GENESIS 30
30
1Rakil in Jakob ta himhim aneihsak kei chih akitheih in asanggamnu ahazata hi. Jakob kiang ah, “Tate hon pia in, huchi ahihkeileh ka si ding,” achi hi.
2Rakil tung ah Jakob aheh a, “Gilgah hon pe lou Pathian bang ka hi a hia?” achi hi.
3Ama'n, “En in, ka sikhanu Bilhah kithuahpih in. Huchi a ke'n leng amah a kipan tate ka neih sam theihna ding in ka phei tung ah ta ka hon nei ding hi,” achi hi. 4Huan azi ding in asikhanu Bilhah apia a, Jakob in amah ana kithuahpih hi. 5Bilhah agai a, Jakob ta aneihsakta hi. 6Rakil in, “Pathian in hon ngaihtuah a, ka aw leng aza, tapa ahon pia,” achi hi. Huaiziak in amin Dan asa hi. 7Rakil sikhanu Bilhah agai nawn a, Jakob tapa dang aneihsak nawn hi. 8Rakil in, “Nakpitak in ka sanggamnu ka buan a, ka zouta,” achi a; amin Naphtali asa hi.
9Leah in ta dang anei nawn kei chih akitheih in, asikhanu Zilpah api a, azi ding in Jakob kiang ah apia hi. 10Huan Leah sikhanu Zilpah in Jakob tapa aneihsak hi. 11Leah in, “Vangphathuai ei,” achi a; amin Gad asa hi. 12Leah sikhanu Zilpah in Jakob tapa dang aneihsak nawn hi. 13Leah in, “Hampha hi na tel ing e! Numeite'n hampha hon chi ding uh ei ve,” achi a, amin Asher asa hi.
14Buh lak hun lai in Reuben in gamlak ah zawl-ai ava mu a; anu Leah kiang ah hon tawi hi. Rakil in Leah kiang ah, “Hehpih in na tapa zawl-ai akhen hon pe dih ve,” achi hi.
15Ama'n akiang ah, “Ka pasal na hon suhsak thil namai ahi hia? Ka tapa zawl-ai leng hon suhsak na tum nawn lai maw?” achi hi. Rakil in, “Na tapa' zawl-ai sik in tuzan nang ahon kithuahpih ding,” achi hi.
16Nitaklam in Jakob gamlak a kipan ahong tung a, adawn ding in Leah akuan a, “N'on kithuahpih ding ahi. Ka tapa zawl-ai in ka hon guaita ngal a,” achi hi. Huai zan in amah akithuahpih hi.
17Pathian in Leah thumna angaikhia a, agai a, Jakob tapa ngana aneihsak nawn hi. 18Leah in, “Ka sikhanu ka pasal kiang a ka piak ziak in Pathian in ka loh hon pia ei ve,” achi a; amin Issakar asa hi. 19Leah agai nawn a, Jakob tapa gukna aneihsak nawn hi. 20Leah in, “Pathian in thil hoihtak hon neisak a; tu in zaw ka pasal tapa guk ka neihsak tak ziak in, ka kiang ah atengta ding,” achi a; amin Zebulun asa hi. 21Huai nung in tanu anei nawn a, amin Dinah asa hi.
22Pathian in Rakil atheigige a, Pathian in athumna angaikhia a, asul ahonsak hi. 23Amah agai a, tapa anei a, “Pathian in ka minsia alamangta,” achi hi. 24“Toupa'n tapa dang hon piakbeh ding,” chi in amin Joseph asa hi.
Laban Kiang A Jakob Thilnget
25Huan hichi ahong hi a, Rakil in Joseph aneih nung in, Jakob in Laban kiang ah, “Kei ka omna ngei ah, ka gam ah hon paisakta in. 26Na nna ka sepsan ka zite leh ka tate hon pia inla, hon paisak in; na nna ka hon sepsakdan lah na thei ngal a,” achi hi.
27Laban in akiang ah, “Na mitmuh a deihsakna ka tanleh hehpih in om tadih lai ve. nang vang in Toupa'n kei ahon vualzawl, chih ka thiltuahte a kipan in ka sinkhia hi,” achi hi. 28Amah mah in, “Na thaman ding gen inla, hon hilh dih, ka hon pe ding,” achi hi.
29Ama'n akiang ah, “Bangchi in na nna ka sem a, bangchi in ka kiang ah na gantate a-om ua, na thei akei hiam? 30Ka hong ma in tawmchik kia na nei a, tu'n zaw tampi ahong phata uh. Ka kalsuanna peuh ah Toupa'n nang hon vualzawl hi. Himahleh chikchiang in ahia ka inkuante a ding a ka sepkhiak sam ding?” achi hi.
31Ama'n, “Bang ka hon pe dia?” achi a. Jakob in, “Bangmah na hon piak ding ahi kei. Hiai thil na hon hihsakleh na gantate ka khah dia ka ching nawn ding hi. 32Tuni in na gantate ka va enkhe vek ding a, belam lak a, avom gial petmah a gial leh avom a gial zekzek leh avom peuhmah, kel lak a, akang a gial petmah agial leh akang a gial zekzekte huai a kipan ka pituam zel ding hi. Tuban huchibang a hong piang peuhmah ka loh ahita ding hi. 33Tunung a nang toh kal a ka thaman en ding a na hong pai hun chiang in, ka diktatna in ahon dawng mai ding. Kel lak a akang a gial petmah a gial lou leh akang a gial zekzek lou leh belam lak a avom lou ka kiang a na muh peuhmah ka guk in na sep mai ding,” achi hi.
34Laban in, “Ngai in, na gen bang geih in hi hen aw,” achi hi. 35Huai nitak in keltal akang a gial leh akang a gial zekzek teng leh kelnu akang gial petmah a gial leh akang a gial zekzek teng akanna om peuhmah, belam lak a avom tengteng toh apituam a, atapate khut ah apia hi. 36Amah leh Jakob kikal ah ni thum lam a-omsak a; Jakob in Laban ganhon dangte aching nawn hi.
37Jakob in hiangzau sing leh makha sing leh sesing chiang hing ala a, ahawng akhokngou chiat a, chiangte ah angoute akilangsak hi. 38Achiang hawng khohte ganhonte'n tui ahong dawnna zel tuikuangte ah, tui luannate ah leh gantate mazawn zel ah akoih hi; tui dawn ding a ahong pai chiang ua againa ding un. 39Gantate chiangte ma ah agai panta ua, agialte, gial petmah a gialte, agial zekzekte hon neikhia uhi.
40Jakob in belamnoute akoihtuam a, ganhonte Laban ganhon lak a, agial leh avom tengteng lam angasak zel a; amah ganhonte akoihtuam zel a, Laban ganhon lak ah akoih kei hi.
41Huan hichi ahong hi a, gannu hatzawte ahuk chiang un, agaitheihna ding un Jakob in tuiluanna ah, ganhonte mitmuh in chiangte akoih zel hi.
42Himahleh gannu hatloute mai ah akoih kei hi. Anou hatloute Laban a ahi ua, ahatte Jakob a ahi zel uhi. 43Jakob nakpi in ahong pung a, ganhon thupitak, sikhanute, sikhapate, sangawngsaute leh sabiltungte aneita hi.
ទើបបានជ្រើសរើសហើយ៖
GENESIS 30: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 30
30
1Rakil in Jakob ta himhim aneihsak kei chih akitheih in asanggamnu ahazata hi. Jakob kiang ah, “Tate hon pia in, huchi ahihkeileh ka si ding,” achi hi.
2Rakil tung ah Jakob aheh a, “Gilgah hon pe lou Pathian bang ka hi a hia?” achi hi.
3Ama'n, “En in, ka sikhanu Bilhah kithuahpih in. Huchi a ke'n leng amah a kipan tate ka neih sam theihna ding in ka phei tung ah ta ka hon nei ding hi,” achi hi. 4Huan azi ding in asikhanu Bilhah apia a, Jakob in amah ana kithuahpih hi. 5Bilhah agai a, Jakob ta aneihsakta hi. 6Rakil in, “Pathian in hon ngaihtuah a, ka aw leng aza, tapa ahon pia,” achi hi. Huaiziak in amin Dan asa hi. 7Rakil sikhanu Bilhah agai nawn a, Jakob tapa dang aneihsak nawn hi. 8Rakil in, “Nakpitak in ka sanggamnu ka buan a, ka zouta,” achi a; amin Naphtali asa hi.
9Leah in ta dang anei nawn kei chih akitheih in, asikhanu Zilpah api a, azi ding in Jakob kiang ah apia hi. 10Huan Leah sikhanu Zilpah in Jakob tapa aneihsak hi. 11Leah in, “Vangphathuai ei,” achi a; amin Gad asa hi. 12Leah sikhanu Zilpah in Jakob tapa dang aneihsak nawn hi. 13Leah in, “Hampha hi na tel ing e! Numeite'n hampha hon chi ding uh ei ve,” achi a, amin Asher asa hi.
14Buh lak hun lai in Reuben in gamlak ah zawl-ai ava mu a; anu Leah kiang ah hon tawi hi. Rakil in Leah kiang ah, “Hehpih in na tapa zawl-ai akhen hon pe dih ve,” achi hi.
15Ama'n akiang ah, “Ka pasal na hon suhsak thil namai ahi hia? Ka tapa zawl-ai leng hon suhsak na tum nawn lai maw?” achi hi. Rakil in, “Na tapa' zawl-ai sik in tuzan nang ahon kithuahpih ding,” achi hi.
16Nitaklam in Jakob gamlak a kipan ahong tung a, adawn ding in Leah akuan a, “N'on kithuahpih ding ahi. Ka tapa zawl-ai in ka hon guaita ngal a,” achi hi. Huai zan in amah akithuahpih hi.
17Pathian in Leah thumna angaikhia a, agai a, Jakob tapa ngana aneihsak nawn hi. 18Leah in, “Ka sikhanu ka pasal kiang a ka piak ziak in Pathian in ka loh hon pia ei ve,” achi a; amin Issakar asa hi. 19Leah agai nawn a, Jakob tapa gukna aneihsak nawn hi. 20Leah in, “Pathian in thil hoihtak hon neisak a; tu in zaw ka pasal tapa guk ka neihsak tak ziak in, ka kiang ah atengta ding,” achi a; amin Zebulun asa hi. 21Huai nung in tanu anei nawn a, amin Dinah asa hi.
22Pathian in Rakil atheigige a, Pathian in athumna angaikhia a, asul ahonsak hi. 23Amah agai a, tapa anei a, “Pathian in ka minsia alamangta,” achi hi. 24“Toupa'n tapa dang hon piakbeh ding,” chi in amin Joseph asa hi.
Laban Kiang A Jakob Thilnget
25Huan hichi ahong hi a, Rakil in Joseph aneih nung in, Jakob in Laban kiang ah, “Kei ka omna ngei ah, ka gam ah hon paisakta in. 26Na nna ka sepsan ka zite leh ka tate hon pia inla, hon paisak in; na nna ka hon sepsakdan lah na thei ngal a,” achi hi.
27Laban in akiang ah, “Na mitmuh a deihsakna ka tanleh hehpih in om tadih lai ve. nang vang in Toupa'n kei ahon vualzawl, chih ka thiltuahte a kipan in ka sinkhia hi,” achi hi. 28Amah mah in, “Na thaman ding gen inla, hon hilh dih, ka hon pe ding,” achi hi.
29Ama'n akiang ah, “Bangchi in na nna ka sem a, bangchi in ka kiang ah na gantate a-om ua, na thei akei hiam? 30Ka hong ma in tawmchik kia na nei a, tu'n zaw tampi ahong phata uh. Ka kalsuanna peuh ah Toupa'n nang hon vualzawl hi. Himahleh chikchiang in ahia ka inkuante a ding a ka sepkhiak sam ding?” achi hi.
31Ama'n, “Bang ka hon pe dia?” achi a. Jakob in, “Bangmah na hon piak ding ahi kei. Hiai thil na hon hihsakleh na gantate ka khah dia ka ching nawn ding hi. 32Tuni in na gantate ka va enkhe vek ding a, belam lak a, avom gial petmah a gial leh avom a gial zekzek leh avom peuhmah, kel lak a, akang a gial petmah agial leh akang a gial zekzekte huai a kipan ka pituam zel ding hi. Tuban huchibang a hong piang peuhmah ka loh ahita ding hi. 33Tunung a nang toh kal a ka thaman en ding a na hong pai hun chiang in, ka diktatna in ahon dawng mai ding. Kel lak a akang a gial petmah a gial lou leh akang a gial zekzek lou leh belam lak a avom lou ka kiang a na muh peuhmah ka guk in na sep mai ding,” achi hi.
34Laban in, “Ngai in, na gen bang geih in hi hen aw,” achi hi. 35Huai nitak in keltal akang a gial leh akang a gial zekzek teng leh kelnu akang gial petmah a gial leh akang a gial zekzek teng akanna om peuhmah, belam lak a avom tengteng toh apituam a, atapate khut ah apia hi. 36Amah leh Jakob kikal ah ni thum lam a-omsak a; Jakob in Laban ganhon dangte aching nawn hi.
37Jakob in hiangzau sing leh makha sing leh sesing chiang hing ala a, ahawng akhokngou chiat a, chiangte ah angoute akilangsak hi. 38Achiang hawng khohte ganhonte'n tui ahong dawnna zel tuikuangte ah, tui luannate ah leh gantate mazawn zel ah akoih hi; tui dawn ding a ahong pai chiang ua againa ding un. 39Gantate chiangte ma ah agai panta ua, agialte, gial petmah a gialte, agial zekzekte hon neikhia uhi.
40Jakob in belamnoute akoihtuam a, ganhonte Laban ganhon lak a, agial leh avom tengteng lam angasak zel a; amah ganhonte akoihtuam zel a, Laban ganhon lak ah akoih kei hi.
41Huan hichi ahong hi a, gannu hatzawte ahuk chiang un, agaitheihna ding un Jakob in tuiluanna ah, ganhonte mitmuh in chiangte akoih zel hi.
42Himahleh gannu hatloute mai ah akoih kei hi. Anou hatloute Laban a ahi ua, ahatte Jakob a ahi zel uhi. 43Jakob nakpi in ahong pung a, ganhon thupitak, sikhanute, sikhapate, sangawngsaute leh sabiltungte aneita hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.