LALAKOGI 9
9
I Sol mo ladowenigi mo huri Jisas
1Lo taro hi i Sol mo laqa siaga, ko mo waratau ve vin ue vagamatera tangaloi tabanagi nona Huqe. Ingeie mo vano lobera Muei Rugurugu, 2mo navu denire vena revei na leo hurie ko vin teue lo vataha valei soneana nora duvi Israel lo qatui venue lawua a Damaskas. Lo revereve hi vea leo siregi lawe Sol huri ve, tare mo haqe na mwera sige a vavine hi ram huri na Huqe, vin wiribibire, ko vin leire rain vonai taligu a Jerusalem.
3Lune i Sol mo vano kakarani lobei qatui venue lawua a Damaskas, ko siserigi mo vile vonai dena mahava sulune ko mo vara dalie. 4Mo soi hivo lo tano, ko mo rongo na dilo mo veve vena, “!Sol! !Sol! ?Huri havai gom vaiveieu mwerehi?”
5Ingeie mo hui vena, “?Huqe, iniko hine?”
A dilo hi mo veve vena, “Ineu Jisas gom vaiveieu. 6Ne gon maraga gon vano lo qatui venue hi, goin haqe na tangaloi gatagale aiehi, vin veve lawego huri na havai hi goin lalakogi lune.”
7A tangaloi hi rau huri Sol ram labe qae, rahe gato tea vohogi rau rongo na dilo, nge rahe lehi na tangaloi tea vohogi. 8Lune i Sol mo maraga mo rada nge he leo lai na gineu tea. Siu ram duleie ram vano meie lolo qatui venue a Damaskas. 9A matana u dodo a rani gaitolu he leo lai tea, he gagani tea ko he inu na gineu tea vohogi.
10A tangaloi tabanagi gatagale noi Jisas lolo qatui venue Damaskas a henana i Ananaeas. Ingeie u hueri mo lehi na Huqe mo laqa meie mo veve vena, “Ananaeas.”
Ingeie mo duvi vena, “Huqe, Ineu ngaha.”
11-12A Huqe mo veve lawea vena, “Gon maraga gon vano lo turegi hi a henagi vea Turegi Vovohoi. Ko gon vano lo valei Judas, goin hui na tangaloi gatagale ta Tasas a henana i Sol. Ananaeas, i Sol u hueri mo lehigo ve gu vano lolo vale, ko gu tangovie gina limemu, ko mo leo taligu. Siu siseri ngaha ingeie mo tataro.”
13Ananaeas, mo duvi lawea vena, “A tangaloi u sao ram veve laweau huri na dori tangaloi hi, mo vai asiesigi na nom tangaloi tabanagi lo vanue Jerusalem. 14Siu ingeie mo vonai tangaha lo vanue Damaskas, ira muei rugurugu rau bete na huireana lawea ve na wiribibi rahine doluegi hi ram tataro lo henamu.”
15A Huqe mo veve lawea vena, “Gon vano, huri nau leo wahea beno ve vin voragi noku tangaloi tabanagi. Huri ingeie vin veve sere na roro hurieu lawera tangaloi ta lolo dodogi, ko lawera ratahigi, ko lawera sinobu duvi Israel vage. 16Ko ineu siboku nain matamwasaragi lawea huri na gineu gagarasi doluegi hi rain hogosi na tarabesine, huri na henaku.”
17Siu i Ananaeas mo ahu vano lolo vale hi, mo tau na limana lui Sol ko mo veve vena, “Tueku Sol, i Jisas a noda Huqe u horau, i Jisas hi, ingeie sibona u sereluae lawego lo turegi, lune gu vanai huri na vanue ngaha. Ingeie hi mo horau vea matamu na garea taligu, ko vea Vui Gogona na horo lolo lolomu.” 18Ko siserigi, a gineu mwerena gari ige mo soi dena matai Sol, siu ingeie mo leo lai taligu, ko mo maraga mo lai na garuhi gogona. 19Lune nge mo gagani ko mo huire taligu.
I Sol mo tauvuigi mo toretore lo vanue Damaskas
Siu i Sol mo toga taligu rani te gai vihe lo vanue Damaskas meire tangaloi tabanagi noi Jisas. 20Ko lo taro hi, ingeie mo tauvuigi mo vano lolo valei tataro noi ngaraha duvi Israel, ko mo tavuigi mo toretore vena, i Jisas i netui God.
21A sinobu ram rongoe, ram awogi garagara huri, ram veve vena, “!Ei! A tangaloi hi lo vanue Jerusalem, ingeie hi mo wehi na tangaloi ram ladohogo lo henai Jisas. Ko ingeie mo vonai tangaha huri na lalakogi mwere tau hi, vena wiribibi na tangaloi ngerehi, ve na laire vano lawera muei rugurugu. ?Nge siseri ngaha a havai mo vaie?”
22Nge a leoi Sol mo huire mo vagevage, mo haharagi matamasaraginie huri ve i Jisas ingeie i Ratahigi Vurei. Siu ira duvi a duvi Israel hi ram toga Damaskas rahe duvi laie tea.
23Lo tagui reni u sao beno, i ngaraha a duvi Israel hi ram vonai bubugi, ram tau na leo ve rain ue vagamate Sol. 24Ko ingeie mo ilo na nora tau leo hi ram tarani ve rai veie. Bongi ko a rani ingere ram matagi goro na matai arai togagi venue lawuahi ve rain ue vagamatea. 25Nge lolo bongi gatagale a tangaloi noi Sol ram laie, ram taue lolo gete lawua, ram sireginie lo garo mo hivo tavala varea lo tagui arai vanue lawua hi.
I Sol mo toga Jerusalem
26I Sol mo vano a Jerusalem, mo vai leo ve na bulu mena buri tangaloi noi Jisas. Ko ingere rahe ladohogo tea ginie vohogi, ve ingeie a tangaloi gatagale noi Jisas, ram matagu uliu ginie. 27Siu i Banabas mo vonai mo laie mo vano meie lobera gaihora. Ko mo mata-mwasaraginie lawera huri i Sol u lehi na Huqe lo turegi, ko a Huqe u gato meie. Ko vage mo veve lawera huri na leo huire noi sol lawera Damaskas lo henai Jisas. 28Siu i Sol mo toga meire, ko ram vano lategi lolo vanue Jerusalem, ko mo toretore lo henai noda Huqe, nge a domine u huire nge he matagu tea. 29Ingeie mo laqa meire duvi Israel hi ram gato lo leo ta Kris, ko ram vuigarogi bulu lo leogi. Siu ingere ram tarani ve rain ue vagamatea. 30Lune i retuana ram rongo na roro hi, ram lai Sol mo hivo Sisaria, ram horae mo vano Tasas.
31Siu lo taro hi, a warelue doluegi vataha ute lo vanue Judia, ko Kalili, ko Samaria ram toga tamwata. Ko a Vui Gogona mo buluire, mo vai na warelue mo huihuire vage. A tangaloi ram ladohogo mo saosao vage, ko ingere ram ladomava gina Huqe u liu.
I Bita mo vano lo vanue Lida
32I Bita mo dige lategi lolo vanue, nge lo mahoi venue gatagale mo vano lobera sinobu noi God lo vanue Lida. 33Lolo vanue hi ingeie u haqe na tangaloi gatagale, a duvi tarabesine u mate higao gaiwelu beno, he dige lai tea, nge mo eno hogosie lolo niana. A henana i Aeneas. 34I Bita mo laqa meie mo veve vena, “Aeneas, siseri hi i Jisas Kraes vin vagamwasoigo a tarabesimu vin garea taligu. Gon maraga gon lulu na qanamu.” Ne siserigi, i Aeneas mo maraga. 35A sinobu doluegi hi ram toga lo qatui venue Lida ko a tavola lawua hi Seron ram lehe, ram tu dori ram huri na Huqe.
I Bita u vano lo vanue Joba
36Lo vanue Joba, aiehi a vavine gatagale a henana i Tabita, ingeie u ladohogo gi Jisas. A henana lo leo ta Kris, i Dokas, a iloilogi huri vea dia, a henai kakarue turu gatagale. A vavine hi, gesegi ingeie mo siregi na nona taro huri mo vai na lalakogi garea, ko mo buluire mahoi tangaloi. 37Lo taro hi ingeie u sege mo mate. Ram garuhie ko ram taue lolo qetu utui vale tuegi namawe. 38A vanue Joba he vagahao tea dena vanue Lida. Lune a sinobu noi Jisas ram toga lo vanue Joba ram rongo ve i Bita mo toga lo vanue Lida, ram hora na tangaloi gairue rom vano lobena mena leo vena, “Gam hariginigo, gon vanai siseri lobemai.” 39Siu i Bita mo hakohako nona mo maraga mo hurire. Lune ingeie mo dadari lobera, ram laie mo hage lolo qetu utui vale namawe. Ira vavine madue ram labe dalie, ko ram ngara. Ram haharagi na luqe lawea ngerehi i Dokas u bulure lune ingeie mo mwaso tau. 40Ko i Bita mo horara ram mwalue su varea, ko ingeie mo sisiqeu hivo mo tataro. Ko ingeie mo kileu dori mo lehi na vavine hi mo veve vena, “!Tabita, gon maraga!” Lune ingeie mo lehi Bita mo maraga mo toga. 41Siu i Bita mo haga vano mo duleie hage mo labe. Siu mo warera hi rau ladohogo, ko ira vavine madue, ko mo haharaginie lawera huri veu mwaso taligu. 42Ko a rorogi mo vano doluegi na vanue Joba, siu a sinobu u sao ram ladohogo gina Huqe. 43Nge lo tagugi hi, i Bita u toga lo vanue Joba a ranigi u sao, u toga lobei Saemon, a tangaloi basabasao gineu lo vinui kakarue.
ទើបបានជ្រើសរើសហើយ៖
LALAKOGI 9: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 9
9
I Sol mo ladowenigi mo huri Jisas
1Lo taro hi i Sol mo laqa siaga, ko mo waratau ve vin ue vagamatera tangaloi tabanagi nona Huqe. Ingeie mo vano lobera Muei Rugurugu, 2mo navu denire vena revei na leo hurie ko vin teue lo vataha valei soneana nora duvi Israel lo qatui venue lawua a Damaskas. Lo revereve hi vea leo siregi lawe Sol huri ve, tare mo haqe na mwera sige a vavine hi ram huri na Huqe, vin wiribibire, ko vin leire rain vonai taligu a Jerusalem.
3Lune i Sol mo vano kakarani lobei qatui venue lawua a Damaskas, ko siserigi mo vile vonai dena mahava sulune ko mo vara dalie. 4Mo soi hivo lo tano, ko mo rongo na dilo mo veve vena, “!Sol! !Sol! ?Huri havai gom vaiveieu mwerehi?”
5Ingeie mo hui vena, “?Huqe, iniko hine?”
A dilo hi mo veve vena, “Ineu Jisas gom vaiveieu. 6Ne gon maraga gon vano lo qatui venue hi, goin haqe na tangaloi gatagale aiehi, vin veve lawego huri na havai hi goin lalakogi lune.”
7A tangaloi hi rau huri Sol ram labe qae, rahe gato tea vohogi rau rongo na dilo, nge rahe lehi na tangaloi tea vohogi. 8Lune i Sol mo maraga mo rada nge he leo lai na gineu tea. Siu ram duleie ram vano meie lolo qatui venue a Damaskas. 9A matana u dodo a rani gaitolu he leo lai tea, he gagani tea ko he inu na gineu tea vohogi.
10A tangaloi tabanagi gatagale noi Jisas lolo qatui venue Damaskas a henana i Ananaeas. Ingeie u hueri mo lehi na Huqe mo laqa meie mo veve vena, “Ananaeas.”
Ingeie mo duvi vena, “Huqe, Ineu ngaha.”
11-12A Huqe mo veve lawea vena, “Gon maraga gon vano lo turegi hi a henagi vea Turegi Vovohoi. Ko gon vano lo valei Judas, goin hui na tangaloi gatagale ta Tasas a henana i Sol. Ananaeas, i Sol u hueri mo lehigo ve gu vano lolo vale, ko gu tangovie gina limemu, ko mo leo taligu. Siu siseri ngaha ingeie mo tataro.”
13Ananaeas, mo duvi lawea vena, “A tangaloi u sao ram veve laweau huri na dori tangaloi hi, mo vai asiesigi na nom tangaloi tabanagi lo vanue Jerusalem. 14Siu ingeie mo vonai tangaha lo vanue Damaskas, ira muei rugurugu rau bete na huireana lawea ve na wiribibi rahine doluegi hi ram tataro lo henamu.”
15A Huqe mo veve lawea vena, “Gon vano, huri nau leo wahea beno ve vin voragi noku tangaloi tabanagi. Huri ingeie vin veve sere na roro hurieu lawera tangaloi ta lolo dodogi, ko lawera ratahigi, ko lawera sinobu duvi Israel vage. 16Ko ineu siboku nain matamwasaragi lawea huri na gineu gagarasi doluegi hi rain hogosi na tarabesine, huri na henaku.”
17Siu i Ananaeas mo ahu vano lolo vale hi, mo tau na limana lui Sol ko mo veve vena, “Tueku Sol, i Jisas a noda Huqe u horau, i Jisas hi, ingeie sibona u sereluae lawego lo turegi, lune gu vanai huri na vanue ngaha. Ingeie hi mo horau vea matamu na garea taligu, ko vea Vui Gogona na horo lolo lolomu.” 18Ko siserigi, a gineu mwerena gari ige mo soi dena matai Sol, siu ingeie mo leo lai taligu, ko mo maraga mo lai na garuhi gogona. 19Lune nge mo gagani ko mo huire taligu.
I Sol mo tauvuigi mo toretore lo vanue Damaskas
Siu i Sol mo toga taligu rani te gai vihe lo vanue Damaskas meire tangaloi tabanagi noi Jisas. 20Ko lo taro hi, ingeie mo tauvuigi mo vano lolo valei tataro noi ngaraha duvi Israel, ko mo tavuigi mo toretore vena, i Jisas i netui God.
21A sinobu ram rongoe, ram awogi garagara huri, ram veve vena, “!Ei! A tangaloi hi lo vanue Jerusalem, ingeie hi mo wehi na tangaloi ram ladohogo lo henai Jisas. Ko ingeie mo vonai tangaha huri na lalakogi mwere tau hi, vena wiribibi na tangaloi ngerehi, ve na laire vano lawera muei rugurugu. ?Nge siseri ngaha a havai mo vaie?”
22Nge a leoi Sol mo huire mo vagevage, mo haharagi matamasaraginie huri ve i Jisas ingeie i Ratahigi Vurei. Siu ira duvi a duvi Israel hi ram toga Damaskas rahe duvi laie tea.
23Lo tagui reni u sao beno, i ngaraha a duvi Israel hi ram vonai bubugi, ram tau na leo ve rain ue vagamate Sol. 24Ko ingeie mo ilo na nora tau leo hi ram tarani ve rai veie. Bongi ko a rani ingere ram matagi goro na matai arai togagi venue lawuahi ve rain ue vagamatea. 25Nge lolo bongi gatagale a tangaloi noi Sol ram laie, ram taue lolo gete lawua, ram sireginie lo garo mo hivo tavala varea lo tagui arai vanue lawua hi.
I Sol mo toga Jerusalem
26I Sol mo vano a Jerusalem, mo vai leo ve na bulu mena buri tangaloi noi Jisas. Ko ingere rahe ladohogo tea ginie vohogi, ve ingeie a tangaloi gatagale noi Jisas, ram matagu uliu ginie. 27Siu i Banabas mo vonai mo laie mo vano meie lobera gaihora. Ko mo mata-mwasaraginie lawera huri i Sol u lehi na Huqe lo turegi, ko a Huqe u gato meie. Ko vage mo veve lawera huri na leo huire noi sol lawera Damaskas lo henai Jisas. 28Siu i Sol mo toga meire, ko ram vano lategi lolo vanue Jerusalem, ko mo toretore lo henai noda Huqe, nge a domine u huire nge he matagu tea. 29Ingeie mo laqa meire duvi Israel hi ram gato lo leo ta Kris, ko ram vuigarogi bulu lo leogi. Siu ingere ram tarani ve rain ue vagamatea. 30Lune i retuana ram rongo na roro hi, ram lai Sol mo hivo Sisaria, ram horae mo vano Tasas.
31Siu lo taro hi, a warelue doluegi vataha ute lo vanue Judia, ko Kalili, ko Samaria ram toga tamwata. Ko a Vui Gogona mo buluire, mo vai na warelue mo huihuire vage. A tangaloi ram ladohogo mo saosao vage, ko ingere ram ladomava gina Huqe u liu.
I Bita mo vano lo vanue Lida
32I Bita mo dige lategi lolo vanue, nge lo mahoi venue gatagale mo vano lobera sinobu noi God lo vanue Lida. 33Lolo vanue hi ingeie u haqe na tangaloi gatagale, a duvi tarabesine u mate higao gaiwelu beno, he dige lai tea, nge mo eno hogosie lolo niana. A henana i Aeneas. 34I Bita mo laqa meie mo veve vena, “Aeneas, siseri hi i Jisas Kraes vin vagamwasoigo a tarabesimu vin garea taligu. Gon maraga gon lulu na qanamu.” Ne siserigi, i Aeneas mo maraga. 35A sinobu doluegi hi ram toga lo qatui venue Lida ko a tavola lawua hi Seron ram lehe, ram tu dori ram huri na Huqe.
I Bita u vano lo vanue Joba
36Lo vanue Joba, aiehi a vavine gatagale a henana i Tabita, ingeie u ladohogo gi Jisas. A henana lo leo ta Kris, i Dokas, a iloilogi huri vea dia, a henai kakarue turu gatagale. A vavine hi, gesegi ingeie mo siregi na nona taro huri mo vai na lalakogi garea, ko mo buluire mahoi tangaloi. 37Lo taro hi ingeie u sege mo mate. Ram garuhie ko ram taue lolo qetu utui vale tuegi namawe. 38A vanue Joba he vagahao tea dena vanue Lida. Lune a sinobu noi Jisas ram toga lo vanue Joba ram rongo ve i Bita mo toga lo vanue Lida, ram hora na tangaloi gairue rom vano lobena mena leo vena, “Gam hariginigo, gon vanai siseri lobemai.” 39Siu i Bita mo hakohako nona mo maraga mo hurire. Lune ingeie mo dadari lobera, ram laie mo hage lolo qetu utui vale namawe. Ira vavine madue ram labe dalie, ko ram ngara. Ram haharagi na luqe lawea ngerehi i Dokas u bulure lune ingeie mo mwaso tau. 40Ko i Bita mo horara ram mwalue su varea, ko ingeie mo sisiqeu hivo mo tataro. Ko ingeie mo kileu dori mo lehi na vavine hi mo veve vena, “!Tabita, gon maraga!” Lune ingeie mo lehi Bita mo maraga mo toga. 41Siu i Bita mo haga vano mo duleie hage mo labe. Siu mo warera hi rau ladohogo, ko ira vavine madue, ko mo haharaginie lawera huri veu mwaso taligu. 42Ko a rorogi mo vano doluegi na vanue Joba, siu a sinobu u sao ram ladohogo gina Huqe. 43Nge lo tagugi hi, i Bita u toga lo vanue Joba a ranigi u sao, u toga lobei Saemon, a tangaloi basabasao gineu lo vinui kakarue.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013