LEVÍTICO 1
1
Rikuchikusta ruphachinamanta
1-2Señorqa Moisesta wajyarqa Dioswan tinkukuna toldomanta, ajinata nispa: Israelitasman niy: Uywasmanta jaywanawankupaj ofrendasta apamuwanqanku chayqa, apamuwachunku wakasmanta, chayrí ovejasmanta.
3-4Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa. 5Chay runaqa Señorpa ñaupaqempi torotaqa ñak'anqa. Chaymantaqa chay toroj yawarninta Aarompa mirayninmanta kaj sacerdotes Señorman jaywanqanku. Chaymantataj Dioswan tinkukuna toldo punku yaykuypi kashan chay altarta yawarwan ch'ajchonqanku patanta tukuy muyuyninta ima. 6Pichus uj uywata apamojqa qaranta ch'uskenqa, aychasnintataj chhikan chhikanta khuchuranqa. 7Sacerdotesqa altar pataman llant'ata churanqanku, chaymantaj ninata jap'ichenqanku. 8Chay nina patamantaj toroj khuchurasqa aychasninta, umasninta, wirasnintawan churanqanku. 9Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.
10Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata. 11Chaymantataj ñak'anqa Señorpa ñaupaqempi altarmanta pata ladonnejpi. Chaymantataj Aarompa mirayninmanta sacerdotesqa chay uywaj yawarninwan ch'ajchonqanku, chay altar patata, tukuy muyuynintinta ima. 12Chaymantataj chay runaqa uywaj aychasninta chhikan chhikanta ñak'anqa. Sacerdotetaj nina laurashaj pataman uywaj aychasninta, umanta, wirasninta ima. 13Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.
14Sichus p'isqosmanta uj rikuchikuta mayqen apamonqa ruphachisqa kanampaj chayqa, juruk'utata, chayri paloma irpata apamuchun. 15Chaykunatataj sacerdoteqa altar patapi Señorman jaywanqa. Chaymantataj k'ichirpayaytawan umanta, altar patapi ruphachenqa, yawarnintataj altarpa uj lado uyanman sut'uchenqa. 16Buchenta orqhoytawan, inti llojsimuynejman altarpa ladompi chay ushphaman choqaykonqa. 17Chay lijrayojtaqa khuskanninmanta p'akenqa mana iskayman t'aqaspa. Sacerdotetaj chay p'isqotaqa altarpi llant'a patapi ruphachenqa. Chay ruphachispa jaywasqampa q'apaynenqa Señorpaj allin kanqa.
ទើបបានជ្រើសរើសហើយ៖
LEVÍTICO 1: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.