HOSEA 12
12
1“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”
2BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo. 3Iji wawae Jakobo orekoghe kifunyi orewadieghe ghimbe ya mruna, na iji orewurieghe mundu m'baa, oresimaneghe na Mlungu.#Kuz. 25.26#Kuz. 32.24-26 4Oresimaneghe na malaika ukasima, ukalila ukighulola wughoma ghwake; ukakwana na Mlungu aja Betheli, na ajaeni Mlungu ukaghora nao.#Kuz. 28.10-22 5Mlungu, Uo-Uwadie-Ndighi-Rose, irina jake ni BWANA. 6Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.
Mlungu kuchuria kutanya Israeli
7BWANA waghamba, “Wandu wa Israeli weesowa wuloli sa Wakanaani; weekunda kukalia wandu wawo na vipimo va tee. 8Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’ 9Ela ini BWANA Mlungu wako nerekulongozereghe kufuma Misri, nichakubonya kukaie hemenyi sena iji nerekukueghe aho kireti.#Wal. 23.42-43
10“Nadedanye na walodi; ngawineka mafunuo mengi. Naonyere wandu wapo kwa mifwano ngiwitumia walodi. 11Sena milimu yaawuyataswa aho Gileadi, na awo wiitasagha wichafwa. Njau raawuyabwaghwa rikaie vizongona aho Gilgali, na madhabahu rawo wori richanoneka putu.”
12Jakobo orekimbirieghe cha isanga ja Mesopotamia; aho ukabonya wudumiki gholisha ng'ondi kwa wundu ghopata muka.#Kuz. 29.1-20 13BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.#Kuf. 12.50-51 14Wandu wa Israeli wamvavirie BWANA nandighi, hata eewifwana wifo kwa makosa ghawo. BWANA uchawikaba kwa wundu ghwa masholio upatire kwa wundu ghwawo.
ទើបបានជ្រើសរើសហើយ៖
HOSEA 12: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.