GENESIS 48
48
Jakob In Ephraim Leh Manasseh Avualzawl
1Huan hiaite nung in hichi ahong hi a, Joseph kiang ah, “Ngai in, na pa achi na,” achi uhi. Huchi in atapa nihte Manasseh leh Ephraim akiang ah atonpih hi. 2Jakob kiang ah, “Ngai in, na tapa Joseph na kiang ah ahong hi,” chi in ahilh uh. Israel akihalhsak a, lupna ah atutou hi. 3Jakob in Joseph kiang ah, “Pathian Bangkim hihthei, Kanaan gam a Luz ah ka kiang ah akilak a, ahon vualzawl hi. 4Ka kiang ah, chi tampi ka hon suangsak ding a, ka hon hihpung lai ding. Chi tuamtuam omkhawm in ka hon bawl ding. Hiai gam na nung a na suante kiang ah atangtawn gou ding un ka pe ding,” ahon chi hi.
5“Na tapa nihte, Aigupta gam a na neihte, kei' a ahi ua, Reuben leh Simeon mah bang in Ephraim leh Manasseh kei' a ahi ding uhi. 6Hiai mite nung a ta na neihte nang a ahi ding uh, agoutan uah asanggamte uh min akikoppih ding uh ahi. 7Kei tungthu ahihleh, Padan gam a kipan ka hong pai lai in Kanaan gam ah lamkal ah Ephrath khua gamla kuam ahih lai in, ka kiang ah Rakil asi hi. Huai ah Ephrath kho lampi ah ka vuita, huai tuh Bethlehem khua ahi,” achi hi.
8Israel in Joseph tapate a-en a, “Hiaite kuate ahi ua?” achi hi.
9Joseph in apa kiang ah, “Hiaite ka tapa, Pathian in ahon piakte ahi uh,” achi hi. Ama'n, “Hehpih in ka kiang ah hon pi in, amau ka na vualzawl ding,” achi hi. 10Israel mit a-upat tak ziak in achiim nawn kei a, ama'n ana tawp a, ana pom hi. 11Israel in Joseph kiang ah, “Na mel muh ka kilamen nawn kei a, himahleh, ngai in, Pathian in na suante mel nangawn ahon musakta,” achi hi. 12Joseph in amau apa khuk kal a kipan apikhia a, amai a lei si in akun hi.
13Joseph in anih un akai a, Ephraim pen akhut taklam in Israel khut veilam pang ah, Manasseh pen akhut veilam in Israel khut taklam pang a kai in apinai hi. 14Israel in asawkkalh teitei a, akhut taklam in asawk a, Ephraim anaupangzaw lusip ah anga a; Manasseh bel ata masa ahi. 15Joseph avualzawl a,
“Hon suangpa Abraham leh Isak om zelna Pathian,
tuni tan a ka damsung
tengteng hon vakpa Pathian,
16thil hoih lou tengteng a
kipan hon tanpa Angel in naupangte vualzawl hen.
Ka min leh hon suangpa
Abraham leh Isak min pu uhen.
Khovel ah thupitak hi ding in
hong pung uhen,” achi hi.
17Joseph in apa'n akhut taklam Ephraim lusip a angak amuh in alungkim kei hial a; apa khut Ephraim lusip a kipan Manasseh lusip a suan ding in apa khut suansak a sawm hi. 18Joseph in apa kiang ah, “Pa, hichibang ding ahi kei. Hiai ahi ta masa, na khut taklam a lusip ah nga zaw in,” achi hi.
19Himahleh, apa a-ut kei a, “Ka thei hi, ka tapa aw, ka thei hi. Amah leng nam gen tham in a-om ding a, amah leng athupi ding hi. Himahleh amah sang in anaupa athupizaw ding a, asuante leng chi tuamtuam tamtak ahong hi ding uh,” achi hi.
20Huchi in Jakob in, “Nang ah Israel vualzawl ahi ding, Pathian in Ephraim leh Manasseh bang in hon bawl hen,” chi in avualzawl hi. Huchibang in Manasseh ma ah Ephraim a-omsak hi.
21Israel mah in Joseph kiang ah, “Ngai in, si ding ka hita. Himahleh na kiang uah Pathian a-om ding a, nou hon suangtute gam ah ahon pilut nawn ding hi. 22Huai lou leng, na sanggamte tantuan sang in tan khat ka hon pe tuan hi, ka namsau leh ka thalpeu a Amorte khut a kipan ka laksak pen,” achi hi.
ទើបបានជ្រើសរើសហើយ៖
GENESIS 48: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 48
48
Jakob In Ephraim Leh Manasseh Avualzawl
1Huan hiaite nung in hichi ahong hi a, Joseph kiang ah, “Ngai in, na pa achi na,” achi uhi. Huchi in atapa nihte Manasseh leh Ephraim akiang ah atonpih hi. 2Jakob kiang ah, “Ngai in, na tapa Joseph na kiang ah ahong hi,” chi in ahilh uh. Israel akihalhsak a, lupna ah atutou hi. 3Jakob in Joseph kiang ah, “Pathian Bangkim hihthei, Kanaan gam a Luz ah ka kiang ah akilak a, ahon vualzawl hi. 4Ka kiang ah, chi tampi ka hon suangsak ding a, ka hon hihpung lai ding. Chi tuamtuam omkhawm in ka hon bawl ding. Hiai gam na nung a na suante kiang ah atangtawn gou ding un ka pe ding,” ahon chi hi.
5“Na tapa nihte, Aigupta gam a na neihte, kei' a ahi ua, Reuben leh Simeon mah bang in Ephraim leh Manasseh kei' a ahi ding uhi. 6Hiai mite nung a ta na neihte nang a ahi ding uh, agoutan uah asanggamte uh min akikoppih ding uh ahi. 7Kei tungthu ahihleh, Padan gam a kipan ka hong pai lai in Kanaan gam ah lamkal ah Ephrath khua gamla kuam ahih lai in, ka kiang ah Rakil asi hi. Huai ah Ephrath kho lampi ah ka vuita, huai tuh Bethlehem khua ahi,” achi hi.
8Israel in Joseph tapate a-en a, “Hiaite kuate ahi ua?” achi hi.
9Joseph in apa kiang ah, “Hiaite ka tapa, Pathian in ahon piakte ahi uh,” achi hi. Ama'n, “Hehpih in ka kiang ah hon pi in, amau ka na vualzawl ding,” achi hi. 10Israel mit a-upat tak ziak in achiim nawn kei a, ama'n ana tawp a, ana pom hi. 11Israel in Joseph kiang ah, “Na mel muh ka kilamen nawn kei a, himahleh, ngai in, Pathian in na suante mel nangawn ahon musakta,” achi hi. 12Joseph in amau apa khuk kal a kipan apikhia a, amai a lei si in akun hi.
13Joseph in anih un akai a, Ephraim pen akhut taklam in Israel khut veilam pang ah, Manasseh pen akhut veilam in Israel khut taklam pang a kai in apinai hi. 14Israel in asawkkalh teitei a, akhut taklam in asawk a, Ephraim anaupangzaw lusip ah anga a; Manasseh bel ata masa ahi. 15Joseph avualzawl a,
“Hon suangpa Abraham leh Isak om zelna Pathian,
tuni tan a ka damsung
tengteng hon vakpa Pathian,
16thil hoih lou tengteng a
kipan hon tanpa Angel in naupangte vualzawl hen.
Ka min leh hon suangpa
Abraham leh Isak min pu uhen.
Khovel ah thupitak hi ding in
hong pung uhen,” achi hi.
17Joseph in apa'n akhut taklam Ephraim lusip a angak amuh in alungkim kei hial a; apa khut Ephraim lusip a kipan Manasseh lusip a suan ding in apa khut suansak a sawm hi. 18Joseph in apa kiang ah, “Pa, hichibang ding ahi kei. Hiai ahi ta masa, na khut taklam a lusip ah nga zaw in,” achi hi.
19Himahleh, apa a-ut kei a, “Ka thei hi, ka tapa aw, ka thei hi. Amah leng nam gen tham in a-om ding a, amah leng athupi ding hi. Himahleh amah sang in anaupa athupizaw ding a, asuante leng chi tuamtuam tamtak ahong hi ding uh,” achi hi.
20Huchi in Jakob in, “Nang ah Israel vualzawl ahi ding, Pathian in Ephraim leh Manasseh bang in hon bawl hen,” chi in avualzawl hi. Huchibang in Manasseh ma ah Ephraim a-omsak hi.
21Israel mah in Joseph kiang ah, “Ngai in, si ding ka hita. Himahleh na kiang uah Pathian a-om ding a, nou hon suangtute gam ah ahon pilut nawn ding hi. 22Huai lou leng, na sanggamte tantuan sang in tan khat ka hon pe tuan hi, ka namsau leh ka thalpeu a Amorte khut a kipan ka laksak pen,” achi hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.