GENESIS 32
32
Esau Tuak Ding In Jakob Akisakhol
1Jakob apai zel a, Pathian angelte'n ana tuak uhi. 2Jakob in amaute amuh in, “Hiai Pathian giahphual ahi,” achi a; huai mun Mahanaim asa hi.
3Jakob in Edom gam, tua Seir gam ah ama ah thangkoute Esau kiang ah asawl hi. 4Akiang uah ka toupa Esau kiang ah hichi in na gen ding uh, “Na sikha Jakob in hichi in achi: Laban kiang ah mikhual ka hi a, tutan ka om nilouh hi. 5Bawngtalte, sabiltungte leh belamte, sikhapate leh sikhanute ka nei hi. Na mitmuh a deihsakna ka tan theihna ding a ka toupa hilh ding in mite ka hon sawl hi,” chi in.
6Jakob kiang ah thangkoute ahong kik nawn ua, “Na u Esau kiang ka va tung ua, mi zali toh nang dawn ding in ahong pai hi,” chi in agen uhi. 7Jakob in alau mahmah a, alungkhamta hi. Akiang a mi omte, belamhonte, bawnghonte leh sangawngsaute pawl nih in akhen hi. 8“Esau ahong pai a, pawl khat athahleh leng taimang thei ding pawl khat om lai,” achi hi. 9Jakob mah in, “Aw ka pa Abraham' Pathian, ka pa Isak' Pathian, Toupa, na gam ah leh na tanaute kiang ah pai nawnta in, ka hon hihhoih ding hon chipa, 10na sikha tung a hehpihna na muhsakleh thutak tengteng na muhsak lak a, aneupen leng mu tak ka hi kei. Hiai Jordan lui ka chiangkhun kia toh ka kan a; tu in zaw pawl nih hial ka hong hita uhi. 11Hehpih in ka u khut a kipan, Esau khut a kipan, hon humbit in. Huchi lou in zaw kei leh numei naupangte tan in ahon that kha ding, chih ka lau hi. 12Nang ka hon hihhoih ngeingei ding a, na suante tuipi a piaunel sim zoh louh tan hial a atam bang in ka bawl ding na hon chi ngal a,” achi hi.
13Huai zan in huai ah agiakta a; aneihte lak a kipan a-u Esau a ding thilpiak alakhia hi. 14Kelpi zanih, keltal sawmnih, belampi zanih leh belampa sawmnih, 15sangawngsau zat lai sawmthum anoute toh, bawngpi sawmli leh bawngtal sawmkhat, sabiltungpi sawmnih leh sabiltungnou sawmkhat. 16Hiaite pawl chih atuam chiat in asikhate khut ah akemsak a, asikhate kiang ah, “Ka ma ah pai galkah unla, pawl chih kal neisak zel un,” achi hi. 17Amakaipa kiang ah, “Ka u Esau in ahon tuah a, na kiang a, kua na hia? Koi a hoh dek na hia? Na ma a om kuate ahi ua? chi a ahon dotleh, 18‘Na sikha Jakob a ahi ua; hiaite ka pu Esau, nang ka toupa a ding a ahon khak thilpiakte ahi uh. Ngai in, amah ka nung uah a-om,’ na chi ding,” chi in thu apia hi. 19Anihna leh athumna leh ganhon hawlte tengteng kiang ah leng, “Esau na muh chiang un huchibang mah in na gen ding uh. 20‘Ngai in, na sikha Jakob ka nung uah a-om,’ chi chiat un,” chi in thu ape chiat hi. “Thilpiak ka ma ah paileh alung ka damsak ding a, huai nung in amel ka mu ding. Huchi in ahon na kipahpih ding,” achi hi. 21Huchi in thilpiak ama ah apai masasak a; amah huai zan in apawlte lak ah agiak hi.
Peniel Ah Jakob In Pathian Abuan
22Zan in athou a, azi nihte leh asikhanu nihte leh atapa sawm-le-khatte api a, Jabbok lui ngahna ah akanta hi. 23Amaute api a, lui akan ua, aneih tengteng leng akansak vek hi. 24Jakob amah kia in a-omta a, mi khat toh phalvak tan akibuan uhi. 25Azou kei chih akitheih in Jakob pheipi guhtuah akhoihsak a, akibuan lai un Jakob pheipi guhtuah akilawita hi. 26Ama'n, “Hon khah in, phalvak ding ahita,” achi hi. Huchi in ama'n, “N'on vualzawl keileh ka hon khah kei ding,” achi hi.
27Ama'n akiang ah, “Na min bang ahia?” achi a; ama'n, “Jakob,” achi hi.
28Ama'n, “Na min Jakob ahi nawn kei ding a, Israel ahon chi zawta ding uh: Pathian leh mihingte na buan a, na zouta ngal a,” achi hi.
29Jakob in amah adong a, “Hehpih in na min hon hilh in,” achi hi. Ama'n, “Bangziak in ahia ka min na hon dot?” achi hi. Huchi in huai ah avualzawlta hi.
30Jakob in huai mun min, “Peniel,” asa hi. “Pathian amai chin mahmah ah ka mu a; ka hinna ahawi ziak in,” achi hi. 31Peniel akhen lai in, ni ahong suak a, amah ahon sun a, apheipi ziak in abaita hi. 32Huaiziak in Jakob pheipi guhtuah a sadual tak akhoihsak ziak in, tuni tanpha Israel suante'n pheipi guhtuah a sadual om ane ngei kei uhi.
ទើបបានជ្រើសរើសហើយ៖
GENESIS 32: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 32
32
Esau Tuak Ding In Jakob Akisakhol
1Jakob apai zel a, Pathian angelte'n ana tuak uhi. 2Jakob in amaute amuh in, “Hiai Pathian giahphual ahi,” achi a; huai mun Mahanaim asa hi.
3Jakob in Edom gam, tua Seir gam ah ama ah thangkoute Esau kiang ah asawl hi. 4Akiang uah ka toupa Esau kiang ah hichi in na gen ding uh, “Na sikha Jakob in hichi in achi: Laban kiang ah mikhual ka hi a, tutan ka om nilouh hi. 5Bawngtalte, sabiltungte leh belamte, sikhapate leh sikhanute ka nei hi. Na mitmuh a deihsakna ka tan theihna ding a ka toupa hilh ding in mite ka hon sawl hi,” chi in.
6Jakob kiang ah thangkoute ahong kik nawn ua, “Na u Esau kiang ka va tung ua, mi zali toh nang dawn ding in ahong pai hi,” chi in agen uhi. 7Jakob in alau mahmah a, alungkhamta hi. Akiang a mi omte, belamhonte, bawnghonte leh sangawngsaute pawl nih in akhen hi. 8“Esau ahong pai a, pawl khat athahleh leng taimang thei ding pawl khat om lai,” achi hi. 9Jakob mah in, “Aw ka pa Abraham' Pathian, ka pa Isak' Pathian, Toupa, na gam ah leh na tanaute kiang ah pai nawnta in, ka hon hihhoih ding hon chipa, 10na sikha tung a hehpihna na muhsakleh thutak tengteng na muhsak lak a, aneupen leng mu tak ka hi kei. Hiai Jordan lui ka chiangkhun kia toh ka kan a; tu in zaw pawl nih hial ka hong hita uhi. 11Hehpih in ka u khut a kipan, Esau khut a kipan, hon humbit in. Huchi lou in zaw kei leh numei naupangte tan in ahon that kha ding, chih ka lau hi. 12Nang ka hon hihhoih ngeingei ding a, na suante tuipi a piaunel sim zoh louh tan hial a atam bang in ka bawl ding na hon chi ngal a,” achi hi.
13Huai zan in huai ah agiakta a; aneihte lak a kipan a-u Esau a ding thilpiak alakhia hi. 14Kelpi zanih, keltal sawmnih, belampi zanih leh belampa sawmnih, 15sangawngsau zat lai sawmthum anoute toh, bawngpi sawmli leh bawngtal sawmkhat, sabiltungpi sawmnih leh sabiltungnou sawmkhat. 16Hiaite pawl chih atuam chiat in asikhate khut ah akemsak a, asikhate kiang ah, “Ka ma ah pai galkah unla, pawl chih kal neisak zel un,” achi hi. 17Amakaipa kiang ah, “Ka u Esau in ahon tuah a, na kiang a, kua na hia? Koi a hoh dek na hia? Na ma a om kuate ahi ua? chi a ahon dotleh, 18‘Na sikha Jakob a ahi ua; hiaite ka pu Esau, nang ka toupa a ding a ahon khak thilpiakte ahi uh. Ngai in, amah ka nung uah a-om,’ na chi ding,” chi in thu apia hi. 19Anihna leh athumna leh ganhon hawlte tengteng kiang ah leng, “Esau na muh chiang un huchibang mah in na gen ding uh. 20‘Ngai in, na sikha Jakob ka nung uah a-om,’ chi chiat un,” chi in thu ape chiat hi. “Thilpiak ka ma ah paileh alung ka damsak ding a, huai nung in amel ka mu ding. Huchi in ahon na kipahpih ding,” achi hi. 21Huchi in thilpiak ama ah apai masasak a; amah huai zan in apawlte lak ah agiak hi.
Peniel Ah Jakob In Pathian Abuan
22Zan in athou a, azi nihte leh asikhanu nihte leh atapa sawm-le-khatte api a, Jabbok lui ngahna ah akanta hi. 23Amaute api a, lui akan ua, aneih tengteng leng akansak vek hi. 24Jakob amah kia in a-omta a, mi khat toh phalvak tan akibuan uhi. 25Azou kei chih akitheih in Jakob pheipi guhtuah akhoihsak a, akibuan lai un Jakob pheipi guhtuah akilawita hi. 26Ama'n, “Hon khah in, phalvak ding ahita,” achi hi. Huchi in ama'n, “N'on vualzawl keileh ka hon khah kei ding,” achi hi.
27Ama'n akiang ah, “Na min bang ahia?” achi a; ama'n, “Jakob,” achi hi.
28Ama'n, “Na min Jakob ahi nawn kei ding a, Israel ahon chi zawta ding uh: Pathian leh mihingte na buan a, na zouta ngal a,” achi hi.
29Jakob in amah adong a, “Hehpih in na min hon hilh in,” achi hi. Ama'n, “Bangziak in ahia ka min na hon dot?” achi hi. Huchi in huai ah avualzawlta hi.
30Jakob in huai mun min, “Peniel,” asa hi. “Pathian amai chin mahmah ah ka mu a; ka hinna ahawi ziak in,” achi hi. 31Peniel akhen lai in, ni ahong suak a, amah ahon sun a, apheipi ziak in abaita hi. 32Huaiziak in Jakob pheipi guhtuah a sadual tak akhoihsak ziak in, tuni tanpha Israel suante'n pheipi guhtuah a sadual om ane ngei kei uhi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.