LALAKOGI 8
8
1Ko i Sol u daragi vage huri ve rani ue vagamatea.
I Sol mo vaivei na warelue noi Jisas
Siu mo tauvuigi lo rani hi vovohoi, i Sol meire ram maraga, ram vaivei na warelue ta Jerusalem. Ram vai asiesigi ram livusi na tangaloi noi Jisas ram toa ram vano ram toga lategi lolo vanue Judia ko Samaria. Ira gaihora hogosie ram toga a Jerusalem. 2A tangaloi lavasigi rau ladohogo gi God ram vano ram lai Stivin, ram tuleginie. Ram tangi uliu hurie.
3Nge i Sol mo vaivei na warelue vena vai vohoginire. Mo vano vataha na vale, vena lai vohoginire hi ram ladohogogi Jisas, a mwera ko a vavine, ko mo taure lolo valei vauveu.
I Vilib mo veve sere na Roro Garea noi vagamwasoi lolo vanue Samaria
4A sinobu hi ram ladohogogi Jisas, ram vano lategi ram vano doluegi na vanue, ram veve sere na Roro Garea huri Vagamwasoi. 5I Vilib mo hivo lolo togagi vanue lawua gatagale a Samaria, mo veve serelue na leo noi Vagamwasoi lawe na sinobu lolo vanue hi. 6Ingere doluegi ram rorongtagi vurugegi Vilib lune ram rongo na leona, ko ram lehi na vaigivui noi God hi mo tabana ginie. 7A tamate ram mwalue dena sinobu u sao, nge lo tarogi ram mwalue, ram ulo gina dilogi u lawua. Ko a sinobu a tarabesire duvigi rau mate, ko a karure rau esi nge ingeie mo vaire ram garea taligu. 8Ko ingere ta Samaria ram rong garea uliu.
A tangaloi uviuvi managi gatagale a henana i Saemon
9Lolo qatui vanue hi a tangaloi uviuvi managi gatagale a henana i Saemon u tuei beno, nge mo vai na sinobu ta Samaria ram awogi garagara huri na uviuvi managi hi ingeie mo tabanaginie. Mo veve sere ve ingeie a tangaloi lawua. 10Ko ingere talo vanue hi, mo tauvuigi lo tangaloi vurogi mo dadari lo tangaloi hi rau lalawua, ingere doluegi ram rorongtaginie, ram veve vena “A tangaloi hi a huireana noi God, ingere ram warea ve, ‘I Huireana Lawua.’ ” 11Ingere doluegi ram rorongtagi vurugeginie huri u tuei beno, ingeie mo vaire ram rurururu lo nona uviuvimanagi. 12Siu siseri ngaha ingere ram ladohogo gina leo noi Vilib, ngehi nge mo veve sere na Roro Garea lo henai Jisas Kraes, ko a doridorigi hi i God mo voragi Ratahigi goro na nona tangaloi. Lo tarogi hi a mwera ko a vavine doluegi ram ladohogo, ko ram lai na garuhigogona. 13Ko i Saemon vage ingeie mo ladohogo. Lo tarogi ingeie mo lai na garuhigogona, siu vataha tarogi ingeie kakarani lobei Vilib. Ko ingeie mo awogi garagara huri na vaigivui ko a gigilegi talo huireana noi God ngerehi i Vilib mo tabanaginie.
14Lune ira gaihora a Jerusalem ram rongo na rorogi huri ve a sinobu ta Samaria rau ladohogo gina leo noi God beno, siu ingere ram hora Bita tona Jon, ve ron vano lobera. 15Lune ingere rom vano dadari lobera, ingere rom tataro hurire hi rau ladohogo beno, ve ran lai na Vui Gogona. 16Huri gitomuegi, ingere rau lei na garuhigogona lo henai Kraes a noda Huqe hogosie, nge a Vui Gogona he hivo tea mosigei lure. 17Siu i Bita tona Jon, rom tangovire, ko ingere ram bei lei na Vui Gogona.
18Lune i Saemon mo lehi na gaihora gairue hi rom tangovire lo qature, i God mo bete na Vui Gogona lawera. Ingeie mo lai na mane mo vonai meie lawe garue hi, 19mo veve vena, “Nam harigi gimiru nero bete na huireana hi laweau vage, huri ineu nam tarani ve nain mebu na limeku lo qatui hine tea ingeie vin lei na Vui Gogona.”
20I Bita mo gato siaga lawea, mo veve vena, “?Gom lado ve goin voli lei na hogogi noi God gina mane? Iniko mena nom mane vi tuli vohoginigo sulolo avi redu. 21Iniko gohe tatarise tea me nomai tabanagi. A vevenagi a taqangimu he vovohoi tea lo nagoi God. 22Goin ladowenigi dena nomu domiana hi rau esi. Ko goin tataro lawe na Huqe huri vin ladovohogi na nom domiana asi ngerehi. 23Huri ineu nam leo hogosigo a gineu u garagarasigo ko gom toga radu lolo galegaleasi.”
24I Saemon mo veve lawe Bita tona Jon vena, “Nam tiehi gimiru, nero tataro lawe na Huqe hurieu, siu huri a gineu ngerehi nerom vevera rain mese hogosieu.”
25Ko ingere rom matamwasaragi na gineu ngerehi i Jisas u veire, rom waregi sere na leo nona Huqe, siu rom mule taligu a Jerusalem. Lune ingere rom vano lo turegi rom toretore gina Roro Garea lo togagi venue u sao a Samaria.
I Vilib mena tangaloi gatagale ta Itiopia
26Siu a engsel nona Huqe mo veve lawe Vilib vena, “Gon maraga ko gon vano suvegibeo lo duvi turegi hi mo himei den Jerusalem mo hivo lolo vanue Kasa.” A turegi hi mo huri lolo vanue vurogi. 27Ko i Vilib mo maraga mo vano, mo haqe na tangaloi ta Itiopia, rau votae, mo mule. Ingeie a tangaloi lawua mo leogoro na mane nona vavine ratahigi sige a Kades lo vanue Itiopia u hage Jerusalem mo hudu goro God. 28Siu ngaha mo mule taligu lo bulana kat. Lune hi mo toa, ingeie mo valu na buk nona tangaloi ligoligogi i Aesaea. 29Ko a Vui Gogona mo veve lawe Vilib vena, “Gon vano kakarani lobei na kat hi.” 30Siu i Vilib mo toa mo vano lobena mo rongoe mo valu na buk hi a nona tangaloi ligoligogi i Aesaea, mo huie mo veve vena, “?Wa gu ilo na leo hi gum value?”
31A tangaloi lawua hi mo duvi lawea vena, “?Ineu nai iloe wuraha sige ve a tangaloi tea na mata-mwasaraginie laweau.” Siu mo ware Vilib mo kalo meie lo bulana kat. 32A leo lo revereve gogona hi mo valure mwere ngaha mo veve vena
“Ingeie mwere na sibsib ngehi
ram laie ve ran ue vagamatea.
Ingeie u mwere na natui sibsib hi
ram bala na vulune he ngara tea.
Ingeie he veve na mavusui
leo tea vohogi.
33Rau vaga maemae ginie
rau vei bulaginie.
A duvine vin hatie,
huri u mate utu qetune lolo ure.”
34A tangaloi lawua hi mo veve lawe Vilib vena, “?Gon veve laweau, a tangaloi ligoligogi ngaha mo veve huri hine? ?Hurie sibona, sige huri hine tea wagineu?” 35Siu i Vilib mo laqagi mata-mwasaraginie, mo tauvuigi lo Reve reve Gogona hi, mo laqagi na Roro Garea huri Jisas. 36Lune rom toa mo vano lo turegi rom dadari lo mahoi venue hi a wai aie, a tangaloi lawua hi mo laqa mei Vilib mo vena, “A wai nge ngaha. Sige a havagineu vin vei goroau tau nai he lailei na garuhigogona tea.” 37I Vilib mo veve lawea vena, “Tare ve gom ladohogo siaga lui Jisas, goin leilei na garuhigogona.” Ingeie mo duvi lawea vena, “Nam ladohogo huri ve i Jisas Kraes i Netui God.”
38Ko a tangaloi mo wiribibi na bulana kat mo toga, siu ingere vunu tona Vilib rom masuri rom hivo lolo wai, ko i Vilib mo garuhigogona-ginie. 39Lune ingere rom mwalue dena wai hi taligu, a Vui Gogona nona Huqe mo lai vohogi Vilib denie. A tangaloi he lehe tea taligu. Siu ingeie mo mule lo turegine taligu gina havuhevu u liu. 40I Vilib mo vutugegi mo leo haqe ve ingeie lo vanue Asdod, siu ingeie mo vano lo qatui venue doluegi mo toretore gina Roro Garea noi Jisas, mo vano mo dadari Sisaria.
ទើបបានជ្រើសរើសហើយ៖
LALAKOGI 8: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 8
8
1Ko i Sol u daragi vage huri ve rani ue vagamatea.
I Sol mo vaivei na warelue noi Jisas
Siu mo tauvuigi lo rani hi vovohoi, i Sol meire ram maraga, ram vaivei na warelue ta Jerusalem. Ram vai asiesigi ram livusi na tangaloi noi Jisas ram toa ram vano ram toga lategi lolo vanue Judia ko Samaria. Ira gaihora hogosie ram toga a Jerusalem. 2A tangaloi lavasigi rau ladohogo gi God ram vano ram lai Stivin, ram tuleginie. Ram tangi uliu hurie.
3Nge i Sol mo vaivei na warelue vena vai vohoginire. Mo vano vataha na vale, vena lai vohoginire hi ram ladohogogi Jisas, a mwera ko a vavine, ko mo taure lolo valei vauveu.
I Vilib mo veve sere na Roro Garea noi vagamwasoi lolo vanue Samaria
4A sinobu hi ram ladohogogi Jisas, ram vano lategi ram vano doluegi na vanue, ram veve sere na Roro Garea huri Vagamwasoi. 5I Vilib mo hivo lolo togagi vanue lawua gatagale a Samaria, mo veve serelue na leo noi Vagamwasoi lawe na sinobu lolo vanue hi. 6Ingere doluegi ram rorongtagi vurugegi Vilib lune ram rongo na leona, ko ram lehi na vaigivui noi God hi mo tabana ginie. 7A tamate ram mwalue dena sinobu u sao, nge lo tarogi ram mwalue, ram ulo gina dilogi u lawua. Ko a sinobu a tarabesire duvigi rau mate, ko a karure rau esi nge ingeie mo vaire ram garea taligu. 8Ko ingere ta Samaria ram rong garea uliu.
A tangaloi uviuvi managi gatagale a henana i Saemon
9Lolo qatui vanue hi a tangaloi uviuvi managi gatagale a henana i Saemon u tuei beno, nge mo vai na sinobu ta Samaria ram awogi garagara huri na uviuvi managi hi ingeie mo tabanaginie. Mo veve sere ve ingeie a tangaloi lawua. 10Ko ingere talo vanue hi, mo tauvuigi lo tangaloi vurogi mo dadari lo tangaloi hi rau lalawua, ingere doluegi ram rorongtaginie, ram veve vena “A tangaloi hi a huireana noi God, ingere ram warea ve, ‘I Huireana Lawua.’ ” 11Ingere doluegi ram rorongtagi vurugeginie huri u tuei beno, ingeie mo vaire ram rurururu lo nona uviuvimanagi. 12Siu siseri ngaha ingere ram ladohogo gina leo noi Vilib, ngehi nge mo veve sere na Roro Garea lo henai Jisas Kraes, ko a doridorigi hi i God mo voragi Ratahigi goro na nona tangaloi. Lo tarogi hi a mwera ko a vavine doluegi ram ladohogo, ko ram lai na garuhigogona. 13Ko i Saemon vage ingeie mo ladohogo. Lo tarogi ingeie mo lai na garuhigogona, siu vataha tarogi ingeie kakarani lobei Vilib. Ko ingeie mo awogi garagara huri na vaigivui ko a gigilegi talo huireana noi God ngerehi i Vilib mo tabanaginie.
14Lune ira gaihora a Jerusalem ram rongo na rorogi huri ve a sinobu ta Samaria rau ladohogo gina leo noi God beno, siu ingere ram hora Bita tona Jon, ve ron vano lobera. 15Lune ingere rom vano dadari lobera, ingere rom tataro hurire hi rau ladohogo beno, ve ran lai na Vui Gogona. 16Huri gitomuegi, ingere rau lei na garuhigogona lo henai Kraes a noda Huqe hogosie, nge a Vui Gogona he hivo tea mosigei lure. 17Siu i Bita tona Jon, rom tangovire, ko ingere ram bei lei na Vui Gogona.
18Lune i Saemon mo lehi na gaihora gairue hi rom tangovire lo qature, i God mo bete na Vui Gogona lawera. Ingeie mo lai na mane mo vonai meie lawe garue hi, 19mo veve vena, “Nam harigi gimiru nero bete na huireana hi laweau vage, huri ineu nam tarani ve nain mebu na limeku lo qatui hine tea ingeie vin lei na Vui Gogona.”
20I Bita mo gato siaga lawea, mo veve vena, “?Gom lado ve goin voli lei na hogogi noi God gina mane? Iniko mena nom mane vi tuli vohoginigo sulolo avi redu. 21Iniko gohe tatarise tea me nomai tabanagi. A vevenagi a taqangimu he vovohoi tea lo nagoi God. 22Goin ladowenigi dena nomu domiana hi rau esi. Ko goin tataro lawe na Huqe huri vin ladovohogi na nom domiana asi ngerehi. 23Huri ineu nam leo hogosigo a gineu u garagarasigo ko gom toga radu lolo galegaleasi.”
24I Saemon mo veve lawe Bita tona Jon vena, “Nam tiehi gimiru, nero tataro lawe na Huqe hurieu, siu huri a gineu ngerehi nerom vevera rain mese hogosieu.”
25Ko ingere rom matamwasaragi na gineu ngerehi i Jisas u veire, rom waregi sere na leo nona Huqe, siu rom mule taligu a Jerusalem. Lune ingere rom vano lo turegi rom toretore gina Roro Garea lo togagi venue u sao a Samaria.
I Vilib mena tangaloi gatagale ta Itiopia
26Siu a engsel nona Huqe mo veve lawe Vilib vena, “Gon maraga ko gon vano suvegibeo lo duvi turegi hi mo himei den Jerusalem mo hivo lolo vanue Kasa.” A turegi hi mo huri lolo vanue vurogi. 27Ko i Vilib mo maraga mo vano, mo haqe na tangaloi ta Itiopia, rau votae, mo mule. Ingeie a tangaloi lawua mo leogoro na mane nona vavine ratahigi sige a Kades lo vanue Itiopia u hage Jerusalem mo hudu goro God. 28Siu ngaha mo mule taligu lo bulana kat. Lune hi mo toa, ingeie mo valu na buk nona tangaloi ligoligogi i Aesaea. 29Ko a Vui Gogona mo veve lawe Vilib vena, “Gon vano kakarani lobei na kat hi.” 30Siu i Vilib mo toa mo vano lobena mo rongoe mo valu na buk hi a nona tangaloi ligoligogi i Aesaea, mo huie mo veve vena, “?Wa gu ilo na leo hi gum value?”
31A tangaloi lawua hi mo duvi lawea vena, “?Ineu nai iloe wuraha sige ve a tangaloi tea na mata-mwasaraginie laweau.” Siu mo ware Vilib mo kalo meie lo bulana kat. 32A leo lo revereve gogona hi mo valure mwere ngaha mo veve vena
“Ingeie mwere na sibsib ngehi
ram laie ve ran ue vagamatea.
Ingeie u mwere na natui sibsib hi
ram bala na vulune he ngara tea.
Ingeie he veve na mavusui
leo tea vohogi.
33Rau vaga maemae ginie
rau vei bulaginie.
A duvine vin hatie,
huri u mate utu qetune lolo ure.”
34A tangaloi lawua hi mo veve lawe Vilib vena, “?Gon veve laweau, a tangaloi ligoligogi ngaha mo veve huri hine? ?Hurie sibona, sige huri hine tea wagineu?” 35Siu i Vilib mo laqagi mata-mwasaraginie, mo tauvuigi lo Reve reve Gogona hi, mo laqagi na Roro Garea huri Jisas. 36Lune rom toa mo vano lo turegi rom dadari lo mahoi venue hi a wai aie, a tangaloi lawua hi mo laqa mei Vilib mo vena, “A wai nge ngaha. Sige a havagineu vin vei goroau tau nai he lailei na garuhigogona tea.” 37I Vilib mo veve lawea vena, “Tare ve gom ladohogo siaga lui Jisas, goin leilei na garuhigogona.” Ingeie mo duvi lawea vena, “Nam ladohogo huri ve i Jisas Kraes i Netui God.”
38Ko a tangaloi mo wiribibi na bulana kat mo toga, siu ingere vunu tona Vilib rom masuri rom hivo lolo wai, ko i Vilib mo garuhigogona-ginie. 39Lune ingere rom mwalue dena wai hi taligu, a Vui Gogona nona Huqe mo lai vohogi Vilib denie. A tangaloi he lehe tea taligu. Siu ingeie mo mule lo turegine taligu gina havuhevu u liu. 40I Vilib mo vutugegi mo leo haqe ve ingeie lo vanue Asdod, siu ingeie mo vano lo qatui venue doluegi mo toretore gina Roro Garea noi Jisas, mo vano mo dadari Sisaria.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013