MATHAYO 21
21
Jesu kungia Jerusalemu ukizumilwa
(Mk. 11.1-11; Lk. 19.28-40; Joh. 12.12-19)
1Hata iji Jesu na wanughi wake werekoghe kaavui na Jerusalemu, wikavika Bethfage kwa Mghondi ghwa Mizeituni; niko Jesu ukawiduma wawi wa wanughi wake, 2ukawizera, “Ghendenyi ghuja muzi ghuko imbiri konyu, nao ahoeni mchawona punda ufungilo na mwanwake. Wifunguonyi muniredie. 3Mndungi ukamkotia ilagho jingi mumzere, ‘Bwana wawikunda,’ nao uchawilekeria shwa wori.” 4Ilagho iji jerebonyekieghe, eri ghaja ghereghoreloghe ni mlodi ghikatie:
5“Ghughorienyi muzi ghwa Sioni,
hoyu mzuri wako wakuchea,
wa mboa, wajoka aighu ya punda
na punda mtini, mwana wa punda.”#Zek. 9.9
6Nao waja wanughi wikaghenda na kubonya sa iji koni Jesu orewilaghirieghe, 7wikamreda punda na mwana wake, wikaala nguwo rawo aighu yawo, na Jesu ukasea kidombo aighu kwake. 8Na wengi werekoghe izungunyi wikaala nguwo rawo chienyi; na wazima wikadema masawi gha midi wikaghiala chienyi. 9Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa:
“Hosana kwa Mwana wa Daudi,
Warasimiwa uo uchagha kwa irina ja Bwana;
Hosana aighu na ndighi.”#Zab. 118.25-26
10Hata iji orengirieghe Jerusalemu, wandu wa muzi wose wikanyavurika wikighamba, “Nani uhu?” 11Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”
Jesu kughenda Hekalunyi
(Mk. 11.15-19; Lk. 19.45-48; Joh. 2.13-22)
12Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo. 13Ukawizera, “Yaandikilo, ‘Nyumba yapo ichawangwa nyumba ya malombi.’ Ela inyo mwaibonya mbanga ya viting'a.”#Isa. 56.7; Jer. 7.11
14Niko vitungure na wakelemeri wikamchea Hekalunyi, nao ukawiboisa. 15Hata iji wakohani wabaa na walimu wa Sharia waghiwona agho mashiniko oreghibonyereghe Jesu, na wanake werekoghe Hekalunyi wikighora kwa chwaka “Hosana kwa Mwana wa Daudi,” wikajokwa ni machu, 16wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo:
‘Kwawibonya wanake watini na awo wiongagha,
wifunye makaso ghikatie.’”#Zab. 8.3
17Nao ukawisigha, ukafuma shighadi ya muzi ukaghenda Bethania ukalala aho.
Jesu kuwasira mtini njowe
(Mk. 11.12-14, 20-24)
18Nao nakesho iji Jesu orekoghe ukiwuya mzinyi, ukazughwa ni njala. 19Hata iji waghuwona mtini mbai na mbai ya chia ukaghughendia, nao nderepatireghe itunda jingi ela malemba maduu. Ukaghuzera ghuja mudi, “Jingi kuseve itunda sena.” Nao ghuja mtini ghukanyaya shwa wori. 20Wanughi wiendawona huwo wikashinika wikighamba, “Kwaki ughu mtini ghwanyaya shwa-shwa huwu?” 21Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.#Mat. 17.20; 1 Wakor. 13.2 22Na ijo jose mlombagha, ngera mwakaia na irumirio mchajipata.”
Ikoto aighu ya nguma ya Jesu
(Mk. 11.27-33; Lk. 20.1-8)
23Nao iji Jesu wangia Hekalunyi, wakohani wabaa na waghosi wa wandu wikamchea ukifundisha wikamkotia, “Kwawuyabonya maza iri kwa nguma iao, nao nani ukunekie nguma ihi?” 24Jesu ukawitumbulia, “Na ini nichamkotia ikoto, mkajitumbulia nichamghoria ni kwa nguma iao niribonyagha maza iri. 25Welee, nguma ya Johane ebaputiza erefumieghe hao? Edefuma mlungunyi angu kwa wadamu?” Nao wikatumbuliana weni na weni, “Dikaghamba, ‘Kufuma mlungunyi’, uchadizera ‘Kwaki sena mseremrumirieghe?’ 26Sena dikaghamba, ‘Kufuma kwa wadamu’, diaobua wandu angu weremrumirieghe Johane kukaia mlodi.” 27Nao wikamtumbulia Jesu “Ndedimanyire.” Nao moni ukawizera, “Na ini simghoriagha ngera nabonyagha maza iri kwa nguma yani.”
Mfwano ghwa wana wawi
28“Mmbona wada: Mndumu orekoghe na wana wawi, ukamghendia uja wa imbiri ukamzera, ‘Mwanwapo, idime ghenda mbuwenyi ya mizabibu.’ 29Nao ukatumbulia, ‘Sikude!’ Ela konyuma ukahea ukaghenda. 30Nao ukamghendia uja wa kawi ukamzera ghaja malagho gheni. Nao ukatumbulia, ‘Niaghenda mghosi.’ Ela ndereghendieghe anduangi. 31Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu. 32Angu Johane orechieghe ukimmbonyera chia ya hachi enugha, nenyo ndemoremrumirieghe anduangi, ela wawadi wushuru na malaya weremrumirieghe. Hata mduawona huwo saki, ndemoreherieghe na kumrumiria anduangi.”#Lk. 3.12; 7.29-30
Mfwano ghwa mbuwa ya mizabibu na walimi wepangisha
(Mk. 12.1-12; Lk. 20.9-19)
33Nao Jesu ukawizera, “Sikirenyi mfwano ghumu. Mundu wa nyumba umu orelimieghe mbuwa ya mizabibu, ukaibonyera wurigha, ukakota kina chekamia zabibu, ukaagha mnara na kuipangisha walimi; nao ukadamba cha isanga izima.#Isa. 5.1-2 34Hata iji kimu cha makuwido chavika, ukawiduma wadumiki wake kwa walimi upate ifungu jake ja makuwido. 35Nao walimi wikawada wadumiki wake, umu wikamkaba, na umu wikam'bwagha, na mzima wikamlasa na magho. 36Ukaduma wadumiki wamu sena wengi kuchumba waja wa imbiri. Nawo weni wikawibonyera wokoni. 37Konyuma ukamduma mwana wake kwawo ukighamba, ‘Wicham'bonyera ishima mwana wapo.’ 38Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’ 39Nao wikammbwada wikamkumba shidhadi ya mbuwa, wikam'bwagha.” 40Jesu ukawikotia, “Welee, iji bwana wa mbuwa ya mizabibu wacha, uchawibonya wada waja walimi?” 41Wikamtumbulia, “Uchawitirira na kuwibwagha; na mbuwa ya mizabibu uchaipangisha wazima, awo wichaadima kumpatira makuwido gha zabibu kwa kimu charo.” 42Aho Jesu ukawizera, “Welee, jingi ndemshomie sa iji iandikilo:
‘Igho jerelegheloghe ni waaghi,
nijo jeni jiwurie ibaa ja mbembenyi.
Na iji ni ibonyo ja Bwana moni,
najo jakaia ja mashiniko mesonyi kodu.’#Zab. 118.22-23
43“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [ 44Uo ose uchaaghwa aighu ya igho ijo uchachika vipande vipande, na uo jimghuyagha jichamsaghisa.] 45Nao iji wakohani wabaa na Mafarisayo wasikira mfwano ugho, wikamanya angu ghwaaghorwa kwa wundu ghwawo. 46Nawo iji werekundieghe kummbwada, wikawiobua wandu angu weremrumirieghe Jesu kukaia mlodi.
ទើបបានជ្រើសរើសហើយ៖
MATHAYO 21: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 21
21
Jesu kungia Jerusalemu ukizumilwa
(Mk. 11.1-11; Lk. 19.28-40; Joh. 12.12-19)
1Hata iji Jesu na wanughi wake werekoghe kaavui na Jerusalemu, wikavika Bethfage kwa Mghondi ghwa Mizeituni; niko Jesu ukawiduma wawi wa wanughi wake, 2ukawizera, “Ghendenyi ghuja muzi ghuko imbiri konyu, nao ahoeni mchawona punda ufungilo na mwanwake. Wifunguonyi muniredie. 3Mndungi ukamkotia ilagho jingi mumzere, ‘Bwana wawikunda,’ nao uchawilekeria shwa wori.” 4Ilagho iji jerebonyekieghe, eri ghaja ghereghoreloghe ni mlodi ghikatie:
5“Ghughorienyi muzi ghwa Sioni,
hoyu mzuri wako wakuchea,
wa mboa, wajoka aighu ya punda
na punda mtini, mwana wa punda.”#Zek. 9.9
6Nao waja wanughi wikaghenda na kubonya sa iji koni Jesu orewilaghirieghe, 7wikamreda punda na mwana wake, wikaala nguwo rawo aighu yawo, na Jesu ukasea kidombo aighu kwake. 8Na wengi werekoghe izungunyi wikaala nguwo rawo chienyi; na wazima wikadema masawi gha midi wikaghiala chienyi. 9Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa:
“Hosana kwa Mwana wa Daudi,
Warasimiwa uo uchagha kwa irina ja Bwana;
Hosana aighu na ndighi.”#Zab. 118.25-26
10Hata iji orengirieghe Jerusalemu, wandu wa muzi wose wikanyavurika wikighamba, “Nani uhu?” 11Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”
Jesu kughenda Hekalunyi
(Mk. 11.15-19; Lk. 19.45-48; Joh. 2.13-22)
12Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo. 13Ukawizera, “Yaandikilo, ‘Nyumba yapo ichawangwa nyumba ya malombi.’ Ela inyo mwaibonya mbanga ya viting'a.”#Isa. 56.7; Jer. 7.11
14Niko vitungure na wakelemeri wikamchea Hekalunyi, nao ukawiboisa. 15Hata iji wakohani wabaa na walimu wa Sharia waghiwona agho mashiniko oreghibonyereghe Jesu, na wanake werekoghe Hekalunyi wikighora kwa chwaka “Hosana kwa Mwana wa Daudi,” wikajokwa ni machu, 16wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo:
‘Kwawibonya wanake watini na awo wiongagha,
wifunye makaso ghikatie.’”#Zab. 8.3
17Nao ukawisigha, ukafuma shighadi ya muzi ukaghenda Bethania ukalala aho.
Jesu kuwasira mtini njowe
(Mk. 11.12-14, 20-24)
18Nao nakesho iji Jesu orekoghe ukiwuya mzinyi, ukazughwa ni njala. 19Hata iji waghuwona mtini mbai na mbai ya chia ukaghughendia, nao nderepatireghe itunda jingi ela malemba maduu. Ukaghuzera ghuja mudi, “Jingi kuseve itunda sena.” Nao ghuja mtini ghukanyaya shwa wori. 20Wanughi wiendawona huwo wikashinika wikighamba, “Kwaki ughu mtini ghwanyaya shwa-shwa huwu?” 21Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.#Mat. 17.20; 1 Wakor. 13.2 22Na ijo jose mlombagha, ngera mwakaia na irumirio mchajipata.”
Ikoto aighu ya nguma ya Jesu
(Mk. 11.27-33; Lk. 20.1-8)
23Nao iji Jesu wangia Hekalunyi, wakohani wabaa na waghosi wa wandu wikamchea ukifundisha wikamkotia, “Kwawuyabonya maza iri kwa nguma iao, nao nani ukunekie nguma ihi?” 24Jesu ukawitumbulia, “Na ini nichamkotia ikoto, mkajitumbulia nichamghoria ni kwa nguma iao niribonyagha maza iri. 25Welee, nguma ya Johane ebaputiza erefumieghe hao? Edefuma mlungunyi angu kwa wadamu?” Nao wikatumbuliana weni na weni, “Dikaghamba, ‘Kufuma mlungunyi’, uchadizera ‘Kwaki sena mseremrumirieghe?’ 26Sena dikaghamba, ‘Kufuma kwa wadamu’, diaobua wandu angu weremrumirieghe Johane kukaia mlodi.” 27Nao wikamtumbulia Jesu “Ndedimanyire.” Nao moni ukawizera, “Na ini simghoriagha ngera nabonyagha maza iri kwa nguma yani.”
Mfwano ghwa wana wawi
28“Mmbona wada: Mndumu orekoghe na wana wawi, ukamghendia uja wa imbiri ukamzera, ‘Mwanwapo, idime ghenda mbuwenyi ya mizabibu.’ 29Nao ukatumbulia, ‘Sikude!’ Ela konyuma ukahea ukaghenda. 30Nao ukamghendia uja wa kawi ukamzera ghaja malagho gheni. Nao ukatumbulia, ‘Niaghenda mghosi.’ Ela ndereghendieghe anduangi. 31Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu. 32Angu Johane orechieghe ukimmbonyera chia ya hachi enugha, nenyo ndemoremrumirieghe anduangi, ela wawadi wushuru na malaya weremrumirieghe. Hata mduawona huwo saki, ndemoreherieghe na kumrumiria anduangi.”#Lk. 3.12; 7.29-30
Mfwano ghwa mbuwa ya mizabibu na walimi wepangisha
(Mk. 12.1-12; Lk. 20.9-19)
33Nao Jesu ukawizera, “Sikirenyi mfwano ghumu. Mundu wa nyumba umu orelimieghe mbuwa ya mizabibu, ukaibonyera wurigha, ukakota kina chekamia zabibu, ukaagha mnara na kuipangisha walimi; nao ukadamba cha isanga izima.#Isa. 5.1-2 34Hata iji kimu cha makuwido chavika, ukawiduma wadumiki wake kwa walimi upate ifungu jake ja makuwido. 35Nao walimi wikawada wadumiki wake, umu wikamkaba, na umu wikam'bwagha, na mzima wikamlasa na magho. 36Ukaduma wadumiki wamu sena wengi kuchumba waja wa imbiri. Nawo weni wikawibonyera wokoni. 37Konyuma ukamduma mwana wake kwawo ukighamba, ‘Wicham'bonyera ishima mwana wapo.’ 38Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’ 39Nao wikammbwada wikamkumba shidhadi ya mbuwa, wikam'bwagha.” 40Jesu ukawikotia, “Welee, iji bwana wa mbuwa ya mizabibu wacha, uchawibonya wada waja walimi?” 41Wikamtumbulia, “Uchawitirira na kuwibwagha; na mbuwa ya mizabibu uchaipangisha wazima, awo wichaadima kumpatira makuwido gha zabibu kwa kimu charo.” 42Aho Jesu ukawizera, “Welee, jingi ndemshomie sa iji iandikilo:
‘Igho jerelegheloghe ni waaghi,
nijo jeni jiwurie ibaa ja mbembenyi.
Na iji ni ibonyo ja Bwana moni,
najo jakaia ja mashiniko mesonyi kodu.’#Zab. 118.22-23
43“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [ 44Uo ose uchaaghwa aighu ya igho ijo uchachika vipande vipande, na uo jimghuyagha jichamsaghisa.] 45Nao iji wakohani wabaa na Mafarisayo wasikira mfwano ugho, wikamanya angu ghwaaghorwa kwa wundu ghwawo. 46Nawo iji werekundieghe kummbwada, wikawiobua wandu angu weremrumirieghe Jesu kukaia mlodi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.