MATHAYO 15
15
Mafundisho gha weke wawa
(Mk. 7.1-13)
1Nao Mafarisayo na walimu wa Sharia wikacha kufuma Jerusalemu, wikamghendia Jesu wikamkotia, 2“Kwaki wanughi wako wisenughagha mizango diipatire kwa weke wawa? Ndewioghoshagha mikonu yawo seji ifwanagha ngelo eja vindo.” 3Jesu ukawitumbulia, “Kwaki inyo mmbwadagha mizango enyu cheni msenughagha Sharia ya Mlungu? 4Angu Mlungu waghorie, ‘Kuwineke ishima ndeyo na mayo,’ na ‘Uo umdediagha kiwiwi ndee angu mae yafwana loli ufo.’#Kuf. 20.12; 21.17; Wuk. 5.16; Wal. 20.9 5Ela inyo mwadafundisha wei, mundu ukakaia na kilambo chingi chetesia ndee angu mae, nao ukole waghora, ‘Ichi kilambo chaafunywa kwa Mlungu;’ 6nao huwo kedi ndena haja eneka ndee ishima! Na kwa chia iyo mwaghumenya momu ghwa Mlungu mpate kuwada mizango enyu cheni. 7Waji-kuwi inyo, Isaya nderelodieghe loli aighu enyu iji waghamba,
8‘Wandu awa wanibonyere ishima kwa momu ghoni, waghamba Mlungu;
ela ngolo rawo reko kula nani.#Isa. 29.13
9Kunitasa kwawo ni kwa duu
angu wadafundisha memu yawo cheni,
seji ni memu ya Mlungu.’”
Vilambo vimghalusagha mundu kulua
(Mk. 7.14-23)
10Nao Jesu ukajiwanga jija izungu ja wandu ukawizera, “Sikirienyi mtambukilo, 11icho chimngiagha mundu momunyi kwake, sicho chingi chimlushagha anduangi; ela icho chimfumagha momunyi kwake, nicho cheni chimlushagha mundu.”
12Nao ahoeni wanughi wake wikamghendia wikamzera, “Keni kwamanya angu Mafarisayo wazamilwa wiendasikira agho malagho kwaghora?” 13Jesu ukawitumbulia, “Kula muwalwa ghusewalo ni Aba uko mlungunyi ghuchakulwa. 14Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”#Lk. 6.39 15Petro ukamzera, “Ditambushire ugho mfwano.” 16Jesu ukaghamba, “Nenyo wori mwaduagha msetambukilwagha? 17Ndemtambuagha angu icho chose chingiagha momunyi chadangia kifunyi na konyuma chafuma noko? 18Ela agho ghifumagha momunyi ghadafuma ngolonyi, nagho nigho ghimlushagha mundu.#Mat. 12.34 19Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano. 20Agho nigho ghimlushagha mundu. Ela kuja vindo na vala viseoghoshero ndekulushagha mndungi anduangi.”
Irumirio ja muka umu
(Mk. 7.24-30)
21Nao Jesu ukafuma aho ukaghenda isanga ja Tiro na Sidoni. 22Ukacha muka umu Mkanaani wa isanga ijo, ukamzera kwa lwaka lubaa, “Ee Bwana, Mwana wa Daudi, kunifue wughoma; munjighe wapo wajishwa wasi nandighi ni pepo.” 23Ela Jesu nderemtumbulieghe ilagho jingi. Wanughi wake wikacha wikamzera, “Mzere ughende, waawuyadinugha ukididoghodera.” 24Jesu ukamtumbulia, “Ini nededumwa tu kwa wandu wa Israeli wilagharie sa ng'ondi.” 25Niko uja muka ukacha ukamdungia ngokoro ukighamba, “Bwana, kunitesie.” 26Jesu ukamtumbulia, “Si nicha kuwusa vindo va wana na kuvikumbia koshi.” 27Uja muka ukaghamba, “Ni loli Bwana, ela hata koshi rajagha misusure ipotokagha kufuma mezenyi kwa weke Bwana wawo.” 28Ahoeni Jesu ukamzera, “Ee muka, irumirio jako ni ibaa, ndeikaie kwako sa iji koni kwakunda.” Uja mnjighe wake ukaboa saa ija cheni.
Jesu kuboisa wandu wengi
29Niko Jesu ukafuma aho ukaghenda ukiidia mbai-mbai ya ndiwa ya Galilaya ukajoka mghondinyi ukasea kidombo. 30Izungu ibaa ja wandu wikamchea wikimredia wakelemeri, vitungure, watighini, vituri na wazima wengi werekoghe wakongo wikawiwika maghunyi kwa Jesu, nao ukawiboisa. 31Wandu wose wikashinika iji wammbona uja kituri ukideda, watighini wikighenda, na wakelemeri waboiswa; wikamkasa Mlungu wa Israeli.
Jesu kulisha wandu elfu inya
(Mk. 8.1-10)
32Nao Jesu ukawiwanga wanughi wake ukawizera, “Nawadwa ni wughoma ghwa wandu awa, angu wakaianya nani matuku adadu wisewadie vindo. Nani ngawilekeria wighale njala, wadima kudumbukia chienyi.” 33Wanughi wake wikamzera, “Aha ni kireti, dipata hao vindo vewikata wandu wengi huwu?” 34Jesu ukawikotia, “Moko na mikate ilinga?” Wikamtumbulia, “Mfungade na dusamaki dutinieri.” 35Jesu ukafunya momu jija izungu jisee kidombo andoenyi. 36Ukaiwada ija mikate mfungade na duja dusamaki, ukamfunyira Mlungu chawucha, ukaichikanya ukaineka wanughi, nao wikawiwaghia wandu. 37Wikaja wose wikaghuda. Wikatumbanya masighariko wikachura vikapu vibaa mfungade. 38Na awo werejieghe werekoghe wandu wa womi elfu inya kuseko kutala waka na wana. 39Nao Jesu ukalaghana na wandu, ukajoka ishuonyi ukaghenda isanga ja Magadani.
ទើបបានជ្រើសរើសហើយ៖
MATHAYO 15: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
