GENESIS 33
33
Jakob In Esau Akimuhpih
1Huan Jakob dakkhia a a-etleh, ngai in, akiang ah mi zali toh Esau ahong pai hi. Huchi in Leah, Rakil leh sikhanu nihte kiang ah atate a-omsak khipkhep hi. 2Sikhanute leh atate amakai in akoih a, azom in Leah leh atate, huan Rakil leh Joseph bel ananungpen in akoih hi. 3Amah ama uah apai a, a-u kiang chin atun masiah sagihvei lei si in akun hi. 4Himahleh Esau amah mu ding in atai a, apom a, angawng a kun in atawp a, akap uhi. 5Esau dakkhia a a-etleh, numeite leh naupangte amu a, “Hiai n'on tonpihte kuate ahi ua?” achi hi. Ama'n, “Pathian in hehpihtak a na sikha kiang a apiak naupangte ahi uh,” achi hi. 6Sikhanute leh atate uh ahong pai ua, akun uhi. 7Leah leng atate toh ahong pai nai ua, akun ua, huai khit in Joseph leh Rakil leng ahong pai nai ua, akun uhi.
8Esau in, “Ka ganhon kituahpih tengpi bang na chihna ahia?” achi hi. Ama'n, “Ka toupa, na mitmuh a deihsakna ka tan theihna ding in ka chi a ahi,” achi hi.
9Esau in, “Ke'n leng hau veng e, bawi aw, na neih tengteng nang a hi hen,” achi hi.
10Jakob in, “Hilou e, na mitmuh a deihsakna ka tan theihleh hehpih in ka hon thilpiakte hon sansak in. Pathian mel mu bang in na mel ka mu a, ka tung ah lah na kipak ngal a. 11Pathian in hon hehpih ziak leh akiching ka neih ziak in ka hon thilpiakte sang in,” achi hi. Huchi in akun teitei a, ama'n asangta hi.
12Esau in, “Kisa in, pai ni, na ma ah ka pai ding,” achi hi.
13Ama'n akiang ah, “Naupangte aneu laidan uleh belamhon ka kiang a omte anou ahihdan uh, ka toupa'n na thei hi. Ni khat lel leng hat lua a, ahawl uleh ganhon tengteng si vek ding uh ahi. 14Ka toupa, hehpih in na sikha ma ah pai inla; ke'n Seir tang ah, ka toupa, na kiang ka tun mateng, ka ma a gante apai zoh dandan uleh naupangte apai theihdan bang zel un, awlawl in ka hon masuan zel ding,” achi hi.
15Esau in, “Ka kiang a om mi khenkhat hon nutsiat leng ake,” achi hi. Ama'n, “Apoimoh khol a hia? Ka toupa mitmuh in deihsakna hon musak in,” achi hi. 16Huai ni mah in Seir tang lam zuan in Esau akik nawnta hi. 17Sukkoth mun ah Jakob apai a, amah a ding in inn alam a, agante a ding in leng aidakbukte alam hi. Huaiziak in huai mun min Sukkoth asa hi.
18Padan-aram gam a kipan Jakob ahong paikhiak nung, lungmuangtak in Kanaan gam a om Shekem khua atung a, huai khopi ma ah apuanin azakta hi. 19Shekem pa Hamor tapate a kipan dangka zakhat in apuanin zakna mun alei hi. 20Huai ah maitam adoh a, amin El-Elohe-Israel asa hi.
ទើបបានជ្រើសរើសហើយ៖
GENESIS 33: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 33
33
Jakob In Esau Akimuhpih
1Huan Jakob dakkhia a a-etleh, ngai in, akiang ah mi zali toh Esau ahong pai hi. Huchi in Leah, Rakil leh sikhanu nihte kiang ah atate a-omsak khipkhep hi. 2Sikhanute leh atate amakai in akoih a, azom in Leah leh atate, huan Rakil leh Joseph bel ananungpen in akoih hi. 3Amah ama uah apai a, a-u kiang chin atun masiah sagihvei lei si in akun hi. 4Himahleh Esau amah mu ding in atai a, apom a, angawng a kun in atawp a, akap uhi. 5Esau dakkhia a a-etleh, numeite leh naupangte amu a, “Hiai n'on tonpihte kuate ahi ua?” achi hi. Ama'n, “Pathian in hehpihtak a na sikha kiang a apiak naupangte ahi uh,” achi hi. 6Sikhanute leh atate uh ahong pai ua, akun uhi. 7Leah leng atate toh ahong pai nai ua, akun ua, huai khit in Joseph leh Rakil leng ahong pai nai ua, akun uhi.
8Esau in, “Ka ganhon kituahpih tengpi bang na chihna ahia?” achi hi. Ama'n, “Ka toupa, na mitmuh a deihsakna ka tan theihna ding in ka chi a ahi,” achi hi.
9Esau in, “Ke'n leng hau veng e, bawi aw, na neih tengteng nang a hi hen,” achi hi.
10Jakob in, “Hilou e, na mitmuh a deihsakna ka tan theihleh hehpih in ka hon thilpiakte hon sansak in. Pathian mel mu bang in na mel ka mu a, ka tung ah lah na kipak ngal a. 11Pathian in hon hehpih ziak leh akiching ka neih ziak in ka hon thilpiakte sang in,” achi hi. Huchi in akun teitei a, ama'n asangta hi.
12Esau in, “Kisa in, pai ni, na ma ah ka pai ding,” achi hi.
13Ama'n akiang ah, “Naupangte aneu laidan uleh belamhon ka kiang a omte anou ahihdan uh, ka toupa'n na thei hi. Ni khat lel leng hat lua a, ahawl uleh ganhon tengteng si vek ding uh ahi. 14Ka toupa, hehpih in na sikha ma ah pai inla; ke'n Seir tang ah, ka toupa, na kiang ka tun mateng, ka ma a gante apai zoh dandan uleh naupangte apai theihdan bang zel un, awlawl in ka hon masuan zel ding,” achi hi.
15Esau in, “Ka kiang a om mi khenkhat hon nutsiat leng ake,” achi hi. Ama'n, “Apoimoh khol a hia? Ka toupa mitmuh in deihsakna hon musak in,” achi hi. 16Huai ni mah in Seir tang lam zuan in Esau akik nawnta hi. 17Sukkoth mun ah Jakob apai a, amah a ding in inn alam a, agante a ding in leng aidakbukte alam hi. Huaiziak in huai mun min Sukkoth asa hi.
18Padan-aram gam a kipan Jakob ahong paikhiak nung, lungmuangtak in Kanaan gam a om Shekem khua atung a, huai khopi ma ah apuanin azakta hi. 19Shekem pa Hamor tapate a kipan dangka zakhat in apuanin zakna mun alei hi. 20Huai ah maitam adoh a, amin El-Elohe-Israel asa hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.