GENESIS 26
26
Gerar Ah Isak Ateng
1Huan Abraham dam lai a kial ke masapen chih louh, huai gam ah kial ahong ke nawn a, Philistiate kumpipa Abimelek kiang ah Gerar ah Isak ava hohsuk hi. 2Akiang ah Toupa ahong kilak a, “Aigupta gam ah hohsuk ke'n. K'on hilh ding gam ah teng in. 3Hiai gam ah om tadih inla, na kiang ah ka om ding a, ka hon vualzawl ding hi. Hiai gam tengteng nang kiang leh na suante kiang a pia in, na pa Abraham kiang a ka kichiamna ka hihkip ding hi. 4Van a aksi zah in na suante ka pungsak ding a, hiai gam tengteng na suante kiang ah ka pe lai ding hi. Na suan ah leitung a nam tengteng vualzawl in a-om ding uh.
5“Abraham in ka thu amang a, ka thuhilhte, ka thupiakte, ka dan thusehte leh ka dante azuih ziak in,” achi hi.
6Huchi in Gerar ah Isak ateng hi. 7Huai khua a mite'n azi tungtang adong ua; ama'n, “Ka sanggamnu ahi,” achi hi. Amel ahoih ziak in hiai khua a mite'n Rebekah ziak in hon that kha ding uh, chi in “Ka zi ahi,” achi ngamta kei hi. 8Hichi a, huai a sawtpi a-om nung in, Philistiate kumpipa Abimelek in tohlet a kipan a-en a, ngai in, Isak in azi Rebekah athoh lai amuta hi. 9Abimelek in Isak asam a, “Ngai in, amah na zi ahi mah vele. Bangziak a ka sanggamnu ahi, chi maimah na hia?” achi hi. Isak in akiang ah, “Amah ziak in ka si kha ding ka chih ziak ahi,” achi hi.
10Abimelek in, “Ka tung ua na thilhih bangchidan ahia? Mite lak a mi kuapeuh in na zi kithuahpih kha thei uh akei maw, ka tung uah siamlouhna na hon tungsak dek vele,” achi hi. 11Abimelek mah in, “Kuapeuh hiai mi hiam, azi hiam, khoih, hihlup ngeingei ding ahi,” chi in mi tengteng thu apia hi.
12Isak in huai gam ah buh aching a, huai kum in aleh za anei a, Toupa'n avualzawl hi. 13Ahong thupi mahmah a, nakpitak a mithupi hong suak hial in ahong lian huaihuai hi. 14Belamhon leh bawnghon anei a, inkuan leng tampi anei a, huaiziak in Philistiate'n amah ahaza uhi. 15Apa Abraham dam lai a, apa sikhate'n tuileh atoh tengteng uh Philistiate'n ahudim ua, lei in ahihdim vek uhi.
16Abimelek in Isak kiang ah, “Ka kiang ua kipan paimang in, kou sang in lah na hatzaw ngal a,” achi hi. 17Huai a kipan Isak apawtkhia a, Gerar Phaizang ah puanin akai a, huai ah atengta hi. 18Isak in apa Abraham dam lai a tuileh atohte uh atou nawn a; Abraham sih nung in Philistiate'n lah ana hudim vek ngal ua. Apa'n amin ana sak bangbang in amin asa chiat hi.
19Isak sikhate'n phaizang ah atou ua, huai ah tuileh nak nei amu uhi. 20Gerar a ganpute'n, “Kou tui ahi,” chi in Isak ganpute toh akisel ua, amah toh akisel ziak un tuileh min Eshek asata hi. 21Tuileh dang atou nawn ua; huai leng tuhkhiak tum in akiselpih nawn zel ua; amin Sitnah asa hi. 22Huai a kipan akisuan a, tuileh dang atou nawn hi. Huai ahihleh tuhkhiak tum in asubuai nawn ngal kei uhi. Tu in, “Toupa'n mun lianpi ahon bawlsakta a, hiai gam ah chi tampi i suang ding uh,” chi in amin Rehoboth asa hi.
23Huai a kipan Beer-sheba ah ahohtou hi. 24Huai zan mah in akiang ah Toupa akilak a, “Kei, na pa Abraham' Pathian ka hi. Lau ke'n, na kiang ah ka om hi. Ka hon vualzawl ding a, ka sikha Abraham ziak a na suante pungsak ding ka hi,” achi hi. 25Huai mun ah maitam adoh a, Toupa min alou a, huai ah apuanin leng akai hi. Isak sikhate'n huai ah tuileh atou nawn uhi.
Isak Leh Abimelek Kithukimna
26Gerar a kipan Abimelek, alawm Ahuzzath leh sepaih pawl heutu Phikol toh akiang ah ahoh uhi. 27Isak in akiang ah, “N'on ngai kei ua, na kiang ua pan na hon paimangsak ngal ua, bangchidan in ahia ka kiang a na hong pai uh?” achi hi.
28Amau, “Na kiang ah Toupa a-om chih chiantak in ka thei ua, i kikal uah, kou leh nangmah kikal ah kichiam in thu i khung ding uh. 29Na zakdah ka hih ngei louh bang ua, thil hoih kia lou ngal na tung a ka hih louh ua, hoihtak a ka hon paimangsak bang un; nang leng ka siatna ding himhim uh na hihlouhna ding in. Tu in nang Toupa vualzawl na hita,” achi uhi. 30Huan amaute a ding in ankuang aluisak a, ne in adawn uhi. 31Zingsang in beltak in athou ua, akichiamtuah uhi. Isak in amau apaisak a, akiang a kipan khamuangtak in apawtta uhi. 32Huan hichi ahong hi a, huai ni mah in Isak sikhate ahong pai ua, tuileh toh thu ahong hilh ua, akiang ah, “Tui ka muta uh,” achi uhi. 33Ama'n huai tuileh Shebah asa hi. Huaiziak in tutan in huai kho min Beer-sheba akichi lai hi.
Esau Namdang Zite
34Esau kum sawmli a upa ahih in, Hit mi Beeri tanu Judith leh Hit mi Elon tanu Basemath zi in anei hi. 35Huaite Isak leh Rebekah lunggimnate ahi uhi.
ទើបបានជ្រើសរើសហើយ៖
GENESIS 26: PAITBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 26
26
Gerar Ah Isak Ateng
1Huan Abraham dam lai a kial ke masapen chih louh, huai gam ah kial ahong ke nawn a, Philistiate kumpipa Abimelek kiang ah Gerar ah Isak ava hohsuk hi. 2Akiang ah Toupa ahong kilak a, “Aigupta gam ah hohsuk ke'n. K'on hilh ding gam ah teng in. 3Hiai gam ah om tadih inla, na kiang ah ka om ding a, ka hon vualzawl ding hi. Hiai gam tengteng nang kiang leh na suante kiang a pia in, na pa Abraham kiang a ka kichiamna ka hihkip ding hi. 4Van a aksi zah in na suante ka pungsak ding a, hiai gam tengteng na suante kiang ah ka pe lai ding hi. Na suan ah leitung a nam tengteng vualzawl in a-om ding uh.
5“Abraham in ka thu amang a, ka thuhilhte, ka thupiakte, ka dan thusehte leh ka dante azuih ziak in,” achi hi.
6Huchi in Gerar ah Isak ateng hi. 7Huai khua a mite'n azi tungtang adong ua; ama'n, “Ka sanggamnu ahi,” achi hi. Amel ahoih ziak in hiai khua a mite'n Rebekah ziak in hon that kha ding uh, chi in “Ka zi ahi,” achi ngamta kei hi. 8Hichi a, huai a sawtpi a-om nung in, Philistiate kumpipa Abimelek in tohlet a kipan a-en a, ngai in, Isak in azi Rebekah athoh lai amuta hi. 9Abimelek in Isak asam a, “Ngai in, amah na zi ahi mah vele. Bangziak a ka sanggamnu ahi, chi maimah na hia?” achi hi. Isak in akiang ah, “Amah ziak in ka si kha ding ka chih ziak ahi,” achi hi.
10Abimelek in, “Ka tung ua na thilhih bangchidan ahia? Mite lak a mi kuapeuh in na zi kithuahpih kha thei uh akei maw, ka tung uah siamlouhna na hon tungsak dek vele,” achi hi. 11Abimelek mah in, “Kuapeuh hiai mi hiam, azi hiam, khoih, hihlup ngeingei ding ahi,” chi in mi tengteng thu apia hi.
12Isak in huai gam ah buh aching a, huai kum in aleh za anei a, Toupa'n avualzawl hi. 13Ahong thupi mahmah a, nakpitak a mithupi hong suak hial in ahong lian huaihuai hi. 14Belamhon leh bawnghon anei a, inkuan leng tampi anei a, huaiziak in Philistiate'n amah ahaza uhi. 15Apa Abraham dam lai a, apa sikhate'n tuileh atoh tengteng uh Philistiate'n ahudim ua, lei in ahihdim vek uhi.
16Abimelek in Isak kiang ah, “Ka kiang ua kipan paimang in, kou sang in lah na hatzaw ngal a,” achi hi. 17Huai a kipan Isak apawtkhia a, Gerar Phaizang ah puanin akai a, huai ah atengta hi. 18Isak in apa Abraham dam lai a tuileh atohte uh atou nawn a; Abraham sih nung in Philistiate'n lah ana hudim vek ngal ua. Apa'n amin ana sak bangbang in amin asa chiat hi.
19Isak sikhate'n phaizang ah atou ua, huai ah tuileh nak nei amu uhi. 20Gerar a ganpute'n, “Kou tui ahi,” chi in Isak ganpute toh akisel ua, amah toh akisel ziak un tuileh min Eshek asata hi. 21Tuileh dang atou nawn ua; huai leng tuhkhiak tum in akiselpih nawn zel ua; amin Sitnah asa hi. 22Huai a kipan akisuan a, tuileh dang atou nawn hi. Huai ahihleh tuhkhiak tum in asubuai nawn ngal kei uhi. Tu in, “Toupa'n mun lianpi ahon bawlsakta a, hiai gam ah chi tampi i suang ding uh,” chi in amin Rehoboth asa hi.
23Huai a kipan Beer-sheba ah ahohtou hi. 24Huai zan mah in akiang ah Toupa akilak a, “Kei, na pa Abraham' Pathian ka hi. Lau ke'n, na kiang ah ka om hi. Ka hon vualzawl ding a, ka sikha Abraham ziak a na suante pungsak ding ka hi,” achi hi. 25Huai mun ah maitam adoh a, Toupa min alou a, huai ah apuanin leng akai hi. Isak sikhate'n huai ah tuileh atou nawn uhi.
Isak Leh Abimelek Kithukimna
26Gerar a kipan Abimelek, alawm Ahuzzath leh sepaih pawl heutu Phikol toh akiang ah ahoh uhi. 27Isak in akiang ah, “N'on ngai kei ua, na kiang ua pan na hon paimangsak ngal ua, bangchidan in ahia ka kiang a na hong pai uh?” achi hi.
28Amau, “Na kiang ah Toupa a-om chih chiantak in ka thei ua, i kikal uah, kou leh nangmah kikal ah kichiam in thu i khung ding uh. 29Na zakdah ka hih ngei louh bang ua, thil hoih kia lou ngal na tung a ka hih louh ua, hoihtak a ka hon paimangsak bang un; nang leng ka siatna ding himhim uh na hihlouhna ding in. Tu in nang Toupa vualzawl na hita,” achi uhi. 30Huan amaute a ding in ankuang aluisak a, ne in adawn uhi. 31Zingsang in beltak in athou ua, akichiamtuah uhi. Isak in amau apaisak a, akiang a kipan khamuangtak in apawtta uhi. 32Huan hichi ahong hi a, huai ni mah in Isak sikhate ahong pai ua, tuileh toh thu ahong hilh ua, akiang ah, “Tui ka muta uh,” achi uhi. 33Ama'n huai tuileh Shebah asa hi. Huaiziak in tutan in huai kho min Beer-sheba akichi lai hi.
Esau Namdang Zite
34Esau kum sawmli a upa ahih in, Hit mi Beeri tanu Judith leh Hit mi Elon tanu Basemath zi in anei hi. 35Huaite Isak leh Rebekah lunggimnate ahi uhi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.