1 Koriinto 4
4
Hili ergaano haaggisso
1ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha. 2Ilbooyi walah dahanohiis lagesse, usuhi saggi us eti rumanka lakakhuufo iyahe tuso iche laꞌdoona. 3Toolla atin ommos ꞌdooꞌdi addane usu wihi an haaggicho tuumman mujjum yahiin ichoow usuhuus fiiricho ani ka a walahba. Ani rubeyteey laka saggaas ma isifiiricho. 4Iꞌdi tahe rubeyteey walah suujenye iche ikacheekatti mele, iꞌdaasenyi wahaas saggi an uskeel iyeelin ma tusaan. Kamur rubeytiissa ihukkuma. 5Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.
6ꞌDooꞌd Kiriistokaaw jeenteti iroonotiinna wahanyeyyoha ka iyookkoteey ichoow too Aboollo ikhaate. Iꞌdane yeele ꞌdee wihi yeeda essi nah kaabattaan, “Wihi Chiirnaanneti Waakh goya kachiiran akutin.” Iꞌda ka la weynaantoo ma keeylajjaane, too la ma ꞌdarraawtaan gon. 7Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?
8Kol atin daragteene kogtahiin. Kol atin kamurrowteene koogtahiin. Chirri nah kamurre ieheynan laka, kol atin kola kamurre titaaheene koogtahiin. Incheenka kootte karnatte tateehiine, ꞌdee inno tuumman walah isleedakhanna. 9Iꞌdi tahe ani ka, Waakh nahiiyye ergaanee ꞌdowe nah isoobahche, inti weyti ꞌduboot nah gesse. Nah a iꞌdi ꞌdooꞌdi herti Waakh ichoow ꞌdooꞌdi harrata tuumman ꞌdeyꞌdoochaayi, omoot liiwoyo. 10Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita. 11Ichoowka uliba laka, nah raarah on khabna, sugub laka khabna toro la gaaddi raagte sar kakhabna. A nah lajahe, minki nah igello laka ma khabno. 12Dahanohaanya hol isikadowna. Chirri ꞌdooꞌd nah falo laka, nah ꞌdooꞌdaas a iweysanna. Chirri sina nah loomhicho laka, a garrahsanna on. 13Chirri etoo nah hanti laka nah afi haaggan on ikalaabna. Ichoowka uliba laka, ꞌdooꞌdi harrata duksahe nah iekkaacha, nah atte ka a uꞌdu on.
14An khadaaba an soochiire ka, lakhaanyoti an atin kadowo menye, iꞌdi nyaakhuteeyki an weyti ꞌdoonuu, a atin tootoocha. 15A mehe chaꞌatin ꞌdooꞌdi ittaawenye wor Kiriisto atin abcho khabtaan laka, ooyohiin a ani on. Iꞌdi tahe jeenteti inno ichoow Yeesso Kiriisto ba wohoo kalday inahuu, a iꞌdoo an imbaabahiin ahe, Wori Haaggane an atin icheeke ka. 16Maantaka a atin hawwaasda, taba dabateey sooraaha. 17Jeentetane an Timootihi weeleeyenye an weyti ꞌdoono atin ikasooerge. Usu a koo Kamure, toro weyti lakakhuufa. Timooti saggi an sohoteey ka Yeesso Kiriisto iraaho a atin kasooꞌhelcha. Wahaas ichoow wihi an urur Kiriisto meelal tuumman ka abcho a wohoo kalday.
18Gaasiinkoo a eylaja, iꞌdoo an goytiin iimaatan u. 19Iꞌdaasenyi afi Kamur ka dowwanoha ka a atin sooꞌdaara. Chaꞌan imiy la ꞌdooꞌda eylajo wihi icho essaan kalday on menye, icho wihi Waakh miinsan ka miig khabo ichoow ichohuus a abda. 20Iꞌdi tahe dakhi Waakh yeed on menye, a miigti Rubeyti Munyee. 21Wihi atin ꞌdoontaan isigoocha. Maanti an amiit anihi sirbi sookhaaddi ommos anihi amiite ꞌdoonin ichoow uuri samacchaare ka atin leeyyeedo ꞌdoontaan?
ទើបបានជ្រើសរើសហើយ៖
1 Koriinto 4: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 4
4
Hili ergaano haaggisso
1ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha. 2Ilbooyi walah dahanohiis lagesse, usuhi saggi us eti rumanka lakakhuufo iyahe tuso iche laꞌdoona. 3Toolla atin ommos ꞌdooꞌdi addane usu wihi an haaggicho tuumman mujjum yahiin ichoow usuhuus fiiricho ani ka a walahba. Ani rubeyteey laka saggaas ma isifiiricho. 4Iꞌdi tahe rubeyteey walah suujenye iche ikacheekatti mele, iꞌdaasenyi wahaas saggi an uskeel iyeelin ma tusaan. Kamur rubeytiissa ihukkuma. 5Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.
6ꞌDooꞌd Kiriistokaaw jeenteti iroonotiinna wahanyeyyoha ka iyookkoteey ichoow too Aboollo ikhaate. Iꞌdane yeele ꞌdee wihi yeeda essi nah kaabattaan, “Wihi Chiirnaanneti Waakh goya kachiiran akutin.” Iꞌda ka la weynaantoo ma keeylajjaane, too la ma ꞌdarraawtaan gon. 7Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?
8Kol atin daragteene kogtahiin. Kol atin kamurrowteene koogtahiin. Chirri nah kamurre ieheynan laka, kol atin kola kamurre titaaheene koogtahiin. Incheenka kootte karnatte tateehiine, ꞌdee inno tuumman walah isleedakhanna. 9Iꞌdi tahe ani ka, Waakh nahiiyye ergaanee ꞌdowe nah isoobahche, inti weyti ꞌduboot nah gesse. Nah a iꞌdi ꞌdooꞌdi herti Waakh ichoow ꞌdooꞌdi harrata tuumman ꞌdeyꞌdoochaayi, omoot liiwoyo. 10Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita. 11Ichoowka uliba laka, nah raarah on khabna, sugub laka khabna toro la gaaddi raagte sar kakhabna. A nah lajahe, minki nah igello laka ma khabno. 12Dahanohaanya hol isikadowna. Chirri ꞌdooꞌd nah falo laka, nah ꞌdooꞌdaas a iweysanna. Chirri sina nah loomhicho laka, a garrahsanna on. 13Chirri etoo nah hanti laka nah afi haaggan on ikalaabna. Ichoowka uliba laka, ꞌdooꞌdi harrata duksahe nah iekkaacha, nah atte ka a uꞌdu on.
14An khadaaba an soochiire ka, lakhaanyoti an atin kadowo menye, iꞌdi nyaakhuteeyki an weyti ꞌdoonuu, a atin tootoocha. 15A mehe chaꞌatin ꞌdooꞌdi ittaawenye wor Kiriisto atin abcho khabtaan laka, ooyohiin a ani on. Iꞌdi tahe jeenteti inno ichoow Yeesso Kiriisto ba wohoo kalday inahuu, a iꞌdoo an imbaabahiin ahe, Wori Haaggane an atin icheeke ka. 16Maantaka a atin hawwaasda, taba dabateey sooraaha. 17Jeentetane an Timootihi weeleeyenye an weyti ꞌdoono atin ikasooerge. Usu a koo Kamure, toro weyti lakakhuufa. Timooti saggi an sohoteey ka Yeesso Kiriisto iraaho a atin kasooꞌhelcha. Wahaas ichoow wihi an urur Kiriisto meelal tuumman ka abcho a wohoo kalday.
18Gaasiinkoo a eylaja, iꞌdoo an goytiin iimaatan u. 19Iꞌdaasenyi afi Kamur ka dowwanoha ka a atin sooꞌdaara. Chaꞌan imiy la ꞌdooꞌda eylajo wihi icho essaan kalday on menye, icho wihi Waakh miinsan ka miig khabo ichoow ichohuus a abda. 20Iꞌdi tahe dakhi Waakh yeed on menye, a miigti Rubeyti Munyee. 21Wihi atin ꞌdoontaan isigoocha. Maanti an amiit anihi sirbi sookhaaddi ommos anihi amiite ꞌdoonin ichoow uuri samacchaare ka atin leeyyeedo ꞌdoontaan?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.