GENESIS 28
28
1Huan Isak in Jakob asam a, avualzawl a, thu leng apia a akiang ah, “Kanaan gam nungakte lak a mi zi in na nei ding ahi kei. 2Thou inla, Padan-aram gam a na nu pa Bethuel inn ah hoh inla, huai a kipan na nu sanggampa Laban tanute lak a mi zi in va nei in. 3Pathian Bangkim hihthei in hon vualzawl in, mipi tampite na hong hihtheihna ding in chi tampi hon suangsak in, hon pungsak hen. 4Mikhual na hihna gam, Pathian in Abraham kiang a apiak na luahna ding in Abraham vualzawlna leng hon tangsak hen, nang leh na suante leng,” achi hi. 5Huchi in Isak in Jakob asawlkhia hi. Huan ama'n Padan-aram gam a, Jakob leh Esau nu Rebekah sanggampa Siria mi Bethuel tapa, Laban kiang azuanta hi.
Esau In Zi Dang Anei
6Esau in, Isak in Jakob avualzawl a zi nei ding in Padan-aram gam ah asawlkhia, chih leh avualzawl lai a, Kanaan gam nungakte lak a mi zi in na nei ding ahi kei, 7chi in thu apia chih leh Jakob in anu leh apa thu mang in Padan-aram gam ah apaita chih athei hi. 8Esau in Kanaan gam nungakte'n apa Isak lung ahihkim kei uh chih athei hi. 9Ishmael kiang ah Esau ava hoh a, Abraham tapa Ishmael tanu, Nebajoth sanggamnu Mahalath, zi in anei a, zi aneihsate ban ah amah aneih behlap ahi.
Bethel A Jakob Mang
10Beer-sheba a kipan Jakob apawt a, Haran kholam azuanta hi. 11Koi lai mun hiam atung a, ni atum tak ziak in huai ah agiakta hi. Huai ah suang khat ala a; lukham in anei a, huai ah ihmu ding in alumta hi. 12Mang anei a, ngai in, leitung ah lei ahong kidoh a, adawn in van asun hi. Ngai in, atung ah Pathian angelte kahtou in akumsuk uhi. 13Ngai in, adawn ah Toupa adingh a, “Kei Toupa, na pu Abraham' Pathian leh Isak' Pathian ka hi. Na lupna gam nang leh na suante kiang ah ka hon pe ding. 14Na suante lei a leivui zah a tam ahi ding ua, tumlam, suahlam, mallam leh simlam ah na dalhzak ding uh. Nang ah leh na suan ah leitung a inkuan chih vualzawl in a-om ding uh. 15Ngai in, na kiang ah ka om, na paina peuh ah ka hon veng ding a, hiai gam ah ka hon pikik nawn ding. Na kiang a ka gen ka hih masak keileh ka hon nuse kei ding,” achi hi.
16Jakob ihmu ahong khanglou a, “Hiai mun ah Toupa a-om ngeingei hi. Ke'n lah ka na thei kei a,” achi hi. 17Huchi in alau a, “Hiai mun lauhuai hi na mai e! Hiai mun dang hilou in, Pathian inn na hi ei ve, hiai van kongpi na hi ei ve,” achi hi.
18Zingkhang in Jakob athou a, asuang lukham ala a, suangphuh in aphut a, adawn ah sathau abuak hi. 19Huai mun min Bethel asa a; akho min bel atung in Luz ahi.
20Jakob in, “Pathian ka kiang a om a, ka paina lampi a ahon ven a, nek ding tanghou leh silh ding puansilh Toupa'n ahon piak a, 21ka pa inn a lungmuangtak a ka hong pai nawnleh Toupa, ka Pathian ahi ding a, 22hiai suang ka phuh leng Pathian' inn ahi ding a; ka kiang a na hon piak ding tengteng a kipan sawm-a-khat ka hon pe ngeingei ding,” chi in akichiamta hi.
ទើបបានជ្រើសរើសហើយ៖
GENESIS 28: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 28
28
1Huan Isak in Jakob asam a, avualzawl a, thu leng apia a akiang ah, “Kanaan gam nungakte lak a mi zi in na nei ding ahi kei. 2Thou inla, Padan-aram gam a na nu pa Bethuel inn ah hoh inla, huai a kipan na nu sanggampa Laban tanute lak a mi zi in va nei in. 3Pathian Bangkim hihthei in hon vualzawl in, mipi tampite na hong hihtheihna ding in chi tampi hon suangsak in, hon pungsak hen. 4Mikhual na hihna gam, Pathian in Abraham kiang a apiak na luahna ding in Abraham vualzawlna leng hon tangsak hen, nang leh na suante leng,” achi hi. 5Huchi in Isak in Jakob asawlkhia hi. Huan ama'n Padan-aram gam a, Jakob leh Esau nu Rebekah sanggampa Siria mi Bethuel tapa, Laban kiang azuanta hi.
Esau In Zi Dang Anei
6Esau in, Isak in Jakob avualzawl a zi nei ding in Padan-aram gam ah asawlkhia, chih leh avualzawl lai a, Kanaan gam nungakte lak a mi zi in na nei ding ahi kei, 7chi in thu apia chih leh Jakob in anu leh apa thu mang in Padan-aram gam ah apaita chih athei hi. 8Esau in Kanaan gam nungakte'n apa Isak lung ahihkim kei uh chih athei hi. 9Ishmael kiang ah Esau ava hoh a, Abraham tapa Ishmael tanu, Nebajoth sanggamnu Mahalath, zi in anei a, zi aneihsate ban ah amah aneih behlap ahi.
Bethel A Jakob Mang
10Beer-sheba a kipan Jakob apawt a, Haran kholam azuanta hi. 11Koi lai mun hiam atung a, ni atum tak ziak in huai ah agiakta hi. Huai ah suang khat ala a; lukham in anei a, huai ah ihmu ding in alumta hi. 12Mang anei a, ngai in, leitung ah lei ahong kidoh a, adawn in van asun hi. Ngai in, atung ah Pathian angelte kahtou in akumsuk uhi. 13Ngai in, adawn ah Toupa adingh a, “Kei Toupa, na pu Abraham' Pathian leh Isak' Pathian ka hi. Na lupna gam nang leh na suante kiang ah ka hon pe ding. 14Na suante lei a leivui zah a tam ahi ding ua, tumlam, suahlam, mallam leh simlam ah na dalhzak ding uh. Nang ah leh na suan ah leitung a inkuan chih vualzawl in a-om ding uh. 15Ngai in, na kiang ah ka om, na paina peuh ah ka hon veng ding a, hiai gam ah ka hon pikik nawn ding. Na kiang a ka gen ka hih masak keileh ka hon nuse kei ding,” achi hi.
16Jakob ihmu ahong khanglou a, “Hiai mun ah Toupa a-om ngeingei hi. Ke'n lah ka na thei kei a,” achi hi. 17Huchi in alau a, “Hiai mun lauhuai hi na mai e! Hiai mun dang hilou in, Pathian inn na hi ei ve, hiai van kongpi na hi ei ve,” achi hi.
18Zingkhang in Jakob athou a, asuang lukham ala a, suangphuh in aphut a, adawn ah sathau abuak hi. 19Huai mun min Bethel asa a; akho min bel atung in Luz ahi.
20Jakob in, “Pathian ka kiang a om a, ka paina lampi a ahon ven a, nek ding tanghou leh silh ding puansilh Toupa'n ahon piak a, 21ka pa inn a lungmuangtak a ka hong pai nawnleh Toupa, ka Pathian ahi ding a, 22hiai suang ka phuh leng Pathian' inn ahi ding a; ka kiang a na hon piak ding tengteng a kipan sawm-a-khat ka hon pe ngeingei ding,” chi in akichiamta hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.