LALAKOGI 6
6
A gaihako gaibitu
1Lo tagugi hi a tovoi tangaloi tabana noi Jisas mo tau vuigi mo saosao. I ngaraha ira duvi Israel hi ram laqa lo leo ta Kris ram vuigarogi meire ira duvi Israel hi ram laqa lo leora sibora. Ingere hi ram laqa lo leo ta Kris ram veve vena, a maduara tangaloi rahe leo hurire tea ve na garea, lune ingere ram betegi na hakogineu lawera vataha bongi. 2Ko i ngaraha hangavulu domwagi gairue ram ware bulutegi na burigi hi ira tangaloi noi Jisas ve ran vonai bubugi. Ram laqa meire ram veve vena, “He vovohoi tea ve dain siregi vohogi na leoi God, ve da tabanagi lo gineu ingere hi. 3Io retueku, nein leo wahe na tangaloi gaibitu den gimiu hi rau garea lo nagora tangaloi. A tangaloi ingere hi ve a Vui Gogona u horo lolo lolora ko rau mataisao vage. Gamai gain teure huri ingere rain leogoro na lalakogi ingere hi. 4Huri igamai gain leogoro na tabanagi hi gesegi lo tataro ko huri gain laqagi lue na leoi God.”
5Ko ingere doluegi talo burigi hi ram havuhevu u liu huri na leo hi ira gaihora rau laqagi lue lawera. Ko ingere ram leo wahe Stivin, a tangaloi hi a nona ladohogo u siaga ko a Vui Gogona mo horo lolo lolona. Ram leo wahe Vilib, Brokoras, Nikeno, Timon, Baemenas ko i Nikolas ingeie ta Antiok, ingeie tomue a tangaloi talolo dodogi, ko lo tagugi hi nge mo tudori mo hikehike lo leo huhui nora ira duvi Israel. 6A burigi hi ram lai na tangaloi ingere hi vonai ram taure lo nagoi ngaraha gaihora ram tataro meire ko ram tangovire.
7Siu a leo noi God mo vano lawera tangaloi mo liuliu vage. Ko a burigi hi ira rorongtagi noi Jisas mo saosao vage lolo vanue Jerusalem. Ko a rugurugu u sao ram ladohogo gi Jisas. Ko ingere ram rongo huri na nona leo huhui.
Rau wiribibi Stivin
8I Stivin hi i God u bete na huireana lawea, ko u hako meie gina domi tabetabe u lawua. Ko u vei na gigilegi u sao gina huireana noi God ko a gineu garigiana u sao lo nagora tangaloi. 9Nge a tangaloi lavasigi ram vaiveie, ingere ram bubugi lo valei soneana nora ira duvi Israel u waregi ve a valei soneana nora tangaloi hi rau meriqe beno dena garo vau. Ingere a tangaloi ira duvi Israel rau vonai dena qatui venue lalawua gairue Saerini ko Aleksandria. Ko a tangaloi lavasigi vage a duvi Israel ram vomai dena Silisia ko Esia ram bubugi meire ko ingere ram vui garogi mei Stivin. 10Nge a Vui Gogona mo bete na lolorani ko a mataisao lawe Stivin, huri nge vin laqa ko ingere rain he duvi laie tea. 11Ko ingere ram voli na tangaloi ve rain laqa buluire, ram veve vena, “Gamai gau rongo na tangaloi hi u veve asiesigi Mosis ko i God vage.” 12Lo doridorigi hi, ingere ram tau gaivutugi na sinobu, ko ira tamaragai ko ira huhui talo Leo hora noi Mosis ram merogi Stivin. Ko ingere ram wiribibie ram laie mo vano lawe na Kansel. 13Ko ingere ram lai na tangaloi lavasigi ram vonai vena, ram veve leo kalikeli lo henai Stivin. Ingere ram veve vena, “Gesegi ingeie mo veve asiesigi na vale Gogona noi God, ko a Leo hora noi Mosis vage. 14Igamai gau rongoe u veve mwere ngaha vena, i Jisas ta Nasaret, ingeie vin tala gaburegi na vale Gogona noi God, siu ingeie vin teu leahi na noda togatoga ingere hi dau lei hougi dei Mosis.” 15A tangaloi lalawua doluegi hi ram toga lolo Kansel, ram leo garagaragi Stivin. Ram lehi na nagona mwerena nagoi engsel.
ទើបបានជ្រើសរើសហើយ៖
LALAKOGI 6: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 6
6
A gaihako gaibitu
1Lo tagugi hi a tovoi tangaloi tabana noi Jisas mo tau vuigi mo saosao. I ngaraha ira duvi Israel hi ram laqa lo leo ta Kris ram vuigarogi meire ira duvi Israel hi ram laqa lo leora sibora. Ingere hi ram laqa lo leo ta Kris ram veve vena, a maduara tangaloi rahe leo hurire tea ve na garea, lune ingere ram betegi na hakogineu lawera vataha bongi. 2Ko i ngaraha hangavulu domwagi gairue ram ware bulutegi na burigi hi ira tangaloi noi Jisas ve ran vonai bubugi. Ram laqa meire ram veve vena, “He vovohoi tea ve dain siregi vohogi na leoi God, ve da tabanagi lo gineu ingere hi. 3Io retueku, nein leo wahe na tangaloi gaibitu den gimiu hi rau garea lo nagora tangaloi. A tangaloi ingere hi ve a Vui Gogona u horo lolo lolora ko rau mataisao vage. Gamai gain teure huri ingere rain leogoro na lalakogi ingere hi. 4Huri igamai gain leogoro na tabanagi hi gesegi lo tataro ko huri gain laqagi lue na leoi God.”
5Ko ingere doluegi talo burigi hi ram havuhevu u liu huri na leo hi ira gaihora rau laqagi lue lawera. Ko ingere ram leo wahe Stivin, a tangaloi hi a nona ladohogo u siaga ko a Vui Gogona mo horo lolo lolona. Ram leo wahe Vilib, Brokoras, Nikeno, Timon, Baemenas ko i Nikolas ingeie ta Antiok, ingeie tomue a tangaloi talolo dodogi, ko lo tagugi hi nge mo tudori mo hikehike lo leo huhui nora ira duvi Israel. 6A burigi hi ram lai na tangaloi ingere hi vonai ram taure lo nagoi ngaraha gaihora ram tataro meire ko ram tangovire.
7Siu a leo noi God mo vano lawera tangaloi mo liuliu vage. Ko a burigi hi ira rorongtagi noi Jisas mo saosao vage lolo vanue Jerusalem. Ko a rugurugu u sao ram ladohogo gi Jisas. Ko ingere ram rongo huri na nona leo huhui.
Rau wiribibi Stivin
8I Stivin hi i God u bete na huireana lawea, ko u hako meie gina domi tabetabe u lawua. Ko u vei na gigilegi u sao gina huireana noi God ko a gineu garigiana u sao lo nagora tangaloi. 9Nge a tangaloi lavasigi ram vaiveie, ingere ram bubugi lo valei soneana nora ira duvi Israel u waregi ve a valei soneana nora tangaloi hi rau meriqe beno dena garo vau. Ingere a tangaloi ira duvi Israel rau vonai dena qatui venue lalawua gairue Saerini ko Aleksandria. Ko a tangaloi lavasigi vage a duvi Israel ram vomai dena Silisia ko Esia ram bubugi meire ko ingere ram vui garogi mei Stivin. 10Nge a Vui Gogona mo bete na lolorani ko a mataisao lawe Stivin, huri nge vin laqa ko ingere rain he duvi laie tea. 11Ko ingere ram voli na tangaloi ve rain laqa buluire, ram veve vena, “Gamai gau rongo na tangaloi hi u veve asiesigi Mosis ko i God vage.” 12Lo doridorigi hi, ingere ram tau gaivutugi na sinobu, ko ira tamaragai ko ira huhui talo Leo hora noi Mosis ram merogi Stivin. Ko ingere ram wiribibie ram laie mo vano lawe na Kansel. 13Ko ingere ram lai na tangaloi lavasigi ram vonai vena, ram veve leo kalikeli lo henai Stivin. Ingere ram veve vena, “Gesegi ingeie mo veve asiesigi na vale Gogona noi God, ko a Leo hora noi Mosis vage. 14Igamai gau rongoe u veve mwere ngaha vena, i Jisas ta Nasaret, ingeie vin tala gaburegi na vale Gogona noi God, siu ingeie vin teu leahi na noda togatoga ingere hi dau lei hougi dei Mosis.” 15A tangaloi lalawua doluegi hi ram toga lolo Kansel, ram leo garagaragi Stivin. Ram lehi na nagona mwerena nagoi engsel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013