1 Koriinto 2
2
Baawulo wori Yeessohi massalaaba lakakaahe cheeka
1ꞌDooꞌd Kiriistokaaw, maanti an atin iimiyye an runti dagsane Waakh miinsan #2:1 Runti dagsane Waakh miinsan. Chiirnaanne gaasoo, “Garti runti Waakh miinsan” iche tadeeh. atin icheeke, an yeedassi burbuure ommos jiti khara ka ma atin leeyyeedin. 2Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin. 3Maanti an atin iimiy an a ꞌdarneete toro la weyti hamar kaseehe jeenteti an roorro ikhabuu. 4Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse, 5ꞌdee kakhuufnaanki atin Waakh kakhuuftaan kharati weeli enenyet menye, miigti Waakh kayamiit.
Kharati Waakh katamiit
6Chiꞌ nah ꞌdooꞌdi Kiriisto goyaka iiꞌdowe leeyyeeno, wori khara kaleeyyeena. Iꞌdaasenyi waha kharati ꞌdooꞌdi harrata menye ommos ti weynaanti harratane dowwa on baabaato mee. 7Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella. 8Weynaanti harrata kichekoo kalday laka kharata inno kaayyeeno ma aban. Iꞌdi tahe chiꞌ goorat icho abteen, Kamureenki weynaan tuumman leh massalaaba ma kakaahaan gon. 9Iꞌdaasenyi iꞌdi liichiiruu,
“Wihiiyye ile injire iargin
wihiiyye nabahe injire idaagin
toro la wihiiyye mali weeli enenyet injire ikamurin
iche Waakh ꞌdooꞌdi usu ꞌdoono itannabiche.” #2:9 Isaaya 64:4.
10Iꞌdaasenyi waha a wihi Waakh Rubeyti Munyee ka nah isoobabbakkaahiche. Iꞌdi tahe Rubeyti Munyee walah tuumman a fiirissa. Mali Waakhe dagsan laka a fiirissa. 11A mehe rubeyti weeli enenyet goytiis kijirto on menye, et mali etaas massi garti mele. Saggaasu la Rubeyti Waakh on menye, et mali Waakh massi garti mele. 12Inno rubeyti ꞌdooꞌdi wahanyeyyohi harratane sussuuje raaho ma ꞌheline, Rubeyti Waakh katamiite ꞌhelle, ꞌdee wihi Waakh iꞌdaanu inno siiche abanna. 13Nah la wahaase cheekna, yeedassi kharati weeli enenyet kayimiy ka menye, yeedassi Rubeyti Munyee nah abisso iche kacheekna. Nah laka yeedassa ka, runti Rubeyti Munyee katamiite Rubeyti Munyee soobabbakkaahisso iche enenyet abinna. 14Eti tuummane Rubeyti Waakh ikhabin, wihi Rubeyti Waakh kayimiy ma khaatti, a mehe usu ka waha a ꞌdalammoon on. Toro wahanyeyyoha aban ma yabuuꞌd a mehe Rubeyti Munyeenye gargaarto ma khabo gon. 15Eti Rubeyti Munyee woyto walah tuumman icho haaggan ommos icho suuje a goocha. Iꞌdaasenyi eta etoo addan wahaas ma igoocho.
16“A mehe ayyo mali Kamur garta?
Ayyo Kamur wihi us yeelo icheeka?”#2:16 Isaaya 40:13.
Iꞌdaasenyi inno mali Kiriisto khabo iche khabna.
ទើបបានជ្រើសរើសហើយ៖
1 Koriinto 2: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 2
2
Baawulo wori Yeessohi massalaaba lakakaahe cheeka
1ꞌDooꞌd Kiriistokaaw, maanti an atin iimiyye an runti dagsane Waakh miinsan #2:1 Runti dagsane Waakh miinsan. Chiirnaanne gaasoo, “Garti runti Waakh miinsan” iche tadeeh. atin icheeke, an yeedassi burbuure ommos jiti khara ka ma atin leeyyeedin. 2Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin. 3Maanti an atin iimiy an a ꞌdarneete toro la weyti hamar kaseehe jeenteti an roorro ikhabuu. 4Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse, 5ꞌdee kakhuufnaanki atin Waakh kakhuuftaan kharati weeli enenyet menye, miigti Waakh kayamiit.
Kharati Waakh katamiit
6Chiꞌ nah ꞌdooꞌdi Kiriisto goyaka iiꞌdowe leeyyeeno, wori khara kaleeyyeena. Iꞌdaasenyi waha kharati ꞌdooꞌdi harrata menye ommos ti weynaanti harratane dowwa on baabaato mee. 7Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella. 8Weynaanti harrata kichekoo kalday laka kharata inno kaayyeeno ma aban. Iꞌdi tahe chiꞌ goorat icho abteen, Kamureenki weynaan tuumman leh massalaaba ma kakaahaan gon. 9Iꞌdaasenyi iꞌdi liichiiruu,
“Wihiiyye ile injire iargin
wihiiyye nabahe injire idaagin
toro la wihiiyye mali weeli enenyet injire ikamurin
iche Waakh ꞌdooꞌdi usu ꞌdoono itannabiche.” #2:9 Isaaya 64:4.
10Iꞌdaasenyi waha a wihi Waakh Rubeyti Munyee ka nah isoobabbakkaahiche. Iꞌdi tahe Rubeyti Munyee walah tuumman a fiirissa. Mali Waakhe dagsan laka a fiirissa. 11A mehe rubeyti weeli enenyet goytiis kijirto on menye, et mali etaas massi garti mele. Saggaasu la Rubeyti Waakh on menye, et mali Waakh massi garti mele. 12Inno rubeyti ꞌdooꞌdi wahanyeyyohi harratane sussuuje raaho ma ꞌheline, Rubeyti Waakh katamiite ꞌhelle, ꞌdee wihi Waakh iꞌdaanu inno siiche abanna. 13Nah la wahaase cheekna, yeedassi kharati weeli enenyet kayimiy ka menye, yeedassi Rubeyti Munyee nah abisso iche kacheekna. Nah laka yeedassa ka, runti Rubeyti Munyee katamiite Rubeyti Munyee soobabbakkaahisso iche enenyet abinna. 14Eti tuummane Rubeyti Waakh ikhabin, wihi Rubeyti Waakh kayimiy ma khaatti, a mehe usu ka waha a ꞌdalammoon on. Toro wahanyeyyoha aban ma yabuuꞌd a mehe Rubeyti Munyeenye gargaarto ma khabo gon. 15Eti Rubeyti Munyee woyto walah tuumman icho haaggan ommos icho suuje a goocha. Iꞌdaasenyi eta etoo addan wahaas ma igoocho.
16“A mehe ayyo mali Kamur garta?
Ayyo Kamur wihi us yeelo icheeka?”#2:16 Isaaya 40:13.
Iꞌdaasenyi inno mali Kiriisto khabo iche khabna.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.