GENESIS 35
35
Bethel Ah Pathian In Jakob Avualzawl
1Huan Pathian in Jakob kiang ah, “Thou inla, Bethel ah hohtou in, huai ah teng in. Na u Esau a kipan na taimang lai a, na kiang a kilak Pathian a ding in huai mun ah maitam doh in,” achi hi.
2Jakob in a-inkuanpihte leh akiang a om tengteng kiang ah, “Na lak ua om gamdang pathiante koihmang unla, kihihsiangthou unla, na puansilhte uh kheng un. 3I thou ding ua, Bethel ah i paitou ding uh. Ka lungzin lai a hon dawng, ka paina a ka kiang a om zel Pathian a ding in maitam ka doh ding,” achi hi. 4Huchi in gamdang pathiante akhut ua om tengteng leh abil ua bilbah abah tengteng uh Jakob kiang ah apekhe vek uhi. Jakob in Shekem kho kiang a tosaw nuai ah aphum hi.
5Apai ua, akim ua khuate'n alau mahmah ua, Jakob tapate adelh kei uhi. 6Jakob leh akiang a om tengteng toh, Kanaan gam a om Luz khua, huai Bethel kichi atung a, 7huai ah maitam adoh a, a-u a kipan ataimang lai a, akiang a Pathian akilak ziak in huai mun min El-bethel asa hi. 8Huan Rebekah donnu Deborah asi a, Bethel khang a tosaw nuai ah avui ua; tosaw min Allon-bakuth asa uhi.
9Padan-aram gam a kipan Jakob ahong tun in akiang ah Pathian akilak nawn a, avualzawl hi. 10Pathian in akiang ah, “Na min Jakob ahi a; na min Jakob ahi nawn kei ding a, na min Israel ahi zawta ding,” achi hi. Huchi in amin Israel asata hi. 11Pathian mah in akiang ah, “Kei Pathian Bangkim hihthei ka hi. Chi tampi suang in hong pung in. Nam, chih tham ngial leh nam tuamtuam omkhawmte leng nang ah ahong om ding ua, na khal a kipan kumpipate leng ahong pawt ding uhi. 12Abraham leh Isak kiang a ka gam piak na kiang ah ka hon pe ding. Na om louh nung chiang in na suante kiang ah leng gam ka pe zel ding,” achi hi. 13Pathian in ahoupihna mun a kipan Jakob apaitouh santa hi. 14Ahoupihna mun ah Jakob in suangkhuam aphut a; atung ah dawn thillat abuak a, atung ah sathau leng abuak hi. 15Jakob in Pathian in ahoupihna mun min Bethel asa hi.
Rakil Sihna
16Bethel a kipan apaikhia ua; Ephrath kho tunna ding gamlatak ahih lai in Rakil in nau avei a, anak vei mahmah hi. 17Huan hichi ahong hi a, agim laitak in naudommi'n, “Lau ke'n, tapa nei nawn ding na hi,” achi hi. 18Huan hichi ahong hi a, alaitah ding kuan in, (amah lah si dek ahi ngal a), amin Ben-oni asa a; himahleh apa'n Benjamin asa hi.
19Rakil asita a, Ephrath lampi ah avui uh; huai Ephrath khua Bethlehem ahi. 20Ahan tung ah Jakob in suang aphut a; huai tuni tan in Rakil hansuang ahiden hi. 21Israel apai zel a, Migdol Eder khen lam ah apuanin akai hi.
Jakob Tapate
(1 Kro 2.1,2)
22Huan hichi ahong hi a, Israel huai gam a a-om lai in Reuben in apa mei Bilhah ava kithuahpih a; Israel in huai aza hi. 23Jakob tapate sawm-le-nih ahi uh. Leah tapate Reuben (Jakob tapa upapen), Simeon, Levi, Judah, Issakar leh Zebulun ahi uh. 24Rakil tapate Joseph leh Benjamin ahi uh. 25Rakil sikhanu Bilhah tapate Dan leh Naphtali ahi uh. 26Leah sikhanu Zilpah tapate Gad leh Asher ahi ua; hiaite Jakob tapa, Padan-aram gam a aneihte ahi uhi.
Isak Sihna
27Kiriath-arba a Abraham leh Isak omna Mamre ah apa Isak kiang ah Jakob atungta a; Kiriath-arba khua Hebron leng kichi ahi. 28Isak damsung kum zakhat-le-sawmgiat ahi. 29Isak in akha akhahta a, upapi tekkun a dam in asi a, huan achipihte kiang ah pi in a-omta hi. Atapate Esau leh Jakob in amah avui uhi.
ទើបបានជ្រើសរើសហើយ៖
GENESIS 35: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 35
35
Bethel Ah Pathian In Jakob Avualzawl
1Huan Pathian in Jakob kiang ah, “Thou inla, Bethel ah hohtou in, huai ah teng in. Na u Esau a kipan na taimang lai a, na kiang a kilak Pathian a ding in huai mun ah maitam doh in,” achi hi.
2Jakob in a-inkuanpihte leh akiang a om tengteng kiang ah, “Na lak ua om gamdang pathiante koihmang unla, kihihsiangthou unla, na puansilhte uh kheng un. 3I thou ding ua, Bethel ah i paitou ding uh. Ka lungzin lai a hon dawng, ka paina a ka kiang a om zel Pathian a ding in maitam ka doh ding,” achi hi. 4Huchi in gamdang pathiante akhut ua om tengteng leh abil ua bilbah abah tengteng uh Jakob kiang ah apekhe vek uhi. Jakob in Shekem kho kiang a tosaw nuai ah aphum hi.
5Apai ua, akim ua khuate'n alau mahmah ua, Jakob tapate adelh kei uhi. 6Jakob leh akiang a om tengteng toh, Kanaan gam a om Luz khua, huai Bethel kichi atung a, 7huai ah maitam adoh a, a-u a kipan ataimang lai a, akiang a Pathian akilak ziak in huai mun min El-bethel asa hi. 8Huan Rebekah donnu Deborah asi a, Bethel khang a tosaw nuai ah avui ua; tosaw min Allon-bakuth asa uhi.
9Padan-aram gam a kipan Jakob ahong tun in akiang ah Pathian akilak nawn a, avualzawl hi. 10Pathian in akiang ah, “Na min Jakob ahi a; na min Jakob ahi nawn kei ding a, na min Israel ahi zawta ding,” achi hi. Huchi in amin Israel asata hi. 11Pathian mah in akiang ah, “Kei Pathian Bangkim hihthei ka hi. Chi tampi suang in hong pung in. Nam, chih tham ngial leh nam tuamtuam omkhawmte leng nang ah ahong om ding ua, na khal a kipan kumpipate leng ahong pawt ding uhi. 12Abraham leh Isak kiang a ka gam piak na kiang ah ka hon pe ding. Na om louh nung chiang in na suante kiang ah leng gam ka pe zel ding,” achi hi. 13Pathian in ahoupihna mun a kipan Jakob apaitouh santa hi. 14Ahoupihna mun ah Jakob in suangkhuam aphut a; atung ah dawn thillat abuak a, atung ah sathau leng abuak hi. 15Jakob in Pathian in ahoupihna mun min Bethel asa hi.
Rakil Sihna
16Bethel a kipan apaikhia ua; Ephrath kho tunna ding gamlatak ahih lai in Rakil in nau avei a, anak vei mahmah hi. 17Huan hichi ahong hi a, agim laitak in naudommi'n, “Lau ke'n, tapa nei nawn ding na hi,” achi hi. 18Huan hichi ahong hi a, alaitah ding kuan in, (amah lah si dek ahi ngal a), amin Ben-oni asa a; himahleh apa'n Benjamin asa hi.
19Rakil asita a, Ephrath lampi ah avui uh; huai Ephrath khua Bethlehem ahi. 20Ahan tung ah Jakob in suang aphut a; huai tuni tan in Rakil hansuang ahiden hi. 21Israel apai zel a, Migdol Eder khen lam ah apuanin akai hi.
Jakob Tapate
(1 Kro 2.1,2)
22Huan hichi ahong hi a, Israel huai gam a a-om lai in Reuben in apa mei Bilhah ava kithuahpih a; Israel in huai aza hi. 23Jakob tapate sawm-le-nih ahi uh. Leah tapate Reuben (Jakob tapa upapen), Simeon, Levi, Judah, Issakar leh Zebulun ahi uh. 24Rakil tapate Joseph leh Benjamin ahi uh. 25Rakil sikhanu Bilhah tapate Dan leh Naphtali ahi uh. 26Leah sikhanu Zilpah tapate Gad leh Asher ahi ua; hiaite Jakob tapa, Padan-aram gam a aneihte ahi uhi.
Isak Sihna
27Kiriath-arba a Abraham leh Isak omna Mamre ah apa Isak kiang ah Jakob atungta a; Kiriath-arba khua Hebron leng kichi ahi. 28Isak damsung kum zakhat-le-sawmgiat ahi. 29Isak in akha akhahta a, upapi tekkun a dam in asi a, huan achipihte kiang ah pi in a-omta hi. Atapate Esau leh Jakob in amah avui uhi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.