GENESIS 31
31
Jakob In Laban Ataisan
1Huan Laban tapate'n, “Jakob in i pa neihsate lamang in, i pa neihsa a kipan hiai thupina tengteng amu,” achih uh Jakob in ana zata hi. 2Jakob in Laban mel a-en a, ngai in, tuma lam bang in atung ah ahoih nawn kei chih athei hi. 3Toupa'n Jakob kiang ah, “Na pipute gam ah leh na tanaute kiang ah pai nawnta in. Na kiang a om ding ka hi,” achi hi.
4Jakob in mi asawl a, gamlak a aganhon omna ah Rakil leh Leah asamsak a, akiang uah, 5“Na pa uh mel ka muh in, tuma lam bang in ka tung ah ahoih nawn kei chih ka thei hi. Himahleh ka kiang ah ka pa' Pathian a-om hi. 6Ka theihtawp in na pa uh nna ka sem chih na thei uh. 7Himahleh na pa un hon khem a, ka loh lah sawmveitak ahihlamdang a; himahleh Pathian in ka siatna ding akhoih aphal kei hi. 8Gial petmah a gialte na loh ahi ding, achihleh, ganta tengteng in gial petmah a gialte anei uh. Agialte na loh ahi ding achihleh, ganta tengteng in agialte anei zel uhi. 9Huchibang in Pathian in na pa gantate alaksak a, kei ahon peta hi.
10“Huan hichi ahong hi a, gantate agai pat lai un, ka mang in ka dak a, ngai in, apa, ganhonte, agialte, gial petmah a gialte, agial a gial iik-iakte ahi uh chih ka mu hi. 11Ka mang in Pathian angel in, ‘Jakob,’ hon chi a; ke'n, ‘hiai ah ka om’ ka chi hi. 12Ama'n, ‘dak inla, en in, apa gantate tengteng agialte, gial petmah a gialte, agial a gial iik-iakte ahi uh. Laban in na tung a athilhih tengteng ka mu hi. 13Kei, suangphuh a sathau na nilh a, ka kiang a thu na chiamna Bethel, huai Bethel Pathian ka hi. Tu in thou inla, hiai gam a kipan pawt inla, na pianna gam ah pai nawnta in,’ ” achi hi.
14Rakil leh Leah in adawng ua, akiang ah, “Ka pa uh inn ah koute a ding in tantuan leh gouluah ding a-om lailai a hia? 15Ama'n mikhual bang lel a hon sim hita lou maw? Ahon khawng khinta a, ka man uh lah ane khinta hi. 16Pathian in ka pa uh hauhna alaksak tengteng ei leh i tate a ahi. Pathian in na kiang a agen peuhmah hih in,” achi uhi.
17Jakob athou a, sangawngsau tung ah atapate leh azite atuangsak hi. 18Kanaan gam a apa Isak kiang a pai ding in aganta tengteng leh alamkhiak tengteng, aganta muhte, Padan-aram gam a akholte apaipih vek hi. 19Laban, abelam mulmet ding in apawtkhia a; huan Rakil in apa milimte aguksak hi. 20Siria mi Laban theih louh kal in Jakob in aguk paimangsan a, apaimangsan ding thu ahilh kei hi. 21Huchi in aneih tengteng toh ataikheta hi. Athou a, Luipi akan a, Gilead tang lam zuan in apaita hi.
Laban In Jakob Anungdelh
22Ani thum ni in Jakob ataikhia chih Laban ahilh uh. 23Asanggamte api a, ni sagih lam tan adelh a; Gilead tang ah adelhphata hi. 24Siria mi Laban kiang ah zan in amang in Pathian ahong a, akiang ah, “Jakob kiang ah asia hi in apha hitaleh bangmah gen lou ding in pilvang in,” achi hi. Laban in Jakob adelhphata hi. 25Jakob in tang ah apuanin akai khin a; Laban in leng asanggamte toh Gilead tang ah akai uhi.
26Laban in Jakob kiang ah, “Na thilhih bangchidan ahia oi? Ka theih louh kal a na guk paimang a, namsau a lak salte bang mai a ka tanute na pimang? 27Bangziak a hon taimangsan a, hon guk paisan a, nopsaknate toh, late toh, khuangtate toh, kaihgingte toh ka hon khaktheihna ding a na hon hilh louh? 28Ka tute leh ka tanute ka tawp na phal kei. Haihuaitak in thil na hih hi. 29Hon hihse thei ka hi a; himahleh na pa Pathian in tuzan in, ‘Jakob kiang ah asia, apha bangmah gen lou ding in pilvang in,’ chi in hon houpih hi. 30Na pa inn na ngaih mahmah tak ziak a, pai ut hi tawk lechin leng bang ding a ka pathiante hon guksak na hia?” achi hi.
31Jakob in adawng a, Laban kiang ah, “Ka lauh ziak ahi. Na tanute kei a pan na hon suhsak kha ding ka chi a ahi. 32Kuapeuh tung a na pathiante na muhna ahing kei ding. I unaute mitmuh in nang thilte ka kiang a om a-omleh, enchian inla, la in,” achi hi. Rakil in huaite na gu ahih lam Jakob in athei ngal kei a.
33Jakob puaninte ah, Leah puaninte ah leh sikhanu nihte puaninte ah Laban alut a; himahleh amu kei. Leah puanin a kipan apawtkhia a, Rakil puanin ah alut hi. 34Rakil in milimte ana la a, sangawngsau van lak ah ana koih a, ana tutkhum hi. Laban in apuanin sung tengteng amaisuak vek a, himahleh amu kei hi. 35Ama'n apa kiang ah, “Na ma a ka din ngap louh ziak in ka toupa, heh ke'n aw; numei omdan ngeina ka tung a a-om laitak ahi ngal a,” achi hi. Azongzong a, himahleh milimte amuzouta kei hi.
36Huchi in Jakob aheh a, Laban asalta hi. Jakob in Laban kiang ah, “Ka tatlekna bang ahia? Ka khelhna bang hi ahia, na hon hichi delh kin? 37Ka vante teng na pheklek nung in, na insung van bang na mu a? Ei gel kal a thu akhentheihna ding un ka unaute leh nang unaute ma ah na muh pen hon koihkhia in. 38Kum sawmnih vingveng na kiang ah ka omta a; na belampite leh na kelpite'n nou aneikhial ngei kei uh. Na belamhonte lak a apate leng ka ne ngei kei. 39Gamsa keih leng na kiang ah ka hon tun ngei ngal kei a: amangte sik in ke'n ka thuak zaw zel a; sun a guk hiam, zan a guk hiam lah ka dit na hon phut gige zomah hi. 40Hichibang in ka om zel a; sun nisa leh zan khovot in hon hihgim thei mahmah a; ihmut leng ka mu ngei kei. 41Kum sawmnih sung teng na inn ah ka om a; na tanu nihte loh ding in kum sawm-le-li na nna ka sem a, na gante loh ding in kum guk ka sem nawn a; ka loh sawmvei na hihlamdang hi. 42Ka pa' Pathian, Abraham' Pathian leh Isak' Pathian lauhna ka kiang a om lou hileh houh, tu'n vuaktang lel a hon paisak ngeingei ding na hi. Pathian in ka haksat thuakdan leh ka sepgimdan amu a, tuzan a nang hon sal ahi,” achi hi.
Jakob Leh Laban Kithukimna
43Laban in adawng a, Jakob kiang ah, “Hiai tanute ka tanute ahi ua, hiai naupangte ka naupangte ahi uh. Hiai gante kei gante ahi ua, na muh tengteng kei a vek ahi uh. Tuni in hiai ka tanute tung ah leh ata neihte uh tung ah bang ka hihthei dia? 44Kisa in, kei leh nang in thukhun i bawl ding; kei leh nang kikal ah theihpihna hi hen,” achi hi.
45Huchi in Jakob in suang ala a, suangphuh in aphut hi. 46Jakob in atanaute kiang ah, “Suang lakhawm un,” achi hi. Suang ala ua, achiangkhawm ua, asuang chiankhawm kiang ah an ane uhi. 47Laban in huai suang chiankhawm, Jegar-sahadutha asa a; Jakob in bel Galeed asa hi. 48Laban in, “Hiai suang chiankhawm tu in kei leh nang kikal ah theihpihtu ahi,” achi hi. Huaiziak in amin Galeed chih ahita hi. 49“Kikhen a i om hun chiang in Toupa'n hon veng tuaktuak hen,” achih ziak in Mizpah leng achi hi. 50“Ka tanute na sukgentheih a, ka tanute lou zi dang na neihleh, ka tanute chih louh kuamah i kiang ah a-om kei na ua, en in, Pathian, kei leh nang kal hon theihpihpa ahi,” achi ngal hi. 51Laban mah in, “Hiai suang chiankhawm en inla, keimah leh nangmah kikal a ka phuh, suangphuh leng en in. 52Poi kikhoihsak ding in, kei hiai suang pel in na kiang ah ka hong pai kei ding, chih leh nang leng hiai suang chiankhawm leh hiai suangphuh pel in ka kiang ah na hong pai kei ding, chih, hiai suang chiankhawm atheihpihtu hi henla, hiai suangphuh leng atheihpihtu mah hi hen. 53Abraham' Pathian, Nahor Pathian, apa uh Pathian in i kal ah thu khen hen,” achi hi. Huchi in Jakob in apa Isak lauhpa min lou in akichiamta hi. 54Jakob in tang ah kithoihna alan a, atanaute tanghou ne ding in asamkhawm a; tanghou ane ua, tang ah agiak chiat uhi. 55Zingsang in beltak in Laban athou a, atute leh atanute atawp a, avualzawl hi. Laban apaikhia a, amah omna ah akik nawnta hi.
ទើបបានជ្រើសរើសហើយ៖
GENESIS 31: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 31
31
Jakob In Laban Ataisan
1Huan Laban tapate'n, “Jakob in i pa neihsate lamang in, i pa neihsa a kipan hiai thupina tengteng amu,” achih uh Jakob in ana zata hi. 2Jakob in Laban mel a-en a, ngai in, tuma lam bang in atung ah ahoih nawn kei chih athei hi. 3Toupa'n Jakob kiang ah, “Na pipute gam ah leh na tanaute kiang ah pai nawnta in. Na kiang a om ding ka hi,” achi hi.
4Jakob in mi asawl a, gamlak a aganhon omna ah Rakil leh Leah asamsak a, akiang uah, 5“Na pa uh mel ka muh in, tuma lam bang in ka tung ah ahoih nawn kei chih ka thei hi. Himahleh ka kiang ah ka pa' Pathian a-om hi. 6Ka theihtawp in na pa uh nna ka sem chih na thei uh. 7Himahleh na pa un hon khem a, ka loh lah sawmveitak ahihlamdang a; himahleh Pathian in ka siatna ding akhoih aphal kei hi. 8Gial petmah a gialte na loh ahi ding, achihleh, ganta tengteng in gial petmah a gialte anei uh. Agialte na loh ahi ding achihleh, ganta tengteng in agialte anei zel uhi. 9Huchibang in Pathian in na pa gantate alaksak a, kei ahon peta hi.
10“Huan hichi ahong hi a, gantate agai pat lai un, ka mang in ka dak a, ngai in, apa, ganhonte, agialte, gial petmah a gialte, agial a gial iik-iakte ahi uh chih ka mu hi. 11Ka mang in Pathian angel in, ‘Jakob,’ hon chi a; ke'n, ‘hiai ah ka om’ ka chi hi. 12Ama'n, ‘dak inla, en in, apa gantate tengteng agialte, gial petmah a gialte, agial a gial iik-iakte ahi uh. Laban in na tung a athilhih tengteng ka mu hi. 13Kei, suangphuh a sathau na nilh a, ka kiang a thu na chiamna Bethel, huai Bethel Pathian ka hi. Tu in thou inla, hiai gam a kipan pawt inla, na pianna gam ah pai nawnta in,’ ” achi hi.
14Rakil leh Leah in adawng ua, akiang ah, “Ka pa uh inn ah koute a ding in tantuan leh gouluah ding a-om lailai a hia? 15Ama'n mikhual bang lel a hon sim hita lou maw? Ahon khawng khinta a, ka man uh lah ane khinta hi. 16Pathian in ka pa uh hauhna alaksak tengteng ei leh i tate a ahi. Pathian in na kiang a agen peuhmah hih in,” achi uhi.
17Jakob athou a, sangawngsau tung ah atapate leh azite atuangsak hi. 18Kanaan gam a apa Isak kiang a pai ding in aganta tengteng leh alamkhiak tengteng, aganta muhte, Padan-aram gam a akholte apaipih vek hi. 19Laban, abelam mulmet ding in apawtkhia a; huan Rakil in apa milimte aguksak hi. 20Siria mi Laban theih louh kal in Jakob in aguk paimangsan a, apaimangsan ding thu ahilh kei hi. 21Huchi in aneih tengteng toh ataikheta hi. Athou a, Luipi akan a, Gilead tang lam zuan in apaita hi.
Laban In Jakob Anungdelh
22Ani thum ni in Jakob ataikhia chih Laban ahilh uh. 23Asanggamte api a, ni sagih lam tan adelh a; Gilead tang ah adelhphata hi. 24Siria mi Laban kiang ah zan in amang in Pathian ahong a, akiang ah, “Jakob kiang ah asia hi in apha hitaleh bangmah gen lou ding in pilvang in,” achi hi. Laban in Jakob adelhphata hi. 25Jakob in tang ah apuanin akai khin a; Laban in leng asanggamte toh Gilead tang ah akai uhi.
26Laban in Jakob kiang ah, “Na thilhih bangchidan ahia oi? Ka theih louh kal a na guk paimang a, namsau a lak salte bang mai a ka tanute na pimang? 27Bangziak a hon taimangsan a, hon guk paisan a, nopsaknate toh, late toh, khuangtate toh, kaihgingte toh ka hon khaktheihna ding a na hon hilh louh? 28Ka tute leh ka tanute ka tawp na phal kei. Haihuaitak in thil na hih hi. 29Hon hihse thei ka hi a; himahleh na pa Pathian in tuzan in, ‘Jakob kiang ah asia, apha bangmah gen lou ding in pilvang in,’ chi in hon houpih hi. 30Na pa inn na ngaih mahmah tak ziak a, pai ut hi tawk lechin leng bang ding a ka pathiante hon guksak na hia?” achi hi.
31Jakob in adawng a, Laban kiang ah, “Ka lauh ziak ahi. Na tanute kei a pan na hon suhsak kha ding ka chi a ahi. 32Kuapeuh tung a na pathiante na muhna ahing kei ding. I unaute mitmuh in nang thilte ka kiang a om a-omleh, enchian inla, la in,” achi hi. Rakil in huaite na gu ahih lam Jakob in athei ngal kei a.
33Jakob puaninte ah, Leah puaninte ah leh sikhanu nihte puaninte ah Laban alut a; himahleh amu kei. Leah puanin a kipan apawtkhia a, Rakil puanin ah alut hi. 34Rakil in milimte ana la a, sangawngsau van lak ah ana koih a, ana tutkhum hi. Laban in apuanin sung tengteng amaisuak vek a, himahleh amu kei hi. 35Ama'n apa kiang ah, “Na ma a ka din ngap louh ziak in ka toupa, heh ke'n aw; numei omdan ngeina ka tung a a-om laitak ahi ngal a,” achi hi. Azongzong a, himahleh milimte amuzouta kei hi.
36Huchi in Jakob aheh a, Laban asalta hi. Jakob in Laban kiang ah, “Ka tatlekna bang ahia? Ka khelhna bang hi ahia, na hon hichi delh kin? 37Ka vante teng na pheklek nung in, na insung van bang na mu a? Ei gel kal a thu akhentheihna ding un ka unaute leh nang unaute ma ah na muh pen hon koihkhia in. 38Kum sawmnih vingveng na kiang ah ka omta a; na belampite leh na kelpite'n nou aneikhial ngei kei uh. Na belamhonte lak a apate leng ka ne ngei kei. 39Gamsa keih leng na kiang ah ka hon tun ngei ngal kei a: amangte sik in ke'n ka thuak zaw zel a; sun a guk hiam, zan a guk hiam lah ka dit na hon phut gige zomah hi. 40Hichibang in ka om zel a; sun nisa leh zan khovot in hon hihgim thei mahmah a; ihmut leng ka mu ngei kei. 41Kum sawmnih sung teng na inn ah ka om a; na tanu nihte loh ding in kum sawm-le-li na nna ka sem a, na gante loh ding in kum guk ka sem nawn a; ka loh sawmvei na hihlamdang hi. 42Ka pa' Pathian, Abraham' Pathian leh Isak' Pathian lauhna ka kiang a om lou hileh houh, tu'n vuaktang lel a hon paisak ngeingei ding na hi. Pathian in ka haksat thuakdan leh ka sepgimdan amu a, tuzan a nang hon sal ahi,” achi hi.
Jakob Leh Laban Kithukimna
43Laban in adawng a, Jakob kiang ah, “Hiai tanute ka tanute ahi ua, hiai naupangte ka naupangte ahi uh. Hiai gante kei gante ahi ua, na muh tengteng kei a vek ahi uh. Tuni in hiai ka tanute tung ah leh ata neihte uh tung ah bang ka hihthei dia? 44Kisa in, kei leh nang in thukhun i bawl ding; kei leh nang kikal ah theihpihna hi hen,” achi hi.
45Huchi in Jakob in suang ala a, suangphuh in aphut hi. 46Jakob in atanaute kiang ah, “Suang lakhawm un,” achi hi. Suang ala ua, achiangkhawm ua, asuang chiankhawm kiang ah an ane uhi. 47Laban in huai suang chiankhawm, Jegar-sahadutha asa a; Jakob in bel Galeed asa hi. 48Laban in, “Hiai suang chiankhawm tu in kei leh nang kikal ah theihpihtu ahi,” achi hi. Huaiziak in amin Galeed chih ahita hi. 49“Kikhen a i om hun chiang in Toupa'n hon veng tuaktuak hen,” achih ziak in Mizpah leng achi hi. 50“Ka tanute na sukgentheih a, ka tanute lou zi dang na neihleh, ka tanute chih louh kuamah i kiang ah a-om kei na ua, en in, Pathian, kei leh nang kal hon theihpihpa ahi,” achi ngal hi. 51Laban mah in, “Hiai suang chiankhawm en inla, keimah leh nangmah kikal a ka phuh, suangphuh leng en in. 52Poi kikhoihsak ding in, kei hiai suang pel in na kiang ah ka hong pai kei ding, chih leh nang leng hiai suang chiankhawm leh hiai suangphuh pel in ka kiang ah na hong pai kei ding, chih, hiai suang chiankhawm atheihpihtu hi henla, hiai suangphuh leng atheihpihtu mah hi hen. 53Abraham' Pathian, Nahor Pathian, apa uh Pathian in i kal ah thu khen hen,” achi hi. Huchi in Jakob in apa Isak lauhpa min lou in akichiamta hi. 54Jakob in tang ah kithoihna alan a, atanaute tanghou ne ding in asamkhawm a; tanghou ane ua, tang ah agiak chiat uhi. 55Zingsang in beltak in Laban athou a, atute leh atanute atawp a, avualzawl hi. Laban apaikhia a, amah omna ah akik nawnta hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.