GENESIS 27
27
Isak In Jakob Avualzawl
1Huan hichi ahong hi a, Isak hong tek a, kho mu thei lou khop in amit ahong mialta hi. Atapa upazaw Esau asam a, akiang ah, “Ka tapa,” achi hi. Ama'n akiang ah, “Hiai ah ka om,” achi hi.
2Ama'n, “Ngai in, ka tek mahmahta a, ka sih ni ding lah ka thei kei hi. 3Tu in hehpih in na vanzat, na thaltang leh na thalpeu tawi in, va gamvak inla, sa hon va matsak in. 4Ka sih ma a ka hon vualzawl theihna ding in, ka duh lamtak in meh ding in limtak hon bawlsak inla, ka nek ding in ka kiang ah hon tawi in,” achi hi.
5Isak in atapa Esau ahoupih lai Rebekah in ana za hi. Sa beng a hon po ding in Esau agamvakta hi. 6Rebekah in atapa Jakob kiang ah, “Ngai in, na pa'n na u Esau kiang a athugen ka za. 7Sa hon puak inla, ka nek a ka sih ma a Toupa ma a ka hon vualzawlna ding in, meh limtak hon bawlsak in, chi ahi. 8Ka tapa, tu in ka hon thupiak bang in ka thu zui in. 9Ganhon lak ah va hoh inla, kelnou nih hoihtak, huai a kipan hon la in. Aduh lamtak in na pa a ding in meh limtak in huai ka na bawl ding. 10Asih ma a hon vualzawlsak ding in, anek ding in na pa kiang ah na va paipih ding ahi,” achi hi.
11Jakob in anu Rebekah kiang ah, “Ngai in, ka u Esau mimulhau ahi a, kei lah minel ka hi. 12Ka pa'n hon na zawt vialvial kha ding a, amah a ding in khempa ka hong hi dia, vualzawl gen tak louh hamsiat kizon lel ka hi kei ding maw,” achi hi.
13Anu'n akiang ah, “Ka tapa, ka tung ah na hamsiat muh ding tung hen. Ka thu zui inla, hon va lak in,” achi hi. 14Huchi in akuan a, ava la a, anu kiang ah apaipihta hi. Anu'n apa duh lamtak in meh limtak abawl hi. 15Rebekah in atapa upapen Esau puansilh hoihtak, akiang a inn a om ala a, atapa naupangzaw Jakob asilhsak hi. 16Huai ban ah kelnou vun leng akhut leh angawng nelna munte ah aphah hi. 17Meh limtak leh tanghou abawlte atapa Jakob khut ah apia hi.
18Amah apa kiang ah ava pai a, “Pa aw,” achi a; ama'n, “Hiai ah ka om, ka tapa, akua zaw pen na hia?” achi hi.
19Jakob in apa kiang ah, “Na tapa upazaw Esau ka hi; na hon sawl bang in ka hih khinta. Hehpih in thou inla, hon vualzawl ding in tu inla, ka samatsa ne in,” achi hi.
20Isak in atapa kiang ah, “Ka tapa, bangchidan ahia, hong man baih na tel chia?” achi a. Ama'n, “Toupa na Pathian in ahon lohchinsak ziak ahi,” achi hi.
21Isak in Jakob kiang ah, “Ka tapa, hehpih in hong pai nai dih, ka hon zawt vialvial ding, ka tapa Esau na hi na hiam,” achi hi. 22Jakob in apa Isak ava naih a; ama'n ana zawt vialvial a, “A-aw Jakob aw hiven, akhutte lah Esau khutte hiven,” achi hi. 23A-u Esau khut abang a, akhut amul ziak in amah atheitel kei hi. Huchi in amah avualzawlta hi. 24“Ka tapa Esau ngei na hi maw?” achi a; ama'n, “Hi e,” achi hi.
25Ama'n, “Hon tawi nai in, ka hon vualzawlna ding in ka tapa samatsa ka ne ding,” achi hi. Ahon tawi nai a, aneta a, uain leng ahon la a, huai leng adawn hi. 26Apa Isak in akiang ah, “Ka tapa hong pai nai in, hon tawp in,” achi hi. 27Ava naih a, atawp a, ama'n apuansilh gim aza a, avualzawl hi.
“En in, ka tapa gim Toupa
vualzawl gam gim bang ahi.
28Pathian in van daitui,
lei hoihna, buh tampi leh uain
tampi hon pia hen.
29Namte'n na nna
sem uhenla, na ma ah namte kun uhen.
Na unaute tung ah toupa in om inla;
na nu tapate na ma ah kun uhen.
Hon hamsiatte hamsiat in om uhenla,
hon vualzawl peuhmah
vualzawl in om hen,” achi hi.
Esau In Isak Vualzawlna Angen
30Huan hichi ahong hi a, Isak in Jakob avualzawl zohtak in, apa Isak kiang a kipan Jakob a pawtkhe man lel chih in a-unaupa, Esau sabeng ahong tung hi. 31Ama'n leng meh limtak abawl a, apa kiang ah, “Ka pa aw, hong thoukhia inla, na hon vualzawl theihna ding in na tapa samatsa neta in le,” achi hi.
32Apa Isak in akiang ah, “Kua na hia?” achi a; ama'n, “Na tapa, na tapa upazaw, Esau ka hi,” achi hi.
33Isak nakpi in aling zungzung a, “Sa va man a, ka kiang a, asa hon tawi, na hong tun ma a, ka na nek khit a, ka vualzawlpa kua ahia? Ahi, amah vualzawl in a-om ding,” achi hi.
34Esau in apa thugen azak in nakpitak leh khase mahmah in akapta a, apa kiang ah, “Pa aw, hon vualzawl in, kei leng hon vualzawl mahmah ve aw,” achi hi.
35Ama'n, “Na nau in ahong khem a, na vualzawlnate ahong laksakta,” achi hi.
36Ama'n, “Amin Jakob achih uh dik mahmah hilou hia? Nihvei ahon suanta; ka ta masa hihna ahon laksak a; ngai in, tu in ka vualzawlna ahon laksak nawnta,” achi hi. Amah mah in, “Kei a dia vualzawlna hon sitsak lou maw?” achi hi.
37Isak in adawng a, Esau kiang ah, “Ngai in, amah na toupa in ka bawlta, a-unau tengteng leng asikha ding in akiang ah ka pe vekta, buh leh uain in leng ka vakta hi. Nang a ding in, ka tapa, bang hon hihsak ding ka hia?” achi hi.
38Esau in apa kiang ah, “Pa aw, vualzawlna khat kia ahi maw na neih? Pa aw, kei leng hon vualzawl mahmah ve,” chi in ngaihtak in akapta hi.
39Huan apa Isak in adawng a, akiang ah,
“Ngai in, na tenna ding lei hoihna tak,
tunglam a kipan van daitui
kiakna mun ahi ding.
40Na namsau in ahi
na hin ding, himahleh na nau nna
na sem ding hi.
Hichi ahong hi ding a,
na kitutkhiak hun chiang in na ngawng a kipan ahakkol na singkheta ding,” achi hi.
41Apa'n Jakob avualzawl ziak in Esau in amudah hi. Esau in alungsim in, “Ka pa suun ni ding anaita a, huai khit chiang in ka nau Jakob ka that mai ding,” achi hi.
42Atapa upazaw Esau thugen Rebekah ahilh ua; ama'n mi asawl a, atapa naupangzaw Jakob asam a, akiang ah, “Ngai in, na u Esau in na tungthu ah, nang hon thah tum in akikhamuan hi. 43Huaiziak in ka tapa, tu in ka thu mang in. Thou inla, Haran a ka sanggampa Laban kiang ah va tai in. 44Na u hehna adaih mateng akiang ah ni bangzah hiam va om tadih in; 45na u hehna na tung a adaih a, atung a na thilhih amangngilh mateng. Huai chiang mi ka hon sawl ding a, huai a kipan ka hong pikhesak ding. Bangziak a ni khat thu a na nih ua hon chan tel ding ka hia?” achi hi.
Isak In Laban Kiang Ah Jakob Asawl
46Rebekah in Isak kiang ah, “Heth tanute ziak in hin ka chimtak mahmah. Jakob in hiai gam nungak, hiai Heth tanute lak a mi zi ding a aneih nawn ngial in zaw, kei a ding in hin bang phatuam ding ahia?” achi hi.
ទើបបានជ្រើសរើសហើយ៖
GENESIS 27: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 27
27
Isak In Jakob Avualzawl
1Huan hichi ahong hi a, Isak hong tek a, kho mu thei lou khop in amit ahong mialta hi. Atapa upazaw Esau asam a, akiang ah, “Ka tapa,” achi hi. Ama'n akiang ah, “Hiai ah ka om,” achi hi.
2Ama'n, “Ngai in, ka tek mahmahta a, ka sih ni ding lah ka thei kei hi. 3Tu in hehpih in na vanzat, na thaltang leh na thalpeu tawi in, va gamvak inla, sa hon va matsak in. 4Ka sih ma a ka hon vualzawl theihna ding in, ka duh lamtak in meh ding in limtak hon bawlsak inla, ka nek ding in ka kiang ah hon tawi in,” achi hi.
5Isak in atapa Esau ahoupih lai Rebekah in ana za hi. Sa beng a hon po ding in Esau agamvakta hi. 6Rebekah in atapa Jakob kiang ah, “Ngai in, na pa'n na u Esau kiang a athugen ka za. 7Sa hon puak inla, ka nek a ka sih ma a Toupa ma a ka hon vualzawlna ding in, meh limtak hon bawlsak in, chi ahi. 8Ka tapa, tu in ka hon thupiak bang in ka thu zui in. 9Ganhon lak ah va hoh inla, kelnou nih hoihtak, huai a kipan hon la in. Aduh lamtak in na pa a ding in meh limtak in huai ka na bawl ding. 10Asih ma a hon vualzawlsak ding in, anek ding in na pa kiang ah na va paipih ding ahi,” achi hi.
11Jakob in anu Rebekah kiang ah, “Ngai in, ka u Esau mimulhau ahi a, kei lah minel ka hi. 12Ka pa'n hon na zawt vialvial kha ding a, amah a ding in khempa ka hong hi dia, vualzawl gen tak louh hamsiat kizon lel ka hi kei ding maw,” achi hi.
13Anu'n akiang ah, “Ka tapa, ka tung ah na hamsiat muh ding tung hen. Ka thu zui inla, hon va lak in,” achi hi. 14Huchi in akuan a, ava la a, anu kiang ah apaipihta hi. Anu'n apa duh lamtak in meh limtak abawl hi. 15Rebekah in atapa upapen Esau puansilh hoihtak, akiang a inn a om ala a, atapa naupangzaw Jakob asilhsak hi. 16Huai ban ah kelnou vun leng akhut leh angawng nelna munte ah aphah hi. 17Meh limtak leh tanghou abawlte atapa Jakob khut ah apia hi.
18Amah apa kiang ah ava pai a, “Pa aw,” achi a; ama'n, “Hiai ah ka om, ka tapa, akua zaw pen na hia?” achi hi.
19Jakob in apa kiang ah, “Na tapa upazaw Esau ka hi; na hon sawl bang in ka hih khinta. Hehpih in thou inla, hon vualzawl ding in tu inla, ka samatsa ne in,” achi hi.
20Isak in atapa kiang ah, “Ka tapa, bangchidan ahia, hong man baih na tel chia?” achi a. Ama'n, “Toupa na Pathian in ahon lohchinsak ziak ahi,” achi hi.
21Isak in Jakob kiang ah, “Ka tapa, hehpih in hong pai nai dih, ka hon zawt vialvial ding, ka tapa Esau na hi na hiam,” achi hi. 22Jakob in apa Isak ava naih a; ama'n ana zawt vialvial a, “A-aw Jakob aw hiven, akhutte lah Esau khutte hiven,” achi hi. 23A-u Esau khut abang a, akhut amul ziak in amah atheitel kei hi. Huchi in amah avualzawlta hi. 24“Ka tapa Esau ngei na hi maw?” achi a; ama'n, “Hi e,” achi hi.
25Ama'n, “Hon tawi nai in, ka hon vualzawlna ding in ka tapa samatsa ka ne ding,” achi hi. Ahon tawi nai a, aneta a, uain leng ahon la a, huai leng adawn hi. 26Apa Isak in akiang ah, “Ka tapa hong pai nai in, hon tawp in,” achi hi. 27Ava naih a, atawp a, ama'n apuansilh gim aza a, avualzawl hi.
“En in, ka tapa gim Toupa
vualzawl gam gim bang ahi.
28Pathian in van daitui,
lei hoihna, buh tampi leh uain
tampi hon pia hen.
29Namte'n na nna
sem uhenla, na ma ah namte kun uhen.
Na unaute tung ah toupa in om inla;
na nu tapate na ma ah kun uhen.
Hon hamsiatte hamsiat in om uhenla,
hon vualzawl peuhmah
vualzawl in om hen,” achi hi.
Esau In Isak Vualzawlna Angen
30Huan hichi ahong hi a, Isak in Jakob avualzawl zohtak in, apa Isak kiang a kipan Jakob a pawtkhe man lel chih in a-unaupa, Esau sabeng ahong tung hi. 31Ama'n leng meh limtak abawl a, apa kiang ah, “Ka pa aw, hong thoukhia inla, na hon vualzawl theihna ding in na tapa samatsa neta in le,” achi hi.
32Apa Isak in akiang ah, “Kua na hia?” achi a; ama'n, “Na tapa, na tapa upazaw, Esau ka hi,” achi hi.
33Isak nakpi in aling zungzung a, “Sa va man a, ka kiang a, asa hon tawi, na hong tun ma a, ka na nek khit a, ka vualzawlpa kua ahia? Ahi, amah vualzawl in a-om ding,” achi hi.
34Esau in apa thugen azak in nakpitak leh khase mahmah in akapta a, apa kiang ah, “Pa aw, hon vualzawl in, kei leng hon vualzawl mahmah ve aw,” achi hi.
35Ama'n, “Na nau in ahong khem a, na vualzawlnate ahong laksakta,” achi hi.
36Ama'n, “Amin Jakob achih uh dik mahmah hilou hia? Nihvei ahon suanta; ka ta masa hihna ahon laksak a; ngai in, tu in ka vualzawlna ahon laksak nawnta,” achi hi. Amah mah in, “Kei a dia vualzawlna hon sitsak lou maw?” achi hi.
37Isak in adawng a, Esau kiang ah, “Ngai in, amah na toupa in ka bawlta, a-unau tengteng leng asikha ding in akiang ah ka pe vekta, buh leh uain in leng ka vakta hi. Nang a ding in, ka tapa, bang hon hihsak ding ka hia?” achi hi.
38Esau in apa kiang ah, “Pa aw, vualzawlna khat kia ahi maw na neih? Pa aw, kei leng hon vualzawl mahmah ve,” chi in ngaihtak in akapta hi.
39Huan apa Isak in adawng a, akiang ah,
“Ngai in, na tenna ding lei hoihna tak,
tunglam a kipan van daitui
kiakna mun ahi ding.
40Na namsau in ahi
na hin ding, himahleh na nau nna
na sem ding hi.
Hichi ahong hi ding a,
na kitutkhiak hun chiang in na ngawng a kipan ahakkol na singkheta ding,” achi hi.
41Apa'n Jakob avualzawl ziak in Esau in amudah hi. Esau in alungsim in, “Ka pa suun ni ding anaita a, huai khit chiang in ka nau Jakob ka that mai ding,” achi hi.
42Atapa upazaw Esau thugen Rebekah ahilh ua; ama'n mi asawl a, atapa naupangzaw Jakob asam a, akiang ah, “Ngai in, na u Esau in na tungthu ah, nang hon thah tum in akikhamuan hi. 43Huaiziak in ka tapa, tu in ka thu mang in. Thou inla, Haran a ka sanggampa Laban kiang ah va tai in. 44Na u hehna adaih mateng akiang ah ni bangzah hiam va om tadih in; 45na u hehna na tung a adaih a, atung a na thilhih amangngilh mateng. Huai chiang mi ka hon sawl ding a, huai a kipan ka hong pikhesak ding. Bangziak a ni khat thu a na nih ua hon chan tel ding ka hia?” achi hi.
Isak In Laban Kiang Ah Jakob Asawl
46Rebekah in Isak kiang ah, “Heth tanute ziak in hin ka chimtak mahmah. Jakob in hiai gam nungak, hiai Heth tanute lak a mi zi ding a aneih nawn ngial in zaw, kei a ding in hin bang phatuam ding ahia?” achi hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.