Apostoro ikip oma kambi 4
4
4 Ik.
1Orowa, utara otta itak korʼan rapoketa anak ne, Kamui kora kenru esapane utara newa tumikoro utara esapane guru newa Saddokai un utara tura nei utara orota araki; 2Yesu ankushkeraipo rai-i orowa no hetopo-shiknu ambe ani eupaskuma ki wa utara epakashnu gusu shi no yairamkoiki nisa ruwe ne gusu ne na. 3Aige, tek-kokishima wa nei shimge toho pakno shikkashima nisa ruwe ne: tane onuman ne ruwe ne gusu ne na. 4Koroka, nei itak nu inne utara eishokon nisa; nei ainu utara pishki-hi anak ne go sen nin ne ainu ukorachi ne ruwe ne.
5Orowa, nishatta an chiki, sapane utara newa ekashi utara newa kambi nuye utara tura Yerusarem kotan ta uwekarapa wa okai an; 6awa, Kamui kora kenru esapane iyotta poro guru ne Annas hemhem, Kaiapas hemhem, Yoannes hemhem, Areksandros hemhem, shui, Kamui kora kenru esapane iyotta poro guru koro utaribi hemhem obitta okai nisa ruwe ne. 7Orowa, tumugeta nei utara are chiki, nekon a mondum ani, nep reihei ankushkerai gusu, tap okai orushpe echi ki ya? ari an ambe ani uwepekennu nisa ruwe ne. 8Tata otta Petros anak ne, Ashkanne Ramat ani aeshik wa nei utara orota ene itak-hi :— 9Utara esapane echi utara newa ekashi utara, tanto shine katchak ainu otta aki pirika ikip gusu, nekon a ambe ankushkeraipo tan guru kashiaobiuki ruwe he an? sekorʼan orushpe gusu, chi utara akoipishi yakun, obitta no okai echi utara ne yakka, 10Israeru un obitta no okai utara ne yakka tambe uonnere yan; echi utara utasa chikuni otta kungi kokikkik rai orowa no Kamui hetopo-shiknure Nazaret kotan un Yesu Kiristo kon reihei ankushkerai, Shinuma gusu iwange no an wa tan guru teda echi kotchaketa ash korʼan ruwe ne na. 11Chisei kara echi utara orowa no aemaka shuma anak ne Shinuma ne ruwe ne, awa, shikkeu sapa nep ne akan nisa ruwe ne. 12Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.
13Orowa nei utara anak ne Petros newa Yoannes koro rametok korobe nukara, samata, kambi-erampeutek wa eramush utara shomo ne ari an ambe eraman chiki, enushkari nisa ruwe ne; aige, nei utara Yesu tura no okai utara ne sekoro eraman.
14Orowa, aiwangere ainu nei utara tura no ash wa an i nukara chiki, nei ambe gusu nep eiyonnuppa itak ye eaikap ruwe ne. 15Koroka, nei ukoramkoro ushi wano soyumba kuni akashpaotte chiki, utashpa uweukoramkoro hine ene itak-hi :— 16Tan utara eun nekon a chiki kusu ne ya? Shi no assuru ash shirosh nei utara gusu aki sekorʼambe anak, Yerusarem kotan ta oshiroma utara obitta eraman, aine, chi utara eshikashke eaikap ruwe ne. 17Koroka, utara tumta tap orushpe shomo shipirasa kuni gusu, nei utara tewa no tan ainu reihei gusu shomo itak kuni pakashnu yanro, ari itak. 18Orowa, nei utara anak ne ihotuyekara wa Yesu reihei gusu epakashnu hene itak hene ara shomoki kuni ne ikashpaotte nisa ruwe ne na. 19Koroka, Petros newa Yoannes anak ne nei utara orun ese wa ene itak-hi :— Kamui tek-samata, Kamui orun koitaknu hene ki, echi orun koitaknu hene ki-hi anak, inambe pirika ambe ne ya, 20sekorʼambe echi esanniyo yan: inambe gusu ne yakun, chi utara anak ne nukarape hene inu ambe hene moshima ye eaikap ruwe ne gusu ne na. 21Orowa, nei utara anak, naa pakashnu chiki, honnere nisa ruwe ne; utara okai gusu panakte kuni ika pa eaikap ruwe ne gusu ne na; inambe gusu ne yakun, nei akara orusbpe gusu obitta no okai utara Kamui ramye wa okai nisa ruwe ne gusu ne na. 22Aige, otta tapan iwangere shirosh aki ainu paha anak ne tu hotne pa ikashima an pa ne ruwe ne.
23Orowa, ahonnere chiki, nei utara anak ne koro utari orun paye wa, otta Kamui kora kenru iyotta pase esapane utara newa ekashi utara ye orushpe obitta nure nisa ruwe ne. 24Awa, nei ambe anu chiki, shine-ikinne Kamui orun hawe ashte wa ene itak-hi :— Aa Utarapa, Aokai anak ne kando newa toitoi newa atui newa, samata, oshiketa obitta no okaibe E kan nisa ruwe ne: 25Aokai anak ne Ashkanne Ramat ani, E koro uitek guru ne chikoro michi Dabid paroho ani, ene itak-hi :—
Nep gusu Oya uirup utara sakayo ki?
Orowa, nep gusu utara ohap ramepakari ya?
26Moshiri shikkashima utara yaikota yaiyatte,
Utara epungine utara auak ne Utarapa epeka no hemhem,
Shinuma koro Kiristo epeka no hemhem uwekarapa ruwe ne:
27Inambe gusu ne yakun, son no newa tan machiya otta Aokai kashiota E koro ashkanne Uitek guru ne Yesu epeka no Herod newa Pontio Pirato anak ne 28Oya uirup utara newa Israeru un utara tura, etoko wano E teke newa E ki esanniyop hetukure kusu ne esanniyo okaibe obitta ki kuni gusu uwekarapa nisa ruwe ne. 29Awa, tane, Utarapa, nei utara ki pakashnu itak orun ingara: aige, E koro usshiune utara rametokkon no. 30E koro itak ye kuni ne kara, rapoketa, iwangere kuni gusu E tekehe turi wa un kore; shui, E koro ashkanne Uitek guru ne Yesu kon reihei ankushkeraipo shirosh newa iyokunnure ikip aki kuni gusu akoramkon na. 31Orowa, inonno-itak aokere chiki; otta uwekarapa wa okai ushike ashuyeshuye; aige, nei utara obitta Ashkanne Ramat ani aeshikte, orowa rametokkon no Kamui itak ye nisa ruwe ne na.
32Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na. 33Aine, poro kiroro ani nei Apostoro utara anak ne Utarapa ne Yesu hetopo-shiknu ambe gusu koro paweteshu ki nisa ruwe ne: awa, obitta nei okai utara kashi poro irenga an ruwe ne. 34Samata, nei utara tumugeta nep ne yakka gusu eikohaye guru isam: inambe gusu ne yakun, inan guru ne yakka toitoi hene chisei hene koro yakun, shinuma nei ambe eiyok, aige, eiyok oro koro wa araki hine Apostoro chikiri samta are: 35aine, pishno pishno eishiramne-i aesanniyo wa aeimek nisa ruwe ne na.
36Orowa, Barnabas ari an reihei ani Apostoro utara orowa no areikore Yosep anak ne (Barnabas ari an itak ibehe anak kotchane ki poho ne ruwe ne), Rebi ikiri un guru ne, 37Kuprios un uirup otta an gunʼne; shinuma toi koro, awa, nei ambe eiyok, aige, auk ichen koro wa ek hine Apostoro kotʼchikiri samta ande nisa ruwe ne.
ទើបបានជ្រើសរើសហើយ៖
Apostoro ikip oma kambi 4: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
