GENESIS 47
47
1Huai khit in Joseph in Pharaoh ava hilh a, akiang ah, “Ka pa, ka sanggamte, abelamhonte uh, abawnghonte uh leh aneih tengteng uh toh Kanaan gam a kipan ahong tungsuk ua; ngai in, Goshen gam ah a-om uh,” achi hi. 2Huan asanggamte lak a kipan mi nga api a, Pharaoh ava lak hi. 3Pharaoh in asanggamte kiang ah, “Bang nasem na hi ua?” achi hi. Amau Pharaoh kiang ah, “Na sikhate, kou hon suangtute a kipan belamching mite ka hi uh,” achi uhi. 4Amau mah in Pharaoh kiang ah, “Hiai gam a om tadih ding a hong pai ka hi ua; ka gam uah lah na sikhate' belamhonte nek ding a-om nawnta kei a; kial lah Kanaan gam ah a-uang mahmah hi; hehpih in na sikhate Goshen gam ah hon tengsak in,” achi uhi. 5Pharaoh in Joseph ahoupih a, “Na pa leh na sanggamte na kiang ahongta ua; 6Aigupta gam akiching mahmah hi. Na pa leh na sanggamte gam hoihpenna mun ah tengsak in. Alak ua thilhihtheitak, theihna nei a-om ngialleh ka ganvulhte tung a makai ding in bawl in,” achi hi.
7Joseph in apa Jakob apilut a, Pharaoh ma ah adingsak a; Jakob in Pharaoh avualzawl hi. 8Pharaoh in Jakob kiang ah, “Kum bangzah na hita a?” achi hi.
9Jakob in Pharaoh kiang ah, “Ka khualzin nung zaw kum za-le-sawmthum ahita, ka damsung kumte atawm in ahaksa hi. Hon suangtute akhualzin lai ua adamsung kum uh leng phazou kei ing,” achi hi. 10Huchi in Jakob in Pharaoh avualzawl a, Pharaoh a kipan apawtkhia hi. 11Joseph in apa leh asanggamte tenna abawlsak a, Pharaoh thupiak bang in Aigupta gam a hoihpenna mun ah, agou ding un Rameses gam apeta hi. 12Joseph in apa leh asanggamte leh apa' inkuanpih tengteng a-inkuan uh dungzui zel in nek ding apia a, avakta hi.
Kial
13Huai gam tengteng ah nek ding himhim a-omta kei a; kial lah a-uang semsem hi. Kial ziak in Aigupta leh Kanaan gam abahta hi. 14Joseph in abuh leina man uh, Aigupta gam leh Kanaan gam a dangka om tengteng akhawmsak vek hi. Joseph in huai dangka Pharaoh inn ah atawilut hi. 15Aigupta gam leh Kanaan gam a dangka tengteng azatbei khit un, Aigupta mi tengteng Joseph kiang ah ahong ua, “Nek ding hon pia in. Na ma a si maimah ding ka hi ding uam? Dangka lah a-om nawn ngal kei a,” achi uhi.
16Joseph in, “Na gantate uh hon pe mai un. Dangka a-om nawn keileh na ganta man un nek ding ka hon pe ding,” achi hi. 17Joseph kiang ah agantate uh ahon pi ua; Joseph in sakol man ding, belamhon man ding, bawnghon man ding leh sabiltung man ding in nek ding ana pe zel hi. Huai kum in aganta tengteng uh man in nek ding apia a, avak chiat hi.
18Huai kum abei a, kum ahong thak nawn in akiang ah ahong nawn ua, “Ka dangka teng uh abei takdan ka toupa ka hon iim kei ding uh. Ka toupa'n ka gantate uh na neita hi. Ka toupa mitmuh in ka pumpi uh leh ka gam uh chih louh, bangmah ka nei nawn kei uh. 19Bangziak a na mitmuh a kou leh ka gam uh mangthang maimah ding ahia? Koumau mah ka gam uh toh an in hon lei mai in. Koumau leh ka gam uh Pharaoh sikhate ka hi ding uh. Si lou a dam a ka omtheihna ding un leh gam asiatlouhna ding in buhchi hon pia in,” achi uhi.
20Huchi in Joseph in Pharaoh a ding in Aigupta gam tengteng aleisakta hi. Atung ua kial a-ot mahmah ziak in Aigupta mite'n lah alou uh azuak chiat uhi. Huchi in gam Pharaoh a ahi vekta hi. 21Aigupta gamgi tawp khat lam a kipan khat lam tawp pha in khuate ah mite akisuansakta hi. 22Siampute gam kia alei kei a, siampute'n Pharaoh a kipan tantuan anei ua, Pharaoh in apiak atantuan uh ane zel uhi. Huaiziak in agam uh azuak kei uhi. 23Huai nung in, Joseph in mite kiang ah, “Ngai un, tuni in na gam uh leh noute Pharaoh a ding in ka hon leita hi. Hiai ah nou a ding in buhchi a-om, lei ah na ching ding uhi. 24Buh lak hun chiang in hichi ahi ding a; Pharaoh a ding in seh nga suah seh khat zel na pe ding ua, aseh li pen noumau a ahi ding. Lou a achi ding, noumau na inkuanpihte uh leh na tanu neu chikchikte uh nek ding ahi ding,” achi hi.
25Amau, “Nang ka hinna uh na humbitta. Ka toupa'n pha asakleh adeihsakna hon musak henla, Pharaoh sikhate ka hi ding uh,” achi uhi. 26Huchi in Joseph in Pharaoh in seh nga suah seh khat amuh zel ding thu, Aigupta gam a ding in tuni tanpha in dan in abawlta hi. Siampute gam kia ahi, Pharaoh a hilou.
Jakob Ngetna Nanung
27Israel in Aigupta gam a Goshen gam ah tenna abawlta a, huai ah akihih inbul a, chi tampi asuang a, nakpitak in apungta hi. 28Aigupta gam ah Jakob kum sawm-le-sagih ateng a, huchi in Jakob damsung kum zakhat sawmli-le-sagih ahi. 29Israel sih hun ahong naita a; atapa Joseph asam a, akiang ah, “Na mitmuh a deihsakna ka tanleh, hehpih in ka pheipi nuai ah na khut golh inla, ka tung ah ginom leh diktak in gamta in, hehpih in Aigupta gam ah hon vui mahmah ke'n. 30Hon suangtute kiang a ka ihmut hun chiang in, nang Aigupta gam a kipan na hon pokhe ding a, amaute vuina mun ah na hon vui zaw ding ahi,” achi hi. Ama'n, “Na chih bang in ka hih ding,” achi hi.
31Ama'n, “Ka kiang ah kichiam in,” achi a; akiang ah akichiamta hi. Huchi in lupna lukhung si in Israel akunta hi.
ទើបបានជ្រើសរើសហើយ៖
GENESIS 47: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 47
47
1Huai khit in Joseph in Pharaoh ava hilh a, akiang ah, “Ka pa, ka sanggamte, abelamhonte uh, abawnghonte uh leh aneih tengteng uh toh Kanaan gam a kipan ahong tungsuk ua; ngai in, Goshen gam ah a-om uh,” achi hi. 2Huan asanggamte lak a kipan mi nga api a, Pharaoh ava lak hi. 3Pharaoh in asanggamte kiang ah, “Bang nasem na hi ua?” achi hi. Amau Pharaoh kiang ah, “Na sikhate, kou hon suangtute a kipan belamching mite ka hi uh,” achi uhi. 4Amau mah in Pharaoh kiang ah, “Hiai gam a om tadih ding a hong pai ka hi ua; ka gam uah lah na sikhate' belamhonte nek ding a-om nawnta kei a; kial lah Kanaan gam ah a-uang mahmah hi; hehpih in na sikhate Goshen gam ah hon tengsak in,” achi uhi. 5Pharaoh in Joseph ahoupih a, “Na pa leh na sanggamte na kiang ahongta ua; 6Aigupta gam akiching mahmah hi. Na pa leh na sanggamte gam hoihpenna mun ah tengsak in. Alak ua thilhihtheitak, theihna nei a-om ngialleh ka ganvulhte tung a makai ding in bawl in,” achi hi.
7Joseph in apa Jakob apilut a, Pharaoh ma ah adingsak a; Jakob in Pharaoh avualzawl hi. 8Pharaoh in Jakob kiang ah, “Kum bangzah na hita a?” achi hi.
9Jakob in Pharaoh kiang ah, “Ka khualzin nung zaw kum za-le-sawmthum ahita, ka damsung kumte atawm in ahaksa hi. Hon suangtute akhualzin lai ua adamsung kum uh leng phazou kei ing,” achi hi. 10Huchi in Jakob in Pharaoh avualzawl a, Pharaoh a kipan apawtkhia hi. 11Joseph in apa leh asanggamte tenna abawlsak a, Pharaoh thupiak bang in Aigupta gam a hoihpenna mun ah, agou ding un Rameses gam apeta hi. 12Joseph in apa leh asanggamte leh apa' inkuanpih tengteng a-inkuan uh dungzui zel in nek ding apia a, avakta hi.
Kial
13Huai gam tengteng ah nek ding himhim a-omta kei a; kial lah a-uang semsem hi. Kial ziak in Aigupta leh Kanaan gam abahta hi. 14Joseph in abuh leina man uh, Aigupta gam leh Kanaan gam a dangka om tengteng akhawmsak vek hi. Joseph in huai dangka Pharaoh inn ah atawilut hi. 15Aigupta gam leh Kanaan gam a dangka tengteng azatbei khit un, Aigupta mi tengteng Joseph kiang ah ahong ua, “Nek ding hon pia in. Na ma a si maimah ding ka hi ding uam? Dangka lah a-om nawn ngal kei a,” achi uhi.
16Joseph in, “Na gantate uh hon pe mai un. Dangka a-om nawn keileh na ganta man un nek ding ka hon pe ding,” achi hi. 17Joseph kiang ah agantate uh ahon pi ua; Joseph in sakol man ding, belamhon man ding, bawnghon man ding leh sabiltung man ding in nek ding ana pe zel hi. Huai kum in aganta tengteng uh man in nek ding apia a, avak chiat hi.
18Huai kum abei a, kum ahong thak nawn in akiang ah ahong nawn ua, “Ka dangka teng uh abei takdan ka toupa ka hon iim kei ding uh. Ka toupa'n ka gantate uh na neita hi. Ka toupa mitmuh in ka pumpi uh leh ka gam uh chih louh, bangmah ka nei nawn kei uh. 19Bangziak a na mitmuh a kou leh ka gam uh mangthang maimah ding ahia? Koumau mah ka gam uh toh an in hon lei mai in. Koumau leh ka gam uh Pharaoh sikhate ka hi ding uh. Si lou a dam a ka omtheihna ding un leh gam asiatlouhna ding in buhchi hon pia in,” achi uhi.
20Huchi in Joseph in Pharaoh a ding in Aigupta gam tengteng aleisakta hi. Atung ua kial a-ot mahmah ziak in Aigupta mite'n lah alou uh azuak chiat uhi. Huchi in gam Pharaoh a ahi vekta hi. 21Aigupta gamgi tawp khat lam a kipan khat lam tawp pha in khuate ah mite akisuansakta hi. 22Siampute gam kia alei kei a, siampute'n Pharaoh a kipan tantuan anei ua, Pharaoh in apiak atantuan uh ane zel uhi. Huaiziak in agam uh azuak kei uhi. 23Huai nung in, Joseph in mite kiang ah, “Ngai un, tuni in na gam uh leh noute Pharaoh a ding in ka hon leita hi. Hiai ah nou a ding in buhchi a-om, lei ah na ching ding uhi. 24Buh lak hun chiang in hichi ahi ding a; Pharaoh a ding in seh nga suah seh khat zel na pe ding ua, aseh li pen noumau a ahi ding. Lou a achi ding, noumau na inkuanpihte uh leh na tanu neu chikchikte uh nek ding ahi ding,” achi hi.
25Amau, “Nang ka hinna uh na humbitta. Ka toupa'n pha asakleh adeihsakna hon musak henla, Pharaoh sikhate ka hi ding uh,” achi uhi. 26Huchi in Joseph in Pharaoh in seh nga suah seh khat amuh zel ding thu, Aigupta gam a ding in tuni tanpha in dan in abawlta hi. Siampute gam kia ahi, Pharaoh a hilou.
Jakob Ngetna Nanung
27Israel in Aigupta gam a Goshen gam ah tenna abawlta a, huai ah akihih inbul a, chi tampi asuang a, nakpitak in apungta hi. 28Aigupta gam ah Jakob kum sawm-le-sagih ateng a, huchi in Jakob damsung kum zakhat sawmli-le-sagih ahi. 29Israel sih hun ahong naita a; atapa Joseph asam a, akiang ah, “Na mitmuh a deihsakna ka tanleh, hehpih in ka pheipi nuai ah na khut golh inla, ka tung ah ginom leh diktak in gamta in, hehpih in Aigupta gam ah hon vui mahmah ke'n. 30Hon suangtute kiang a ka ihmut hun chiang in, nang Aigupta gam a kipan na hon pokhe ding a, amaute vuina mun ah na hon vui zaw ding ahi,” achi hi. Ama'n, “Na chih bang in ka hih ding,” achi hi.
31Ama'n, “Ka kiang ah kichiam in,” achi a; akiang ah akichiamta hi. Huchi in lupna lukhung si in Israel akunta hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.