MARKO 7
7
Mafundisho gha weke wawa
(Mat. 15.1-9)
1Nao Mafarisayo na walimu wa Sharia wamu wifumie Jerusalemu, wikakwanyika imbiri ya Jesu. 2Wikawiwona wanughi wake wamu wikija vindo na vala viseoghoshero seji ifwane.
3(Angu Mafarisayo na Wayahudi wose, ngera wiseoghie vala putu, ndewijagha anduangi, wikighuwadia mzango ghwa waghosi. 4Sena, wikafuma sokonyi, ngera wisekuoghoshere, ndewijagha kindo chingi anduangi. Sena eko mizango mizima milazi winekelo kuiwadia, sa kuoghosha vikombe, sufuria, na vilambo va shaba.)
5Nao Mafarisayo na walimu wa Sharia wikamkotia Jesu, “Welee, kwaki wanughi wako wiseghutalagha mzango ghwa waghosi, ela wadaja vindo wiseoghoshere vala seji ifwane?” 6Jesu ukawizera, “Isaya orelodieghe nicha aighu konyu inyo waji-kuwi, sa iji koni oreandikieghe:
‘Wandu awa wanibonyera ishima ja momu ghoni, waghamba Mlungu,
ela ngolo rawo reko kula nani.#Isa. 29.13
7Kunitasa kwawo ni kwa duu,
nawo wadafundisha mafundisho gha memu yawo,
seji ni memu ya Mlungu.’
8“Mwaghusigha momu ghwa Mlungu na kughuwadia mzango ghwa wadamu.”
9Jesu ukachuria kuwizera, “Loli moko na wuya ghonyu gholegha sharia ya Mlungu, eri mughuwadie mzango ghwa mzenyu. 10Angu Musa oreghorieghe, ‘Kuwibonyere ishima ndeyo na mayo,’ na, ‘Uo ose ughoragha kiwiwi kwa ndee angu kwa mae, ndefo kifwa.’#Kuf. 20.12; 21.17; Wal. 20.9; Wuk. 5.16 11Ela inyo mwaghamba, ngera mundu wamzera ndee angu mae, ‘Icho kwaghambagha nikuneke ni Korban’ (kutambua kwaro, chanekwa Mlungu), 12nao huwo kedi ndekosere kwa kumwima ndee angu mae. 13Huwo mwaghunona momu ghwa Mlungu kwa kughuwadia mzango ghwa mzenyu. Sena na vilambo vingi sa ivi mwavibonya.”
Maza ridimagha kumlusha mundu
(Mat. 15.10-20)
14Jesu ukajiwanga izungu ja wandu wimchee sena, ukawizera, “Nisikirienyi inyo mmbose, sena mtambukilo. 15Ndekuwadie kindo chingi shighadi ya mundu chikamngia andenyi kwake chidimagha kumghalusa kulua anduangi. Ela ivo vifumagha andenyi kwake nivo veni vimghalusagha kulua. [ 16Mndungi ukakaia na madu ghesikira, ndesikire.”]
17Hata iji wameria kujisigha izungu na kungia nyumbenyi, wanughi wake wikamkotia kutambua kwaro ghuja mfwano. 18Nao ukawizera, “Welee, hata na inyo wori ndemtambukilwagha? Ndemtambuagha angu icho chose chiko shighadi, chikangia andenyi kwa mundu, ndechidimagha kumlusha anduangi, 19angu ndechingiagha ngolonyi anduangi, ela kifunyi kwake, sena chiaida noko choronyi?” Kwa kughora huwo, Jesu ukaelesha vindo vose.
20Nao ukaghamba, “Icho chimfumagha mundu, nicho cheni chimlushagha. 21Angu kufuma kondenyi kwa ngolo ra wandu, ghadafuma maririkanyo ghizamie, kulaka, 22wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu. 23Iri maza rizamie rose radafuma andenyi, naro radamlusha mundu.”
Irumirio ja muka umu
(Mat. 15.21-28)
24Jesu ukawuka aho, ukaghenda masanga gha Tiro na Sidoni. Ukangia nyumba imu ukikunda mndungi usemanye, ela ndeeredimikieghe uvisike anduangi. 25Nao ahoeni, muka umu mnjighe wake uko na pepo izamie, ukasikira wuvoro ghwake, ukacha ukaghwa maghunyi kwake. 26Nao orekoghe muka wa Kigriki, mbari ya Wasurofoinike. Ukamlomba Jesu uiwinge pepo ifume kwa mnjighe wake. 27Jesu ukamzera, “Leka wana wighude kande, angu si nicha kuviwusa vindo va wana na kuvikumbia koshi.” 28Ela uja muka ukamzera, “Ni loli Bwana, ela hata koshi riko mezenyi na kosi, rajagha misusure ipotokagha kufuma kwa wana.” 29Jesu ukamzera, “Kwa ilagho iji, kwende chia yako. Pepo yamfuma mwana wako.” 30Aho uja muka ukaghenda nyumbenyi kwake, ukamkua mnjighe wake walala wulinyi, na pepo yameria kumfuma.
Jesu kuboisa mundu kituri usededagha
31Jesu ukafuma isanga ja Tiro, ukaidia Sidoni, hata ndiwa ya Galilaya, ukiida aghadi ya isanga ja Dekapoli. 32Wikamredia mundu ufue madu, sena ughughumiagha, wikimvoya ummbikirie mikonu. 33Jesu ukamfunya uja mundu nambai ya jija izungu, ukamngira vala va madu, ukachuya mada na kumuadada lumi lwake. 34Ukazighana aighu mlungunyi na kusoria ngolo, ukamzera, “Efatha,” kutambua kwaro, “Tambuka.” 35Nao madu ghake ghikatambuka, na lumi lwake lukafunguka, ukadeda nicha. 36Nao ukawilaghira wisakemghoria mndungi. Ela uduawilaghira huwo saki, niko wichurie kughieresha malagho agho. 37Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”
ទើបបានជ្រើសរើសហើយ៖
MARKO 7: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MARKO 7
7
Mafundisho gha weke wawa
(Mat. 15.1-9)
1Nao Mafarisayo na walimu wa Sharia wamu wifumie Jerusalemu, wikakwanyika imbiri ya Jesu. 2Wikawiwona wanughi wake wamu wikija vindo na vala viseoghoshero seji ifwane.
3(Angu Mafarisayo na Wayahudi wose, ngera wiseoghie vala putu, ndewijagha anduangi, wikighuwadia mzango ghwa waghosi. 4Sena, wikafuma sokonyi, ngera wisekuoghoshere, ndewijagha kindo chingi anduangi. Sena eko mizango mizima milazi winekelo kuiwadia, sa kuoghosha vikombe, sufuria, na vilambo va shaba.)
5Nao Mafarisayo na walimu wa Sharia wikamkotia Jesu, “Welee, kwaki wanughi wako wiseghutalagha mzango ghwa waghosi, ela wadaja vindo wiseoghoshere vala seji ifwane?” 6Jesu ukawizera, “Isaya orelodieghe nicha aighu konyu inyo waji-kuwi, sa iji koni oreandikieghe:
‘Wandu awa wanibonyera ishima ja momu ghoni, waghamba Mlungu,
ela ngolo rawo reko kula nani.#Isa. 29.13
7Kunitasa kwawo ni kwa duu,
nawo wadafundisha mafundisho gha memu yawo,
seji ni memu ya Mlungu.’
8“Mwaghusigha momu ghwa Mlungu na kughuwadia mzango ghwa wadamu.”
9Jesu ukachuria kuwizera, “Loli moko na wuya ghonyu gholegha sharia ya Mlungu, eri mughuwadie mzango ghwa mzenyu. 10Angu Musa oreghorieghe, ‘Kuwibonyere ishima ndeyo na mayo,’ na, ‘Uo ose ughoragha kiwiwi kwa ndee angu kwa mae, ndefo kifwa.’#Kuf. 20.12; 21.17; Wal. 20.9; Wuk. 5.16 11Ela inyo mwaghamba, ngera mundu wamzera ndee angu mae, ‘Icho kwaghambagha nikuneke ni Korban’ (kutambua kwaro, chanekwa Mlungu), 12nao huwo kedi ndekosere kwa kumwima ndee angu mae. 13Huwo mwaghunona momu ghwa Mlungu kwa kughuwadia mzango ghwa mzenyu. Sena na vilambo vingi sa ivi mwavibonya.”
Maza ridimagha kumlusha mundu
(Mat. 15.10-20)
14Jesu ukajiwanga izungu ja wandu wimchee sena, ukawizera, “Nisikirienyi inyo mmbose, sena mtambukilo. 15Ndekuwadie kindo chingi shighadi ya mundu chikamngia andenyi kwake chidimagha kumghalusa kulua anduangi. Ela ivo vifumagha andenyi kwake nivo veni vimghalusagha kulua. [ 16Mndungi ukakaia na madu ghesikira, ndesikire.”]
17Hata iji wameria kujisigha izungu na kungia nyumbenyi, wanughi wake wikamkotia kutambua kwaro ghuja mfwano. 18Nao ukawizera, “Welee, hata na inyo wori ndemtambukilwagha? Ndemtambuagha angu icho chose chiko shighadi, chikangia andenyi kwa mundu, ndechidimagha kumlusha anduangi, 19angu ndechingiagha ngolonyi anduangi, ela kifunyi kwake, sena chiaida noko choronyi?” Kwa kughora huwo, Jesu ukaelesha vindo vose.
20Nao ukaghamba, “Icho chimfumagha mundu, nicho cheni chimlushagha. 21Angu kufuma kondenyi kwa ngolo ra wandu, ghadafuma maririkanyo ghizamie, kulaka, 22wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu. 23Iri maza rizamie rose radafuma andenyi, naro radamlusha mundu.”
Irumirio ja muka umu
(Mat. 15.21-28)
24Jesu ukawuka aho, ukaghenda masanga gha Tiro na Sidoni. Ukangia nyumba imu ukikunda mndungi usemanye, ela ndeeredimikieghe uvisike anduangi. 25Nao ahoeni, muka umu mnjighe wake uko na pepo izamie, ukasikira wuvoro ghwake, ukacha ukaghwa maghunyi kwake. 26Nao orekoghe muka wa Kigriki, mbari ya Wasurofoinike. Ukamlomba Jesu uiwinge pepo ifume kwa mnjighe wake. 27Jesu ukamzera, “Leka wana wighude kande, angu si nicha kuviwusa vindo va wana na kuvikumbia koshi.” 28Ela uja muka ukamzera, “Ni loli Bwana, ela hata koshi riko mezenyi na kosi, rajagha misusure ipotokagha kufuma kwa wana.” 29Jesu ukamzera, “Kwa ilagho iji, kwende chia yako. Pepo yamfuma mwana wako.” 30Aho uja muka ukaghenda nyumbenyi kwake, ukamkua mnjighe wake walala wulinyi, na pepo yameria kumfuma.
Jesu kuboisa mundu kituri usededagha
31Jesu ukafuma isanga ja Tiro, ukaidia Sidoni, hata ndiwa ya Galilaya, ukiida aghadi ya isanga ja Dekapoli. 32Wikamredia mundu ufue madu, sena ughughumiagha, wikimvoya ummbikirie mikonu. 33Jesu ukamfunya uja mundu nambai ya jija izungu, ukamngira vala va madu, ukachuya mada na kumuadada lumi lwake. 34Ukazighana aighu mlungunyi na kusoria ngolo, ukamzera, “Efatha,” kutambua kwaro, “Tambuka.” 35Nao madu ghake ghikatambuka, na lumi lwake lukafunguka, ukadeda nicha. 36Nao ukawilaghira wisakemghoria mndungi. Ela uduawilaghira huwo saki, niko wichurie kughieresha malagho agho. 37Wandu wikashinika nandighi loli-loli, wikighamba, “Wadabonya maza rose nicha: wadabonya hata wifue madu wisikire, na vituri widede.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.