GENESIS 29
29
Jakob, Laban Inn Atung
1Huai nung in Jakob apai zel a, suahlam mite gam atungta hi. 2Huan a-etleh ngai in, gamlak ah tuileh ana om a, akiang ah belamhon thum akual uhi. Huai tuileh a kipan belamhonte, tui adawnsak uhi. Tuileh kong a suang om alian mahmah hi. 3Huai ah belamhon tengteng apaikhawm ua; tuileh kong a kipan suang akhuksuan ua, tuileh kong a, a-omna ngei ah suang akoih nawn uhi.
4Jakob in akiang uah, “Ka unaute aw, koilam mi na hi ua?” achi hi.
Amau, “Haran khomi ka hi uh,” achi uh.
5Ama'n akiang uah, “Nahor tapa Laban na thei kha uhia?” achi a; amau, “Thei e,” achi uhi.
6Ama'n akiang uah, “Dam lai ahi na maw?” achi a; amau, “Dam lai mah e, en in, atanu, Rakil leng belamte pi ding in ahong kuan,” achi uhi.
7Ama'n, “Ngai un, ni asang lai mahmah ngal a, ganhonte pikhawm leng ahun nai kei. Belamte tui dawnsak unla, va khah lai un,” achi hi. 8Amau, “Ka hihthei kei ding uh, belamhon tengteng apikhawm ua, tuileh kong a kipan suang a khuksuan mateng uh. Huai khit chiang in belamte tui ka dawnsak zel uh,” achi uhi.
9Amau ahoupih lai in Rakil, apa belamte toh ahong tung a; ama'n huai belamte achin zel ahi. 10Huan hichi ahong hi a, Jakob in anu sanggampa Laban tanu Rakil leh anu sanggampa Laban belamhon amuh in ava naih a, tuileh kong a kipan suang akhuksuan a, anu sanggampa belamte tui adawnsak hi. 11Jakob in Rakil atawp a, ngaihtak in akapta hi. 12Jakob in apa tanau nai leh Rebekah tapa ahihdan Rakil ahilh hi. Rakil atai a, apa ava hilhta hi. 13Huan hichi ahong hi a, Laban in asanggamnu tapa Jakob tanchin azaktak in, amah dawn ding in atai a, apom a, atawp a, a-inn ah apita hi. Jakob in hiai thu tengteng Laban ahilh hi. 14Laban in akiang ah, “Ka guh mah leh ka sa mah na hi,” achi hi. Huchi in akiang ah kha khat ataam hi.
Rakil Leh Leah Loh Ding In Jakob In Laban Nna Asem
15Huan Laban in Jakob kiang ah, “Ka tupa na hih ziak in amawk in ka nna na sem dia hia? Bang na loh dia? Hon hilh in,” achi hi. 16Laban in tanu nih anei a; a-upazaw min Leah ahi a, anaupangzaw min Rakil ahi. 17Leah mit anou a, Rakil bel chinou hoihtak ahi a, amel leng ahoih mahmah hi.
18Jakob in Rakil a-it a, “Na tanu naupangzaw Rakil toh kiteng ding in kum sagih nang nna ka hon sepsak ding,” achi hi.
19Laban in, “Amah ahihleh midang kiang a ka piak sang in nang kiang a ka piak mah ahoihzaw ve. Ka kiang ah om nilouh in,” achi hi. 20Jakob in Rakil kitenpih ding in kum sagih a-nna asepsakta hi. Himahleh Rakil a-it mahmah ziak in ni tam lou chik bang in athei hi.
21Jakob in Laban kiang ah, “Ka kithuahpih theihna ding in ka zi hon peta in, ka hun lah akimta ngal a,” achi hi. 22Laban in huai khua a mi tengteng akaikhawm vek a, ankuang alui hi. 23Huan hichi ahong hi a, khomial tung in atanu Leah api a, Jakob kiang ah apilut a; ama'n ana kithuahpih hi.
24Laban in atanu Leah kiang ah asikhanu ding in ama sikhanu Zilpah apia hi. 25Huan hichi ahong hi a, zingsang ahong hih in, ngai in, Leah ana hi maimah hi. Jakob in Laban kiang ah, “Ka tung a na thilhih bangchidan ahia? Rakil toh kiteng ding a na nna sem ka ahi kei maw? Bangziak a hon khem maimah na hia?” achi hi.
26Laban in, “Ka gam uah huchibang a ta upazaw ma a anauzaw piak ngeina ahi kei. 27Hiai minu' nipikal zou phot inla, huchi in kum sagih dang ka nna na sep zoh chiang in anauzaw leng ka hon pe ding,” achi hi.
28Jakob in huchibang in ahih a, anipikal azouta a; atanu Rakil azi ding in apeta hi. 29Laban in atanu Rakil kiang ah asikhanu ding in ama sikhanu Bilhah apia hi. 30Rakil leng akithuahpih a, Leah sang in Rakil a-itzaw a, Laban nna kum sagih dang asemta hi.
Jakob Tate
31 Toupa'n Leah pen huat in a-om chih athei a, asul ahonsak a; Rakil bel achiing hi. 32Leah agai a, tapa anei a, amin Reuben asa hi. “Toupa'n ka gimdan amuta. Tu'n zaw ka pasal in hon itta ding,” achi hi. 33Agai nawn a, tapa anei nawn a, “Toupa'n huat a ka om azak ziak in hiai leng ahon pia hi,” achi hi. Huchi in amin Simeon asa hi. 34Agai nawn a, tapa anei nawn a, “Tu in tapa thum ka neihsak ziak in, ka pasal in hon zuita ding,” achi hi. Huaiziak in amin Levi asa hi. 35Agai nawn a, tapa anei nawn a, “Tutung in zaw Toupa ka phat ding,” achi hi. Huaiziak in amin Judah asa a; ta anei nawn tadih kei hi.
ទើបបានជ្រើសរើសហើយ៖
GENESIS 29: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 29
29
Jakob, Laban Inn Atung
1Huai nung in Jakob apai zel a, suahlam mite gam atungta hi. 2Huan a-etleh ngai in, gamlak ah tuileh ana om a, akiang ah belamhon thum akual uhi. Huai tuileh a kipan belamhonte, tui adawnsak uhi. Tuileh kong a suang om alian mahmah hi. 3Huai ah belamhon tengteng apaikhawm ua; tuileh kong a kipan suang akhuksuan ua, tuileh kong a, a-omna ngei ah suang akoih nawn uhi.
4Jakob in akiang uah, “Ka unaute aw, koilam mi na hi ua?” achi hi.
Amau, “Haran khomi ka hi uh,” achi uh.
5Ama'n akiang uah, “Nahor tapa Laban na thei kha uhia?” achi a; amau, “Thei e,” achi uhi.
6Ama'n akiang uah, “Dam lai ahi na maw?” achi a; amau, “Dam lai mah e, en in, atanu, Rakil leng belamte pi ding in ahong kuan,” achi uhi.
7Ama'n, “Ngai un, ni asang lai mahmah ngal a, ganhonte pikhawm leng ahun nai kei. Belamte tui dawnsak unla, va khah lai un,” achi hi. 8Amau, “Ka hihthei kei ding uh, belamhon tengteng apikhawm ua, tuileh kong a kipan suang a khuksuan mateng uh. Huai khit chiang in belamte tui ka dawnsak zel uh,” achi uhi.
9Amau ahoupih lai in Rakil, apa belamte toh ahong tung a; ama'n huai belamte achin zel ahi. 10Huan hichi ahong hi a, Jakob in anu sanggampa Laban tanu Rakil leh anu sanggampa Laban belamhon amuh in ava naih a, tuileh kong a kipan suang akhuksuan a, anu sanggampa belamte tui adawnsak hi. 11Jakob in Rakil atawp a, ngaihtak in akapta hi. 12Jakob in apa tanau nai leh Rebekah tapa ahihdan Rakil ahilh hi. Rakil atai a, apa ava hilhta hi. 13Huan hichi ahong hi a, Laban in asanggamnu tapa Jakob tanchin azaktak in, amah dawn ding in atai a, apom a, atawp a, a-inn ah apita hi. Jakob in hiai thu tengteng Laban ahilh hi. 14Laban in akiang ah, “Ka guh mah leh ka sa mah na hi,” achi hi. Huchi in akiang ah kha khat ataam hi.
Rakil Leh Leah Loh Ding In Jakob In Laban Nna Asem
15Huan Laban in Jakob kiang ah, “Ka tupa na hih ziak in amawk in ka nna na sem dia hia? Bang na loh dia? Hon hilh in,” achi hi. 16Laban in tanu nih anei a; a-upazaw min Leah ahi a, anaupangzaw min Rakil ahi. 17Leah mit anou a, Rakil bel chinou hoihtak ahi a, amel leng ahoih mahmah hi.
18Jakob in Rakil a-it a, “Na tanu naupangzaw Rakil toh kiteng ding in kum sagih nang nna ka hon sepsak ding,” achi hi.
19Laban in, “Amah ahihleh midang kiang a ka piak sang in nang kiang a ka piak mah ahoihzaw ve. Ka kiang ah om nilouh in,” achi hi. 20Jakob in Rakil kitenpih ding in kum sagih a-nna asepsakta hi. Himahleh Rakil a-it mahmah ziak in ni tam lou chik bang in athei hi.
21Jakob in Laban kiang ah, “Ka kithuahpih theihna ding in ka zi hon peta in, ka hun lah akimta ngal a,” achi hi. 22Laban in huai khua a mi tengteng akaikhawm vek a, ankuang alui hi. 23Huan hichi ahong hi a, khomial tung in atanu Leah api a, Jakob kiang ah apilut a; ama'n ana kithuahpih hi.
24Laban in atanu Leah kiang ah asikhanu ding in ama sikhanu Zilpah apia hi. 25Huan hichi ahong hi a, zingsang ahong hih in, ngai in, Leah ana hi maimah hi. Jakob in Laban kiang ah, “Ka tung a na thilhih bangchidan ahia? Rakil toh kiteng ding a na nna sem ka ahi kei maw? Bangziak a hon khem maimah na hia?” achi hi.
26Laban in, “Ka gam uah huchibang a ta upazaw ma a anauzaw piak ngeina ahi kei. 27Hiai minu' nipikal zou phot inla, huchi in kum sagih dang ka nna na sep zoh chiang in anauzaw leng ka hon pe ding,” achi hi.
28Jakob in huchibang in ahih a, anipikal azouta a; atanu Rakil azi ding in apeta hi. 29Laban in atanu Rakil kiang ah asikhanu ding in ama sikhanu Bilhah apia hi. 30Rakil leng akithuahpih a, Leah sang in Rakil a-itzaw a, Laban nna kum sagih dang asemta hi.
Jakob Tate
31 Toupa'n Leah pen huat in a-om chih athei a, asul ahonsak a; Rakil bel achiing hi. 32Leah agai a, tapa anei a, amin Reuben asa hi. “Toupa'n ka gimdan amuta. Tu'n zaw ka pasal in hon itta ding,” achi hi. 33Agai nawn a, tapa anei nawn a, “Toupa'n huat a ka om azak ziak in hiai leng ahon pia hi,” achi hi. Huchi in amin Simeon asa hi. 34Agai nawn a, tapa anei nawn a, “Tu in tapa thum ka neihsak ziak in, ka pasal in hon zuita ding,” achi hi. Huaiziak in amin Levi asa hi. 35Agai nawn a, tapa anei nawn a, “Tutung in zaw Toupa ka phat ding,” achi hi. Huaiziak in amin Judah asa a; ta anei nawn tadih kei hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.