GENESIS 34
34
Dinah Sualluihna
1Huan Leah tanu Dinah, Jakob aneihsak, huai gam nungakte mu ding in apawtkhia hi. 2Hiv mi Hamor, huai gam vaihawmpa tapa Shekem in amah ana mu a, pummat in aluppih a, ahihninta hi. 3Jakob tanu Dinah tung ah alungsim a-omden a, huai nungak a-it mahmah a, kamsiamtak in ahoupih hi.
4Shekem in apa Hamor ahoupih a, “Ka zi ding in huai nungak hon pisak in,” achi hi.
5Jakob in atanu Dinah aninsak khin chih aza a, gamlak ah aganhonte lak uah atapate a-om uhi. Huchi in ahong tun mateng uh Jakob adai dide hi.
6Jakob houpih ding in Shekem pa Hamor akiang ah ahoh hi. 7Jakob tapate'n azaktak un gamlak a kipan ahong pai ua, Jakob tanu kithuahpih in Israelte lak a thil gilou haihuaitak, thilhih het louh ding, ahih ziak in adah ua, aheh mahmah uhi. 8Hamor in amau ahoupih a, “Ka tapa Shekem lungsim na tanu uh tung ah a-om tinten a, hehpih in azi ding in neisak ve ua. 9Kilatuah ve ni e; na tanute uh hon lasak unla, ka tanute uh leng la sam un.
10“Ka kiang uah na teng ding ua; gam leng akiching gige ding. Hiai ah teng unla, sum sin unla, hiai ah kihih inbul un,” achi hi.
11Shekem in nungak' pa leh asanggampate kiang ah, “Na deihsakna uh hon musak unla, huan ka kiang a na gen peuh uh ka hon pe ding. 12Man leh thilpiak zaw bangzah gen le uchin, na chih bangbang uh ka hon pe ding. Akoi abang hitaleh, nungak pen zi ding in hon neisak phot un,” achi hi.
13Jakob tapate'n asanggamnu uh Dinah anitsak ziak in Shekem leh apa Hamor khembawl in adawng ua, akiang uah, 14“Hiai thil zeksum louh mi kiang a ka tanu uh piak pen ka hihthei kei ding uh; huai lah koute a ding in minsiatna ahi ngal a. 15Hichibang a kichiam kia in na thu uh pha ka sa ding uh. Na lak ua pasal peuhpeuh koute bang a zeksum in om uhen. 16Huchi in ka tanute uh na nei ding ua, kou leng na tanute uh ka nei sam ding uh. Na kiang uah ka teng ding ua, chi khat i hi ding. 17Himahleh, zeksum thu a ka thu uh na zuih kei ding uleh, ka tanu uh ka pi ding ua, ka pai mai ding uh,” achi uhi.
18Athugen un Hamor leh Hamor tapa Shekem akipaksak hi. 19Tangval in Jakob tanu adeih mahmah ziak in huai thil sawt hal lou in ahihta hi. Amah apa inkuan tengteng lak a mite zahtak pen ahi.
20Hamor leh atapa Shekem in akhokulh kongkhak uh apha ua, akhote uh ahoupih uhi. 21“Hiai mite ei toh kilemtak in a-om uh. Huaiziak in hiai gam a teng in, hiai ah sum sin uhen. Ngai un, amaute a ding in gam lah aza ngal a. Atanute uh zi in nei lehang, i tanute uh leng neisak sam ni. 22Himahleh nam khat i hong hihna ding a i kiang a tentheihna ding un hichibang a i chiam kia in huai mite'n pha ahon sakpih ding uhi; zeksum ahih bang ua i lak ua pasal peuhpeuh zeksum hong hita lehang. 23Agante uh, asumte uh, asa tengteng uh ei a ahi vek kei dia hia? Athu uh pha sakpih mai ve ni e, huchi in i kiang uah ateng ding uh,” achi uhi. 24Hamor leh atapa Shekem thu a khokulh kongkhak a pawtkhe tengteng in azui ua; akhokulh kongkhak a pawtkhe tengteng, pasal peuhpeuh zek asumsak uhi.
25Huan hichi ahong hi a, ani thum ni a, nat athuak lai un, Jakob tapate lak a nih, Dinah sanggampa Simeon leh Levi in anamsau uh tawi tuak in aguk in khua ava sualta ua, pasal tengteng athatgam uhi. 26Namsau hiam in Hamor leh atapa Shekem athat ua, Shekem inn a kipan Dinah api ua, apawtta uhi. 27Jakob tapate'n amithahte uh ava pha nawn ua, atanu uh anitsak ziak un huai khua alokta uhi. 28Abelamhonte uh, abawnghonte uh, asabiltungte uh, akhua ua thil omte leh alou ua thil omte alaksak uhi. 29Asum tengteng uleh ata-anau neu chikchikte leh azite tengteng uh sal in aman ua, insung a om tengteng alok uhi.
30Jakob in Simeon leh Levi kiang ah, “Nou hiai gam a tengte lak a, Kanaante leh Perizte lak ah, huat na hon posak ua, na hon lungzingsak mahmah uh. Kei tawmchik ka hih ziak in hon sual ding in akikhawmkhawm ding ua, ahon that mai ding uhi. Huchi in hihmang in ka om ding, kei leh ka inkuanpihte toh,” achi hi. 31Amau, “Ka sanggamnu uh kizuak bang a abawl ding ahi a hia?” achi uhi.
ទើបបានជ្រើសរើសហើយ៖
GENESIS 34: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 34
34
Dinah Sualluihna
1Huan Leah tanu Dinah, Jakob aneihsak, huai gam nungakte mu ding in apawtkhia hi. 2Hiv mi Hamor, huai gam vaihawmpa tapa Shekem in amah ana mu a, pummat in aluppih a, ahihninta hi. 3Jakob tanu Dinah tung ah alungsim a-omden a, huai nungak a-it mahmah a, kamsiamtak in ahoupih hi.
4Shekem in apa Hamor ahoupih a, “Ka zi ding in huai nungak hon pisak in,” achi hi.
5Jakob in atanu Dinah aninsak khin chih aza a, gamlak ah aganhonte lak uah atapate a-om uhi. Huchi in ahong tun mateng uh Jakob adai dide hi.
6Jakob houpih ding in Shekem pa Hamor akiang ah ahoh hi. 7Jakob tapate'n azaktak un gamlak a kipan ahong pai ua, Jakob tanu kithuahpih in Israelte lak a thil gilou haihuaitak, thilhih het louh ding, ahih ziak in adah ua, aheh mahmah uhi. 8Hamor in amau ahoupih a, “Ka tapa Shekem lungsim na tanu uh tung ah a-om tinten a, hehpih in azi ding in neisak ve ua. 9Kilatuah ve ni e; na tanute uh hon lasak unla, ka tanute uh leng la sam un.
10“Ka kiang uah na teng ding ua; gam leng akiching gige ding. Hiai ah teng unla, sum sin unla, hiai ah kihih inbul un,” achi hi.
11Shekem in nungak' pa leh asanggampate kiang ah, “Na deihsakna uh hon musak unla, huan ka kiang a na gen peuh uh ka hon pe ding. 12Man leh thilpiak zaw bangzah gen le uchin, na chih bangbang uh ka hon pe ding. Akoi abang hitaleh, nungak pen zi ding in hon neisak phot un,” achi hi.
13Jakob tapate'n asanggamnu uh Dinah anitsak ziak in Shekem leh apa Hamor khembawl in adawng ua, akiang uah, 14“Hiai thil zeksum louh mi kiang a ka tanu uh piak pen ka hihthei kei ding uh; huai lah koute a ding in minsiatna ahi ngal a. 15Hichibang a kichiam kia in na thu uh pha ka sa ding uh. Na lak ua pasal peuhpeuh koute bang a zeksum in om uhen. 16Huchi in ka tanute uh na nei ding ua, kou leng na tanute uh ka nei sam ding uh. Na kiang uah ka teng ding ua, chi khat i hi ding. 17Himahleh, zeksum thu a ka thu uh na zuih kei ding uleh, ka tanu uh ka pi ding ua, ka pai mai ding uh,” achi uhi.
18Athugen un Hamor leh Hamor tapa Shekem akipaksak hi. 19Tangval in Jakob tanu adeih mahmah ziak in huai thil sawt hal lou in ahihta hi. Amah apa inkuan tengteng lak a mite zahtak pen ahi.
20Hamor leh atapa Shekem in akhokulh kongkhak uh apha ua, akhote uh ahoupih uhi. 21“Hiai mite ei toh kilemtak in a-om uh. Huaiziak in hiai gam a teng in, hiai ah sum sin uhen. Ngai un, amaute a ding in gam lah aza ngal a. Atanute uh zi in nei lehang, i tanute uh leng neisak sam ni. 22Himahleh nam khat i hong hihna ding a i kiang a tentheihna ding un hichibang a i chiam kia in huai mite'n pha ahon sakpih ding uhi; zeksum ahih bang ua i lak ua pasal peuhpeuh zeksum hong hita lehang. 23Agante uh, asumte uh, asa tengteng uh ei a ahi vek kei dia hia? Athu uh pha sakpih mai ve ni e, huchi in i kiang uah ateng ding uh,” achi uhi. 24Hamor leh atapa Shekem thu a khokulh kongkhak a pawtkhe tengteng in azui ua; akhokulh kongkhak a pawtkhe tengteng, pasal peuhpeuh zek asumsak uhi.
25Huan hichi ahong hi a, ani thum ni a, nat athuak lai un, Jakob tapate lak a nih, Dinah sanggampa Simeon leh Levi in anamsau uh tawi tuak in aguk in khua ava sualta ua, pasal tengteng athatgam uhi. 26Namsau hiam in Hamor leh atapa Shekem athat ua, Shekem inn a kipan Dinah api ua, apawtta uhi. 27Jakob tapate'n amithahte uh ava pha nawn ua, atanu uh anitsak ziak un huai khua alokta uhi. 28Abelamhonte uh, abawnghonte uh, asabiltungte uh, akhua ua thil omte leh alou ua thil omte alaksak uhi. 29Asum tengteng uleh ata-anau neu chikchikte leh azite tengteng uh sal in aman ua, insung a om tengteng alok uhi.
30Jakob in Simeon leh Levi kiang ah, “Nou hiai gam a tengte lak a, Kanaante leh Perizte lak ah, huat na hon posak ua, na hon lungzingsak mahmah uh. Kei tawmchik ka hih ziak in hon sual ding in akikhawmkhawm ding ua, ahon that mai ding uhi. Huchi in hihmang in ka om ding, kei leh ka inkuanpihte toh,” achi hi. 31Amau, “Ka sanggamnu uh kizuak bang a abawl ding ahi a hia?” achi uhi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.