Забур 149
149
Сигьанди Реббидин тарифрай
1Тариф ая Реббидин!
лагь Реббидиз цӀийи мани,
Адав тариф агакьара
вафа хуьзвайбурун кӀватӀалда.
2Шад хьурай Исраил Халикьдал вичин,
хвешивал авурай
Сигьандин рухвайри
Пачагьдал чпин.
3Абуру кьуьлералди
тариф авурай тӀварцӀин Адан,
мани лугьурай Адаз
тафтни кинур ягъиз.
4Вичин халкьдин хатур хуьзва Реббиди,
Вичив гвай хиласвилив
чӀехи ийизва умунбур.
5Адаз вафа хуьзвайбур
баркалла алаз шад хьурай,
абуру хвешидаказ мани лугьурай
чпин месерилай.
6Аллагьдин тариф хьурай абурун мецерал,
абурун гъиле хьуй кьве мурцан хци тур,
7халкьарилай кьисас къахчун,
абуруз жаза гун паталди,
8абурун пачагьар зунжурралди кутӀунун паталди,
абурун гьакимар ракьун бухавра тун паталди,
9абуруз атӀанвай кар кьиле тухун паталди
Реббидин гаф тирвал.
Гьа им гьуьрмет къачун я
Адаз вафа хуьзвай вирибуруз.
Тариф ая Реббидин!
ទើបបានជ្រើសរើសហើយ៖
Забур 149: ЛезПК
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024