LALAKOGI 7
7
A leo noi Stivin mo laqagi huri Ebraham
1A muei rugurugu mo hui Stivin vena, “?Wa hogo mwerehi?”
2I Stivin mo duvi vena, “!Retueku ko retamaku! !Nen rorongtagieu! I God roroa u sereluae lawe tubude Ebraham lo tarogi hi u toga Mesapotemia, tomue siu mobei vano mo toga Haran, 3ko mo veve vena, ‘Gon siregi renetumu ko a vanuemu ko gon vano huri na vanue nain haharaginie lawego.” 4Ko ingeie mo siregi na vanue Koldia ko mo vano mo toga Haran. Lo tagugi hi tamai Ebraham u mate beno i God mo horae mo vano lolo vanue nge hi igimiu nem toga lune bagataha. 5I God he bete na mavusui tano tea lawe Ebraham huri vea nona sibona, hatie vohogi, vea taqai keru gatagale, nge i God u varataugi huri ve vin betea lawea, huri ve vin voragi tanona ko huri ve vin voragi vanuana ko ira duvine atagu. Lo tarogi hi i God mo vai na waratau ngaha, i Ebraham hatei netune. 6I God u veve lawea mwere ngaha vena, “Duvimu rain toga lo vanue wagineu, rain voragi tangaloi tabana vurogi rain veiveire huri na higao vudolue vagavesi. 7Nge nain vevegi na sinobu huri ingere hi ram tabana vurogi, lo tagugi hi ingere rain mwelue dena vanue hi, ko rain hudugoroau lolo vanue ngaha.” 8Siu i God mo veve lawe Ebraham ve na tavuigi na doridorigi huri tevegigilegi huri ve a gigilegi nona waratau. Siu i Ebraham mo tevegigileginie sibona, siu mo tevegigilegi Aesak lo bongine gaiwelugi, i Aesak mo tevegigilegi Jekob, ko i Jekob mo tevegigilegi netune hangavulu domwagi gairue ngerehi i retubude.
I Stivin mo laqagi huri retubure tatuei
9“I retubude u garasire gi tehire Josev, ram sogaginie mo voragi tangaloi tabana vurogi lolo vanue Ijib, 10nge i God mo toga meie, ko mo mule tabetabegi dena nona gagarasi teri. Lune i Josev mo labe lo nagoi ratahigi i Vero, i God u bete na doridori garea lawea ko a mataisao. I Vero u teu Josev mo kavman goro na vanue Ijib, ko mo leogoro na valena vage. 11Siu a maro mo wehi na vanue Ijib doluegi, ko Kenan, mo vai na sinobu ram gagarasi uliu. I retubude rahe haqe lai na hinaga tea. 12Lune i Jekob mo rongo huri ve a hinaga mo eno lolo vanue Ijib, mo hora renetune hi, i retubude, ram hivo waga tomuegi aiehi. 13Ram hivo vagatuegi, i Josev mo haharaginie sibona lawe retuana, ko i Vero mo bei ilo retuei Josev. 14I Josev mo hora na leo lawe tamana Jekob, mo veve lawea vena ingeie mei renetune doluegi rain himei rain toga lolo vanue Ijib. Ingere ngavulu gaibitu domwagi gailime doluegi. 15Siu i Jekob mo hivo Ijib, ingeie ko i renetune hi i retubude, rau mate aiehi. 16Ram lai na tarabesire ram vano taligu Sekem ram tuleginire lolo vanue hi i Ebraham u volie dena duvi Hamoro, lo vanue Sekem, gina homu lawua.
I Stivin mo laqagi huri Mosis
17“Lune a tarogi mo kakarani vea waratau noi God lawe Ebraham na woro, a duvi retubude Ijib u sao lawagi. 18Siu mo ribiribi lune, a ratahigi wagineu mo maraga, ingeie he ilo Josev tea, ko ingeie mo huqegi goro na vanue Ijib. 19Ingeie mo laqagi na duvi retubude ko mo vai asiesiginire, mo garoginire ve ran tau vovohogi neture hi a maresu mwera dena valera, huri ingere rain mate. 20Lo tarogi hi i Mosis mo vora, a maresugi u garea u liu. I tamana tona ratahine rom leo hurie u toga lolo valera huri na vule gaitolu. 21Lune ram tau vohoginie dena valera, a taqalugu i netui Vero mo haloe gi netune sibona. 22Ingeie mo hikehike huri na mataisao ta Ijib, mo voragi na tangaloi lawua lo leo ko a lalakogi.
I Stivin mo laqagi huri Mosis mo vai leo vena vagamwasoi na duvi Israel
23“Lune i Mosis a higaona ngavulu gaivesi ingeie mo ladoutu vena siro rehavana a duvi Israel. 24Ingeie mo lehe gatagale a tangaloi ta Ijib mo qalo meie, siu mo vano mo buluie mo ue vagamate na nati Ijib hi. 25Ingeie mo lado ve i retuana rain ilo vurugegi huri vei God vin veire rain mwelue dena nora gagarasi lo limana, nge ingere rahe ilo tea vurugegi. 26Lo ranigi wagineu ingeie mo lehi na tangaloi a duvi Israel gairue ram qalo, ko ingeie mo surire ve rose qaloqalo ginire, mo veve lawera vena, “Nero rorongtagieu, i gimiru a reretehigi. ?Huri havai nerom qaloqalo gi gimiru?” 27Nge i ngehi u wehi tuana mo susuni beragi Mosis, mo veve lawea vena, “?Ihine u teugo ve goin huqegi goro gamai? 28?Wa gom tarani ve goin wehieu, mwerehi gu wehi na nati Ijib nainoa?” 29Lune i Mosis mo rongoe mwerehi mo toa den vanue Ijib ko mo vano mo toga lolo vanuara ta Midian. Siu i netune a maresu mwera gairue ru vora aiehi.
I Stivin mo laqagi huri Mosis u rongo na leoi God
30Lo tagui higao ngavulu gaivesi, a engsel mo serelue lawe Mosis mo lehi na mui evi mo gao lo gaivui biti lo vanue vurogi, kakarani lobei vusi Saenai. 31I Mosis mo vutugegi esi gina gineu hi u lehe, ko mo vano kakarani vena leo vurugeginie. Ingeie mo rongo na diloi God. 32Mo veve vena, “Ineu a God noi Ebraham, i Aesak koi Jekob.” I Mosis mo matagu ko mo ruru ko he tarani tea vena lehe. 33A Huqe mo veve lawea vena, “Gon taga na nom butu, huri a mahogi ngehi gom labe aie a tano gogona. 34Nam lehi na noku sinobu ram gagarasi garagara lolo vanue Ijib. Ineu nam rongo na dilora ram rave, ko ineu nam himei vena vagamwasoire. Iniko go vanai, nain horago goin hivo Ijib.”
I Stivin mo laqagi huri na duvi Israel rahe tarani Mosis tea
35I Mosis hi a duvi Israel rahe taranie tea ram huie vena, “?Ihine u teugo ve goin huqegi goro gamai ko goin vevegi gamai?” Ingeie hi, i God u horae ve vin huqegi gorora ko ve vin vagamwasoire, ko a buluigi vage ngehi a engsel u serelue lawea lo avi u gao lo gaivui biti. 36I Mosis u vei na vaigivui ko a gineu garigiana u sao lolo vanue Ijib, siu u tomuegi na sinobu ram mwalue den Ijib. Ko u vei na vaigivui ko a gineu garigiana u sao lo Tahi Memea, ko lo vanue vurogi huri na higao ngavulu gaivesi. 37I Mosis ingeie tauhi u veve lawe na sinobu a duvi Israel ve, “I God vin hora na tangaloi ligoligogi gatagale dena duvimiu vin vanatu lobemiu, mwerehi mo horau.” 38I Mosis hi u toga mei retubude hi i God u wareluara lo tarogi hi a engsel mo laqa meie dena eulu lo vusi Saenai, ingeie u lei na leoi mwasoana mo betea lawe gide.
39Nge i retubude rahe rong hurie tea, ram susuni vohoginie, ingere ram tarani ve ram hivo taligu lolo vanue Ijib. 40Ingere ram veve lawe Eron vena, “Iniko gon tau tea noda god huri ve rain tomuegi gide. I Mosis hi u lei gide dena vanue Ijib, siseri ngaha igide dahe ilo tea ve a havagineu u veie.” 41Lo tagugi hi ram vai na nunui natui bulugi, ram rugurugu lawea, ram vai na hinaga lawua ram vai gogonagi na tanoi limara sibora. 42I God mo tu dori ginire, mo vaire ve ran hudugoro na visiu lo mahava, mwerehi u reve lo buk nora tangaloi ligoligogi, mo veve vena,
‘Ira duvi Israel,
nem wehi na boe nem rugurugu ginire
huri higao ngavulu gaivesi
lolo vanue vurogi hatie laweau.
43Nem wali na vale siusiu,
a valei Molok a nomiu god,
ko a nunui visiu a henana i Revan
ngehi a nomiu god,
ingere hi a nunugi neu bolora nem
huduhudu gorora.
Siu nain hora vohogi gimiu nein
vano nein toga vagahao
lo togagi vanue Babilon.’
I Stivin mo laqagi huri na valei God
44“I retubude rau toga mena vale siusiu noi God lolo vanue vurogi. I Mosis u vei na vale siusiu hi mwerehi i God u veve lawea, a mwagugi mo hurie mwerehi u haharaginie. 45Lo tagugi hi i retubude rau lei na vale siusiu hi den retamara ram huri Josua ko ram lai na vanue ngaha denire sinobu hi rau toga lolo vanue Kenan. Lo taro hi, i God mo livusi na tangaloi dena vanue Kenan, a sinobugi ram toa lo nagoi retubude. Ko a vale siusiu hi mo toga meire mo dadari lo tarogi hi i Devet mo ratahigi. 46I God mo lologarea gi Devet, ko i Devet mo veve vena, ‘Gon siregi laweau ve nain vutu na valemu iniko a God noi Jekob.’ 47Nge i Devet hatie, nge i Solomon vin vutue.
48Nge i God u hahale garagara he toga tea lolo vale hi a tangaloi rau hako, mwerehi a tangaloi ligoligogi mo veve 49ve i God u veve vena,
“Eulu a noku tanoi togatoga ratahigi
ko a tanoi noku bibiletagi lo ure.
Goin vutu na hava vale laweau?
?Ineu nai mebusurigi logo?
50?Wa ineu nahe vai na gineu ingere
ngaha tea siboku?”
I Stivin mo laqagi huri na duvi Israel rahe ronghuri God tea
51Siu i Stivin mo veve lawera vena, “!Igimiu nem vaivei nomiu! A taqangimiu mo horo gina dodogi, a qeromiu rau vono huri nehe rongo na leoi God tea. Igimiu nem mwerei retubumiu. Gesegi igimiu nem qalo mena Vui Gogona. 52?Wa tangaloi ligoligogi ingere hilogo hi nehe wehire tea? Rau wehi na hora noi God u sao ingere rau vevesere huri na nona tangaloi tabanagi vovohoi ve vin vonai. Nge igimiu neu veiveie ko nem wehe. 53Igimiu ingere hi neu lei na tauleo noi God, nge hi u lei hougi mo himei dena engsel, nge igimiu nehe tabera tea vohogi.”
Ram buguri vagamate Stivin
54Lune a kansel ram rorongtagi Stivin ingere ram lologagasi ko ram gasigesigi livora. 55Nge i Stivin mo horo gina Vui Gogona mo dada siu hage eulu mo lehi na varavarai God, ko i Jisas mo labe lo matuei God. 56Ko mo veve vena, “!Nen leo! Nam lehi na eulu mo waga ko i Netui Tangaloi mo labe lo matuei God.”
57Ingere ram ulo gina dilogi u lawua ko ram toqe goro qerora gina limara. Ko ingere ram toa bubugi vano goroe. 58Ram wiribibie ram reveie tavarea dena togagi venue lawua ko ram buguri vagamatea gina vatu. A tangaloi ture leo ingere hi rau vei na gineu hi rau teu na luqara lo limei mwalakelo gatagale a henana i Sol. 59Ingere ram bugurie tau mosigei, ko ingeie mo ware na Huqe mo veve vena, “Huqe Jisas, gon lai na tamateku.” 60Ingeie mo sisiqeu mo ulo gina dilogi u lawua mo veve vena, “!Huqe! Gon mese soso lawera huri nora galegaleasi.” Ingeie mo veve mwere ngaha vunu, ingeie mo mate.
ទើបបានជ្រើសរើសហើយ៖
LALAKOGI 7: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 7
7
A leo noi Stivin mo laqagi huri Ebraham
1A muei rugurugu mo hui Stivin vena, “?Wa hogo mwerehi?”
2I Stivin mo duvi vena, “!Retueku ko retamaku! !Nen rorongtagieu! I God roroa u sereluae lawe tubude Ebraham lo tarogi hi u toga Mesapotemia, tomue siu mobei vano mo toga Haran, 3ko mo veve vena, ‘Gon siregi renetumu ko a vanuemu ko gon vano huri na vanue nain haharaginie lawego.” 4Ko ingeie mo siregi na vanue Koldia ko mo vano mo toga Haran. Lo tagugi hi tamai Ebraham u mate beno i God mo horae mo vano lolo vanue nge hi igimiu nem toga lune bagataha. 5I God he bete na mavusui tano tea lawe Ebraham huri vea nona sibona, hatie vohogi, vea taqai keru gatagale, nge i God u varataugi huri ve vin betea lawea, huri ve vin voragi tanona ko huri ve vin voragi vanuana ko ira duvine atagu. Lo tarogi hi i God mo vai na waratau ngaha, i Ebraham hatei netune. 6I God u veve lawea mwere ngaha vena, “Duvimu rain toga lo vanue wagineu, rain voragi tangaloi tabana vurogi rain veiveire huri na higao vudolue vagavesi. 7Nge nain vevegi na sinobu huri ingere hi ram tabana vurogi, lo tagugi hi ingere rain mwelue dena vanue hi, ko rain hudugoroau lolo vanue ngaha.” 8Siu i God mo veve lawe Ebraham ve na tavuigi na doridorigi huri tevegigilegi huri ve a gigilegi nona waratau. Siu i Ebraham mo tevegigileginie sibona, siu mo tevegigilegi Aesak lo bongine gaiwelugi, i Aesak mo tevegigilegi Jekob, ko i Jekob mo tevegigilegi netune hangavulu domwagi gairue ngerehi i retubude.
I Stivin mo laqagi huri retubure tatuei
9“I retubude u garasire gi tehire Josev, ram sogaginie mo voragi tangaloi tabana vurogi lolo vanue Ijib, 10nge i God mo toga meie, ko mo mule tabetabegi dena nona gagarasi teri. Lune i Josev mo labe lo nagoi ratahigi i Vero, i God u bete na doridori garea lawea ko a mataisao. I Vero u teu Josev mo kavman goro na vanue Ijib, ko mo leogoro na valena vage. 11Siu a maro mo wehi na vanue Ijib doluegi, ko Kenan, mo vai na sinobu ram gagarasi uliu. I retubude rahe haqe lai na hinaga tea. 12Lune i Jekob mo rongo huri ve a hinaga mo eno lolo vanue Ijib, mo hora renetune hi, i retubude, ram hivo waga tomuegi aiehi. 13Ram hivo vagatuegi, i Josev mo haharaginie sibona lawe retuana, ko i Vero mo bei ilo retuei Josev. 14I Josev mo hora na leo lawe tamana Jekob, mo veve lawea vena ingeie mei renetune doluegi rain himei rain toga lolo vanue Ijib. Ingere ngavulu gaibitu domwagi gailime doluegi. 15Siu i Jekob mo hivo Ijib, ingeie ko i renetune hi i retubude, rau mate aiehi. 16Ram lai na tarabesire ram vano taligu Sekem ram tuleginire lolo vanue hi i Ebraham u volie dena duvi Hamoro, lo vanue Sekem, gina homu lawua.
I Stivin mo laqagi huri Mosis
17“Lune a tarogi mo kakarani vea waratau noi God lawe Ebraham na woro, a duvi retubude Ijib u sao lawagi. 18Siu mo ribiribi lune, a ratahigi wagineu mo maraga, ingeie he ilo Josev tea, ko ingeie mo huqegi goro na vanue Ijib. 19Ingeie mo laqagi na duvi retubude ko mo vai asiesiginire, mo garoginire ve ran tau vovohogi neture hi a maresu mwera dena valera, huri ingere rain mate. 20Lo tarogi hi i Mosis mo vora, a maresugi u garea u liu. I tamana tona ratahine rom leo hurie u toga lolo valera huri na vule gaitolu. 21Lune ram tau vohoginie dena valera, a taqalugu i netui Vero mo haloe gi netune sibona. 22Ingeie mo hikehike huri na mataisao ta Ijib, mo voragi na tangaloi lawua lo leo ko a lalakogi.
I Stivin mo laqagi huri Mosis mo vai leo vena vagamwasoi na duvi Israel
23“Lune i Mosis a higaona ngavulu gaivesi ingeie mo ladoutu vena siro rehavana a duvi Israel. 24Ingeie mo lehe gatagale a tangaloi ta Ijib mo qalo meie, siu mo vano mo buluie mo ue vagamate na nati Ijib hi. 25Ingeie mo lado ve i retuana rain ilo vurugegi huri vei God vin veire rain mwelue dena nora gagarasi lo limana, nge ingere rahe ilo tea vurugegi. 26Lo ranigi wagineu ingeie mo lehi na tangaloi a duvi Israel gairue ram qalo, ko ingeie mo surire ve rose qaloqalo ginire, mo veve lawera vena, “Nero rorongtagieu, i gimiru a reretehigi. ?Huri havai nerom qaloqalo gi gimiru?” 27Nge i ngehi u wehi tuana mo susuni beragi Mosis, mo veve lawea vena, “?Ihine u teugo ve goin huqegi goro gamai? 28?Wa gom tarani ve goin wehieu, mwerehi gu wehi na nati Ijib nainoa?” 29Lune i Mosis mo rongoe mwerehi mo toa den vanue Ijib ko mo vano mo toga lolo vanuara ta Midian. Siu i netune a maresu mwera gairue ru vora aiehi.
I Stivin mo laqagi huri Mosis u rongo na leoi God
30Lo tagui higao ngavulu gaivesi, a engsel mo serelue lawe Mosis mo lehi na mui evi mo gao lo gaivui biti lo vanue vurogi, kakarani lobei vusi Saenai. 31I Mosis mo vutugegi esi gina gineu hi u lehe, ko mo vano kakarani vena leo vurugeginie. Ingeie mo rongo na diloi God. 32Mo veve vena, “Ineu a God noi Ebraham, i Aesak koi Jekob.” I Mosis mo matagu ko mo ruru ko he tarani tea vena lehe. 33A Huqe mo veve lawea vena, “Gon taga na nom butu, huri a mahogi ngehi gom labe aie a tano gogona. 34Nam lehi na noku sinobu ram gagarasi garagara lolo vanue Ijib. Ineu nam rongo na dilora ram rave, ko ineu nam himei vena vagamwasoire. Iniko go vanai, nain horago goin hivo Ijib.”
I Stivin mo laqagi huri na duvi Israel rahe tarani Mosis tea
35I Mosis hi a duvi Israel rahe taranie tea ram huie vena, “?Ihine u teugo ve goin huqegi goro gamai ko goin vevegi gamai?” Ingeie hi, i God u horae ve vin huqegi gorora ko ve vin vagamwasoire, ko a buluigi vage ngehi a engsel u serelue lawea lo avi u gao lo gaivui biti. 36I Mosis u vei na vaigivui ko a gineu garigiana u sao lolo vanue Ijib, siu u tomuegi na sinobu ram mwalue den Ijib. Ko u vei na vaigivui ko a gineu garigiana u sao lo Tahi Memea, ko lo vanue vurogi huri na higao ngavulu gaivesi. 37I Mosis ingeie tauhi u veve lawe na sinobu a duvi Israel ve, “I God vin hora na tangaloi ligoligogi gatagale dena duvimiu vin vanatu lobemiu, mwerehi mo horau.” 38I Mosis hi u toga mei retubude hi i God u wareluara lo tarogi hi a engsel mo laqa meie dena eulu lo vusi Saenai, ingeie u lei na leoi mwasoana mo betea lawe gide.
39Nge i retubude rahe rong hurie tea, ram susuni vohoginie, ingere ram tarani ve ram hivo taligu lolo vanue Ijib. 40Ingere ram veve lawe Eron vena, “Iniko gon tau tea noda god huri ve rain tomuegi gide. I Mosis hi u lei gide dena vanue Ijib, siseri ngaha igide dahe ilo tea ve a havagineu u veie.” 41Lo tagugi hi ram vai na nunui natui bulugi, ram rugurugu lawea, ram vai na hinaga lawua ram vai gogonagi na tanoi limara sibora. 42I God mo tu dori ginire, mo vaire ve ran hudugoro na visiu lo mahava, mwerehi u reve lo buk nora tangaloi ligoligogi, mo veve vena,
‘Ira duvi Israel,
nem wehi na boe nem rugurugu ginire
huri higao ngavulu gaivesi
lolo vanue vurogi hatie laweau.
43Nem wali na vale siusiu,
a valei Molok a nomiu god,
ko a nunui visiu a henana i Revan
ngehi a nomiu god,
ingere hi a nunugi neu bolora nem
huduhudu gorora.
Siu nain hora vohogi gimiu nein
vano nein toga vagahao
lo togagi vanue Babilon.’
I Stivin mo laqagi huri na valei God
44“I retubude rau toga mena vale siusiu noi God lolo vanue vurogi. I Mosis u vei na vale siusiu hi mwerehi i God u veve lawea, a mwagugi mo hurie mwerehi u haharaginie. 45Lo tagugi hi i retubude rau lei na vale siusiu hi den retamara ram huri Josua ko ram lai na vanue ngaha denire sinobu hi rau toga lolo vanue Kenan. Lo taro hi, i God mo livusi na tangaloi dena vanue Kenan, a sinobugi ram toa lo nagoi retubude. Ko a vale siusiu hi mo toga meire mo dadari lo tarogi hi i Devet mo ratahigi. 46I God mo lologarea gi Devet, ko i Devet mo veve vena, ‘Gon siregi laweau ve nain vutu na valemu iniko a God noi Jekob.’ 47Nge i Devet hatie, nge i Solomon vin vutue.
48Nge i God u hahale garagara he toga tea lolo vale hi a tangaloi rau hako, mwerehi a tangaloi ligoligogi mo veve 49ve i God u veve vena,
“Eulu a noku tanoi togatoga ratahigi
ko a tanoi noku bibiletagi lo ure.
Goin vutu na hava vale laweau?
?Ineu nai mebusurigi logo?
50?Wa ineu nahe vai na gineu ingere
ngaha tea siboku?”
I Stivin mo laqagi huri na duvi Israel rahe ronghuri God tea
51Siu i Stivin mo veve lawera vena, “!Igimiu nem vaivei nomiu! A taqangimiu mo horo gina dodogi, a qeromiu rau vono huri nehe rongo na leoi God tea. Igimiu nem mwerei retubumiu. Gesegi igimiu nem qalo mena Vui Gogona. 52?Wa tangaloi ligoligogi ingere hilogo hi nehe wehire tea? Rau wehi na hora noi God u sao ingere rau vevesere huri na nona tangaloi tabanagi vovohoi ve vin vonai. Nge igimiu neu veiveie ko nem wehe. 53Igimiu ingere hi neu lei na tauleo noi God, nge hi u lei hougi mo himei dena engsel, nge igimiu nehe tabera tea vohogi.”
Ram buguri vagamate Stivin
54Lune a kansel ram rorongtagi Stivin ingere ram lologagasi ko ram gasigesigi livora. 55Nge i Stivin mo horo gina Vui Gogona mo dada siu hage eulu mo lehi na varavarai God, ko i Jisas mo labe lo matuei God. 56Ko mo veve vena, “!Nen leo! Nam lehi na eulu mo waga ko i Netui Tangaloi mo labe lo matuei God.”
57Ingere ram ulo gina dilogi u lawua ko ram toqe goro qerora gina limara. Ko ingere ram toa bubugi vano goroe. 58Ram wiribibie ram reveie tavarea dena togagi venue lawua ko ram buguri vagamatea gina vatu. A tangaloi ture leo ingere hi rau vei na gineu hi rau teu na luqara lo limei mwalakelo gatagale a henana i Sol. 59Ingere ram bugurie tau mosigei, ko ingeie mo ware na Huqe mo veve vena, “Huqe Jisas, gon lai na tamateku.” 60Ingeie mo sisiqeu mo ulo gina dilogi u lawua mo veve vena, “!Huqe! Gon mese soso lawera huri nora galegaleasi.” Ingeie mo veve mwere ngaha vunu, ingeie mo mate.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013