Apostoro ikip oma kambi 21
21
21 Ik.
1Orowa, nei utara akohoppa wa kaya roshki okere chiki, kuwanno atuitomotuye wa Kos kotan ta koshirepa ash nisa ruwe ne, orowa, nei shimge toho ta Rodos kotan ta araki, orowa, nei wano Patara kotan orota araki ash ruwe ne: 2orowa, Poinike moshiri oro peka oman kuni chip anukara chiki, chip o wa atuitomotuye nisa ruwe ne. 3Orowa, Kupros kotan anukara pakno ne chiki, nei harikitek sam akush hine Siria kotan ta paye wa Turos kotan ta yan nisa ruwe ne: nei kotan anak nei chip oma shikehe iyapte kuni ushi ne ruwe ne gusu ne na. 4Orowa, koikara utara anukara yakun, arawan toho ta nei kotan ta reushi ash: awa, Ashkanne Ramat ankushkerai Pauros anak ne iteki Yerusarem kotan ta oman kuni ne nei koikara utara itak nisa ruwe ne. 5Orowa, nei toho auweomare chiki, chi hopumba ash wa payekai nisa; aige, nei utara obitta, koro machi newa poho utara tura, nei machiya soyumba wa akohoppa pakno un rura: awa, atui-sam kata kokkaerok hine inonno-itak ash, 6orowa, utashpa uwetutkopak nisa ruwe ne na; orowa, chi utara anak ne chip o, koroka, nei utara anak kanna shui koro uni un hoshippa nisa ruwe ne.
7Orowa, Turos kotan wano atuitomotuye okere chi-ki Ptoremais kotan koshirepa; awa, iriwak utara korangarap yakun, shine to tura no reushi. 8Orowa, nei shimge toho ta paye ash wa Kaisarea kotan ta araki: aige, nei arawa niu tumuge un shinen ne pirika shongo eupaskuma guru Piripos kot chisei ta ahup wa tura no riya nisa ruwe ne. 9Tan guru otta uweingara ki hoku sak matne po inen okai. 10Orowa, inne toho uturu nei ita riya ash wa okai ita, Agabos ari an reihei koro shine uweingara guru Yudea moshiri wano san wa ek nisa. 11Awa, shinuma un orun ek hine Pauros koro kut uk wa yaikota koro chikiri newa teke kane tupetupe, aige, ene hawe oka-hi :— Ashkanne Ramat ene itak-hi :— Yerusarem kotan ta okai Yudea un utara anak ne tap korachi tan kut koro guru tupetupe wa Oya utara koro teke otta ekoshi kusu ne na, ari itak. 12Orowa, tap orushpe chi nu chiki, chi utara ne yakka nei kotan ta okai utara ne yakka, shinuma iteki Yerusarem kotan ta oman kuni onishnishi nisa ruwe ne. 13Tata otta Pauros ene ese-hi :— Hemanda gusu echi chish wa ku sambe iuninkare ya? Kuani anak ne ouse atupetupe kuni patek shomo ne, koroka, Yerusarem kotan ta Utarapa ne Yesu kon reihei gusu rai kuni yak pirika ruwe ne, ari itak. 14Orowa, shinuma shomo nu gusu chi utara mo no okai wa :— Utarapa irenga korachi aki na, ari chi ye nisa ruwe ne.
15Tap okaketa chi utara anak ne koro shike shuppakara wa Yerusarem kotan orun hemeshpa nisa ruwe ne. 16Orowa, Kaisarea kotan wano okai koikara utara un tura no paye, awa, otta echi reushi ash kuni arotunashi wano an koikara guru ne Kuprios kotan un Mnason atura nisa ruwe ne na.
17Orowa, Yerusarem kotan ta akoshirepa chiki, iriwak utara nupetne no un uk nisa ruwe ne. 18Awa, nei shimge toho ta Pauros anak ne un tura no Yakob orota arapa, ekashi utara obitta okai wa okai ruwe ne. 19Orowa, shinuma koerangarap okere yakun, koro yaishieiwangere-hi ani Oya utara tumta Kamui iki ikip pishno pishno nure nisa ruwe ne. 20Aige nei utara nu chiki Kamui ramye; aine, shinuma otta ene itak-hi :— Ayupnishpakehe, Yudea un utara tumugeta eishokoro okere utara hemanda inne no okai shiri e nukara; orosama, nei utara anak ne obitta tuitak gusu eyaitunnap ki shiri okai: 21awa, aokai gusu anak ne Oya utara tumugeta obitta no okai Yudea un utara koro poho shomo okarituye buri akire hene ki, kotan buri nei no ne yakka shomo ki hine Mose emaka kuni ne e epakashnu ruwe ne, sekoro nei utara otta aye nisa ruwe ne. 22Yakun, nekon a ambe ne ya? Aokai ek wa an shiri nei utara son no nu kusu ne. 23Tambe gusu tap e orun chi ye arabe ki wa un kore yan: 24un otta euitaknup ki ine ainu okai; nei utara uk wa tura no yaiturusakte, orowa, koro sapaha amemke kuni ne; gusu ataye sange yan: yak anakne aokai gusu aye orushpe otta sonep isam ruwe ne sekoro obitta no okai utara eraman nangon na; koroka, aokai yaikota tuitak shikkashima wa oupeka no apkash shiri aeraman nangon na. 25Koroka, eishokoro Oya utara gusu chi nuye okere; nei utara anak ne potoki otta ayangep gusu hemhem, kem gusu hemhem, rekuchi anumbap gusu hemhem, hoiyop gusu hemhem yaishikkashima kunip ne aesanniyo ruwe ne, ari itak. 26Tata otta Pauros anak ne nei shimge toho ta nei utara uk wa tura no yaituru-sakte hine Kamui kora kenru ta ahun, aige, nei utara pishno gusu ayange kunip ayange pakno turu-sakte kuni toho uweomare-hi ashte shiriki.
27Orowa, nei arawan toho tane auweomare ange shiriki chiki, Asia wano araki Yudea un utara anak ne shinuma Kamui kora kenru ta an-i nukara koro, inne utara obitta hopumbare wa tek-kokishimare hine ene hawe ashte-hi :— 28Israeru un okkai utara, kaobiuki wa un kore yan: utara gusu hemhem, tuitak gusu hemhem, tan ushike gusu hemhem epokba ambe obitta no okai utara epakashnu gurʼanak ne tan ainu ne: samata shui, tan kenru otta Herenes un utara ahunde wa tan ashkanne ushike turu-ushte nisa ruwe ne. 29Inambe gusu ne yakun, nei machiya tumta Epesos kotan un guru ne Tropimos shinuma tura no an i anukara, awa, Pauros anak ne nei guru Kamui kora kenru ta ahunde kuni aramu nisa ruwe ne gusu ne na. 30Orowa, nei machiya obitta aukopoye, awa, utara hoyuppa uwekarapa: aige, Pauros tek-kokishima hine Kamui kora kenru orowa no esoyun nimba: aine, nani apa aseshke nisa ruwe ne. 31Orowa, utara anak ne shinuma raige kuni hunara shiriki okai ita, Yerusarem kotan ebitta chiukopoye wa an sekorʼorushpe tumi-koro utara ikiri esapane guru otta anure nisa ruwe ne. 32Aige, shinuma tumi-koro utara newa ashikne tumi-koro utara esapane utara tura wa nei utara orun hoyuppa wa rap: awa, nei utara anak ne tumi-koro utara ikiri esapane guru newa tumi-koro utara nukara chiki, Pauros shirikik kuni eyomne nisa ruwe ne. 33Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne. 34Awa, inne utara tumta tapne hawe okai utara ka okai, moshimap ye wa hawe okai utara ka okai: aige, nei sakayo son no ikkewe eraman ka eaikap chiki, chashi orota atura kuni ne kashpaotte nisa ruwe ne. 35Orowa, shinuma nei shuma-nikara kata ek chiki, inne utara niwen wa gusu tumi-koro utara aeani nisa; inambe gusu ne yakun, 36inne utara kashirari araki hine — Oyake un omande yan, ari hawe okai ruwe ne.
37Orowa, Pauros anak ne tane nei chashi otta aahunde ange chiki, shinuma nei tumi-koro utara ikiri esapane guru otta ene itak-hi :— E otta pon no ku ye yak pirika ya? Orota shinuma ene itak-hi :— Eani Herenes un itak ani itak eashkai ya? 38Tan toho etokota esapane guru eokbare kuni ne utara chiukopoyere wa shi sen nin ne keweuk utara nup otta tura wa arapa nei Echipt moshirʼun guru shomo e ne ruwe he an? ari itak. 39Koroka, Pauros ene itak-hi :— Kuani anak ne Kirikia moshiri ta saure machiya shomo ne an Tarsus machiya un Yudea un guru ku ne ruwe ne: tan utara orun ku itak kuni e koramkoro ash na, ari itak. 40Awa, ramuoshma yakun, Pauros nei shuma-nikara kashita ash wa utara orun tek-konishuk; orowa, utara shiri mo no okai chiki shinuma Hebrai un itak ani itak wa ene hawe oka-hi :—
ទើបបានជ្រើសរើសហើយ៖
Apostoro ikip oma kambi 21: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
