MATHAYO 20
20
Wabonyi kazi andenyi ya mbuwa ya mizabibu
1“Angu wuzuri ghwa mlungunyi ghwafanana na mundu wa nyumba uko na mbuwa ya mizabibu, orefumieghe nakesho kuandika wandu wa kibarua. 2Nao umeria kupatana nawo malipo gha dinari kwa ituku, ukawighenja kwa mbuwa ya mizabibu. 3Ukafuma saa idadu ra nakesho, ukawiwona wandu wamu wiko kimusi sokonyi wiseko na kazi ingi. 4Ukawizera, ‘Na inyo wori ghendenyi mbuwenyi ya mizabibu, na icho chiko hachi yenyu nichamlipa.’ 5Wikaghenda. Ukafuma sena sa saa irandadu na saa ikenda ukibonya wokoni. 6Nao sa saa ikumi na imweri, ukafuma ukawona wamu wiko kimusi ukawizera, ‘Kwaki mwasinda aha dii duu?’ 7Nawo wikamzera, ‘Ni angu mndungi usedipakazire.’ Ukawizera, ‘Nenyo wori ghendenyi kazinyi mbuwenyi ya mizabibu.’
8“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’#Wal. 19.13; Wuk. 24.15 9Iji wacha waja wa saa ikumi na imweri, werelipiloghe dinari imweri kula mundu. 10Hata iji awo wereandikiloghe kiimbiri wabusa, werekoghe wikighesha wei awo wichanekwa kuchumba, ela nawo weni wikalipwa kula umu dinari imweri. 11Nao iji wariwusa pesa rawo wikamzughunukia uja mundu wa nyumba, 12wikighamba, ‘Awa wandu wa kutua wacha saa ikumi na imweri waabonya kazi saa imweri tu na oho kwawikatanisha nesi disindebonya kazi dii na mruke ghose ghwa dime!’ 13Niko uja mundu wa nyumba ukamtumbulia umu wawo ukighamba, ‘Mghenyi wapo, sikukosere ilagho jingi, dedepatana nikulipe dinari imweri. 14Wusa icho chiko chako kwende, nasaghua kumneka uhu wa kutua mbai karakara nakumoni. 15Kwani ndeinifwane kubonya seji nikunde na mali rapo anguwada? Angu kwaaniwonia iriso angu niko mucha?’” 16Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”#Mat. 19.30; Mk. 10.31; Lk. 13.30
Jesu kuja malagho aighu ya kifwa chake indo ja kadadu
(Mk. 10.32-34; Lk. 18.31-34)
17Nao iji Jesu orekoghe ukijoka Jerusalemu, ukawiruda njama wanughi wake ikumi na wawi wikighenda chienyi ukawizera, 18“Olenyi diajoka Jerusalemu, na Mwana wa Mdamu uchafunywa mikonunyi kwa wakohani wabaa, na walimu wa Sharia. Wichamtanya ubwagho, 19sena wichamfunya kwa wandu wa mbari zima, nawo wichamseka na kumkaba na viboko, na kumsulubisha, ela ituku ja kadadu ucharuka.”
Ilombi ja mae Jakobo na Johane
(Mk. 10.35-45)
20Niko aho ukacha mka-Zebedayo na wana wake wawi, ukamdungia Jesu ngokoro ukimlomba ilagho jimu. 21Jesu ukamkotia, “Kwakundeki?” Ukatumbulia, “Neekunda kunibonyere ilaghiro angu awa wana wapo wawi wichasea kidombo umu kwa mkonu ghwako ghwa kiwomi, na umu kwa mkonu ghwako ghwa kiwaka kwa wuzuri ghwako.” 22Ela Jesu ukamtumbulia, “Inyo ndemmanyire ichi mwawuyalomba. Mwadima kunywa kikombe nichaachinywa ini?” Wikatumbulia, “Dadima.” 23Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”
24Nao iji waja wanughi wazima ikumi wasikira agho, wikawibonyera machu uja mundu na mruna. 25Niko Jesu ukawiwanga wose kwake ukawizera, “Inyo mwaichi angu wazuri wa iro mbari zima wadawibonyera nguma wandu wawo kwa ndighi, na wabaa wawo wadawibonyera nguma.#Lk. 22.25-26 26Ela konyu ndeichaakaia huwo anduangi, ela uo ose uchaakunda kukaia m'baa konyu, suti ukaie mdumiki onyu.#Mat. 23.11; Mk. 9.35; Lk. 22.26 27Na uo uchaakunda kukaia wa imbiri konyu, suti ukaie mzumba onyu. 28Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”
Jesu kuwiboisa vitungure viwi
(Mk. 10.46-52; Lk. 18.35-43)
29Nao iji Jesu na wanughi wake werekoghe wikifuma Jeriko, izungu ibaa ja wandu wikamnugha. 30Na wandu wawi werekoghe vitungure wereserieghe kidombo mbai na mbai ya chia, iji wasikira angu ni Jesu orekoghe ukiida, wikakema wikighamba, “Difue wughoma ee Mwana wa Daudi.” 31Nao jija izungu ja wandu wikawikemia wikiwizera winyame kima, ela awo wikachuria kukema, “Ee Bwana Mwana wa Daudi, difue wughoma.” 32Jesu ukadunga maghu ukawiwanga na kuwikotia, “Mwakunde nim'bonyereki?” 33Wikatumbulia, “Bwana, ditambuo meso ghedu.” 34Jesu ukawadwa ni wughoma, ukawiadada meso ghawo; nao ahoeni wikawona wikamnugha Jesu.
ទើបបានជ្រើសរើសហើយ៖
MATHAYO 20: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 20
20
Wabonyi kazi andenyi ya mbuwa ya mizabibu
1“Angu wuzuri ghwa mlungunyi ghwafanana na mundu wa nyumba uko na mbuwa ya mizabibu, orefumieghe nakesho kuandika wandu wa kibarua. 2Nao umeria kupatana nawo malipo gha dinari kwa ituku, ukawighenja kwa mbuwa ya mizabibu. 3Ukafuma saa idadu ra nakesho, ukawiwona wandu wamu wiko kimusi sokonyi wiseko na kazi ingi. 4Ukawizera, ‘Na inyo wori ghendenyi mbuwenyi ya mizabibu, na icho chiko hachi yenyu nichamlipa.’ 5Wikaghenda. Ukafuma sena sa saa irandadu na saa ikenda ukibonya wokoni. 6Nao sa saa ikumi na imweri, ukafuma ukawona wamu wiko kimusi ukawizera, ‘Kwaki mwasinda aha dii duu?’ 7Nawo wikamzera, ‘Ni angu mndungi usedipakazire.’ Ukawizera, ‘Nenyo wori ghendenyi kazinyi mbuwenyi ya mizabibu.’
8“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’#Wal. 19.13; Wuk. 24.15 9Iji wacha waja wa saa ikumi na imweri, werelipiloghe dinari imweri kula mundu. 10Hata iji awo wereandikiloghe kiimbiri wabusa, werekoghe wikighesha wei awo wichanekwa kuchumba, ela nawo weni wikalipwa kula umu dinari imweri. 11Nao iji wariwusa pesa rawo wikamzughunukia uja mundu wa nyumba, 12wikighamba, ‘Awa wandu wa kutua wacha saa ikumi na imweri waabonya kazi saa imweri tu na oho kwawikatanisha nesi disindebonya kazi dii na mruke ghose ghwa dime!’ 13Niko uja mundu wa nyumba ukamtumbulia umu wawo ukighamba, ‘Mghenyi wapo, sikukosere ilagho jingi, dedepatana nikulipe dinari imweri. 14Wusa icho chiko chako kwende, nasaghua kumneka uhu wa kutua mbai karakara nakumoni. 15Kwani ndeinifwane kubonya seji nikunde na mali rapo anguwada? Angu kwaaniwonia iriso angu niko mucha?’” 16Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”#Mat. 19.30; Mk. 10.31; Lk. 13.30
Jesu kuja malagho aighu ya kifwa chake indo ja kadadu
(Mk. 10.32-34; Lk. 18.31-34)
17Nao iji Jesu orekoghe ukijoka Jerusalemu, ukawiruda njama wanughi wake ikumi na wawi wikighenda chienyi ukawizera, 18“Olenyi diajoka Jerusalemu, na Mwana wa Mdamu uchafunywa mikonunyi kwa wakohani wabaa, na walimu wa Sharia. Wichamtanya ubwagho, 19sena wichamfunya kwa wandu wa mbari zima, nawo wichamseka na kumkaba na viboko, na kumsulubisha, ela ituku ja kadadu ucharuka.”
Ilombi ja mae Jakobo na Johane
(Mk. 10.35-45)
20Niko aho ukacha mka-Zebedayo na wana wake wawi, ukamdungia Jesu ngokoro ukimlomba ilagho jimu. 21Jesu ukamkotia, “Kwakundeki?” Ukatumbulia, “Neekunda kunibonyere ilaghiro angu awa wana wapo wawi wichasea kidombo umu kwa mkonu ghwako ghwa kiwomi, na umu kwa mkonu ghwako ghwa kiwaka kwa wuzuri ghwako.” 22Ela Jesu ukamtumbulia, “Inyo ndemmanyire ichi mwawuyalomba. Mwadima kunywa kikombe nichaachinywa ini?” Wikatumbulia, “Dadima.” 23Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”
24Nao iji waja wanughi wazima ikumi wasikira agho, wikawibonyera machu uja mundu na mruna. 25Niko Jesu ukawiwanga wose kwake ukawizera, “Inyo mwaichi angu wazuri wa iro mbari zima wadawibonyera nguma wandu wawo kwa ndighi, na wabaa wawo wadawibonyera nguma.#Lk. 22.25-26 26Ela konyu ndeichaakaia huwo anduangi, ela uo ose uchaakunda kukaia m'baa konyu, suti ukaie mdumiki onyu.#Mat. 23.11; Mk. 9.35; Lk. 22.26 27Na uo uchaakunda kukaia wa imbiri konyu, suti ukaie mzumba onyu. 28Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”
Jesu kuwiboisa vitungure viwi
(Mk. 10.46-52; Lk. 18.35-43)
29Nao iji Jesu na wanughi wake werekoghe wikifuma Jeriko, izungu ibaa ja wandu wikamnugha. 30Na wandu wawi werekoghe vitungure wereserieghe kidombo mbai na mbai ya chia, iji wasikira angu ni Jesu orekoghe ukiida, wikakema wikighamba, “Difue wughoma ee Mwana wa Daudi.” 31Nao jija izungu ja wandu wikawikemia wikiwizera winyame kima, ela awo wikachuria kukema, “Ee Bwana Mwana wa Daudi, difue wughoma.” 32Jesu ukadunga maghu ukawiwanga na kuwikotia, “Mwakunde nim'bonyereki?” 33Wikatumbulia, “Bwana, ditambuo meso ghedu.” 34Jesu ukawadwa ni wughoma, ukawiadada meso ghawo; nao ahoeni wikawona wikamnugha Jesu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.