ZEKARIA 3
3
Mlodi kuwona mawono gha Mkohani M'baa
1BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.#Ezr. 5.2; Wuf. 12.10 2Malaika wa BWANA ukamzera Shetani, “BWANA ndekukemie ee Shetani! Uo BWANA uikunde Jerusalemu ndekukemie. Umundu ooka sa kilaya chafunywa modonyi.”#Juda. 9
3Joshua orekoghe ukikaia kimusi imbiri ya malaika urwae nguwo rilue. 4Malaika ukawizera wambao werekoghe kimusi imbiri kwake, “Mruonyi iro nguwo rilue.” Ukamzera Joshua, “Ola nakuinjira kaung'a yako, nani nichakurusha nguwo ra zoghori mbaa.”
5Ukawilaghira awo werekoghe aho wimrushe Joshua kiremba chielie chongonyi kwake. Wikamngira icho kiremba chielie chongonyi kwake, na kumrusha nguwo malaika wa BWANA ukikaia kimusi kaavui nao.
6Niko malaika wa BWANA ukamlaghira Joshua, 7kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo. 8Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.#Jer. 23.5; 33.15; Zek. 6.12 9Naawuyawika igho jiko na chuwaru mfungade imbiri ya Joshua; nichakota mbari aghadi yaro, nani nichainja kaung'a ya isanga iji kwa ituku jimweri. 10Ituku ijo jikavika, kula mundu onyu uchamkaribisha mmbao wikaie aisi ya mzabibu ghwake na aisi ya mtini ghwake wikiboilwa kwa kukaia weko na sere na wulindiri.”#Mik. 4.4
ទើបបានជ្រើសរើសហើយ៖
ZEKARIA 3: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.