MARKO 8
8
Jesu kuwijisha wandu elfu inya vindo
(Mat. 15.32-39)
1Matuku ghaja, iji izungu ja wandu jerekoghe ibaa sena, nawo wikasowa kindo chingi cheja, Jesu ukawiwanga wanughi wake, ukaghamba, 2“Nawadwa ni wughoma ghwa wandu disindanye matuku adadu, nawo ndewiwadie kindo chingi cheja anduangi. 3Nani ngawizera wighale mzawo na njala, wichadumbukia chienyi, angu wamu wawo wafuma kula koni.” 4Wanughi wake wikamtumbulia, “Welee, idimika wada mundu kuwighudisha wandu awa na mikate aha kireti?” 5Jesu ukawikotia, “Moko na mikate ilinga?” Wikamzera, “Mfungade.”
6Nao ukafunya momu wandu wisee kidombo andonyi. Ukaiwusa ija mikate mfungade, hata umeria kufunya chawucha, ukaichukanya, ukawineka wanughi wake wiiwaghie wandu, nawo wikawiwaghia. 7Nawo werekoghe na samaki ndinieri, naro umeria kurirasimia, ukafunya momu na iro wori rineko wandu. 8Wandu wikaja, wikaghuda. Wikatumbanya masighariko, wikachura vikapu mfungade. 9Nawo werekoghe sa elfu inya. Nao ukawizera wighale. 10Ahoeni, ukangia ishuonyi andwamweri na wanughi wake, wikaghenda isanga ja Dalmanutha.
Mafarisayo kulola alama
(Mat. 16.1-4)
11Nao Mafarisayo wikacha kwa Jesu, wikazoya kubonya nganyi nao; wikalola alama kwake kufuma mlungunyi, wikimtima.#Mat. 12.38; Lk. 11.16 12Ukasoria ngolo na ndighi, ukaghamba, “Welee, kwaki kivalwa ichi chilolagha alama? Namghoria loli, kivalwa ichi ndechichanekwa alama ingi anduangi.”#Mat. 12.39; Lk. 11.29 13Nao ukawisigha, ukangia ishuonyi sena, ukazoya kuruwuka cha kimonu.
Chachu ya Mafarisayo na ya Herode
(Mat. 16.5-12)
14Idana wanughi wereliwieghe kudwa mikate, na aja ishuonyi, wedesighwa na mkate ghumweri tu. 15Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”#Lk. 12.1 16Nao wikatumbuliana weni na weni wikighamba, “Ni iji disewadie mikate.” 17Jesu ukimanya agho ukawizera, “Welee, kwaki mwaririkanya gha kusowa mikate? Hata na iji ndemmbonagha, hata ndemtambukilwagha? Ngolo renyu raduagha rikurie? 18Meso mwawadie ela ndemmbonagha, na madu mwawadie ela ndemsikiragha, hata ndemkumbukagha?#Jer. 5.21; Eze. 12.2; Mk. 4.12 19Iji nereichikanyireghe ija mikate misanu kwa wandu elfu isanu, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Ikumi na viwi.” 20“Na ija mikate mfungade kwa wandu elfu inya, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Mfungade.” 21Nao ukawizera, “Hata na iji ndemtambukilwagha?”
Jesu kuboisa mundu ufue meso Bethsaida
22Nao Jesu na wanughi wake wikacha Bethsaida. Wandu wamu wikamredia mundu ufue meso, wikamlomba umuadade. 23Jesu ukammbwadia mkonu uja mundu ufue meso, ukamreda shighadi ya muzi. Ukamchuya mada mesonyi kwake, ukammbikiria mikonu, ukamkotia, “Welee, kwawuyawona kindo chingi?” 24Nao ukazighana noko, ukaghamba, “Nawona wandu, ela waawuyawoneka sa midi ighendagha.” 25Aho ukammbikiria mikonu indo ja kawi mesonyi kwake, ukazighana na ndighi, ukaboa; nao ukawona vilambo vose nicha. 26Jesu ukamlaghira ughale ukighamba, “Kusakewuya mzinyi.”
Wushuhuda ghwa Petro aighu ya Jesu
(Mat. 16.13-20; Lk. 9.18-21)
27Jesu ukafuma na wanughi wake, wikangia mizi ya Kaisaria Filipi. Chienyi, ukawikotia wanughi wake, “Welee, wandu waghambagha ini nani?” 28Wikamtumbulia, “Wamu wadaghamba oho ko Johane M'baputizi, wazima Elija, na wazima umu wa walodi.”#Mk. 6.14-15; Lk. 9.7-8 29Nao ukawikotia, “Ela inyo mwaghambagha ini nani?” Petro ukatumbulia, “Oho ko Kristo.”#Joh. 6.68-69 30Nao ukawilaghira nandighi wisakemghoria mndungi malagho ghake.
Jesu kughora aighu ya matiriro, na kifwa chake
(Mat. 16.21-28; Lk. 9.22-27)
31Jesu ukazoya kuwifundisha wanughi wake: “Mwana wa Mdamu suti utiriro maza nyingi, na kuleghwa ni waghosi na wakohani wabaa, na walimu wa Sharia, sena ubwagho, na nyuma ya matuku adadu ucharuka.” 32Ukawighoria ilagho iji worinyi, Petro ukamruda kambai, ukazoya kumkemia. 33Jesu ukaghaluka, ukawizighana wanughi wake ukamkemia Petro ukighamba, “Injika noko, Shetani! Angu oho ndekuririkanyagha maza ra Mlungu anduangi, ela ra wandu.”
34Nao ukajiwanga jija izungu andwamweri na wanughi wake wimchee, ukawizera, “Ngera mundu wakunda kuninugha, ukukane uo moni, ughuduke msalaba ghwake, uninughe.#Mat. 10.38; Lk. 14.27 35Angu uo ose uchaakunda kujikira irangi jake, uchajilaghasha; ela uo ose uchaajilaghasha irangi jake kwa wundu ghwapo, na kwa wundu ghwa ijo Ilagho Jiboie, nuo moni uchaajikira.#Mat. 10.39; Lk. 17.33; Joh. 12.25 36Angu ichamfwana mundu kii ukaghupata wurumwengu ghose, sena ulaghashe irangi jake? 37Angu mundu uchafunya kindoki kuindana na irangi jake? 38Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”
ទើបបានជ្រើសរើសហើយ៖
MARKO 8: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MARKO 8
8
Jesu kuwijisha wandu elfu inya vindo
(Mat. 15.32-39)
1Matuku ghaja, iji izungu ja wandu jerekoghe ibaa sena, nawo wikasowa kindo chingi cheja, Jesu ukawiwanga wanughi wake, ukaghamba, 2“Nawadwa ni wughoma ghwa wandu disindanye matuku adadu, nawo ndewiwadie kindo chingi cheja anduangi. 3Nani ngawizera wighale mzawo na njala, wichadumbukia chienyi, angu wamu wawo wafuma kula koni.” 4Wanughi wake wikamtumbulia, “Welee, idimika wada mundu kuwighudisha wandu awa na mikate aha kireti?” 5Jesu ukawikotia, “Moko na mikate ilinga?” Wikamzera, “Mfungade.”
6Nao ukafunya momu wandu wisee kidombo andonyi. Ukaiwusa ija mikate mfungade, hata umeria kufunya chawucha, ukaichukanya, ukawineka wanughi wake wiiwaghie wandu, nawo wikawiwaghia. 7Nawo werekoghe na samaki ndinieri, naro umeria kurirasimia, ukafunya momu na iro wori rineko wandu. 8Wandu wikaja, wikaghuda. Wikatumbanya masighariko, wikachura vikapu mfungade. 9Nawo werekoghe sa elfu inya. Nao ukawizera wighale. 10Ahoeni, ukangia ishuonyi andwamweri na wanughi wake, wikaghenda isanga ja Dalmanutha.
Mafarisayo kulola alama
(Mat. 16.1-4)
11Nao Mafarisayo wikacha kwa Jesu, wikazoya kubonya nganyi nao; wikalola alama kwake kufuma mlungunyi, wikimtima.#Mat. 12.38; Lk. 11.16 12Ukasoria ngolo na ndighi, ukaghamba, “Welee, kwaki kivalwa ichi chilolagha alama? Namghoria loli, kivalwa ichi ndechichanekwa alama ingi anduangi.”#Mat. 12.39; Lk. 11.29 13Nao ukawisigha, ukangia ishuonyi sena, ukazoya kuruwuka cha kimonu.
Chachu ya Mafarisayo na ya Herode
(Mat. 16.5-12)
14Idana wanughi wereliwieghe kudwa mikate, na aja ishuonyi, wedesighwa na mkate ghumweri tu. 15Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”#Lk. 12.1 16Nao wikatumbuliana weni na weni wikighamba, “Ni iji disewadie mikate.” 17Jesu ukimanya agho ukawizera, “Welee, kwaki mwaririkanya gha kusowa mikate? Hata na iji ndemmbonagha, hata ndemtambukilwagha? Ngolo renyu raduagha rikurie? 18Meso mwawadie ela ndemmbonagha, na madu mwawadie ela ndemsikiragha, hata ndemkumbukagha?#Jer. 5.21; Eze. 12.2; Mk. 4.12 19Iji nereichikanyireghe ija mikate misanu kwa wandu elfu isanu, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Ikumi na viwi.” 20“Na ija mikate mfungade kwa wandu elfu inya, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Mfungade.” 21Nao ukawizera, “Hata na iji ndemtambukilwagha?”
Jesu kuboisa mundu ufue meso Bethsaida
22Nao Jesu na wanughi wake wikacha Bethsaida. Wandu wamu wikamredia mundu ufue meso, wikamlomba umuadade. 23Jesu ukammbwadia mkonu uja mundu ufue meso, ukamreda shighadi ya muzi. Ukamchuya mada mesonyi kwake, ukammbikiria mikonu, ukamkotia, “Welee, kwawuyawona kindo chingi?” 24Nao ukazighana noko, ukaghamba, “Nawona wandu, ela waawuyawoneka sa midi ighendagha.” 25Aho ukammbikiria mikonu indo ja kawi mesonyi kwake, ukazighana na ndighi, ukaboa; nao ukawona vilambo vose nicha. 26Jesu ukamlaghira ughale ukighamba, “Kusakewuya mzinyi.”
Wushuhuda ghwa Petro aighu ya Jesu
(Mat. 16.13-20; Lk. 9.18-21)
27Jesu ukafuma na wanughi wake, wikangia mizi ya Kaisaria Filipi. Chienyi, ukawikotia wanughi wake, “Welee, wandu waghambagha ini nani?” 28Wikamtumbulia, “Wamu wadaghamba oho ko Johane M'baputizi, wazima Elija, na wazima umu wa walodi.”#Mk. 6.14-15; Lk. 9.7-8 29Nao ukawikotia, “Ela inyo mwaghambagha ini nani?” Petro ukatumbulia, “Oho ko Kristo.”#Joh. 6.68-69 30Nao ukawilaghira nandighi wisakemghoria mndungi malagho ghake.
Jesu kughora aighu ya matiriro, na kifwa chake
(Mat. 16.21-28; Lk. 9.22-27)
31Jesu ukazoya kuwifundisha wanughi wake: “Mwana wa Mdamu suti utiriro maza nyingi, na kuleghwa ni waghosi na wakohani wabaa, na walimu wa Sharia, sena ubwagho, na nyuma ya matuku adadu ucharuka.” 32Ukawighoria ilagho iji worinyi, Petro ukamruda kambai, ukazoya kumkemia. 33Jesu ukaghaluka, ukawizighana wanughi wake ukamkemia Petro ukighamba, “Injika noko, Shetani! Angu oho ndekuririkanyagha maza ra Mlungu anduangi, ela ra wandu.”
34Nao ukajiwanga jija izungu andwamweri na wanughi wake wimchee, ukawizera, “Ngera mundu wakunda kuninugha, ukukane uo moni, ughuduke msalaba ghwake, uninughe.#Mat. 10.38; Lk. 14.27 35Angu uo ose uchaakunda kujikira irangi jake, uchajilaghasha; ela uo ose uchaajilaghasha irangi jake kwa wundu ghwapo, na kwa wundu ghwa ijo Ilagho Jiboie, nuo moni uchaajikira.#Mat. 10.39; Lk. 17.33; Joh. 12.25 36Angu ichamfwana mundu kii ukaghupata wurumwengu ghose, sena ulaghashe irangi jake? 37Angu mundu uchafunya kindoki kuindana na irangi jake? 38Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.