MARKO 9
9
1Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”
Jesu kughaluka fwana
(Mat. 17.1-13; Lk. 9.28-36)
2Nyuma ya matuku arandadu, Jesu ukawidwa Petro, Jakobo na Johane, ukaghenda nawo wiekeri aighu ya mghondi m'baa. Ukaghaluka fwana yake imbiri kwawo,#2 Pet. 1.17-18 3na nguwo rake rikawuya ra kung'ala-ng'ala, ra chokwa cho, hata useko dobi ungi aha ndoenyi udimagha kurielesha sa huwo anduangi. 4Aho wikafutukilwa ni Elija na Musa, na wanughi wake wikawiwona wikidedanya na Jesu. 5Petro ukamzera Jesu, “Mwalimu, ni nicha saki angu diko aha; ndediaghe viwanda vidadu, chimu chikaie chako kumoni, na chimu cha Musa, na chimu cha Elija.” 6Angu nderepatireghe ilagho ja kughora anduangi, kwa kukaia werengiriloghe ni wowa m'baa. 7Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”#Mat. 3.17; Mk. 1.11; Lk. 3.22 8Na ahoeni wikizighana, ndeweremmbonieghe mndungi sena anduangi, ela Jesu uekeri ukwanye andwamweri nawo.
9Iji werekoghe wikisea mghondinyi, ukawilaghira wisakemghoria mndungi agho malagho wereghiwonieghe, hata Mwana wa Mdamu wameria kuruka kufuma kwa wafu. 10Wikajiwika ilagho jija ngolonyi kwawo, wikikotiana weni na weni kuja kutambua kwaro uko kuruka kufuma kwa wafu. 11Niko wikamkotia Jesu, “Keni kwaki walimu wa Sharia wighambagha wei ni suti Elija uche kandena?”#Mlk. 4.5; Mat. 11.14 12Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa? 13Ela namghoria, angu Elija wamerie kucha, nawo wikammbonyera ghose sa iji werekundieghe, sa iji koni ereandikiloghe aighu yake.”
Jesu kum'boisa mwana uko na pepo izamie
(Mat. 17.14-21; Lk. 9.37-43a)
14Hata iji wavika kwa waja wanughi wamu, wikawona izungu ibaa ja wandu wawikwanyikia, na walimu wa Sharia wikibonya nganyi nawo. 15Ahoeni, iji jija izungu ja wandu wammbona, wikashinika na ndighi, wikamkimbiria na kumroghua. 16Jesu ukawikotia, “Welee, mwawuyakotiana ilaghoki?” 17Na mndumu uko izungunyi ukamzera, “Mwalimu, nerekuredieghe mwana wapo uko na pepo immbunjire kituri, 18nayo iji yammbwada, yadamghusha, nao wadafunya ifuo na kuja maghegho ghake, nao uaghulia kii. Ngawilomba wanughi wako wiiwinge, ikawilema.”
19Jesu ukawizera, “Inyo kivalwa chisewadie irumirio, nichakaianya nenyo hata lii? Nichamrumaghia hata lii? Mredenyi kwapo.” 20Nao wikamreda kwake. Hata iji pepo yammbona Jesu, ikamkuna uja mwana na ndighi, ukaghwa andonyi, ukang'ara ukifunya ifuo. 21Jesu ukamkotia ndee, “Ni kufuma lii orewadiloghe huwu?” Nao ukatumbulia, “Ni kufuma wanake ghwake. 22Na kalazi koni yadamkumba modonyi na machinyi kukunda kumtotesha, ela oho ngera kwadima ilagho jingi, kudifue wughoma kuditesie.” 23Jesu ukamzera, “Ngera kwadima! Nechi maza rose radimika kwa uhu urumiriagha.” 24Ahoeni ndee mwana ukakema ukighamba, “Narumiria, ela irumirio japo ni itini, nitesie.”
25Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.” 26Ija pepo ikakema na kumkuna na ndighi, ikamfuma, hata mwana ukawoneka sa mundu ufue, na wandu wengi wikaghora, “Wafwa!” 27Ela Jesu ukammbwada mkonu, ukammbusira, nao ukawuka kimusi.
28Hata iji Jesu wangia nyumbenyi wanughi wake wikamkotia njamenyi, “Welee, kwaki isi diseredimieghe kuiwinga ija pepo?” 29Nao ukawizera, “Mbari ihi ndeifumagha kwa chia ingi zima, ela kwa kulomba Mlungu.”
Jesu kughora sena aighu ya kifwa chake
(Mat. 17.22-23; Lk. 9.43b-45)
30Kufuma aho, Jesu na wanughi wake wikaghenda wikiidiria Galilaya. Nao moni nderekundieghe mndungi umanye andu uko anduangi; 31angu orekoghe ukiwifundisha wanughi wake ukiwizera, “Mwana wa mdamu uchafunywa mikonunyi kwa wandu, nawo wicham'bwagha. Ela nyuma ya matuku adadu, ucharuka sena.” 32Wanughi wake ndeweretambukiloghe ni agho malagho anduangi, sena wikaobua kumkotia.
Nani uko m'baa
(Mat. 18.1-5; Lk. 9.46-48)
33Nao wikavika Kafarnaumu, hata iji werekoghe nyumbenyi, Jesu ukawikotia, “Welee, ni nganyi ra indoki msindebonya chienyi?” 34Nao wikanyama kima; angu chienyi werekoghe wikibonyerana nganyi weni na weni wei nani uko m'baa aghadi kwawo.#Lk. 22.24 35Jesu ukasea kidombo, ukawiwanga waja wanughi wake ikumi na wawi, ukawizera, “Ngera mndungi wakunda kukaia imbiri, suti ukaie nyuma ya wose na mdumiki wa wose.”#Mat. 20.26-27; 23.11; Mk. 10.43-44; Lk. 22.26 36Nao ukawada mwanake mtini, ukammbika aghadi kwawo, hata umeria kumtighisha, ukawizera, 37“Uo ose uchammbusa mwana ungi sa uhu kwa irina japo, waniwusa ini, na uo ose uniwusagha ini-lee, ndeniwusagha ini anduangi, ela wammbusa uo orenidumieghe.”#Mat. 10.40; Lk. 10.16; Joh. 13.20
Uo useditangalagha oko luwaru lodu
(Lk. 9.49-50)
38Johane ukamzera, “Mwalimu, dammbonie mndumu ukiwinga pepo kwa irina jako, nesi dikamghiria angu userekoghe mngara odu anduangi.” 39Ela Jesu ukaghamba, “Msakemghiria, angu ndekuwadie mndungi udimagha kubonya mwakilimbiti ungi kwa irina japo, sena ahoeni udime kughora kiwiwi aighu yapo anduangi. 40Angu uo ose uselwagha nesi, oko cha kodu.#Mat. 12.30; Lk. 11.23 41Angu uo ose uchaamneka inyo kikombe cha machi kwa kukaia mwakaia wa Kristo, namghoria loli, ndechaasowa ifungu jake aduangi.#Mat. 10.42
Makuwisho
(Mat. 18.6-9; Lk. 17.1-2)
42“Na uo ose uchamkuwisha umu wa awa watini winirumiriagha ini, ni nicha kwake igho ibaa jesha jifungo singonyi kwake, ukumbo baharinyi. 43Na ngera mkonu ghwako ghwakukuwisha, ghudumbuo! Ni nicha oho kungie iranginyi kuseko na mkonu ghumu, kuchumba kukaia na mikonu iwi, nao kughende modonyi ghwa jehanamu.#Mat. 5.30 [ 44Andu vivunyu varo visefwagha, na modo ghwaro ghuserimikagha anduangi.] 45Na ngera kughu kwako kwakukuwisha, kudumbuo! Ni nicha oho kungie iranginyi kuko mtighini, kuchumba kukaia na maghu awi, nao kukumbo jehanamunyi. [ 46Andu vivunyu varo visefwagha, na modo ghwaro ghuserimikagha anduangi.] 47Na ngera iriso jako jakukuwisha, jikuo! Ni nicha oho kungie kwa Wuzuri ghwa Mlungu kifondo, kuchumba kukaia na meso awi na kukumbwa jehanamunyi.#Mat. 5.29 48Andu vivunyu varo visefwagha, na modo ghwaro ghuserimikagha anduangi.#Isa. 66.24 49Angu kula mundu uchalungwa ni modo. 50Kiserere ni kindo kicha, ela chikafumwa ni kusinga kwaro, muchachilunga naki? Kaienyi na kiserere andenyi konyu, nenyo mkaie na sere mmbeni na mmbeni.”#Mat. 5.13; Lk. 14.34-35
ទើបបានជ្រើសរើសហើយ៖
MARKO 9: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MARKO 9
9
1Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”
Jesu kughaluka fwana
(Mat. 17.1-13; Lk. 9.28-36)
2Nyuma ya matuku arandadu, Jesu ukawidwa Petro, Jakobo na Johane, ukaghenda nawo wiekeri aighu ya mghondi m'baa. Ukaghaluka fwana yake imbiri kwawo,#2 Pet. 1.17-18 3na nguwo rake rikawuya ra kung'ala-ng'ala, ra chokwa cho, hata useko dobi ungi aha ndoenyi udimagha kurielesha sa huwo anduangi. 4Aho wikafutukilwa ni Elija na Musa, na wanughi wake wikawiwona wikidedanya na Jesu. 5Petro ukamzera Jesu, “Mwalimu, ni nicha saki angu diko aha; ndediaghe viwanda vidadu, chimu chikaie chako kumoni, na chimu cha Musa, na chimu cha Elija.” 6Angu nderepatireghe ilagho ja kughora anduangi, kwa kukaia werengiriloghe ni wowa m'baa. 7Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”#Mat. 3.17; Mk. 1.11; Lk. 3.22 8Na ahoeni wikizighana, ndeweremmbonieghe mndungi sena anduangi, ela Jesu uekeri ukwanye andwamweri nawo.
9Iji werekoghe wikisea mghondinyi, ukawilaghira wisakemghoria mndungi agho malagho wereghiwonieghe, hata Mwana wa Mdamu wameria kuruka kufuma kwa wafu. 10Wikajiwika ilagho jija ngolonyi kwawo, wikikotiana weni na weni kuja kutambua kwaro uko kuruka kufuma kwa wafu. 11Niko wikamkotia Jesu, “Keni kwaki walimu wa Sharia wighambagha wei ni suti Elija uche kandena?”#Mlk. 4.5; Mat. 11.14 12Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa? 13Ela namghoria, angu Elija wamerie kucha, nawo wikammbonyera ghose sa iji werekundieghe, sa iji koni ereandikiloghe aighu yake.”
Jesu kum'boisa mwana uko na pepo izamie
(Mat. 17.14-21; Lk. 9.37-43a)
14Hata iji wavika kwa waja wanughi wamu, wikawona izungu ibaa ja wandu wawikwanyikia, na walimu wa Sharia wikibonya nganyi nawo. 15Ahoeni, iji jija izungu ja wandu wammbona, wikashinika na ndighi, wikamkimbiria na kumroghua. 16Jesu ukawikotia, “Welee, mwawuyakotiana ilaghoki?” 17Na mndumu uko izungunyi ukamzera, “Mwalimu, nerekuredieghe mwana wapo uko na pepo immbunjire kituri, 18nayo iji yammbwada, yadamghusha, nao wadafunya ifuo na kuja maghegho ghake, nao uaghulia kii. Ngawilomba wanughi wako wiiwinge, ikawilema.”
19Jesu ukawizera, “Inyo kivalwa chisewadie irumirio, nichakaianya nenyo hata lii? Nichamrumaghia hata lii? Mredenyi kwapo.” 20Nao wikamreda kwake. Hata iji pepo yammbona Jesu, ikamkuna uja mwana na ndighi, ukaghwa andonyi, ukang'ara ukifunya ifuo. 21Jesu ukamkotia ndee, “Ni kufuma lii orewadiloghe huwu?” Nao ukatumbulia, “Ni kufuma wanake ghwake. 22Na kalazi koni yadamkumba modonyi na machinyi kukunda kumtotesha, ela oho ngera kwadima ilagho jingi, kudifue wughoma kuditesie.” 23Jesu ukamzera, “Ngera kwadima! Nechi maza rose radimika kwa uhu urumiriagha.” 24Ahoeni ndee mwana ukakema ukighamba, “Narumiria, ela irumirio japo ni itini, nitesie.”
25Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.” 26Ija pepo ikakema na kumkuna na ndighi, ikamfuma, hata mwana ukawoneka sa mundu ufue, na wandu wengi wikaghora, “Wafwa!” 27Ela Jesu ukammbwada mkonu, ukammbusira, nao ukawuka kimusi.
28Hata iji Jesu wangia nyumbenyi wanughi wake wikamkotia njamenyi, “Welee, kwaki isi diseredimieghe kuiwinga ija pepo?” 29Nao ukawizera, “Mbari ihi ndeifumagha kwa chia ingi zima, ela kwa kulomba Mlungu.”
Jesu kughora sena aighu ya kifwa chake
(Mat. 17.22-23; Lk. 9.43b-45)
30Kufuma aho, Jesu na wanughi wake wikaghenda wikiidiria Galilaya. Nao moni nderekundieghe mndungi umanye andu uko anduangi; 31angu orekoghe ukiwifundisha wanughi wake ukiwizera, “Mwana wa mdamu uchafunywa mikonunyi kwa wandu, nawo wicham'bwagha. Ela nyuma ya matuku adadu, ucharuka sena.” 32Wanughi wake ndeweretambukiloghe ni agho malagho anduangi, sena wikaobua kumkotia.
Nani uko m'baa
(Mat. 18.1-5; Lk. 9.46-48)
33Nao wikavika Kafarnaumu, hata iji werekoghe nyumbenyi, Jesu ukawikotia, “Welee, ni nganyi ra indoki msindebonya chienyi?” 34Nao wikanyama kima; angu chienyi werekoghe wikibonyerana nganyi weni na weni wei nani uko m'baa aghadi kwawo.#Lk. 22.24 35Jesu ukasea kidombo, ukawiwanga waja wanughi wake ikumi na wawi, ukawizera, “Ngera mndungi wakunda kukaia imbiri, suti ukaie nyuma ya wose na mdumiki wa wose.”#Mat. 20.26-27; 23.11; Mk. 10.43-44; Lk. 22.26 36Nao ukawada mwanake mtini, ukammbika aghadi kwawo, hata umeria kumtighisha, ukawizera, 37“Uo ose uchammbusa mwana ungi sa uhu kwa irina japo, waniwusa ini, na uo ose uniwusagha ini-lee, ndeniwusagha ini anduangi, ela wammbusa uo orenidumieghe.”#Mat. 10.40; Lk. 10.16; Joh. 13.20
Uo useditangalagha oko luwaru lodu
(Lk. 9.49-50)
38Johane ukamzera, “Mwalimu, dammbonie mndumu ukiwinga pepo kwa irina jako, nesi dikamghiria angu userekoghe mngara odu anduangi.” 39Ela Jesu ukaghamba, “Msakemghiria, angu ndekuwadie mndungi udimagha kubonya mwakilimbiti ungi kwa irina japo, sena ahoeni udime kughora kiwiwi aighu yapo anduangi. 40Angu uo ose uselwagha nesi, oko cha kodu.#Mat. 12.30; Lk. 11.23 41Angu uo ose uchaamneka inyo kikombe cha machi kwa kukaia mwakaia wa Kristo, namghoria loli, ndechaasowa ifungu jake aduangi.#Mat. 10.42
Makuwisho
(Mat. 18.6-9; Lk. 17.1-2)
42“Na uo ose uchamkuwisha umu wa awa watini winirumiriagha ini, ni nicha kwake igho ibaa jesha jifungo singonyi kwake, ukumbo baharinyi. 43Na ngera mkonu ghwako ghwakukuwisha, ghudumbuo! Ni nicha oho kungie iranginyi kuseko na mkonu ghumu, kuchumba kukaia na mikonu iwi, nao kughende modonyi ghwa jehanamu.#Mat. 5.30 [ 44Andu vivunyu varo visefwagha, na modo ghwaro ghuserimikagha anduangi.] 45Na ngera kughu kwako kwakukuwisha, kudumbuo! Ni nicha oho kungie iranginyi kuko mtighini, kuchumba kukaia na maghu awi, nao kukumbo jehanamunyi. [ 46Andu vivunyu varo visefwagha, na modo ghwaro ghuserimikagha anduangi.] 47Na ngera iriso jako jakukuwisha, jikuo! Ni nicha oho kungie kwa Wuzuri ghwa Mlungu kifondo, kuchumba kukaia na meso awi na kukumbwa jehanamunyi.#Mat. 5.29 48Andu vivunyu varo visefwagha, na modo ghwaro ghuserimikagha anduangi.#Isa. 66.24 49Angu kula mundu uchalungwa ni modo. 50Kiserere ni kindo kicha, ela chikafumwa ni kusinga kwaro, muchachilunga naki? Kaienyi na kiserere andenyi konyu, nenyo mkaie na sere mmbeni na mmbeni.”#Mat. 5.13; Lk. 14.34-35
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.