MATHAYO 19
19
Jesu kufundisha aighu ya kutana kwa mundu na mkake
(Mk. 10.1-12)
1Hata iji Jesu wameria kughora agho, ukafuma Galilaya na kughenda isanga ja Judea kimonu cha Jordani. 2Wandu wengi wikamnugha, nao ahoeni ukawiboisa. 3Mafarisayo wamu wikamchea kumkotia makoto kwa kumtima, “Welee, Sharia yamrumiriagha mundu kumsigha mkake kwa kula sababu?” 4Jesu ukawitumbulia, “Jingi ndemshomie sa iji iandikilo, angu Mlungu kufuma imbiri orewiumbieghe mndwawomi na muka,#Kuz. 1.27; 5.2 5ukaghamba, ‘Kwa wundu ughu mundu uchawisigha ndee na mae, uwadane na mkake, nawo waja wawi wichakaia mumbi ghumweri?’#Kuz. 2.24 6Huwo ndewiko wawi sena anduangi, ela ni mumbi ghumweri. Kwa huwu, awo Mlungu orewitumalieghe chia imweri, mdamu ungi usakewitanya.” 7Ela awo wikamkotia, “Kwaki sena Musa oredilaghirieghe wei muka uneko barua ya kutana, na kusighwa?”#Wuk. 24.1-4; Mat. 5.31 8Jesu ukawitumbulia, “Ni kwa wundu ghwa kukua kwa ngolo renyu niko Musa oremnekieghe rusa ya kuwisigha waka wenyu. Ela ndeerekoghe huwu imbiri anduangi. 9Nani namzera, uo ose uchaamsigha mkake, isaakaia ni kwa wundu ghwa kulaka, nao ulowuo mzima, walaka.”#Mat. 5.32; 1 Wakor. 7.10-11 10Nao wanughi wake wikamzera, “Ikakaia malagho gha mundu na mkake niko ghiko huwo, kulowua ndekufwanagha anduangi.” 11Jesu ukawizera, “Si wandu wose widimagha kughiwusa mafundisho agho kungi, ela ni awo tu winekelo ni Mlungu. 12Angu weko weke kolowi kufuma kuvalwa kwawo, na wamu weko wibonyero kolowi ni wandu, na wamu weko wikubonyere weni kukaia kolowi kwa wundu ghwa wuzuri ghwa Mlungu. Uo udimagha kughiwusa mafundisho agho ndeghiwuse.”
Jesu kuwirasimia wanake watini
(Mk. 10.13-16; Lk. 18.15-17)
13Nao wandu wamu wikamredia Jesu wanake watini upate kuwiwikiria mikonu na kuwilombia. Ela wanughi wikawikemia. 14Jesu ukaghamba, “Wilekenyi wanake watini wiche kwapo, msakewighiria, angu wuzuri ghwa mlungunyi ni kwa wandu wiko sa awa.” 15Ukawiwikiria mikonu, ukafuma aho ukaghenda chia yake.
Mdawana uko na mali
(Mk. 10.17-31; Lk. 18.18-30)
16Nao mndumu ukamchea Jesu ukamkotia ukighamba, “Mwalimu, nibonye ilaghoki icha eri nijipate irangi ja kala na kala?” 17Jesu ukamzera, “Kwaki kunikotiagha ja ijo jiko icha? Oko umweri tu uko mucha. Ela iji kukunde kungie iranginyi kuiwadie memu.” 18Uja mundu ukamkotia, “Memu iao?” Jesu ukamzera, “Kusakebwagha, kusakelaka, kusakeiwa, kusefunye wushuhuda ghwa tee,#Kuf. 20.13-16; Wuk. 5.17-20 19kuwineke ishima ndeyo na mayo; na kumkunde mmbenyu sa iji kukukundagha oho kumoni.”#Kuf. 20.12; Wuk. 5.16; Wal. 19.18 20Uja mdawana ukamzera, “Agho ghose naghiwadie, nibonye kii chimu sena?” 21Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.” 22Uja mdawana uendasikira agho, ukaghenda na wasi, angu orekoghe na mali nyingi.
23Niko Jesu ukawizera wanughi wake, “Namghoria loli, kuchakua nandighi kwa mundu uko na mali kungia kwa wuzuri ghwa mlungunyi. 24Sena namzera, kwaangue ngamila kuida ilanga ja siziano, kuchumba mundu uko na mali kungia kwa wuzuri ghwa mlungunyi.” 25Waja wanughi wiendasikira agho, wikashinika na kumkotia, “Idana nani udimagha kukia?” 26Jesu ukawizighana ukawizera, “Kwa wadamu ilagho iji ndejidimikagha, ela kwa Mlungu maza rose radimika.”
27Nao Petro ukamzera, “Zighana isi dasighie vose dikakunugha, dipata kii?” 28Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.#Mat. 25.31; Lk. 22.30 29Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala. 30Ela wengi wiko imbiri wichakaia wa kutua, na wa kutua, wikaie wa imbiri.”#Mat. 20.16; Lk. 13.30
ទើបបានជ្រើសរើសហើយ៖
MATHAYO 19: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 19
19
Jesu kufundisha aighu ya kutana kwa mundu na mkake
(Mk. 10.1-12)
1Hata iji Jesu wameria kughora agho, ukafuma Galilaya na kughenda isanga ja Judea kimonu cha Jordani. 2Wandu wengi wikamnugha, nao ahoeni ukawiboisa. 3Mafarisayo wamu wikamchea kumkotia makoto kwa kumtima, “Welee, Sharia yamrumiriagha mundu kumsigha mkake kwa kula sababu?” 4Jesu ukawitumbulia, “Jingi ndemshomie sa iji iandikilo, angu Mlungu kufuma imbiri orewiumbieghe mndwawomi na muka,#Kuz. 1.27; 5.2 5ukaghamba, ‘Kwa wundu ughu mundu uchawisigha ndee na mae, uwadane na mkake, nawo waja wawi wichakaia mumbi ghumweri?’#Kuz. 2.24 6Huwo ndewiko wawi sena anduangi, ela ni mumbi ghumweri. Kwa huwu, awo Mlungu orewitumalieghe chia imweri, mdamu ungi usakewitanya.” 7Ela awo wikamkotia, “Kwaki sena Musa oredilaghirieghe wei muka uneko barua ya kutana, na kusighwa?”#Wuk. 24.1-4; Mat. 5.31 8Jesu ukawitumbulia, “Ni kwa wundu ghwa kukua kwa ngolo renyu niko Musa oremnekieghe rusa ya kuwisigha waka wenyu. Ela ndeerekoghe huwu imbiri anduangi. 9Nani namzera, uo ose uchaamsigha mkake, isaakaia ni kwa wundu ghwa kulaka, nao ulowuo mzima, walaka.”#Mat. 5.32; 1 Wakor. 7.10-11 10Nao wanughi wake wikamzera, “Ikakaia malagho gha mundu na mkake niko ghiko huwo, kulowua ndekufwanagha anduangi.” 11Jesu ukawizera, “Si wandu wose widimagha kughiwusa mafundisho agho kungi, ela ni awo tu winekelo ni Mlungu. 12Angu weko weke kolowi kufuma kuvalwa kwawo, na wamu weko wibonyero kolowi ni wandu, na wamu weko wikubonyere weni kukaia kolowi kwa wundu ghwa wuzuri ghwa Mlungu. Uo udimagha kughiwusa mafundisho agho ndeghiwuse.”
Jesu kuwirasimia wanake watini
(Mk. 10.13-16; Lk. 18.15-17)
13Nao wandu wamu wikamredia Jesu wanake watini upate kuwiwikiria mikonu na kuwilombia. Ela wanughi wikawikemia. 14Jesu ukaghamba, “Wilekenyi wanake watini wiche kwapo, msakewighiria, angu wuzuri ghwa mlungunyi ni kwa wandu wiko sa awa.” 15Ukawiwikiria mikonu, ukafuma aho ukaghenda chia yake.
Mdawana uko na mali
(Mk. 10.17-31; Lk. 18.18-30)
16Nao mndumu ukamchea Jesu ukamkotia ukighamba, “Mwalimu, nibonye ilaghoki icha eri nijipate irangi ja kala na kala?” 17Jesu ukamzera, “Kwaki kunikotiagha ja ijo jiko icha? Oko umweri tu uko mucha. Ela iji kukunde kungie iranginyi kuiwadie memu.” 18Uja mundu ukamkotia, “Memu iao?” Jesu ukamzera, “Kusakebwagha, kusakelaka, kusakeiwa, kusefunye wushuhuda ghwa tee,#Kuf. 20.13-16; Wuk. 5.17-20 19kuwineke ishima ndeyo na mayo; na kumkunde mmbenyu sa iji kukukundagha oho kumoni.”#Kuf. 20.12; Wuk. 5.16; Wal. 19.18 20Uja mdawana ukamzera, “Agho ghose naghiwadie, nibonye kii chimu sena?” 21Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.” 22Uja mdawana uendasikira agho, ukaghenda na wasi, angu orekoghe na mali nyingi.
23Niko Jesu ukawizera wanughi wake, “Namghoria loli, kuchakua nandighi kwa mundu uko na mali kungia kwa wuzuri ghwa mlungunyi. 24Sena namzera, kwaangue ngamila kuida ilanga ja siziano, kuchumba mundu uko na mali kungia kwa wuzuri ghwa mlungunyi.” 25Waja wanughi wiendasikira agho, wikashinika na kumkotia, “Idana nani udimagha kukia?” 26Jesu ukawizighana ukawizera, “Kwa wadamu ilagho iji ndejidimikagha, ela kwa Mlungu maza rose radimika.”
27Nao Petro ukamzera, “Zighana isi dasighie vose dikakunugha, dipata kii?” 28Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.#Mat. 25.31; Lk. 22.30 29Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala. 30Ela wengi wiko imbiri wichakaia wa kutua, na wa kutua, wikaie wa imbiri.”#Mat. 20.16; Lk. 13.30
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.