1 Koriinto 3
3
Seley goggoonaanki urur Kiriisto
1ꞌDooꞌd Kiriistokaaw an saggi ꞌdooꞌdi Rubeyti Munyee woyto ma atin ileeyyeedine, iꞌdaasenyi iꞌdoo atin ꞌdabakkhi weeli enenyete harrata ikhabtaane atin ileeyyeede. Toro la kakhuufnaanki atin Kiriisto kakhuuftaan ka atin a iꞌdi nyaakhuti nahas nuugo. 2Chaꞌan wor Kiriisto atin abche, a iꞌdoo an iꞌdi nyaakhuti rurrucchul u an haanu on atin siiche. Iꞌdi tahe gololleti mimmiige ohom ma ubaaꞌdan gon. Uliba laka ma tabuuꞌdiin ba. 3Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a? 4Chiꞌ gaasiinkoo “An a abatti Baawulo,” essi, gaasoo la, “An a abatti Aboollo,” essi, iꞌda ka atin saggi ꞌdooꞌdi harratane Waakh igaran ma ijirtaan a?
5Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche. 6Ani ilmo il gesse Aboollo la ilmohaas bicche kachibe. Iꞌdaasenyi, Waakhe ilinta soobahche. 7ꞌDeerka Waakkhi ilinta soobahcho usu khumman, eti ilim il gesso ichoow ki ilim bicche kachibo ba a walahba. 8Eti ilim il gesso ichoow ki bicche kachibo ba malicho a koo one, Waakh la ebba geeddi us hil haaggiche on kalaꞌd guta. 9Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.
10Haaggi Waakhe buurenye liisiiche ka, an a iꞌdi tagaanki minan diso, anna daddaabohi ilaat a dise. Etoo addan la daddaabohaas sarcheeda min kadisa. Iꞌdaasenyi ebba saggi us min idiso a yuubicho giꞌde. 11A mehe daddaaboha ilaate orey ladise Yeesso Kiriistee on menye, et daddaabohoo addan disin yabuuꞌd mele. 12Chirri etoo daddaaboha ilaat sarcho ꞌdahab ommos lahaag ommos dagahti gato miige, ommos khoꞌdoomme ommos hoos ommos meydah kadiso, 13maanti Kiriisto soonokhti, hiliis iꞌdi us yahe a lasoobabbakkaahicha. Iꞌdi tahe ꞌdabe saggi hil liihaaggiche soobabbakkaahicha. ꞌDab ka hili ebba haaggiche usu mujjume ichoow usuhuus a latusa. 14Chirri ebba wihi us dise sooꞌhadeen etaas kalaꞌd a laguta. 15Chirri wihi us dise ꞌdab yuhum, kalaꞌd a waaya. Iꞌdaasenyi usu rubeytiis iꞌdi etoo ꞌdab goya lakasoobahchuu, a bahsata.
16Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela. 17Chiꞌ etoo minki Waakhe buure uskulaacho Waakh usu a baabiicha. Iꞌdi tahe minki Waakh a lagayyahe, atin la a minkaas.
18Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe. 19Iꞌdi tahe kharati ꞌdooꞌdi harrata, Waakh ka a ꞌdalammoon. Iꞌdi liichiiruu, “Waakh ꞌdooꞌdi kharayyee kharatichotaas on kakhabta.”#3:19 Ayuub 5:13. 20Toro la wihi addane chiiran, “Kamur mali ꞌdooꞌdi kharayyee a garta toro la saggi us ki ilmarhaatteet iyahe a garta.”#3:20 Sabuur 94:11. 21ꞌDeerka, “An a abatti ebel,” eelanna eeylajina. Iꞌdi tahe walah tuumman a wihiinna, 22Baawulo ommos Aboollo ommos Keefas ommos harrata ommos jiro ommos omoot ommos wihi toolla jiro ommos wihi yombo soojiro tuumman eheetteey ka ba, a wihiinna. 23Atin la a koo Kiriisto, Kiriisto la a koo Waakh.
ទើបបានជ្រើសរើសហើយ៖
1 Koriinto 3: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 3
3
Seley goggoonaanki urur Kiriisto
1ꞌDooꞌd Kiriistokaaw an saggi ꞌdooꞌdi Rubeyti Munyee woyto ma atin ileeyyeedine, iꞌdaasenyi iꞌdoo atin ꞌdabakkhi weeli enenyete harrata ikhabtaane atin ileeyyeede. Toro la kakhuufnaanki atin Kiriisto kakhuuftaan ka atin a iꞌdi nyaakhuti nahas nuugo. 2Chaꞌan wor Kiriisto atin abche, a iꞌdoo an iꞌdi nyaakhuti rurrucchul u an haanu on atin siiche. Iꞌdi tahe gololleti mimmiige ohom ma ubaaꞌdan gon. Uliba laka ma tabuuꞌdiin ba. 3Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a? 4Chiꞌ gaasiinkoo “An a abatti Baawulo,” essi, gaasoo la, “An a abatti Aboollo,” essi, iꞌda ka atin saggi ꞌdooꞌdi harratane Waakh igaran ma ijirtaan a?
5Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche. 6Ani ilmo il gesse Aboollo la ilmohaas bicche kachibe. Iꞌdaasenyi, Waakhe ilinta soobahche. 7ꞌDeerka Waakkhi ilinta soobahcho usu khumman, eti ilim il gesso ichoow ki ilim bicche kachibo ba a walahba. 8Eti ilim il gesso ichoow ki bicche kachibo ba malicho a koo one, Waakh la ebba geeddi us hil haaggiche on kalaꞌd guta. 9Iꞌdi tahe nah a ꞌdooꞌdi Waakhe hil isleehaaggicho, atin la a iꞌdi gosi Waakh ichoow minki Waakh.
10Haaggi Waakhe buurenye liisiiche ka, an a iꞌdi tagaanki minan diso, anna daddaabohi ilaat a dise. Etoo addan la daddaabohaas sarcheeda min kadisa. Iꞌdaasenyi ebba saggi us min idiso a yuubicho giꞌde. 11A mehe daddaaboha ilaate orey ladise Yeesso Kiriistee on menye, et daddaabohoo addan disin yabuuꞌd mele. 12Chirri etoo daddaaboha ilaat sarcho ꞌdahab ommos lahaag ommos dagahti gato miige, ommos khoꞌdoomme ommos hoos ommos meydah kadiso, 13maanti Kiriisto soonokhti, hiliis iꞌdi us yahe a lasoobabbakkaahicha. Iꞌdi tahe ꞌdabe saggi hil liihaaggiche soobabbakkaahicha. ꞌDab ka hili ebba haaggiche usu mujjume ichoow usuhuus a latusa. 14Chirri ebba wihi us dise sooꞌhadeen etaas kalaꞌd a laguta. 15Chirri wihi us dise ꞌdab yuhum, kalaꞌd a waaya. Iꞌdaasenyi usu rubeytiis iꞌdi etoo ꞌdab goya lakasoobahchuu, a bahsata.
16Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela. 17Chiꞌ etoo minki Waakhe buure uskulaacho Waakh usu a baabiicha. Iꞌdi tahe minki Waakh a lagayyahe, atin la a minkaas.
18Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe. 19Iꞌdi tahe kharati ꞌdooꞌdi harrata, Waakh ka a ꞌdalammoon. Iꞌdi liichiiruu, “Waakh ꞌdooꞌdi kharayyee kharatichotaas on kakhabta.”#3:19 Ayuub 5:13. 20Toro la wihi addane chiiran, “Kamur mali ꞌdooꞌdi kharayyee a garta toro la saggi us ki ilmarhaatteet iyahe a garta.”#3:20 Sabuur 94:11. 21ꞌDeerka, “An a abatti ebel,” eelanna eeylajina. Iꞌdi tahe walah tuumman a wihiinna, 22Baawulo ommos Aboollo ommos Keefas ommos harrata ommos jiro ommos omoot ommos wihi toolla jiro ommos wihi yombo soojiro tuumman eheetteey ka ba, a wihiinna. 23Atin la a koo Kiriisto, Kiriisto la a koo Waakh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.