: Assarekoȣa, kanhnia Seȣahaȣinontie tsi takȣaienasere, anioʼsʼiken onkȣetaksenskȣa; niateȣenniserake teȣakȣekonhatieskȣe, kȣarioniennihatie Ononsatokentike nok iah teskȣaiena.
56Akȣa ki tanon neok ne tahotiȣennaierite tsi nahaȣenseron, tsi nihotiiaton ne Rotitokensehakȣe Ethone neraotiokȣa ȣahonȣateȣentete nok ȣahonteko.
57Kenh kaien ne Iesos ȣahonȣaiena Kaike fniiaonȣaiatenhaȣe Ratsihenstakȣeniioke, eh thonatkennisonhonne ne Ratiiatons, Rotikstenhokonha oni.
58Nok ne Tier isihniha tihononteratie tsi niiore Ratsihenstoȣanen raotehenrakon rakaenhionne toh niienhiaȣenne.
59Kenh kaien ne Ratitsihenstakȣeniios oni ne Rotikstenokonha oni kanenrakȣekon tihonterientisaskȣe kanikonrhatonke tsi ahonȣario ne Iesos.
60Iah tanon tehatiriȣatsenrieskȣe; kentiokoȣanen sane ȣahonnoȣentanion iah ki tehotiȣeienstase; kahre onen teniiase eh ȣatnitane.
61Ȣaniron; Raȣen naha kehiken: Akkȣeni Akenonsari Niio raononsa, nok asen naonta aonsake nonsaketsko.
62Ethone ȣathatane ne Ratsihenstoȣanen, nok ȣahaȣenhase iah kenh tataontaseriȣaserako? Tsinahoten iesariȣarhos ne kenh kaien?
63Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.
64Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.
65Ethone ne Ratsihenstoȣanen ȣaharatsionko ne raotseronnia nok ȣahenron: ȣahateȣennaiesate, nahoten taonsaionkȣatonȣentsionitakȣake ne Temoins, akȣa nonȣa ise seȣathonte ȣahateȣennaiesate; nahoten kati enseȣenren?
66Tontahonniron: tehotentsion narenheiate.
67Ethone oni taontasaȣen ȣahonȣanistskeroseraȣe rakonsake: Otiake ronȣaranonsaiaakhonskȣe, nok notiake raotinnhia ronȣaienthakȣe.
68Ronton: Keristos takȣarori onka ȣahesaiente.
69Astste atehenrakon eh renteron ne Tier; skaiatat ne kannhatsera ȣahoteranentakten, nok ȣakenron: Senikȣekonne ȣahi oni nise ne Iesos Galileenronon?
70Ȣahatonnhiie tanon akohenton nonkȣe; ȣahenron: iah ohtekeriȣaienteri tsinahoten saton.
71Nok nonen sishoiakenhonhatie, tikaiatate sahoken, nok ȣahakororianion netho ieteron ȣakenron: nehoni kehiken saniiatat ne Iesos Nazaretronon.
72Sekon are sahatonnhiie, ȣahenron: iah tehiienteri ntho ronkȣe.
73Iah akȣa tekariȣes ohnakenke, neh netho ionkȣene ȣahonȣateranentakten, nok ȣaonȣenhase ne Tier: Oriȣiio onte tsi ok neh seseniiatat, tsi sathare ȣatrori.
74Ethone onen ȣathateriatikhon, ȣahariȣanirate ȣahenron: iah othenon tehiienteri netho ronkȣe: Ok eh karatie tontati kitkit.
75Nok ne Tier sareiarane Tsinithotati ne Iesos, Raȣen: ohenton naontontati ne Kittit asen nenskatonnhiiase, Sahaiakenne nok otsitoȣann ȣathasentho.
ទើបបានជ្រើសរើសហើយ៖
Matthew 26: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
