HOSEA 11
11
Lukundo lwa Mlungu kwa wandu wake wileghagha
1BWANA waghamba, “Iji Israeli orekoghe mwanake, neremkundeghe;
kufuma Misri ngammbanga mwanwapo.#Kuf. 4.22; Mat. 2.15
2Seji koni nerekoghe ngimmbanga,
niko orechurieghe kughenda kula nani.
Wandu wapo wikam'bwaghia Baali vizongona,
na kuifukiria milimu marumba.
3Elaima sena ni ini moni nimfundishire Israeli kughenda,
ngawidwa wandu wapo mikonunyi kwapo;
ela ndewerenitalieghe kukaia ni ini niwilindirie.
4Nerewirudieghe cha kwapo kwa wughoma,
ngawimaziria kwa lukundo;
ngakaia kwawo sa mundu ufunguagha ghongolo
kufuma singonyi kwawo,
ngaghomeka nipate kuwijisha.
5“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo. 6Wuda ghuchabuka na mizi yawo ichanonwa, na kuchikanya minyango ya mbenge rawo; nawo wichamerelwa andenyi ya ngome rawo. 7Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.
8“Nidima wada kukuleka ee Israeli?
Nidima wada kulegha kukutala?
Nidima wada kukubonya sa Adma,
angu kukubonyera sa Zeboiimu?
Lukundo lwapo cha kwako looka lubaa,
nani sidimagha kukubonyera kiwiwi.#Wuk. 29.23
9Sichaakukaba kwa machu ghapo anduangi;
sichaamtotesha Israeli sena,
kwa kukaia ini ne Mlungu se mdamu ungi;
ini Mweli neko aghadi konyu,
na ini sichaamchea na machu.
10“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi. 11Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”
Kutanywa kwa Israeli na Juda
12BWANA waghamba, “Wandu wa Israeli wanimara chia rose kwa mikalo na tee, na wandu wa Juda waduagha wikinilegha ini, mloli na Mlungu mweli.
ទើបបានជ្រើសរើសហើយ៖
HOSEA 11: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.